▪️🕌مراسم ختم جوان(محلی مازنی) گلی ره غم بیته درننه صدا /آه پسر ته مار بمیره بهووم پسرجان شه سرِ بلا خور بیاردنه دوسّ ورفقا تصادف هاکرده ته خاره ریکا بشتوسّمه پسر با سر دَکِتا خون بمو ته سر و ته بوردی کُما بشتوسمه دس وپا بزّو پسر شه جانه مار ره صدا بزّو پسر دل ناشتمه پسر بوری سرد خنه بخسی جوونی تاریکِ خنه پسر تازه جوون ننه تِنِه دور چطی هارشم بختی دله گور مه آرزو همه برباد بهیعه مه جانه پسرو داماد نهیعه جار بزنین بیعن دوس ورفقون حجله بزنن توسّه خیابون مجمه سر بیرن و بیعن قورستون رفق پرس بمونه تسّه مهمون الهی هیچ کسِ جوون نمیره جوون بمونده سر انجوم بعیره جوون بمرد دل شونه کربلا یاد اکبر کفنه یادِ مولا بمو مولا پسرِ نعشِ بالا بدیعه اکبر بیّه ارباً اربا (صفا )داغ جوون مارّه کشنه تا زندوعه ونه نواجش انه