سالروز قیام ۲۹ بهمن ۵۶ تبریز افتخار کشور ایراندی آذربایجان هر زمان اسلامه پشتیباندی آذربایجان چخمیوب راه ولایتدن کناره مطلقا دایما رهبرله هم پیماندی آذربایجان داغ کیمی محکمدی هیچ طوفاندا اگمز باشینی دیده بیگانیه پیکاندی آذربایجان واردی چوخ عالم، مجاهد ،مجتهد، علّامه سی سنگر مردان با وجداندی آذربایجان دامنینده باکری تک قهرمانلار بسلیوب مهد باقر خان و ستار خاندی آذربایجان اونداکی قوزانمامیشدی شهریلردن حق سسی گوردولر بیر شیر تک غراندی آذربایجان باشلیوب هر یردن اول اوز مقدس نهضتین پیشتاز نهضت دوراندی آذربایجان ظلم زنجیرین قیروب طاغوتیانه آندیروب صحنه پیکاریده اصلاندی آذربایجان بهمن پنجاه و ششده ثابت ایلوب عالمه جانثار مکتب قرآندی آذربایجان مرد مردانه ایدیبدور دینه خاطر انقلاب بولدی دنیا فاتح میداندی آذربایجان مکتب خونین عاشورادن آلمیش درسینی پیرو سلطان مظلوماندی آذربایجان بومقدس نهضت اولدی ملت ایرانه درس اول سببدن خلق آرا آدلاندی آذربایجان ثابت ایلوب تبریز اهلی انقلابدان چکمز ال انقلابین دردینه درماندی آذربایجان دین یولوندا باش و جانیندن گیچر باک ایلمز مظهر آزادی و ایماندی آذربایجان چوخ شهیدلر انقلاب و دینه تقدیم ایلیوب درک ایدوب دینون بقاسی قاندی آذربایجان آخدی قان بو اولکه نون تپراقین ایلوب لاله زار هر یری آلقانیله الواندی آذربایجان دین و قرآن دشمنین رسوا ایدیبدور دهریده گورسدیبدور وادی عرفاندی آذربایجان هیچ زمان سیندیرمیوب ظالم قباقینده ائوزون اهل ظلمه خنجر برّاندی آذربایجان عهد ایدیبدور انقلابین رهبرین تک قویمیه جان و دلدن تابع فرماندی آذربایجان بیرده فخر ایلر کی هر ایل بهمنین آخرلری رهبر فرزانیه مهماندی آذربایجان قورتاروب اشعارینی. رزاقی. بو عنوانیله جان نثار مقدم جاناندی آذربایجان بو سوزی اعلان ایدور واضح تمام عالمه انقلابین وصفینه عنواندی آذربایجان یاشاسین آذربایجان .یاشاسین قهرمان تبریز سالروز قیام ۲۹ بهمن ۵۶ مردم تبریز مبارک باد ✍ستار رزاقی راد . تبریز