❤️یا کریم اهل بیت ❤️ 🔰http://eitaa.com/torkiy🔰 یازلیب قلبیمه من عاشق نام حسنم ورلیب آدیمه اولده غلام حسنم نوکرم نوکر دربار امام حسنم دئمورم من آقامین شیعه ی فرزانه سیم من امام حسنین بیر دلی دیوانه سیم گر قلمدن توگولور در و شکر سوزلریمه حسنین حسنی وئرر چون که اثر سوزلریمه او گوزل گوزلری گر ائسته نظر سوزلریمه بو غلط سوزدو دئسم محتشمه ناز ائدرم شور شعریله اوچوب گویلره پرواز ائدرم هله قالسین دئمرم بو قاپی نین نوکریم ذکر رحمان کیمی زیبا آدینین ازبریم عاشقم گور نه زماندان بو گله مشتریم بو گوزلدن صورا من بیر گوزلی خوشلامارام آند اولا گوزلرینه دامنینی بوشلامارام آقامین عشقینه ایللردی کی شیدا گزورم دوشموشم چوللره مجنون کیمی تنها گزورم فاطمه یوسف نین حسننه همتا گزورم اهل منطق سن اگر مدعی باخ بیر سوزومه حسنین حسننه باخ یوسفی چکمه گوزومه یوسف ین فیلم ینه باخدی هامی پایانه کیمی باشینه گزدی زلیخا ائله پروانه کیمی عقلینی وئردی اولوب عاشق دیوانه کیمی او زلیخا کی دئدی حسنیده فرزانه دی یوسف حسنین حسننی گورسه دئیرافسانه دی یوسف اوتان ای مدعی من عشقیمین آوازه سی وار بیر بیله شک ائلمه شبهه نین اندازه سی وار شیعه نین مدرک کافی سخن تازه سی وار گر امام حسن نین قبری قرانلقدا قالیب کربلاده آقامین پرچمی عرشه اوجالیب کیم اورک ورسه بو دنیاده امام حسنه قادر الله یازاجاق آدینه مینلر حسنه ئولممیش وئر یازالار آدینی روی کفنه قبر ائوین بو گوزل آد یکسره آباد ائلیر گورسه بو آدی ملکلر سنی آزاد ائلیر ✍جعفری ذاکرزنجانی کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy ✨اَللّهُمَّ عَجِّل لِوَلیِّکَ الفَرَج✨💫