شعر حضرت زینب(س ) ازکربلایی طاهرنوروزی #کانال_ترکی_مجمع_الذاکرین الله یارادوب زینبی دردانه حسینه خلق ایلویوب عشق عالمی پروانه حسینه زینب کمی هیچکس اونا عاشق اولابیلمز زینبدی فقط عاشق جانانه حسینه زینب گوز آچاندان اله همدمدی حسینه دردو دل و اسراریده محرمدی حسینه آچدی گوزونی دهریده هنگامه. یاراتدی معلوم اولونوب یارمسلمدی حسینه یاز ای قلمیم سوزلریمه باشدی بوزینب فخریله دننن عزت قارداشدی بوزینب عرض ایتدی حسین مکتبه هامی اولا خوشدی حق ایتدی ندا نهضته یولداشدی بوزینب طاهادن آلوب قالوبلا درسینی زینب مولادن آلوب نطق رسا درسینی زینب سنسین قلمی کیم یازا زینب باش آچخدی زهرادن آلوب حجب وحیا درسینی زینب خیرالبشرون هیبتی زینبدی جهاندا شاه نجفون زینتی زینبدی جهاندا عزت قازانوب دهریده زینب حسنینه زهرا. خانمون عزتی زینبدی جهاندا ثابت الدی عشقنی بو. عالمه زینب اللهه گوره دوزدی بلاوغمه. زینب اونداکه دوشوب نهرفرات اوسته ابوالفضل عباس کیمی صاحب اولوب پرچمه زینب حفظ ایلدی اول پرچمی همت کمرینده چون قدینی خم ایتمدی محنت شررینده گوردی که شهید اولدی حسینون یری بوشدی اطفالنی حفظ ایتدی اوگون زیر پرینده ایوبی خانم صبرده حیران الویوبدی تک باشنه دنیاده نه. طوفان الویوبدی باجادی دیه گویده ملکلر اونا. احسن ظلمون بساطین نطقله ویران الویوبدی زهراکیمی سبحانله دمسازدی بوزینب عشقین سندین اوز آدنا یازدی بوزینب شاماتی گدوب دلداده ان الحقلن آلدی اغیار دغا قبرینی تک قازدی. بوزینب تبعید اولونوبدور ید ظلامده زینب غرق اولدی یم غصه و آلامده زینب بوفانی فلک سالدی اونی بحر بلایه جان ویردی غریبانه اوگون شامده زینب آهیله دیدی دردودلین باد. صبایه ای باد. صبا گر گدوسن کربوبلایه سویله یارالی قارداشما گل باجون اولدی قارداشلارما ایله خبر گلسون. عزایه گل بادخزان پوزدی بواحساسمی قارداش برپا اله غربتده منیم یاسمی قارداش قارداش باجی تابوتنه ال آتسا گوزلدی قویما گله شامه گوزل عباسمی قارداش چون یوخدورالی گلسه پریشان اولار عباس باخدوقجا بو تابوتمه. نالان اولار عباس غربتده باجی اولسه یانار حالنه قارداش گورسه بو غریب حالمی گریان اولار عباس یاز نوروزی آهیله اورک دغلادی زینب عمرونده عجب یاره لری باغلادی زینب جان ویردی غریبانه اوگون شامده یالقوز یولاره باخوب آه چکوب آغلادی زینب #کانال_ترکی_مجمع_الذاکرین