قبره گئدنده فاطمه ،گویده ملک لر آغلادی قاره چکیلدی جنته ،ختم پیمبر آغلادی دیزلری اسدی وار خبر ساقی کوثر آغلادی درد ابوالائمیه چون که دوادی فاطمه اونداکی قاچدی مسجده فوری حسین ومجتبا سسلدیلر دایانماچوخ ،مسجدی ترک ایله بابا آچمادی گوزلرین دئدوق هر نقدر اویان آنا بستری روبه قبله دی قبله نمادی فاطمه دوردی علی ائشیتجاقین،بوخبری دایانمادی عالم صبره یول سالا ،سعی ائلدی سالانمادی نئچه یول اگلشوب یولی،گلدی ائوه قالانمادی سسلدی آچ گوزون ائویم بزم عزادی فاطمه زینب آچوب هوروکلرین من نئجه تاب ائدیم بونا اللرینی حسن حسین ،گورنه ویروبدی قوینونا سیندی بئلیم شال عزا سالدی زمانه بوینوما گوزلرین آچ عم اوغلووا حشر به پادی فاطمه گردش روزگاره باخ سویمه دی بو حمیده نی در ثمین و انفسی،سوسن قد خمیده نی حصن ولاده ظلمیله تکلدی بو وحیده نی حامی وهم شهده ی حصن ولادی فاطمه نغمه ی عشقی ساز ائدن هرگئجه سوز وسازیده رکن نماز ،راز ائدن درگه بی نیازیده فاطمه نوری گویلره ساطع اولار نمازیده حق اوزی اوندا فخر ائدر روح دعادی فاطمه مریم پاک ،حضرت فاطمیه کنیزیدور سینه سی کنز معرفت دخت شه حجیزیدور دامنی مهد تربیت بیشه ی شیر خیزیدور باشدان ایاقه هیکل حجب وحیادی فاطمه کل زنان عالمه اسوه دی خیره النسا مهبط وحیه سرسخن جمع کساده انجلا محفل عشق یاریده صدر نشین ارتضا عرش خدای دواره زیب وضیادی فاطمه #فاطمیه_۱۴۰۳ #شهادت_حضرت_زهرا_سلام_الله_علیها