بنام خدا 🍂زبانحال حضرت زینب سلام الله علیها در فراق حضرت زهرا سلام الله علیها🍂 «سینه زنی و زنجیر زنی» "" "" "" یا فاطمه غموندا ارض و سما قان آغلور زینب اولوب پریشان بوغمده سینه داغلور اوخشور دیور خدایا اولدی خزان بهاریم گئتدی انام الیمدن اول غملی غمگساریم صبریم گولی سارالدی زار اولدی قلب زاریم باشه قرا سالوم من ای وای یارالی مادر سنسیز نجه قالوم من ای وای یارالی مادر "" "" "" " گوردوم قاپی یاناندا قانه بویاندی دیوار آهون اوجالدی عرشه سینووی یاردی میسمار بیرآن او لحظه گویا چرخ زمان دایاندی یاس توت دی ماسوالر عالم قانا بویاندی اول دم منیمده مادر قلبیم قان اولدی یاندی باشه قرا سالوم من ای وای یارالی مادر سنسیز نئجه قالوم من ای وای یارالی مادر "" "" "" " سندن سورا حسینه عالم اولوب دی زندان آرام و ساکت اولمور مادر او ماه تابان خلوت سراده آغلور اوغلون حسن سراسر قلب جهانی داغلور کلثوم او غملی خواهر جانیم چیخار منیمده هجروندا اول آخر باشه قرا سالوم من ای وای یارالی مادر سنسیز نئجه قالوم من ای وای یارالی مادر "" "" "" "" مادر سنون فراقون ایلوب آتامی بی جان اوج ایلور عرشه آهی آغلور خفاده هرآن سندن سورا اونون یوخ بیرآیری غمگساری مادر اونون سنیدون هم داری هم نداری دردین دئیور اوچاهه اشکین ائدیر او جاری باشه قرا سالوم من ای وای یارالی مادر سنسیز نئجه قالوم من ای وای یارالی مادر "" "" "" "" فاخر قلم گر اولسا اشجار کل عالم دریالر اولسا جوهر بیرآن قاریش سا باهم بو غملی ماجرانین وصفین بیان ائده نمز سر بو ماجرانی بی شک عیان ائدنمز هئچ غم بوغمجه والاه اشکی روان ائده نمز 🖊استاد مسلم فرتوت فاخر #نوحه_حضرت_زهرا_سلام_الله کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy