از زبان زایر امام رضا علیه السلام اصغر فرشچی ( عدلی تبریزی) شهریارا خاک راهم سائل بو درگهم آشنایم من سنیلن سانما که بیگانیم تشنه لیق طعمین دادوب بیر تشنه کامم گلموشم ویر شراب معنویت من طالب پیمانیم من قدوم زائرون گر توپراقی اولسام خوشام شمع دور زائرلرون من زائره پروانیم مال دنیا نیلورم جام ولایت ویر منه مست ایله هر چند مستم عاشقم دیوانیم منده یوخ قدرت اولام مثل کبوتر پر ویرام صحن و ایوانوندا شاها خواستار دانیم سن رئوف اهلبیت و من سراپا احتیاج گولستانون خاریم هرگز دیمم فرزانیم گنج یاقوت آختاران ویرانه لرده چون گزر بو اؤرک ویرانه دور من صاحب ویرانیم حُبّ عشقوندن ز بس می ایچموشم مستم خراب بیله فکر ایلور جماعت ساکن میخانیم ایلده بیر یول نچّه ایلدی گلموشم پابوسیوه «عدلیم» گویلوم اسیر، صحن و رواق خواهانیم