نوحه شهدای حرم ✍شعراز : استاد کلامی زائران حرم شاه چراغ گیتدیلر شاه شهیدانه قوناق آه یاصاحب زمان گل هرایه هارداسان دشمنین بیل هدف و نیتنی وطنین حفظ ایله امنیتنی سیندیرو بلار حرمین حرمتنی یاحسین له دولوب ایوان و رواق ---------------------- ای دل ایسلات یوزیوی گوز یاشینا یان غریب الغربا قارداشینا قوناقین دگدی گلوله باشینا فان توکولدی یره گوزلردن ایراق --------------------------- کیمده دین اولسا جسارت ایلمز اهل طغیانیله الفت ایلمز شیعه هشیاریدی غفلت ایلمز وحدته ضربه ورور قوم نفاق ---------------------------- آییق ایرانیلارین عزتی وار آقاسی حیدریلن بیعتی وار همی مظلومیدی هم قدرتی وار شهدادن چکیلیب دللره داغ ------------------------------ سسله عباسی گله نصرت ایده شیعه دن دفع غم و محنت ایده دشمن ایستور حرمی غارت ایده بیر بیره یار اولون ای اهل وفاق -------------------------- فتنه باشلاندی اورک قان اولسون سوگوار امت ایران اولسون باعثین خانه سی ویران اولسون دوشمروق بیز ره قرآننان اوراق --------------------------- بیز ولایت علمین ساخلامیشوخ یاریله عهد وفا باغلامیشوخ یا حسین ذکر ایلیوب آغلامیشوخ یاندیروب قلبمیزی داغ فراق ------------------------------ ✍شعر از استاد: کلامی زنجانی #شاهچراغ کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy