"به نام خدا" نوحهٔ ورود به کربلا و ایما و اشاره به آحوالات قمر منیر بنی هاشم ابوالفضل العباس ع ............................................. یثربی ترک ائلیوب کوی منایه گلموشم آللاهین امریله من دشت بلایه گلموشم کوبه کو منزل به منزل بو دیاره چاتموشام من داخی بو عالمین عشقین باشیمدان آتمیشام گوزیاشیملا آه سوزانی بو یئرده قاتمیشام آغلورام بو یئرده من نی تک نوایه گلمیشم "" "" "" "" گلموشم بو سرزمینه قاسم و اکبرله من وورمیشام پرچم بو یئرده سود امر اصغرله من یازموشام پیمان السته خالق داورله من من رضای حق دن اوتری نینوایه گلمیشم "" "" "" "" من گرک اوز عهدیمه پیمانیمه ایفا ائدم امرربِّ العالمینی مو به مو اجرا ائدم جدیمون دینین گرک بو دشتیده احیا ائدم من بورا بو نیّته؛ بو ادعایه گلموشم "" "" "" "" نخل اسلامی گرکدی من ثمر بار ائیلویم آل سفیانی ایکی دنیاده من خوار ائیلویم گوندوزی من اونلارا چون نصف شب تار ائیلویم بو هدفله من بو دشت غم فزایه گلموشم "" "" "" " واردی زینب تک بوصحراده منیم غم پروریم واردی چون عباس نام آور منیم سرلشگریم وار آنام مثلی رقیه اوچ یاشیندا دختریم عترتیمله من بوگون قانلی منایه گلمیشم " "" "" "" دلخوشام بو چولده من جانان یولوندا جان وئرم گلشن دینه بویئرده سو یئرینه قان وئرم بو منای عشقیده یتمیش ایکی قربان وئرم باشدا وارسودای عشقیم بوهوایه گلمیشم "" "" "" "" " نعش اکبر اوسته بیر گون قان اولار بو گوز یاشیم توپراقا قولسوز دوشر آتدان وفالی قارداشیم ذبح اولار لب تشنه بو صحراده ظلمیله باشیم من رضای حقه خاطیر بوسرایه گلموشم " "" "" "" آه وواویلا اوساعت دن اوجالدی وای سسی قالمادی اول قانلی صحراده حسینون بیر کسی آلدی عباسین سسین؛ مولا اوجالدی ناله سی گلدی بالینه دئدی قارداش هرایه گلموشم "" "" "" گوردی قوللار یوخ بدنده گوزلرین دن قان آخور حسرتیله قان دولان گوزلردونوب مشکه باخور عالمینون قلبینه هر بیر باخیشدا اوخ تاخور آچ گوزون قارداش دئدی گور نه بکایه گلموشم "" "" "" "" " ای امیر لشگریم ای سر سپاهیم آچ گوزون ای منیم آرخام ائلیم یار و پناهیم آچ گوزون باشون اوسته قوزانوب افلاکه آهیم آچ گوزون قوزانوبدی شعله ی آهیم سمایه گلمیشم " "" "" "" " دوشموسن توپراق لار اوسته ای منیم سر لشگریم تا کی گوردوم حالیوی سیندی منیم بال و پریم نیلویر گورسه سنی بو حالدا زهرا مادریم هئی دئیور آچ گوزلرون اوغلوم نوایه گلمیشم " "" "" "" "" فاخراقان آغلا بوماتمده هرصبح و مسا چون بوغمده آغلایور جن و ملک ارض و سما سینه ور سنده بوگون گئی اگنوه رخت عزا سویله بهر تسلیّت خیر النّسایه گلمیشم "" "" "" ✍شاعر : مسلم فرتوت(فاخر) #امام_حسین_علیه_السلام #محرم_۱۴۰۳ #شب_دوم_محرم #ورود_به_کربلا #کانال_باب_الحوائج Join╰➤http://eitaa.com/torkiy