🏴وفات حضرت ام کلثوم (سلام الله علیها) 🏴
✍حاج روح الله رمضانی
ترکی
قلب عالم دوندی قانه
اود دوشوبدی جسم و جانه
ام کلثومین غمینده
نی کیمی گلم فغانه
کائناتی بوگون داغلارام من
ام کلثومه قان آغلارام من
آغلا شیعه چاتوب روز محنت
وا مصیبت مصیبت مصیبت (۲)
زینبین غم کش باجیسی
کعبه محنت حاجیسی
گئتدی قبره قولاریندا
تازیانه لر آجیسی
قامتی بار غمدن بوکولدی
کوفه ده باشینه کول توکولدی
آغلا شیعه چاتوب روز محنت
وا مصیبت مصیبت مصیبت (۲)
وار یری دل گلسه داده
غملری وار فوق العاده
ساچلاری غمدن آغاردی
قتلگاه کربلاده
گوردی بیر جسمی یکسر یارالی
باش بدنن دوشوبدی آرالی
آغلا شیعه چاتوب روز محنت
وا مصیبت مصیبت مصیبت (۲)
طاقتی الدن آلیندی
باشینه قاره سالیندی
یازما خاکی کربلادن
غم کتابی چوخ قالیندی
قوزانار آهی اهل سمانین
شرح اولونسا غمی کربلانین
آغلا شیعه چاتوب روز محنت
وا مصیبت مصیبت مصیبت (۲)
یوز وئروب غم عالمینه
غرق اولوب دل شوروشینه
جبریلده بو عزاده
تسلیت سویلور حسینه
قاره پوش اهل ارض و سما دی
کربلا شاهی صاحب عزادی
شیعه آغلا چاتوب روز محنت
وا مصیبت مصیبت مصیبت (۲
#وفات_حضرت_ام_کلثوم_سلام_الله_علیها