❤️یا صاحبَ الزَّمان(عج)❤️
ـــــــــــــــــــــــ
قائم آلِ عباسن آقا قربانون اولوم
چاره‌سیز‌درده دواسن، آقا قربانون اولوم
صبح جُمعه نامازین هانسی مکاندا قیلوسان؟
ساکنِ هانسی سَراسن؟ آقا قربانون اولوم
کربلانی گزوسن یاکه بقیع زائریسن؟
هاردا مشغول بُکاسن؟ آقا قربانون اولوم
سن شب‌ِجمعه‌نی مولا نجه صبح ایلیوسن؟
غملیسن، غرقِ نواسن آقا قربانون اولوم
گون‌چیخینجا یوخی‌گَلمز نگران گوزلرووه
صبحه‌جک، غرقِ دعاسن آقا قربانون اولوم
ای بیزیم‌صاحبیمیز، گَل داخی قان اولدی ئورَک
عالَمَه قبله نماسن آقا قربانون اولوم
اِنس و جِنّ وملکوتین گوزی یولّاردا قالوب
منجیِ ارض و سَماسن، آقا قربانون اولوم
قاپوین سائلیدور، پیر و جوان، شاه و گدا
سن امیرالاُمَراسن، آقا قربانون اولوم
کیم دوتا دامنووی صدقیله، تز مَطْلَب آلار
هامی امراضه شفاسن آقا قربانون اولوم
فیضِ اَکمَلدی آدون، (فیضی)نه یازسون، نه دئسون؟
شعریمه شور وصفاسن، آقا قربانون اولوم
#رحیم_فیضی_اردبیلی
🍂@torkiy🍂