فرمایشات رهبری ❤️

🏴ورود به مدینه زبانحال حضرت زینب(سلام الله علیها) خطاب به زهرای مرضیّه(علیه السلام) 🏴 ✍مرحوم معزی اردبیلی . زینبم گوز یاشلیام زهرا آنا قارداشسیزام ئولدوروب اَللّرده فوج اشقیا قارداشسیزام . . باشیمون سندَنصورا سایسیز بلاسیندن دیوم کربلانین خوشدور اوّل ماجراسیندن دیوم دشمنین اوغلون حسینه چوخ جفاسیدن دیوم تشنه کَسدی باشینی شمر دغا قارداشیزام . . قلیینه میدانیده اوچ شعبه لی اوخ ووردیلار لازمیدی قیزلارین وورمیدیلار یوخ ووردیلار هانسی قیز گوشواره لیدی دوتدیلار چوخ ووردیلار من دیدیم رحم ایله یاندیم ای خدا قارداشسیزام . . کیم منیم تک زندگی سینده بلا رنجین اوتار عمرینه هرگون دیدیم قالما حسینیمسیز قوتار خولینی شمری سَنانی عاقبت آهیم دوتار گوجلیدور نالم واریم محزون صدا قارداشسیزام . . شهر یثربدن چیخاندان چوخ مصیبت چکمیشم کربلانین غملو صحَر اسینده گوزیاش توکمیشم زلف آغاردیب وای حسینیم وای دیوب بِل بوکمیشم قدّیمه باخسون گورنمسن رسا قارداشسیزام . . گُل بوغازینده ویروبدور خنجره قاتل مکان اللّریکی قدسیان اوپموشیدی کسدی ساربان پارچا پارچا ایله دی عطشان دوداقین خیزران دینمه رم فکر ایتدی دشمن مطلقا قارداشسیزام . . تختین اوسته هندین اوغلی اگلشوب هزیان دیدی خیزران اَندیردی قانلی باشدان آخسون قان دیدی آخر تالاریدن مظلومه لرد جان جان دیدی اُم کلثومون دِیَردی حیف اولا قارداشسیزام . . قالدی عریان قارداشیم اَللّردن آلدیم کوینگین قلبی یانسین کیم سویوب گوردوم سارالدیم کوینگین اربعینینده مزاری اوسته سالدیم کوینگین سس دیدیم وِیر قبریدن ای باوفا قارداشسیزام . . سینه مه آلدیم حسینیم تاپشوران دُردانه نی قالدی آباد ایتمه گه شاماتیده ویرانه نی بیر گیجه یاد ایله میشدی شمع غم پروانه نی عرض ایدوب گل نطقه منده آی بابا قارداشسیزام . . گلمه دی اُّم البنینون مه لقا اوغلانلاری ایتدیلر اوغلون حسینه چوخ وفا اوغلانلاری تاپدیلار فیض شهادت باصفا اوغلانلاری ساخلادی قارداشلاریمی کربلا قارداشسیزام . . اهل بیت مصطفایه ویرمَدی اعدا سویی گیتدی بی پروا اباالفضل آلدی بیر دریاسویی باخ گوزل نفسه حسین سیز ایچمدی سقاسویی جانینی قربان ویروب صاحب لوا قارداشسیزام . . گرم استقبالینه اولموش مُهیّا اوغلی وار چوخ ادبلی گورملی مجذوب زیبا اوغلی وار گوزلرین یولّلاره تیکمیش ماه سیما اوغلی وار بیلمیور اما هله من بینوا قارداشسیزام . . نالیه آیا نه نوعی آل طاها گلمه سون یثربه اکبر سیز ایستر امّ لیلا گلمه سون امّ سلمه گلسون استقباله صُغرا گلمه سون گورسه یوخ اکبردیر وا اکبرا قارداشسیزام . . بیلمیور قلبیم،نه نوعی کربلاده داغلانوب بیلمیور اکبر غمینده دل یانوب قان آغلانوب بیلمیور قارداشینون چوخدان اوطاقی باغلانوب سسله نَر گُلمزیوزوم ای اقربا قارداشسیزام #ورود_به_مدینه ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

#مداحی ای صفای قلب زارم هرچه دارم از تو دارم تا قیامت ای رضا جان سر ز خاکت بر ندارم منم خاک درت غلام و نوکرت مران از در مرا به جان مادرت… علی موسی الرضا… 🎤حسین_طاهری #شهادت_امام_رضا_علیه_السلام ✨اَللّهُمَّ عَجِّل لِوَلیِّکَ الفَرَج✨

‍ 🌴 زبانحال حضرت فاطمه زهرا (س) به گریه کن ها وذاکران و سینه زن های امام حسیـــــن (ع) ☝️ مداح =حسین طاهری🎤 بسیار دلنشین پیشنهاد دانلود👆 🌴🌴🌴🌴🌴🌴 عزیز دل زهرا ای نوکر حسیـــــنم بلا نبینی مادر، من مادر حسیـــــنم قبول باشه از همگی پیر و جوون قبول باشه سینه زدید با دل و جون قبول باشه قبول کردم ازتون نوکری کردن با شما شفاعت شما با من کربلا خواستن با شما زیارت شما با من گر نگاهی به ما کند زهرا دردها را دوا کند زهرا روز محشر که با شفاعت خویش حشر دیگر بپا کند زهرا ▪️🌴▪️🌴▪️🌴▪️ قطره های اشک شما، یکی یکی حساب میشن از تو همین سینه زنی شهیدا انتخاب میشن گر نگاهی به ما کند زهرا دردها را دوا کند زهرا ▪️🌴▪️🌴▪️🌴 این مقام کنیز او باشد تا دگر حر چه ها کند زهرا همچو مرغی که دانه برچیند دوستان جدا کند زهرا ▪️🌴▪️🌴▪️🌴 گر نگاهی به ما کند زهرا دردها را دوا کند زهرا ▪️🌴▪️🌴▪️🌴 میدونم که این شبها، غصه داری تو سینه میدونم که دلهاتون بیتابه اربعینه ▪️🌴▪️🌴▪️🌴 هلابیکم قدم تو جاده بزنید هلا بیکم مهمونای خاص منید هلا بیکم سفارشی حسیـــــنید قدم قدم تو این مسیر بیایید میون این لشکر به کربلا که میرسین میگم خوش آومدی مادر 🌴🌴🌴🌴🌴🌴🌴 #نوکری 🌷آجرک‌الله‌ یا صاحب‌ الزمان 🥀 🌷اللهم عجل لولیک الفرج

ورود به مدینه (سبک : می گذرد کاروان..) یثربه قاره چکون ، غمزده موکب گلور قارداشی اوغلی ئولن ، غصه لی زینب گلور ئولدی حسین سینه داغلیون بو غمده اوخشیون آغلیون یاحسین یاحسین یاحسین (۳) کرب و بلاده صولوب ، گلشن خیرالورا قانینه غلطان اولوب ، بند دل مرتضی آهین اوجالدوب گویه ، فاطمه صبح و مسا ئولدی حسین سینه داغلیون بو غمده اوخشیون آغلیون یاحسین یاحسین یاحسین (۳) یثربین اهلی داخی،دیلدن ایدون شور و شین قلبی شکسته گلور ، زینبه یوخ نور عین جان ویروب اوغلانلاری، قانه باتوبدورحسین ئولدی حسین سینه داغلیون بو غمده اوخشیون آغلیون یاحسین یاحسین یاحسین (۳) دشت بلاده اوگون ، قورخولی طوفان اولوب اکبر گلگون قبا ، قانینه غلطان اولوب قاسم نو کد خدا ، پیکری تالان اولوب ئولدی حسین سینه داغلیون بو غمده اوخشیون آغلیون یاحسین یاحسین یاحسین (۳) کوفه مسلمانلاری ، دینی زره ساتدیلار سو یرینه اصغره ، تیر سه پر آتدیلار آتا بالا قانینی ، بیر بیرینه قاتدیلار ئولدی حسین سینه داغلیون بو غمده اوخشیون آغلیون یاحسین یاحسین یاحسین (۳) نوحه یازاندا سنه ، ایستموشم کربلا (( آذرینه )) لطف ایدوب ، دعوت ایدوبسن آقا بو جمعیلن بیر منه ، لطف ایله بیت خدا ئولدی حسین سینه داغلیون بو غمده اوخشیون آغلیون یاحسین یاحسین یاحسین (۳) ** ✍کربلایی ودود آذرین خلخال #ورود_به_مدینه ✨اَللّهُمَّ عَجِّل لِوَلیِّکَ الفَرَج✨

زبانحال حضرت امّ البنین (سلام الله)   ساخلار سنه همیشه عزا ئولمین ننون ایلر ئولونجه آه و نوا ئولمین ننون   قلبیم الولانیر یئریوی بوش گؤرن زمان آغلار سنه همیشه بالا ئولمین ننون   قربان اولوم یاتان یئریوه خسته جانیوه اولسون او سرو قدّه فدا ئولمین ننون   آیا روادی سن یاتاسان قبریده اوغول سندن صورا جهاندا قالا ئولمین ننون   بیر درده سالموسان منی بو روزگاریده تاپمور داخی بو درده دوا ئولمین ننون   سندن صورا زمانه گؤزوندن سالیب منی خوشدور گیه همیشه قرا ئولمین ننون   هامّی دیور که نیزیه باشون ویریلمادی قویماز ئولونجه باشه حنا ئولمین ننون   زهرا یانندا باشیمی الحق اوجاتموسان ایلر سنی همیشه دعا ئولمین ننون   آتدان دوشنده سن یوزون اوسته یخیلمیسان بیلدی بو سرّی کان حیا ئولمین ننون   عالم پناه اولان قاپومی باغلادی فلک ای کاش ئوله اورکده یارا،ئولمین ننون   آلّام همیشه اوغلیوی آغوشه آغلارام اوندان گرکدی عطرون آلا ئولمین ننون   سندن صورا چمنده اوجا سروه باخمارام گورمور چمنده ذوق و صفا ئولمین ننون   بیر اوخ دگوبدی آلنوا گویا جدالیده واردور یئری که باشین آچا ئولمین ننون   ای کاش او، اؤخ دییدی منیم قلبیمه اوغول حقّه چاتیدی فوری بالا ئولمین ننون ✍ صادق تبریزی #ورود_به_مدینه

هجوم به خانه وحی🍂 ✍مرحوم حسینی سعدی زمان روحش شاد یادش گرامی 🏴🏴 یا زهرا 😭😭😭 گل فضّه قاپوم یاندی شرار غمه یاندیم سقط اولدی بالام محسن اوزیمده یارالاندیم اوج ایلدی آهیم فلك اطلسه چخدی ثانی ستمی سالدی ایاقدان منی یخدی دشمن در و دیوار آراسیندا ایله سیخدی دوشدی نفسیم تنگه حیاتیمدن اوساندیم آهیم یِری وار نُه فلكه سالسا شراره ثانی یارالی قلبیمه ووردی گنه یاره گَل باشیمی آغوشیوه آل گیتمه كناره ویر حیدر كرّاره خبر قانه بویاندیم اخطار ایله گَلسون یانیما نور دو عینیم گورسون آناسین گوزلریمون نوری حسینیم ظلمیله یقین قالدی آناسیز حَسَنِینیم جبراً ایكی نورَسته بالامدان آرالاندوم قالموب داخی منده اَیاقا دورماقا طاقت یوخ بیر نفر ایتسون من مظلومه حمایت ایستوردوم ازل سسلیم ای شاه ولایت امّا واریدی دشمن، عم اوغلومدان اوتاندیم اود ووردی بو بی شرم جماعت قاپی یاندی قویموردوم آچلسون، او یِره اَمر دایاندی مسمار باتوب سینمه، سینم یارالاندی اوز اُلماقیمی من بو جراحتدن ایناندیم زهرا سَسینی تا ایشیدوب فضّه ی نالان سسلندی گل ای شیر خدا حجّت یزدان ثانی خانمیم فاطمه نی سالدی ایاقدان غَشّ ایلدی، باخدوقجا بونون حالینه یاندیم سرعتله چخوب شیر خدا صحنه او ساعت ثانی یَخاسیندان یاپشوب شاه ولایت سویلوب ایده بُلمزدی جسارت بو جماعت فرمایش پیغمبر اكرمدی دایاندیم تا گوردی یخوبلار حرمِ ماه لقاسین دولدوردی گوزین اشكیله، آرتوردی نواسین اول عصمت كبری باشینا سالدی عباسین سسلندی دیمه دادیوه گَلماقدا یوباندیم یارب نیه بس شیر خدا گَلمدی داده زینب یخلاندا باش آچوخ كرب و بلاده كلثوم دیدی یوخ بیر عبا، آل عباده بیر ساتِر اَله گَلمدی هر قدر دولاندیم انصافدی یا فاطمه سن تك آنام اولسون امّا اورگیم شام و سحر دردیله دولسون ظلّام حسینی پرینی ظلمیله یولسون عدلیّه ده قانون جفائیله تالاندیم #فاطمیه

هجوم به خانه وحی سبک :: یارالی جان یارالی... چیرپدیلار دین قاپی سین حضرت زهرا باشینا🔹 سالدیلار شال عزا زینب کبرا باشینا قاپینی آچماق اوچون قوم ستمگر چالیشیب اود ووروبلار قاپیا درگهِ زهرا آلیشیب حضرت فاطمه نین گوزیاشی قانه قاریشیب یغیشیب آل علی ام ابیها باشینا دست ظالم اوجالیب خانۀ مظلومی یخیب درو دیوار آراسیندا ائله زهرانی سیخیب نالۀ دخت نبی یئردن او دم عرشه چیخیب دولانیب ارض و سما حضرت عذرا باشینا حیدرین قوللارینی اهل ستم باغلادیلار حضرت فاطمه نین سینه سینی داغلادیلار آل حیدر اوجادان ناله چکوب آغلادیلار آز قالیب ناله یِئته گویده ثریا باشینا باب زهرایه گلیب ثانی ظالم دایانیب ائله بیر ظلم ائلییب قانینه زهرا بویانیب یوزونه سیلی ووروب صورت ریحانه یانیب کول اولا عالم امکانیده دنیا باشینا دنیادان حمزه گئدیب فاطمیه یوخدی کمک تک قالیب شیر خدا غصب اولونوب باغ فدک آغلایار بو غم اوچون دریادا حیطان و سمک آتش غم یئتیشیب قافیده عنقا باشینا گؤیریب فاطمه نین صورتی چون سیلی دییب ولی مسمار یاراسی قامتِ زهرانی اَییب قبض روح ائتمک ایچون قابض الارواح گلیب سالینیب شال عزا زینب صغرا باشینا یاندیریب فاطمه نی دهرده مسمار یاراسی یوخودی قارداشی گئتمیشدی جهاندان آتاسی ظلمیله اولدی شهید دنیادا محسن بالاسی سیل غم غصه گلیب حضرت حورا باشینا شیر حق قالمیشیدی دنیادا تنها و وحید یاندیریبلار قاپیسین ظلمیله مردان پلید ائتدیلر اهل نفاق حضرت زهرانی شهید آغری لار ، مرغ کیمین قوندولا مولا باشینا #فاطمیه

روضه 🍂زبانحال حضرت زینب کبری سلام الله علیها در فراق مادر🍂 . . . حاج حمید زرّین قلم . گوزوم غمونده دونوب بارش بهاره آنا که آختارور گوره بلکه سنی دوباره آنا . دوشوبدی کشتی گوگلوم بلالی طوفانه چکن تاپولموری گردابیدن کناره آنا . دیردیلر آناسیزلیق چتیندی، بُلمزدیم دوشوبدی زینبون ایمدی همان شراره آنا . دولانورام، دولانان یرلرون گوروب یانورام یوزیمی دوندریرم حیّ کردگاره آنا . اورک دوام ایلمور بوش گورم یرون آناجان آخور سرشک غمیم دیده دن عذاره آنا . حسینیوه باخورام قلبیدن اَلولانوام دوشنده گوزلریم اول دیده ی خماره آنا . ایله دولوبدی گوزل گوزلری، سولوب رنگی سالوبدی زینبیوی درد بی شماره آنا . دوشوب او بلبل شوریده نطقیدن یکسر داخی دانیشمیری منله او ماه پاره آنا . جهانه چوخ آناسیزلر گَلوب گیدوب، گیده جاق ولی منیم کیمی گَلمز بو روزگاره آنا . جهاندا هانسی آنا دردینی دیمز قیزینا سالوبدی روحیمه بو نسگلون شراره آنا . اورکده غصّه لرون ساقلیقوندا گیزلینیدی ولیک ایمدی چخوب دردون آشکاره آنا . سینن ندن یارالیدی منه نیه دیمدون ووروب بو قلبیمه چوخ یاره لر او یاره آنا . دیدون اوشاقدی یقین بُلمه ماخلیلقی خوشدور؟ که زینبیم ایده بُلمز بو درده چاره آنا؟ . یاراوا مرهم ایدردیم آنا بو گوزیاشیمی قیزون گورردون ایدر چاره زخمداره آنا . دوشنده یاده یخلماقلیقون کباب اولورام ایدردون حسرتیله زینبه نظاره آنا . او باخماقونلا دیردون آنام باجیم زینب آنان اُلور باجی گَل چک منی کناره آنا . منیم قولومدا توان اولمادی گذشت ایله که دوشمه میشدی قیزون بیله گیر و داره آنا . مزارون ایتگین اگر اولماسِیدی قیرخوندا اولاردی فرصت اقلّاً بو شرمساره آنا . گَلوب ایله دوشنردیم او تربت پاکه دوشَردی شال عزا زینب اول مزاره آنا . حسینیوین یاپوشاردوم الیندن آهسته او بلبلی گَتیرردیم او شاخساره آنا . بو نازدانه وی مین نازیله اوتورداردیم ایدردیم آهو باخشلی گوزه نظاره آنا . باخشلاریندا گورِیدیم سنون باخشلاریوی آخاردی خون دلیم دیده دن عذاره آنا . یانقلی دللریله بیر دویونجا اوخشاردیم که بلبلی گَتیرردیم چمنده زاره آنا . هزار حیف گرک اربعینون ایوده دوتام بیله یازوبدی یازان زینب فکاره آنا . یغام بالالاریوی باشیمه اوزوم اوخیم او نوحه لر که ایدر قلبی پاره پاره آنا . بو ایوده آغلاماقیندا بیر آیری مشکلی وار دوشور امام مبین درد بی شماره آنا . بیز آغلینده دولور گوزلری، اَلولانورام دوشنده گوزلریم اول چشم اشکباره آنا . بو باره دن ولی بیر ذرّه ناگران دگلم که زینبون چاتار آخِر او انتظاره آنا . بو شیعه لردن ایله آغلیانلارون گله جاق یانار او آغلاماقا ماهیله ستاره آنا . یانقلی دللریله اوخشیوب سیزیلدالّار اولار تسلّی دل قلب بی قراره آنا . زبان حالیمی زرّین قلم یانقلی یازار بو شرطیلن که اوزوزدن اولار اشاره آنا #فاطمیه                           ✨اَللّهُمَّ عَجِّل لِوَلیِّکَ الفَرَج✨

شهادت امام حسن العسکری (ع) شیعه لر ، نالان اولوب  صاحب  زمان  آغلار  بوگون وای  بابام  وای سسله نر  دیلده  فغان آغلار بوگون زهریلن   مسموم   اولوب   یاران   امام     عسکری یاندی    زهریلن    وجودی   قانه    باتدی      لبلری دوشدی دیلدن  ییرمی سکّیز  یاشدا  دینین  یاوری آغلادار  صاحب   زمانی   باغری  قان  آغلار  بوگون هادی   عباسیه   هر   لحظه   مین    لعنت    گله ائیله دی  مسموم  امامی دوشدی  ایشلر  مشکله حضرت  صاحب   زمانین کیمدی گوز  یاشین  سیله آغلیاندا  بو   غمه    کون   و  مکان   آغلار    بوگون حجت   حق    سامراده    بار الهی    جان    وئریر دین    یولوندا   جانینی   جانانینه    قربان     وئریر زهر ،  آقانین  عمرینه   افسوس  اولا  پایان   وئریر وای حسن  وای سسلنوب  کرّوبیان  آغلار   بوگون اوغلی آلدی    دیزلر   اوسته   جان  وئرنده  باشینی سو   وئریب    بابا سینا  توکدی  یوزه  گوز  یاشینی قارداشی   یوخ   حضرتین  تا  سسلنه   قارداشینی قویدی صورت صورته   قامت  کمان   آغلار  بوگون کربلاده      اکبری     آلدی     حسین     آغوشینه یوز یوزه  قویدی  وئریب رخصت  آخان  گوز  یاشینه گلدی  قارداشی  کمک  اوغلی  ئولن   قارداشینه هر کیم  اولسا جان وئره اوغلی جوان آغلار بوگون یا   ابا   مهدی  اگر  چه سن  جوان جان  وئرمیسن اوغلوا    اسرار   حق   تفسیر     قرآن    وئرمیسن اوغلون   آغوشه   آلاندا   جانین  آسان   وئرمیسن محنتینده  یاحسن  هم   انس  و   جان آغلار بوگون جان    وئرنده   جدّیوه   بیر کس   یوخیدی   آغلیا شمردون    باشین    کسنده   گوزلرینی     باغلیا اولمادی  مهلت  باجی   قارداشینا   یاس  ساخلیا قتلگاه   ایچره  گزیب   تاپماز   نشان  آغلار  بوگون بار  الهی  لطف  ائله   صاحب   زمانین   تئز    یتیر قویما  آغلار  شیعه نی  عصرین   امامین   تئز  یتیر هم   ظهورون   لطف   ائله   آللاه   زمانین  تئز  یتیر آیری لیقدان  آه   چکیب   اهل  زمان آغلار  بوگون ** ✍سید ناصر  ولائی زنجانی #شهادت_امام_حسن_عسکری_علیه_السلام ✨اَللّهُمَّ عَجِّل لِوَلیِّکَ الفَرَج✨

🏴زبانحال حضرت زینب (س) در شهادت مادر 🎼سبک : ای قلم سوزلرینده اثر یوخ عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای **** زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون **** زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای **** تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده **** من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام **** آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون **** سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز **** توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی **** یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی #فاطمیه #شهادت_حضرت_زهرا_سلام_الله_علیها ✨اَللّهُمَّ عَجِّل لِوَلیِّکَ الفَرَج✨

کاش مسئولین می‌دیدن آب میشدن 😞