قارا کوینک گَنَه / گِیَرَم یا حسین علم آل لام اَلَه / دِئیَرَم یا حسین کربلا قاره سین / باشوما باغلایوب اُسرا نون غمین / یِئیَرَم یا حسین تؤکوری گؤز یاشون/ دانوشاندا رباب ئورَگیم حالی نه / یانوب اولدی کباب منزل اولدی یقین / منه شام خراب خارجی طایفه / بیزَه اولدی خطاب ( دؤزدی دردَه گله یَه گلمَدی زینب نِئجَه هجرانی چکیب ائولمَدی زینب گاه ِ گوداله قاچوب گاه ِ خیامَه که حسین بیلسی نه دن گلمَدی زینب ) قارا کوینک گَنَه / گِیَرَم یا حسین علم آل لام اَلَه / دِئیَرَم یا حسین کربلا قاره سین / باشوما باغلایوب اسرا نون غمین / یِئیَرَم حسین گؤز یاشیم یارَه وه / اِلَرَم التیام باغلارام یارهَ وی / بیر ئوزوم والسلام نئجه بو حالی دَه / سنی گؤر سون آنام گؤر سَه زهرا دِئیَر / آنای ائولسون بالام ( بار الها گؤرورَم زینب مضطر گاهی اصغر چاقورور گاه علی اکبر گاهی آشفته قاچور خیمه یه ساری تا گلستان ِ علی اولماسو پر پر ) قارا کوینک گَنَه / گِیَرَم یا حسین علم آل لام اَلَه / دِئیَرَم یا حسین کربلا قاره سین / باشوما باغلایوب اُسرا نون غمین / یِئیَرَم حسین گئنَه آلاه دوشوب / وطنیم یادمه یِئدی قارداش هانی / یِئته فریادیمه چاتموری بیر نفر / داخی امدادیمه ( قالمادی اَلدَه داخی صبر و قراریم سال‌موری یاده منی یاور و یاریم نه مدينه که گؤزوم قالدی وطن دَه داخی مشکل دی گؤرَم بیر دَه دیاریم ) قارا کوینک گَنَه / گِیَرَم یا حسین علم آل لام اَلَه / دِئیَرَم یا حسین کربلا قاره سین / باشوما باغلایوب اُسرا نون غمین / یِئیَرَم یا حسین ائوپَرم گول کیمی / بوغازون یارَه سین تیکَرَم قلبیمه / لبی و ِن پاره سین ییقارام باشیمه / چول لَر آواره سین ( بیله عالم بو علم یاتمویاخا دور آل سفیان هدفَه چاتمویاخا دور بیر حسین قانی دی تاریخی دَه جاری شیعه باشدان بو یولو آتمویاجاخدور ) قارا کوینک گَنَه / گِیَرَم یا حسین علم آل لام اَلَه / دِئیَرَم یا حسین کربلا قاره سین / باشوما باغلایوب اُسرا نون غمین / یِئیَرَم یا حسین ✍شاعر استاد اسماعیل یوسفی #محرم۱۴۰۳ #امام_حسین_علیه_السلام