🍂تقدیم به همه مادران بخصوص مادران خفته در خاک🍂 #مادر پارلادان باغریما هر لحظه ایشیق ، آی تک آنام       نازلی بیر حور و ملک ، ایسته ملی،گویچک آنام آی منیم سئوملی آغ بیرچک آنام بیرده نازلان باشیما ال چک آنام منیم آی گول کیمی ایستکلی گوزل نازلی مامانیم دولانان شاه داماریمدا شرفیم قرمزی قانیم  نفسیم ، وارلی سسیم ، آی اوجا بیر نام و نشانیم سنه قربان اولا جانیم. سن منیم قلبیمین آرخیندا آچان سویملی ،یاپراقلی ، طراوتلی گولوم سن بیرده آغزیمدا شیرین شهدی لی شهرتلی دیلیم سن دایاغیم آرخام ائلیم سن آخشام آهسته چکن توکلریمه نازیله ال شانه سی سن سن بالا بوی آتدیغیجا شمع جمالینده یانان سئوگلی پروانه سی سن سن دلی دیوانه سی سن سن ائلی کاشانه سی سن سن سارالان آی کیمی آخشام چاغی دنیانی ایشیقلاندیرانیم سان سحر اولدوزلاری تک صبح چراغین اویانوب یاندیرانیم سان منه بیردنیا محبت  ساتانیم سان  سن منیم روح و جانیم سان  گجه قوشلاری سالان های زمانیندا منه لای لای اوخیوردون . اورگون قانیله یور غون چاغی ، یوندان منه پالتار توخیوردون ساری گول تک نه گوزل نشئه لی بیر ای قوخیوردون صبح آچیلماق زمانی گوللریله سنده گولیدون آغلایان وقته گلوب گوز یاشیمی نازلا سیلیدون  اورگین غصه سینی ، دردینی ، همیشه بیلیدون  بیزه چوخ خدمت ایلیدون بیزی یوز نازیله آخشام دوشه گون اوسته سالیدون بیز یاتینجاق باشیمیز اوسته اویاق چوخلی قالیدون بو ایشه سن نه آلیدون؟ فقط اولدوز کیمی تا صبحه کیمی هی سارالیدون باشیم اوستینده منور کیمی همیشه یانیدون گجه من آغلامامیش سن یوخودان تیز اویانیدون منه خاطر باشیمین اوسته اویاق صبح آچیلینجا دایانیدون غصه لر رنگینه هرگون بویانیدون نقدر غمده یانیدون یخیلان وقته اوشاقلیقدا یره ،تیز باشیمی سینوه نازیله قوییدون او محبتلی الونن ازیلن قیچلاریمی آرام اوییدون گوزیمی بوس ایله مکدن مگر آخرده دوییدون اورگیمدن کدری، دردی سوییدون هارداسان بیر گله سن باشیوه پروانه کیمی هی دولانام من ارییب شمع کیمی شوقیله عشقونده یانام من قدریوی اوندا بیلوب بلکه قانام من قیزاروب بیر اوتانام من هارداسان بیرده قویام باشیمی من سینه وون اوسته سنه تقدیم ایلییم باغچالارون گوللرینی دسته به دسته ای اولان رنج زماندان گجه گوندوزلری خسته اورگی ، قلبی شکسته او زمانان کی آپاردی سنی تانری گوزه لی، باغلی بهشته بیزیم ایودن قیریلوب هرنه محبتلی واریدی آسیلان عشقیله رشته چون که دای یوخدی فرشته بیلورم اوردا بهشتون وسطینده گنه چوخ غملی اولیسان بیزی محنتلی گورنده سارالان گول کیمی حسرتله سولیسان غصه یه درده دولیسان باخیب افسوسیله غمگین گنه ساچلاری  یولیسان ولی ای نازلی فرشته بو قدر بسدی داریخما بیزه خاطر او محبتله دولان قلبیوی هی سینه ده سیخما اوردا حسرتله بیزیم گونلره باخما ارییب شمع کیمی آخما ارییب شمع کیمی آخما ✍علی عبادالهی « روشن »                       کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy ✨اَللّهُمَّ عَجِّل لِوَلیِّکَ الفَرَج✨