🌹میلاد امام حسن عسکری(ع)
🎼سبک : الله و اکبرخمینی رهبر
✍شاعر :کربلایی علی عبدی زنجانی
باغ ولایتده بیر تازه گل آچدی
الله اونون عشقین اورکلره ساچدی
لبلراولوب خندان غم چهره دن قاچدی
شاد و خرامان اولدی بیتِ حضرت هادی
حورو ملک گوگلرده دوتدی جشن میلادی
( امام حسنِ عسکری گلدی )
(شیعه نون یار و یاوری گلدی)
🔹🔹🔹
زیبا یوزونده حق نوری نمایاندی
گوگدن اَنوب گویا آی یئرده مهماندی
اِئللر بو اَثناده مسرور و خنداندی
هرکیم بو مولوده باخور دویمور جمالیندن
مست اِیلیور انسانلاری ئوزخط و خالیندن
( امام حسنِ عسکری گلدی )
(شیعه نون یار و یاوری گلدی)
🔹🔹🔹
بو نوه ی حیدر زهرا نگاریدی
پور امامِ هادی دین یادگاریدی
عاشقلرین یاری عشقین بهاریدی
بازار خلقتده نظیری یوخدی واللهی
الله بیزه نعمت وئریب آل یداللهی
( امام حسنِ عسکری گلدی )
(شیعه نون یار و یاوری گلدی)
🔹🔹🔹
بو نوریدن نورِ مهدی اولوب ایجاد
بیرگون قدومیندن دنیا اولار آباد
مردم اولار یکسرغم، غُصه دن آزاد
ظالملرین نسلین یئراوستوندن کسربیرگون
عدل و عدالت پرچمی گوگده اَسر بیرگون
( امام حسنِ عسکری گلدی )
(شیعه نون یار و یاوری گلدی)
#گلچین_مولودی_یازینب_سلام_الله_علیها