🍂نوحه امام حسن مجتبی (علیه السلام) 🍂
🎼سبک ای دست دلرباسی..
⬛️
ای بختی قاره زینب
آغلا دوباره زینب
من غملی مجتبانی
قویدوم مزاره زینب
یات سویلدیم برادر
ای یادگار حیدر
وای قارداشیم ئولوبدور
غم یولداشیم ئولوبدور
⬛️
گل زینبیم فغانه
اود دوشدی آشیانه
سیندی بئلیم بو غمدن
دویدوم ئوزومده جانه
قان آغلادیم بو غمده
دیل داغلادیم بوغمده
وای قارداشیم ئولوبدور
غم یولداشیم ئولوبدور
⬛️
شیعه آقاسی گئتدی
زهرا بالاسی گئتدی
دردیمه چاره یوخدور
دردیم دواسی گئتدی
روح روانیم ئولدی
آرام جانیم ئولدی
وای قارداشیم ئولوبدور
غم یولداشیم ئولوبدور
⬛️
گوزونی باغلادیم من
سینمی داغلادیم من
گوردوم گئدور الیمدن
بو غمده آغلادیم من
قانی یره جالاندی
قلبیمه اود قالاندی
وای قارداشیم ئولوبدور
غم یولداشیم ئولوبدور
⬛️
اشکیم یوزه دوزولدی
قانی یره سوزولدی
زینب حسن ئولنده
الدن الیم اوزولدی
قلبیم قواسی گئتدی
روحیم صفاسی گئتدی
وای قارداشیم ئولوبدور
غم یولداشیم ئولوبدور
⬛️
باشلاندی یاسی زینب
آغلار بالاسی زینب
جنّتده آغلار ایندی
زهرا آناسی زینب
زهرا دیر حسن وای
آماج هر محن وای
وای قارداشیم ئولوبدور
غم یولداشیم ئولوبدور
#شهادت_امام_حسن_علیه_السلام