🏴 شهادت امام جواد (علیه السلام) 🏴 آغلا بو گجه بُرج  امامتده جواده ظلمیله ئولن وادی غُربتده جواده زهرین اثری نیلدی گور اِبنِ رضایه دلخسته غریبانه باخور صحن سرایه گویا چاغورور فاطمه نی گلسون عزایه گور نیلدی اَغیار اَلی اول پاک نهاده دنیا یوزی تنگ اولدی جوانلیقدا جواده گَه اَگلشوری گاه دورور یوخدی قراری نیسگیللی اولار وِرسا یارا یارینه یاری ائلدن آرالی بیلدی بو غُربتدی مزاری سسلندی اوغول هادی یتیش دادیمه ئولدوم دوشدی گِنه ده کرب وبلا یادیمه ئولدوم سو اولماسا واضحدی نَه گُل نَه چمن اولماز تشنه گئدورم گرچه منه سو وئرن اولماز جَدّیم کیمی لیک مَحضریاره گئدن اولماز من تشنیم امّا نَه مَصائب نَه یارام وار نَه چولده قاچان خورداجا مَه پاره بالام وار تپراقه دوشن وقتی حسین کرب و بلاده عرش اهلی نُزول ایلدی عاشور بلاده طاها باش آچوق آغلیوری مقتل اَراده زهرا ئوزی حیرتده قویوب شوریله شینی اَل معجره آتمیش چاغورور اوغلی حسینی سسلور دیور ای روح و روان جانووه قربان اوغلوم بو گوزل عهدیله پیمانووه قربان گوز گوز یارالاردان سوزولن قانووه قربان قیدونده سنون بزم عزاده قالارام من یات قبریده راحت سنه لایلای چالارام من