بنام خدا «غم نامهٔ شهادت امام جواد ع» تا آخر بخوانید اگر حال دلتان عوض شد بندهٔ سراپا گناه را از دعای خیرتان محروم منمائید "" "" "" پیک صبا بلا خبرین ائت دی زمزمه بو شوم خبر سالوب دی شرر قلب عالمه زیر و بر ائتدی قوم جفا عدل خیمه سبن سالدی باشا قناری غم غملی نوحه سین گلزار عشقه آسدی گینه باد غم فزا سولدی سارالدی گلشن بی خار مصطفی ائتدی جفا بار دگر قوم بد نهاد بحر جفایه دوشدی امام نهم جواد بیر بیله گون ده معتصم اول مرد کینه توز سلطان حق جواده وئریب زهر سینه سوز قوردی او شوم مسیر حقه دام پر بلا آل عبانی ائتدی غم و درده مبتلا مکریله وئردی زهر جفا میر امته دردانه ی رضانی دچار ائت دی محنته ایما ائدیم نه نوعی بو آلامه ای خدا قان آغلاسا بجادی بو دم انس و ماسوا پیر وجوان بو غمده اورک داغلاسین گرک شیعه مثال آذری لر آغلاسین گرک گوز یاشلارین گرک توکه رخساره شیعه لر اوج ایلویه گرک فلکه آه و ناله لر بیر بیله گون ده معتصم اول حاکم لعین پور رضا جواده وئریب زهر آتشین باطل گینه حقیقتیلن روبرو دوروب شیطان حقین مسیرینه دام دگر قوروب اوز همسری امامه وئریب زهر جانستان ایلوب بوزهر زاده ی زهرانی باغری قان تا ام فضل ایچیردوب او مولایه زهرکین یئردن گویه اوجالدی او دم ناله ی حزین قوردی عزا امام دهم هادی زمان قان آغلادی بوغمده او سلطان انس و جان زهر جفا سالوب آقامی اختیاری دن دویدی او دم امام جواد روزگاری دن غملی اورک ده آه جگر سوزی بسلدی طوسه باخوب آتاسینی امداده سسلدی یوخ بیر کسیم منیله بیر آز آغلویا بابا ای وای دئیوب غمیم ده اورک داغلویا بابا قارداش سیزام اولن زمانیم سخت اولوبدی گل فصل بهاریده گل عمروم سولوبدی گل یوخدی باجیم کی اوخشویابیر لحظه آغلویا ماتم قورا غمیم ده بیر آن سینه داغلویا قارداشیم اولسا گوزلریمی باغلویار منیم اوج ائیله مز فلک لره افغان و شیونیم گل باشیم اوسته یوخلا منی مهربان بابا گور کی نئجه بهاریم اولوب دی خزان بابا بابا یانور جوان بالاوون غملی سینه سی گل یاده ایله مدینه ده مولا او بی کسی یول گوزلورم سنیله اولام هم نوا بابا جان قورتارام بو غمدن اولام من رها بابا یا بوالحسن امام رضا رخصت ایستورم باب المراد جوادووی امداده سسلورم شیعه قوروب دی بزم عزا سینه داغلایور خونین جگر آتونلا بو ماتم ده آغلایور باب المرادیسن آدوی دیلده سسلروک درمان دردی سن کیمی مولادن ایستروک آز عمریده گوروب سن آقا چوخ مصیبتی صبرونلا یورموسان محن و رنج و محنتی درگاهوون بهشت برین تک صفاسی وار دردی اولانلارون آقا سنده دواسی وار هر کس جهان دا هر مرضه مبتلا اولور سندن آلور شفاسینی حاجت روا اولور هر دردمند اوزون قاپوا تا دخیل سالور امیدیله دوتون اتگوندن مراد آلور ای دردمند اگرکی یوروب غصه لر سنی صدقیله سسله داده جواد الائمه نی وار دردیموز آقا یورولوب داده گلمیشوک سنسن طبیبی‌موز آقا درمانه گلمیشوک بوش سالماسوز یولا بیلیروک هئچ گدانی سیز دق الباب ایلیروک اودی باب رجانی بیز جدون نگینی سجده ده بذل ائتدی سائله مسکینه توی لباسین آنان ائیلدی صله سلطان جودی سن آقا سن پاکبازی سن سنده بابان علی کیمی بنده نوازی سن کوتاه اولوب دی دوزدی زمان امامتون پاینده دی قیامته جاق شأن و شوکتون کئچموش بهار عمروم آقا فرتوت اولموشام هاردا آدون گلوبدی بولوت مثلی دولموشام گوز تیکموشم بیرعمرودی من بیر نگاهیوه دعوت ائله بو جمعی آقا بارگاهیوه "" "" "" " ✍شاعر : مسلم فرتوت(فاخر) #شهادت_امام_جواد_علیه_السلام لینک کانال👇 http://eitaa.com/torkiy ---•••◇🔹️💢🔹️◇•••--- @torkiy