⬛️ شام غریبان = تنورخولی ⬛️ ، ➖➖➖➖➖ شاه شهدانون باشینون نسگلی وار چوخ ، سوزگلدی دیوم ظاهری سوز باطنی بیراوخ ، دشمن ایوینه هیچ آنا گیتمزبونا سوزیوخ ، ------------- وقتی که حسین ئولدی باتوب گون گیجه گلدی ، خولی ایوینه فاطمه بیلمم نجه گلدی ، ، ◼️◼️◼️◼️◼️ مطبخده کسوک باشی گوروب یوزگوزی القان ، کول اوسته اولوب دشمن بیدینینه مهمان ، یاندیم دیدی احوالوه سنده منه بیر یان ، --------------- کول اوسته یاتوب دشمنی دینجتدون حسینیم ، خولی ایوینه فاطمه نی گتدون حسینیم ، ◼️◼️◼️◼️◼️ خولینون عیالی اویانوب ناله وشوره ، بیلموردی کسوک باشی قویوب خولی تنوره ، گوردی گیجه وقتینده ایوی غرقیدی نوره ، ------------- بیرسسدی گلورگاهی اوجا گاهی حزیندن ، اوغلی ئولنه اوخشاری وار ناله سسیندن ، ◼️◼️◼️◼️◼️ سسلورگوزینون یاشینی القانه قاتان ، دور ، دیبا یرینه کولّرون اوستینده یاتان، دور ، یالقوزقویوب اهل حرمین گوزدن آتان دور ، ------------- محنت اوخی قلبیم باشینی ظلمیله دلدی ، دیداروه پهلوسی سینق فاطمه گلدی ◼️◼️◼️◼️◼️ جانانیله پیمانه دایاندون سوزون اوسته ، آتدان یخیلوبسان یره گویا یوزون اوسته ، زهرا نجه دوزسون دایانا کول گوزون اوسته ، --------------- پیغمبراوپن لب یارا آلنون یارا اوغلوم ، مطبخ هارا کول اوستی هارا سن هارااوغلوم ◼️◼️◼️◼️◼️ زهرا ساچینی ایندی نجه یولماسین اوغلوم ، خولینی گوروم دهریده شاد اولماسین اوغلوم ، یوم گوزلریوی کول گوزیوه دولماسین اوغلوم ، -------------- گل صاحبی دوزمز گلی بونوعیله سولسون ، قربان کوله باتمش یوزیوه فاطمه اولسون ، ◼️◼️◼️◼️◼️ حاصل یارالی باشی آلوب سینیه زهرا ، سیلدی کولونی نفرین ایدوب خولیه زهرا ، مُنظمّ ایلدی بعد رُخ نیلیه زهرا ، ------------- مرهم دیدی نیلی یوزه زیبا منشیم وار ، محشرگونی بوخولی بیدینله ایشیم وار ◼️◼️◼️◼️◼️ آهیمله جهان قلبینی قان ایلمشم من ، تیغ غمیله یانمش اورک پیلمشم من ، خولی ایوی برباده مگر نیلمشم من ، ------------ قلبیم باشینی تیر جفائیله اویوبدور عطشان کسیلن باشوی کول اوسته قویوبدور ◼️◼️◼️◼️◼️ قان ایتدی رشیدی اورگین بیربیله سوزلر ، قربان ، کوله آغشته اولان باشوه گوزلر ، قانون آلینا شیعه لرون اوغلوی گوزلر ، ------------- عجّل سوزی دلّرده دی گوزیاشلاری قاندی ، سسلور هامی ،مهدی آقاجان تیزگل اماندی ⬛️⬛️⬛️⬛️⬛️⬛️⬛️ ⬛️⬛️⬛️⬛️⬛️⬛️⬛ @zekreeshg لطفاً عضو شوید کم یاب ترین اثار در این کانال👆👆👆👆👆👆👆👆🖤🖤🖤🖤🖤🖤🖤