گورن باغشلانابیلدیم بو ماه رحمتده
و یا کی قالمالیام عمریمی خجالتده
خوشا او کسلرین احوالینه باغشلاندی
سعادتَ یتشوب سفره ی ضیافتده
سووشدی سرعتیلن مغفرت آیی قوتاروب
بیر عالی توشه ییغابیلمدیم بو مهلتده
بیر آی اورجلوقی بیر گوز ویریمدا رد اولدی
قطار عمردی گویا گیچور بو سرعتده
الهی ای کرمین کانی بنده وم رحم ایت
فوتار بو نادمی قویما قالا ظلالتده
ئوزون دیوبسن اگر کیم گله بو آی قاپوما
باغیشلارام گناهین چوخلارین نهایتده
سنی قسم وئرورم سجده ده آخان قانه
او پادشاه که مانندی یوخ عدالتده
منیده عفو ائله آل پیمبره خاطر
اولارکه گوهر کم یاب اولوبلا عصمتده
خلوصلیه گله هرکیم باغشلانار (شاهد )
اگر چه زرله مسین فرقی واردی قیمتده
جوشاندا چشمه طبعون وضو سیز یازما
که خلق ایدن اوزی ناظردی هر نه حالتده
✍شعر رمضان نقاش (شاهد)
آخرین روز ماه رمضان ۱۴۰۱