بنام خداوند رحمان و رحیم (( حجاب ؟! )) جلال محمدی: آبرونی عفتی شرم و حیانی داندیلار بندهء شیطان اولوب حکم خدانی داندیلار ملک پور: گوئیا اهل سقیفه بیرده شورا قوردولار حکم برحقّ غدیری مرتضانی داندیلار فاطمه بیر مرداعمادن ئوزون محجوب ائدوب تابع شیطانیلر خیرالنّسانی داندیلار حضرت زینب اسیرلیقدا حجابین ساخلادی بی حجابلیق ائیلینلر آرمانی داندیلار حسین وحیدی: آیهء قرآنی زیر پا قویوب بیر عدّه لر بنده ء ابلیس اولوب ، صاحب زمانی داندیلار ذزااّقی: ائتدیلر بو بی حیالر اَجنبی دن پیروی مهدی صاحب زمان کهف امانی داندیلار کفره بیعت ائیلیوب دین خدادن چیخدیلار حَقدن ائتموبلر اِبا دین و وَلانی داندیلار تولانوبلار زرق و برق بو جهان فانیه فانی دنیایه گوره دار بقانی داندیلار قانینه باتدی شهیدلر تاکه حفظ اولسون حجاب بو حیاسیزلار همان ارزشلی قانی داندیلار کربلانین نهضتی احکام قرآن اوسته دی بو حجابی ترک ایدنلر کربلانی داندیلار حاج قاسم جان ویروب تاکی حجابی حفظ ائده بی وفالر زحمتِ اول قهرمانی داندیلار دشمنه حفظ حجاب اوسته اولوب زینب اسیر زحمتیله حفظ اولان دُرّ گرانی داندیلار آسانی: دامن بیگانیه چنگ ارادت ووردولار حفظ حرمت ائتمیوبلرآشنانی داندیلار فقر عقلیدور وَ یا بیرئوزگه علت واردی کی جنگه ترغیب اولدولارصلح وصفانی داندیلار محضر ذات خدا و عترت و قرآنیده عهد و پیمانی پوزوب قالوا بلا نی داندیلار غربیدن تقلید ائدیب بیرعده بی فرهنگیلر بهترین فرهنگ آل مصطفانی داندیلار شهودی: چیخدیلار بیعت شکن لر حد و مرز شرعدن ووردولار اود پرچم خیرالنسانی داندیلار کریم زاده : بعضیلر اقدام ائدوب کشف حجاب ائتماخلیقا دوشمن قرآن اولوب سرّ نهانی داندیلار تبسم: اللهین امرینه قارشی دوردولار افسوس لار خالق دنیالری اول لا مکانی داندیلار شاه ملعونینده اوغلون بیر فرشته ساندیلار رهبر آزاده تک مرد جهانی داندیلار مهربانو: فاطمیه گونلری حجب و حیانی داندیلار غیرت مولا علی شیر خدانی داندیلار اوت دوتوب اما باشیندان آچمادی زهرا حجاب باش آچیخلار چادرخیر النسانی داندیلار ادیب: شیشهء ناموس وننگه داش وروب سئندئردئلار ناموسی نفی ائدیللر ننگ و حیانی داندئلار وحیدی: وئردیلر ظاهرده آزادی شعارین مکریلن باطناً حبل المتینی ریسمانی داندیلار بو بویوک امره شهیدلر هاممیسی حساسدور عهد و پیمان شهیدانی ، وفانی داندیلار شیدا: حکم قرآندور گرک حشره کیمی اجرا اولا بی حیالر، حق وئرن واضح نِدانی داندیلار قرخ نئچه ایلده حجابی قان ائدوبدور استوار شرعی دانماقدا او قرخ ایلیخ قُوانی داندیلار ال آچوب چوخلار ائدور حفظ حجاب اوسته دعا ترک ائدنلر حکم قرانی دعانی داندیلار بو دانانلار ظاهراً شرم وحیا و عفتی باطناً هم حقی هم آل عبانی داندیلار هم شهیدلر قانینه ظلم ائیلیوب بونلار یقین هم حجاب اوسته قیام کربلانی داندیلار حق عذابیندن مگر محشرده ائتمیلر هراس پیرو شیطان اولوب خوف و رجانی داندیلار عدلی تبریزی: داندی بیرعده حجابی اولدولار دیندن بری عالم محشرده دوزخ هم جنانی داندیلار منع ایدوب پروردگار نا محرمه آرایشی یوخدی غیرت همسرینده خانمانی داندیلار قانویروبلرنوجوانلاردین حق قالسون بقا قانه غلطان جبه ده هر نو جوانی داندیلار بدحجاب وبی حجاب دیندن کناراولسون گرک روزعاشورا گونی بزم عزانی داندیلار اورگدوب حجب حیانی دختر ختم رُسُل رَبّ گل های امید و باغبانی داندیلار فاطمه فصل خزان درس بهاران اورگدوب بسلین آغوش نازه دین فدانی داندیلار مکتبی که منطقی قرآن حیا عصمت اولا بیله مکتبده مدد کار ولانی داندیلار #حجاب لینک کانال👇 http://eitaa.com/torkiy ---•••◇🔹️💢🔹️◇•••--- @torkiy