🌹 میلاد پیغمبر اکرم(ص) 🌹 ای کونول باشلاسوزی محضرجانانه یاواش سنده گَل قوش ئوزوی بلبل دستانه یاواش لاله لر آچدی چیچکلَندی گنه دشت و دَمن داغداکی چَنلراَنوب طَرفِ گلستانه یاواش بیر گوزلدن آلوری عطرینی عَطّار سحر بوشمیمی سَپه لور هَریِره هَریانه یاواش توتیا عَدنیدن آلمیش اَله نقّاش اَزل یاراشیق وئردی بِله گوزلره مژگانه یاواش لعل لب طعنه وِرار رنگ عقیق یَمنه یتیشوب شهرتی یاقوتیله مرجانه یاواش تِل تِل اولموش یوزونه طُرّهءطَرّاری اونون بله بیر حُسن اِئلیر عاقلی دیوانه ،یاواش دولت حُسنی تَحیّرده قویوب هر گوزلی درس حُسنی وئروری یوسف کنعانه یاواش کیم ساتاشدی گوزی اول بَدر مُنَوّر گوزونه آشنالر اوجا  بَه بَه  دئدی بیگانه یاواش مِدحَتِ حُسنینه عاجزدی قلم ،چاره نَدور پَر کاهی ائله بیل سالمیشام عُمّانه یاواش بو وَجاهتله گلوب وادی مقصوده طبیب چاغیرون دردی اولانلار گله درمانه یاواش گوندریب پیکرهء عشقی یِره حضرت یار عشقی تعطیل ائلدی شمعیله پروانه یاواش قدمی آچدی اونون،عالمه رحمت قاپوسین گون ساتاشدی دیوسن لیلهءظُلمانه یاواش جاءَالحَقدن صورا بیردون زَهَقَ الباطله باخ طاق کَسرانی نجه ایله دی ویرانه یاواش حضرت ختم رُسل وئردی جهانه یاراشیق آچدی خوان کرمین بو گجه مهمانه یاواش سنده (نادر)  بو گجه منزل پیغمبره گئت چال قاپی صبحه کیمی لِیک ذَلیلانه یاواش 💐🌾💐🌾💐🌾💐🌾 #گلچین_مولودی_یازینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨