شعر شماره ۸۸ اظهار ارادتی خدمت سلطان کربلا 🎼سبک(یه عالَمه گریه، به روضه بدهکارم) دیل اورگَشَن گوندن، سَسلرم حسین مظلوم چیخینجا جان تَندن ،سَسلرم حسین مظلوم لَیاقتیم یوخدی ، نوکر اولماقا دوزدی چَکمَرم اَل سَندن ، سَسلرم حسین مظلوم قاپوندا یاحسین ، بیر عُمرودور عَزالییَم یوزی قَره قولام ، ولی سنه وفالییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین اورکده وار عشقیم ، سَرورِ شهیدانه شَمعِ جَمالوندا ، اولدوم چو پروانه حسین حسین ذکریم، روز و شب اولوب مولا گَلَنده گول آدون ، آغلارام یانا یانه بودردِ عشقیوین ، همیشه مُبتلاسییَم اولوبدی اَزبَریم ، من آدیوین فداسییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین غَمون شَرَر سالدی، جسم و جانیمه آقا نه چَکموسن گوردی ، بیر زینبِ کُبرا قوشون ایدوب حمله ، هر سَمتیدن ایوای دوشوب چوخور یرده ، قالدون حسین تنها غمون دیله ایدر ، همیشه لیق اَثر حسین او چولده اولمادیم ، سنه اولام سِپَر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین خیال ایدور چوخلار ، بو گَدانی (بیکَسدی) اورکده وار دردیم صبر ریشه سین کَسدی نَلَر دیسه ارباب ، مُدَّعی هَراسیم یوخ سیخیلمیشام مولا سایه وه منه بَسدی آدون گَلَن زمان ، گوزوم ایله یاغیر حسین گوزل مزاریوه ، منی گینه چاغیر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین #محرم #سیدالشهدا التماس دعای فرج الاحقر مهدی عبادی لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

سبک فارسی 👆👆

🏴ورود به ماه محرم🏴 . . 🎼سبک_گلپونه_ها..... ✍کربلایی ابوالفضل عباسی معروفان اهری (معروف) . قلبیم گئنه دولدی غمیلن مظلوم حسینون یاسی گلدی آغلا ای دل آغلا ای دل . عاشقلرین اگنینده قاره فریاد یا عباسی گلدی آغلا ای دل آغلا ای دل . باهم دیون یاسه گلنلر یا ابالفضل یا ابالفضل سنلن دئسون گؤیدن ملکلر یا ابالفضل یا ابالفضل . . . . . یئتمیش ایکی عاشق بو آیدا گئیدی کفن القانه باتدی الله الله. الله الله اکبر عباده گلدی اما اصغر سوسوز گؤز یومدی یاتدی الله الله. الله الله ششماهه دن تنها ربابه قانه باتان قنداقی چاتدی الله الله. الله الله . ماه محرم باشه قاره باغلارام من باغلارام من هر یئرده اصغر آدی گلسه آغلارام من آغلارام من . . . . . قلبیم اسور سینمده قوش تک الده قرا پرچم اسنده یابن زهرا یابن زهرا . زهرا دیور لایلای حسینیم ایوای دیور مظلوم حسنده یابن زهرا یابن زهرا . عالم عزا دوتدی حسینه باغلا قرا گل یاسه سنده یابن زهرا یابن زهرا . جدّون یاسی باشلاندی مولا گل نوایه گل نوایه سال یوللارین یاسه گلنده کربلایه کربلایه . #ورود_محرم ✍معروف_اهری لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

بنام خدا استقبال از محرم ♤♠️♤ چکدی خداعرشه قرا یا حسین/قوزانوب افلاکه نوا یاحسین سینه دولوب کرب وبلاعشقینه/شیعه گیوب رخت عزایاحسین ♤♤♤♠️♤♤♤ مین نچه ایلدی بئله برنامه وار/ماه محرم ده بو هنگامه وار زنده دی دین تا کی عزاخانه وار/دایر اولوب دار بقا یا حسین ♤♤♤♠️♤♤♤ یاد ائدروخ پرپر اولان اصغری/پیکری قانه بویانان اکبری قاسم شهزادهٔ نام آوری/یئرگوی اولوب غرق صفا یا حسین ♤♤♤♠️♤♤♤ زنجیره غم غصه لری باغلاروخ/سینه ووروب باش یاراروخ آغلاروخ محنت زینب ده اورک داغلاروخ/سیزده دی هر درده دوا یا حسین ♤♤♤♠️♤♤♤ یوخدی آقا آیری بیزیم پیشه میز/عشقون اولوبدی آقا اندیشه میز گوز یاشیدی روز جزا توشه میز/باخ بیزه سن روز جزا یاحسین ♤♤♤♠️♤♤♤ سن سن آقا عالمه نور بصر/عشقون ائدیب بیزلری شوریده سر جان رقیه بیزه بیر قیل نظر/حاجتیمیز ایله روا یا حسین ♤♤♤♠️♤♤♤ آند اولا بو لحظهٔ بو ساعته/آند اولا بو پرچمه بو هیأته آند اولا آدوندا اولان لذته/یوخ بیزه بیر آیری سرا یاحسین #ورود_محرم #سیدالشهدا ✍مسلم فرتوت فاخر """"""♡♡♡""""""" لینک کانال👇 http://eitaa.com/torkiy ---•••◇🏴🏴🏴◇•••--- @torkiy

ورود به ماه محرم الحرام سبک ۱: کجائید ای شهیدان خدایی سبک ۲: در این دنیا (مهدی سلطانی ) گینه ماه عزا و ماتم اولدی گینه دنیا بویی درد و غم اولدی گینه قاره چکیلدی عرش و فرشه گینه بو آیدا آیری عالم اولدی واگیر: ((حسینه زینبِ غم پرور آغلار حسینه اکبر آغلار اصغر آغلار)) حسینون باشلانار ماه عزاسی توکر رخساره گوزیاشی آناسی سالار باشه قرا حیدر نجفده دئیر ایوای حسینیم وای آتاسی سالار باشه قرا پیغمبر آغلار یانار قلبی بتولِ اطهر آغلار گلر دشت بلایه انبیالر وورار باشه ملکلر یکسر آغلار سویون باغلار یولون تا اهل کوفه فراتی تاپشرار ظالم صفوفه صدای العطش اوج ایلر عرشه یانار قیزلار سولار مثل شکوفه اولار اکبر بو آیدا اِرباً اِربا دئیر ایوای بالام مخمیده لیلا سالار قاسم آناسی باشه قاره دوتار ماتم او چولده آل طاها گینه قیزلار یانار سوز عطشدن خیامه اود یاغار بو کشمکشدن دوشر سقا قولی سو اوسته یارب اولار شرمنده طفلِ غنچه وشدن یانار زینب داخی اولماز پناهی دونر گوندوز اولار شام سیاهی حسینی ذبح ائدر بیر عده جانی اولار غارت او غملی خیمه گاهی الون ساخلا دایان چوخ یازما " شیدا " حسینون هر سوزون ائتمه هویدا گلنده محشره قائم بالاسی ائدر دشمنلریله آیری سودا ✍محمدرضاصادقی_شیدا #محرم #سیدالشهدا ✨اَللّهُمَّ عَجِّل لِوَلیِّکَ الفَرَج✨

۞﷽۞ ۞﷽ (حلول ماه محر، عرض ارادت) آشـکـار اولـدی گـیـنـه مـاه محرم یاعلی بو مصیبتدن توکـرگوزیاشی عالم یاعلی فاطمه دلبندینین بـاشلانـدی مـاه ماتمی بـاشینه جنتده قـاره سـالدی خاتم یاعلی واحسینانالـه سی قـوزاندی عرش اعظمه اهـل عـالـم شـاه دینـه توتدی ماتم یاعلی سـالـدیلار یـاده شهیدکـربـلانین محنتون شیعیانین اولدی بزم عیشی برهم یاعلی نـوحـه گـردور بـو عـزاده انبیاء و اولـیـا شیون ایلورخضرُموسی، نوح وآدم یاعلی اولدی بوآی اهل عشقه شادیُ خرّم حرام واردی ذاتینده خلل کیم اولساخرّم یاعلی بوآئین مثلینده عالـم سربسر قان آغلوری قاره پوش اولـدی منا ومکـه زمزم یاعلی گلستان عشقـه اَسدی بـیـرنسیم غـم فـزا سولدی گوللّرتوتدی یکسرگلشنی چم یاعلی کـربـلاده آلـدیـلار اطـرافـینـی قـوم شـرر گوزلرینده یوم حشر اولدی مجسم یاعلی حـق یولـوندا یـاورانـصـاری قـانه باتدیلار نظم دیـنـی ایتدیلـرقـانیلـه محکـم یاعلی اهلبیت مصـطفایـه سویولـون بـاغـلادیـلار العطش فریادی چخدی عرشه اولدم یاعلی خیرداقیزلارین سوجامی اللرینده گل کیمی یوزلری سوزعطشدن سولدی کم کم یاعلی وحشته سالدی حرمده سوخیالی بیرایله اولدی احوالی پریشان اهل مخیم یاعلی اولمادی جرعه سویابیکس ربابین امکانی اصغرین مخیمده ایتسین لبلرین نم یاعلی صبح اولونجایاتمادی لایلای چالیبدواوغلونا عارضه اشگین دوزوبدی مثل شبنم یاعلی آتش غم سینه سین یاندیردی قالدی چاره سیز اللـریـن گـهـواریـه باغلیب او دلغـم یاعلی اکـبـرشهـزادنین دوغـرانـدی بـوآی پیکـری قان ائدیب یالقیزامامین باغرینی غم یاعلی تنگ اولوب دنیاگوزونده گتدی صبروطاقتی نـوجوان داغی سالیب دیلدن مسلّم یاعلی یغدی نعشون بیرعبایه قطعه قطعه بندبند تـوش اولـوب تیرغـمـه قلبی دمـادم یاعلی سسلدی نازیله یاتماویرسسیمه سس اوغول دورگیداخ گوزلوریولون نازلی رقیم یاعلی بیرآتانین رسمیدورئولسه جوان اوغلی اگر غصه دن رعنا قدی بیردن اولارخـم یاعلی حالیمی یوخدوربولن بیرخالق غیبی بولـر آغلورام مـن ایـلـوری دشـمـن تبسّم یاعلی نوجوان اوغلی ئولن هاردا ئولوم ایستربالا لـیـک سنسیز قالمارام دنیاده ئوللّـم یاعلی تـازه دامـادیـن بـوآیـدا پیکـرمـجـروحینـی پـوزدولـار آتـلار ایـاقـی آتـدا ازدَم یـاعـلـی حجله گاهین ایلیوب بـربـاد قـوم کینه جو نوعروسین ذکری ایوای اولدی هردم یاعلی بسکه آغلاردی چکردی متصل آه اوسته آه گیزلدیب دردین ائدردی سینه ده جم یاعلی قتلگاهینده گلیب ایوای عم اوغلوم وای دیدی نـالـه سیندن تـیـتـردی ارکـان عـالـم یاعلی حالینی پوزدی گورنده نیزه و اوخ یاره سین عرض ائدیب بومحنتینده یاندی سینم یاعلی ال تاپیب عباسیوه بـوآیدا اون یّدی شـقـی کسماقا باشین اولوبلار چـوخ مصمم یاعلی اوستونه باران کیمی یاغدیردیلارتیرو سنان دئیدی ازبس یاره لر اولمادی مـرهـم یاعلی قولاری اولدی قلم مشک اوخلانیب یاتدب علم بـاتـدی غـم دریاسینه سـردار عـلـقـم یاعلی بیرعـمـودِآهنین نـوفـل ووروبـدی بـاشـیـنـه گـوزلرینده اولـدی گـوندوزلیل مُظلَم یاعلی ای قلم بسدوردایان یازما نلر اولدی داخی ایسته بیربین الحرم عاجزله باهم یاعلی ❇️التماس دعا ✍علی جعفری(عاجز تبریزی) #ورود_محرم #سیدالشهدا ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣ ____________ لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

ورود به کربلا . مرحوم تقایی اردبیلی . . باخ بو نینوا نئجه با صفادی زینبیم چوخ بلاسی وار آدی کربلادی زینبیم . . کعبه دن شرفلیدی بو مکان خوش نما زمزمی فراتیدور تلّی روضة الصَفا مسکنیمدی بو مکان چوخ دیردی مصطفی بو چوخور یری منه آشنادی زینبیم . . بوردا قطع اولار منیم ظلمیله بوداقلاریم شمره دستگیر اولار مهربان اوشاقلاریم قبریمه زیارته هی گلر قوناقلاریم گرچه ایندی ظاهراً غم فزادی زینبیم باخ او خیمه مون یری بو صفا بو مشعری بو منا بو مروه سی بو حطیمنون یری بوردان حمل ایدم گرک خیمه گاهه اکبری حق یولوندا اکبریم چون فدادی زینبیم . . باخما ریگزاردور شوره زار و بی ثمر بوردا نخل دین ویرر شاخ و برگ و بار و بر توتیای چشم ایدر تُپراقین فرشته لر ریگی زر دی تپراقی کیمیادی زینبیم قانیله بو دشت غم سرخ بیر قبا گییَر محرم اولسا بوردا کیم اگنینه قرا گییَر بوردا آل مصطفی جامۀ عزا گییَر بوردا نوعروسوزه قان حنادی زینبیم . . الّی یدّی ایل گزوب شاهراه عشقده تاپدیم ئوز مزاریمی بیر نگاه عشقده من گرک یاتام باجی قتلگاه عشقده مدفنی حسینوون گور هارادی زینبیم باخ او نهره گور نجه موج ایدور بو چولده آب یدّی گون گیچر دونر آب اولار بیزه سراب اوغلی جان ویرر سوسوز حالینه یانار رباب اودّی بو سو مرکز ابتلادی زینبیم . . باخما نخل زاره سن اولما زار و دل غمین اوردا دشمنان حق ایلیور باجی کمین اوردا قارداشیم آلار سینه سینه پرچمین مشکی اوخلانار بیوک ماجرادی زینبیم من دوشنده تپراقا ای انیسۀ محن یر ایدنده زلزله تلیدن اننده سن شمر سینمه چیخار قانه غرق اولاندا من صبری پیشه ایلسون چوخ بجادی زینبیم . . باشیم اوستونه گلر اوندا خیرة النسا باشینی آچوب ایدر نی کیمی آنام نوا سن دایان وقاریله یوز ویرنده هر بلا بی بلا دگل بورا کربلادی زینبیم من گرک «تقاییه» لطف ایدم بو علته عرض حاجت ایلیوب باب رحم و حاجته قویمارام یانا اونی نار فقر و حسرته چون بو نوکریم منیم بی ریادی زینبیم #ورود_به_کربلا #دوم_محرم

ماه سسلر یاحسین ، آلله سسلر یاحسین آدووه قربان گدا و شاه سسلر یاحسین(٢) بابی انت و امی یا ابا عبدالله سنه قربان اولا جانیم یا اباعبدالله یار سسلر یاحسین ، دلدار سسلر یاحسین کربلاده میلیونی زوار سسلر یاحسین یاس سسلر یاحسین ، احساس سسلر یاحسین نهر علقمده سوسوز عباس سسلر یاحسین دین سسلر یاحسین ، آئین سسلر یاحسین قلب قرآن سوره یاسین سسلر یاحسین عرش سسلر یاحسین ، ذوالعرش سسلر یاحسین وئر قولاق گور اهل عرش و فرش سسلریاحسین سینه سسلر یاحسین ، آئینه سسلر یاحسین کیم ئوزون تسلیم ائدوبدور دینه سسلر یاحسین خاک سسلر یاحسین ، افلاک سسلر یاحسین قلبینی هر عاشق ائتسه پاک سسلر یاحسین نور سسلر یاحسین ، هم حور سسلر یاحسین حضرت موسی جوار طور سسلر یاحسین خار سسلر یاحسین ، غمخوار سسلر یاحسین ختم مرسل احمد مختار سسلر یاحسین نار سسلر یاحسین ، زنار سسلر یاحسین ئوز آتاسی حیدر کرار سسلر یاحسین جان سسلر یاحسین ، ایمان سسلر یاحسین آیه آیه سوره قرآن سسلر یاحسین تیر سسلر یاحسین ، تکبیر سسلر یاحسین شمر الینده خنجر و شمشیر سسلر یاحسین چاره سسلر یاحسین ، بیچاره سسلر یاحسین زینب کبری باشیندا قاره سسلر یاحسین یاره سسلر یاحسین ، صدپاره سسلر یاحسین کربلاده بیر بولوک آواره سسلر یاحسین باده سسلر یاحسین ، آزاده سسلر یاحسین شبه طاها عرصه دعواده سسلر یاحسین یئرده سسلر یاحسین ، گویلرده سسلر یاحسین آلتی آیلیق صود امر اصغرده سسلر یاحسین باش سسلر یاحسین، داغ داش سسلر یاحسین حضرت زهرا گوزونده یاش سسلر یاحسین بابی انت و امی یا اباعبدالله سنه قربان اولا جانیم یا اباعبدالله ** #محرم #سیدالشهدا لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

📺 حاج نادر جوادی ⚫️ طشت گذاری سال 1396 ⬛️ مسجد جامع شهرستان پارس آبادمغان