🏴رحلت جانسوز حضرت خدیجه سلام الله علیها🏴 چکن درد محبانی آنام لای لای آنام ایوای ائدن افسرده طاهانی آنام لای لای آنام ایوای سنون تک کیمدی دنیاده دوزن هرجور وایذایه بیر عمری قلبیدن یاندون دل آچدون حی یکتایه الهی قیل عنایت سن رسول شاه بطحایه ائدن دلشاد او مولانی آنام لای لای آنام ایوای فراقون ائلییب حتی بابام پیغمبری نالان گلنده منزله دائم گورو ربوشدی یرون هرآن توکور اشگین یوزه آغلور امام عالم امکان اولان ای قلبی سوزانی آنام لای لای آنام ایوای یتیم ائتدون منی آز سنیده ای معرفت کانی گئجه گوندوز فراقوندا ائدر زهرا دل افغانی کیمه اعلان ائدیم دل دردیمی دنیاده بیرآنی قویان تنها بو نالانی آنام لای لای آنام ایوای نه وار باجیم نه قارداشیم فلک ائتدی منی تنها منی آغلار قویوب گئتدون اولار عالم منه غوغا گئجه گوندوز آتام سویلور محنده صبرائله زهرا دئمه بوذکری هرآنی آنام لای لای آنام ایوای گلستانیم آنا سنسیز جهاندا گل کیمی سولدی فراقینده گوزوم ابر بهاران ابری تک دولدی بو قدر وار آنا گئتسه هر ائوده قز غریب اولدی توکر اشگ فراوانی آنام لای لای آنام ایوای بهشتی یاز آنام گئتدی منی ائتدی پریشانی بعقیده گاهی منزلده ائدور اطفال افغانی خصوصا هیئت زینب قوروبدی بزم نالانی دییولله دیده گریانی آنام لای لای آنام ایوای التماس دعا ✍شاعر اهلبیت اطهار ع غلامرضا بهشتی #وفات_حضرت_خدیجه_سلام_الله_علیها لینک کانال👇 http://eitaa.com/torkiy ---•••◇◇•••--- @torkiy