🍂(در احوالات حضرت موسی ابن جعفر و گریز به قتلگاه)🍂 سوز غریبانه گزور حال عجیب آختارورام چارسیز دردیمه عالمده طبیب آختارورام اهل دل گوشه‌ی زنداندا غریب آختارورام بیلورم سائله وار لطفی دعا ایلر آقا هیچ کیمی رد ایلمز درده دوا ایلر آقا دهریده عشقیله عالم بویی رایج دور آدی بونی دنیا بیلور هر درده نتایج دور آدی آقاما قربان اولوم باب الحوائج دور آدی کیم دوشه درگهینه عمریده پاینده اولار جسم بی جانه نظر ایتسه یقین زنده اولار هفتمین اختر تابنده، ئوزی رکن حیات ایکی عالمده اولوب مایه‌ی فخر و برکات قاپیسین کیم دوگه حتما تاپار عالمده نجات سائل درگهی عمرینده چوخ عزت قازانار سنگ بی ارزش اگر اولسادا قیمت قازانار آدی موسا لقبی حضرت کاظم ئوزی نور کیم اولا منکر بو نور اولاجاق دیده‌سی کور بیزه گر ویرسه گوزل مرقدینه اذن حضور او گوزل صحنی دولانوخ دییروخ یا زهرا یاراشیق سینه وروب سسلنروخ یا زهرا حرمین اهل نظر ملجا عرفان ایلیوب بو سوزی خامه‌ی خامیم بئله‌ اعلان ایلیوب اوغلونو حضرت حق نعمت ایران ایلیوب لطف ایده مرحمتین روحیمه ریحان بیلرم حضرت کاظمی هر دردیمه درمان بیلرم شکر اولا لطف الهی ائله شامل بیزه نظر حضرت کاظم بودی حاصل بیزه آدی بو دهریده حلاّل مشاکل بیزه ساغر جانیمی دولدوردی محبتله بو سوز ولی غربتده ئولن حالینه چوخ آغلادی گوز قلبمی یاندیروب عالمده بو سوز اهل عزا بیر قوجا سیدی زنجیره چکوب قوم جفا اولمادی بیر کسی تا گوزلرینی باغلاماقا وار یری عالمی محزون ایده ایندی بو سخن ردی قان لخته سالوب بوینونا زنجیر و رسن گوشه‌ی غربت زنداندا نه لر اولدی عجب بو غم و محنتیلن گوزلریمیز دولدی عجب گلشن عمری او مولانون او دم سولدی عجب چوخ دوشر محنته هر قصه‌ی هجراندا غریب جان ویروب حضرت کاظم دل زنداندا غریب روضه‌سی گرچه هامی قلبیلره تیر اولدی بیر سوز اما هامیدان چوخلی نفس گیر اولدی آقانین همدمی بوینونداکی زنجیر اولدی خوش گون عالمده او مولایه ندن اولدی حرام یازیلوب گوشه‌ی زنداندا غریب ئولدی آقام سوزی چکدی قلمیم گوشه‌ی زندانه طرف گوردی چوخ ضربه دگور حضرته هریانه طرف یازدی بو نوعی سخن امت قرانه طرف یوخ دیین سِنده که وجدان قفسین شیرینی آچ وروسان وور ولی بوینونداکی زنجیرینی آچ گرچه جان ویردی فنا دهریده تنها او امام دفتر عمری غریبانه اونون اولدی تمام یاندیروب قلب احبانی چوخ اما بو کلام هرنه ده اولدی واریدی بدنینده کفنی قالدی ارباب لب عطشان قوری یرده بدنی قیزدیریب گون یاراسیندان توکلور هر یره قان چکمه‌لی سینه‌سی اوسته اوتوروب شمر اوزمان یوخ دیین شوم جفاکاره قوتار بسدی اوتان گورو سن یارلی دی رحم ایلمه زهرا باخیری گوزونون یاشینی هر یاریه مرهم یاخیری... یازما ال ساخلا قلم ایتمه دل و جانی کباب یاز فقط گون بدنی اوسته نجه سالدی نقاب داشلاریندا اوچولون اولمادی بو محنته تاب ولی بیر عده جفا قوردولا غم سلسله‌سین بیر حالا دوشدی که زهرا اوزمان آچدی سسین دیدی اوغلوم یارالار جسمیوه گل نقشی قوروب چوخ دگوب یاره اودی گول بدنون یاره یوروب نیلیوم سینه‌وین اوسته او جفاکار اوتوروب چوخ داریخما ولی من چاروی الان ایدرم سنی آغوشه چکوب یاروه درمان ایدرم‌.... چکدی بازار غمه شعری قلم دولدی گوزوم روضه‌ی شاه شهیده نجه عالمده دوزوم ساخلا ال یازما (زمانی) سنه وار بوردا سوزوم یاز بونی اهل بلا قلبیلری داغلادیلار ئولدوبلر او شهی ئوزلریده آغلادیلار ✍شاعر: علیرضازمانی‌ #شهادت_امام_کاظم_علیه_السلام لینک کانال👇 http://eitaa.com/torkiy ---•••◇🔹️💢🔹️◇•••--- @torkiy