شهادت حضرت امیر المؤمنین علیه السلام 🎵سبک: یارالی جان یارالی من سنه قربان یارالی... 📝 حاج حمید زرین قلم ➖➖➖➖➖➖➖➖➖➖➖ آه و افسوس داخی صوت جلی گلمیه جاق بو گیجه بانگِ مناجات علی گلمیه جاق گون باتوب غالب اولان وقتده تاریکی شب گجه نی صبحه کیمی زار و پریشان یارب قالاجاقدی قاپودا چشم یتیمان عرب باخاجاقلار ولی غمخوارلری گلمیه جاق او پناهسیزلارون احوالی جگر داغلیه جاق هَرَه سی سیل سرشکین یوزونه باغلیه جاق قاپیه گوز تیکه جاق حسرتیله آغلیه جاق مونس و یار و پرستارلری گلمیه جاق دِیه جاقلار که گوزوندن بیزی سالمازدی بِله رهرو عشق دی بیهوده دایانمازدی بِله او محبّت لر آتاسیدی یوبانمازدی بِله یوخسا وار باشدا قضا و قَدَری گلمیه جاق نه فقط بو گجه بو محنته احباب آغلار گویون اولدوزلارینون حالینه مهتاب آغلار مسجد کوفه نین احوالینه محراب آغلار سالوب آفاقه قیامت شرری گلمیه جاق بینوالر یوزه اشکین اَلَر آغلار بو گیجه کیم آدامسیزلارا بس باش چکوب آغلار بو گیجه آهو تک خردا اوشاقلار مَه لر آغلار بو گیجه داخی اول یار وفادارلری گلمیه جاق نصف شب کوچه لرون نور و ضیاسیدی علی هامّی نون درده دوشن وقته دواسیدی علی یار یازیخلار ایوینون نور و صفاسیدی علی باغ و بستانِ مروّت ثمری گلمیه جاق چوخلاری بو گیجه غرقاب فراقه باتاجاق اشک حسرتلرینی خونِ دِلیله قاتاجاق کوفه ده چوخلی یتیم لر بو گیجه آج یاتاجاق حیف اولا یارِ وفادارلری گلمیه جاق دیمورم گوهر گنجینۀ ایمان گِتدی دیمورم پیکر تقواده اولان جان گِتدی مرتضی بو گیجه زهراسینه مهمان گِتدی ترک ایدوب کوثر خیر البشری گلمیه جاق زینب آغلار دِیر ای اسوۀ ایمان بابا وای مشعل محفل تاریک یتیمان بابا وای سنه نه گلدی بِلَه دوشدون ایاقدان بابا وای یوخسا گل جسمه طراوت اثری گلمیه جاق آنام اولسیدی بو عمده سینه داغلاردی بابا بو مصیبتده دویونجا سنه آغیاردی بابا دیندیروب مین دیلیله یاره وی باغلاردی بابا حیف اولا گنج رسالت اثری گلمیه جاق یوخ سوزوم نوح و مسیحا بو گیجه آغلیاجاق هاجر و مریم و سارا سینه سین داغلیاجاق ولی زهرا یاراسین مین دیلیله باغلیاجاق داخی اول فَرقه جراحت اثری گلمیه جاق #شهادت_حیدریه ﷽🍁 @torkiy ✨اَللّهُمَّ عَجِّل لِوَلیِّکَ الفَرَج✨💫

شام غریبان امیرالمومنین حضرت علی (علیه السلام) زبانحال حضرت زینب کبری (سلام الله)  تاپولمادی نه ایدیم دردوین دواسی بابا ساغالمادی او گوزل باشوین یاراسی بابا شل اولسون اللرینی باشیوا یارا ویرانون گتوردی درده منی دشمنون جفاسی بابا آنام ئولنده فلک باشیمه قرا سالدی آچلمیوبدی هله باشیمین قراسی بابا او قانلو گوزلره قربان اولوم ٫ ندن یومولوب؟ گلیدی گوزلروین جانیمه قاداسی بابا او گل کیمی سارالان رنگوه قیزون قربان بلالی جانیم اولا جانوین فداسی بابا او قانلو گوزلرون آچ ؛ بیرده باخ سولان یوزومه چخوبدی زینبوین گویلره نواسی بابا سنی بابا ، آنامین دردی درده سالموشدی تاپولمادی اودی کی دردوین دواسی بابا ایدردی دردیوه چاره آنام صاق اولسیدی سنه چوخیدی او مظلومه نین وفاسی بابا آنام ئولندن ایله غم اسیری اولموشدون دیردون عالمین اولماز منه صفاسی بابا آنامی ثانی ویراندان ؛ سولوب سارالمیشدون او گوندن اولموشدون غملر آشناسی بابا ئولومین آرزی ایدرین آنام ئولن گوندن یوخیدی زندگیه قلبوین رضاسی بابا شرار غمده یانوب شمع تک قوتولمشدون قالوردی بیرجه فقط جسموین نماسی بابا آنامی دوگدوله ، دوزدون رضای حقه گوره عدالتون دیدون اولسون گرگ بقاسی بابا سن ئولدون ، ئولدی عدالت یخیلدی خانه دین فلکین آخر اله گلدی مدعاسی بابا شاعر : احد عدلجوی تبریزی ﷽🍁 @torkiy ✨اَللّهُمَّ عَجِّل لِوَلیِّکَ الفَرَج✨💫

🏴🏴🏴🏴🏴🏴🏴🏴 #_روضه_شام غریبان_حضرت_علی_(ع) السلام علیک یا ابالحسن،یاعلی بن ابیطالب، یاحجه الله علی خلقه.....‌‌‌‌ السلامُ علی المهدی ،یابقیه الله آقاجان آجرک الله فی مصیبه جدک یا صاحب الزمان...الغوث والامان شب شام غریبان مولا علی گئدک مولا علینین غم دوتان ائوینه اورکلری آپاراخ دودمان ولایته زینیبن اورگی یانینا...همناله اولاق علینین بالالاروینان آخه..زینبین یامان گونلریدی شب واویلای زینب...یا آلله جان یا امیرالمومنین،آی دردینی قویولارا دییَن مولا آقاجان سنه آغلیانلار گلیب سنی چاقوران وار یاعلی جان دردی اولان وار یانان دیللره باخ آغلیان زینبه خاطر آغلیان گوزلره باخ آی علینین شام غریبانینه گلنلر دای علی غملردن راحت اولدی اما امام زمانه تسلیته گلنلر بیلمم نه سُنَّتدی بوخانواده ایچره فاطمه گیجه دفن اولدی پیغمبر گئجه دفن اولدی....امیرالمومنین آقا دا گئجه لی گئتدی قبر ه حسنین بابانین بدنین غسل وردیلر کفن ائله دیلر یا آلله علینی تشیع ایله دیلر تابوتین قاباق طرفین فرشته لر حمل ایلییر حسن وحسین د یاپوشیب تابوتین دال طرفیندن حسنین علینی قویدیلار قبره آی بابا محبتی گورنلر امام حسین آقا...اوزون سالدی بابانین قبری اوسته آی مظلوم بابا...آی یارالی بابا جان یاحسین علینین تشیع جنازه سینه گلنلر گلدیلر گیردیلر امام حسینین قولاری آلتینا باش سالوق ائله دیلر دییرم آقاجان عالم قوربان اولا او آقایا کی گلدی بابانی قویاقبره باشین قویدی بابانین اوکسیلن دامارلارینا ایله آغلیدی آزقالدی امام سجادین جانی چیخا جان زینب دئدی آی قارداشمیون نشانه سی سن بو حاله قالاندا بس اوندا من اوغلی ئولن ننه لری نئجه آرام ایلییم دئدی عمه نئجه آغلامیوم یارالی نی سویمازلار سویوب اونی قبره قویمازلار یارالی ئولسه مگر اونی قبره قویمازلار اما قیز مشکیله دوشنده همیشه دییَر کاش بابام گلیدی..‌قارداشیم گلیدی شام غریبان علیدی ایستیرم دیم زینب غمنن یورولانلار سنه قوربان خانوم اوساعتی که کربلا چولونده مشکیلده قالدون آی مین دردیلن بومجلسه گلنلر بوگئجه دردلرین درمانی زینب الیندَدی علی جان کاش اولایدین کربلادَ اوزمانی که زینب آدامسیز قالموشدی آمان آمان آدامسیزلیق الیندن بویورالار خانم ظهرعاشورادن تا گئجه یه قوجالدی ایله یورولموشدی یاتما نجف ده گل دئدی زینبِ بی نوا علی ئوزوم غریب وبی کسم گئدمگه یوخدی بیر یریم بابا جان کاش اولِیدین کربلادَ ئولدوردیلر حسینیمی قویمادیلار آغلیام بابا سنون باشیووین یاراسین باغلادیم ...اما حسینین یاراسین قویمادیلار باغلیام بیر دویونجا قویمادیلار حسینیمه آغلیام مظلوم حسین....‌‌‌‌.... الا لعنه الله علی القوم الظالمین التماس دعا ✍کریمی ﷽🍁 @torkiy ✨اَللّهُمَّ عَجِّل لِوَلیِّکَ الفَرَج✨💫

☑️شهادت حضرت علی (ع) 🎼آهنگ: یئخلدی سقا یره مولا دوشوب بستره _جان وئرور یارالیدور جانی یتوب لبلره _جان وئرور یارالیدور آغلوری قئزلاری هی دیور غریب آتا سسلور اوغلانلاری قویما تک بیزی بابا ⚫️⚫️⚫️ ابن ملجم یاره سی فرقینه ائدوب اثر کوفه ده منشق اولوب گوئیا اوگون قمر گوزیاشی ائتدی روان قاره گیدی شیعه لر روحی گئدیر گویلره _جان وئرور یارالیدور آغلوری قئزلاری هی دیور غریب آتا سسلوراوغلانلاری قویما تک بیزی بابا ⚫️⚫️⚫️ جان وئروری کوفه ده کان عزت و شرف نئچه ایل حکومتی عدل اولوب اونا هدف ائتدی وصیت اونا مدفنی اولانجف غسل اولونسون حیدره جان وئرور یارالیدور آغلوری قئزلاری هی دیور غریب آتا سسلوراوغلانلاری قویما تک بیزی بابا ⚫️⚫️⚫️ اوغلی حسین آغلوری گئتمه سسلنور آتا وئردی آتاغسلینی اوگونی بویوک بالا دوت نفریله گئجه گئتدی مولا توپراقا صاحب فدا پیکره جان وئرور یارالیدور آغلوری قئزلاری هی دیورغریب آتا سسلوری اوغلانلاری قویما تک بیزی بابا ⚫️⚫️⚫️ او گئجه دفن ائتدیلر جسم پاک حیدری قالمویوبدی اوغلی تک یرده جسم اطهری سویموشودی دشمنی پاره پاره پیکری یوخ سانی ستملره جان وئرور یارالیدور آغلوری قئزلاری هی دیور غریب آتا سسلور آوغلانلاری قویما تک بیزی آتا 🍂@torkiy🍂

باسلام شعر جدید ضربت خوردن حضرت علی علیه السلام به سبک تا مشکتو تو آب زدی نمازین اوسته کوفه ده وروبلا یاره حیدره باتوبدی قانه گوزلری نوا دوشوبدی گویلره باتوب قانه مسجد و محراب زینب آغلار آچوب باشین حضرت طاها سینه داغلار قارا پرچم جبرئیل ووردی عرش فرشه حسین آغلار فاطمه باشه قاره باغلار علی جان علی جان 2بار ووروبدی یاره اهل کین عدالت اوسته حیدره شهید اولوبدی مرتضی بو سس دوشوبدی دیللره نماز اوسته حیدرین فرقی پارچالاندی ایدور ناله مجتبی زهرا قلبی قاندی شهید اولدی مرتضی زینب ایلور افغان یتش داده یارسول الله گل اماندی علی جان علی جان 2بار علینی شهر کوفه ده یخوبدی دست کینه لر جنایت ایتدی اشقیاء اولوب عزالی شیعه لر ووروب ضربت ابن ملجم یخدی علینی نماز اوسته ئولدوروب دشمن شاه دینی دوشوب لرزه نه سمایه آغلور پیمبر جنایت ایتدی عدو آغلاتدی حسینی علی جان علی جان 2بار منشق اولوب فرقی دوشوب محرابه بی جان پیکری دشمنلری ظلم ایلیوب آغلاتدیلار پیغمبری صولوب رنگی قانیله حیدر اولدی الوان دوشوب محرابه علی عباس اولدی گریان یوروب درد و غم بو دنیاده مرتضانی باتوب قانه کوفه شهرینده شاه مردان علی جان علی جان 2بار عدالت اوسته جان ویروب امیر مؤمنان علی شهید راه حق اولوب جهاندا امته ولی دیور زینب ای یارالی باش آغلارام من ئولونجه باشه قرا بابا باغلار ام من عدو ظلمی آشکار اولدی بیرده باشدان غمینده بو سینه می سنسیز داغلارام من علی جان علی جان 2بار بنات حیدر آغلاشور گیوبدی قاره قدسیان زینب دیور ای وای بابا غمون منه اولدی گران بابا سنسیز گیتدی ایندی بو ائو صفاسی چخار عرشه زینب کلثومین نواسی فراقینده داغدار اولدوم اهل عالم شهید اولدی باشلانوب مولانین عزاسی علی جان علی جان 2بار ئولدی عدالت گوهری اولدی قیامت کوفه ده عالمده دین دشمنلری ایتدی جنایت کوفه ده علی ئولدی یعنی ئولدی عدل و عدالت غروب ائتدی کوفه ده اول شاه ولایت یازار «مهدی» شانینه نوحه سینه داغلار قبول اولسا نوکره شه ایلر عنایت علی جان علی جان 2بار حاج مهدی ملکی زنجانی 🍂@torkiy🍂

‍ بسم الله الرحمن الرحیم شعر به مناسبت شهادت امام علی ع زبانحال حضرت زینب س بعد از شهادت امام علی ع به سبک 🍀 الله گون باتدی 🍀 بقلم 🍀 ابراهیم تون خوش قلم میاندوآب 🍀 🌺🍀🌺🍀🌺🍀🌺🍀🌺 غملی دنیادن دویان بابام وای زینبی آغلار قویان بابام وای سنه واردور منیم سوزوم بابا فراقیوه نئجه دوزوم بابا داغلی قلبیمی غملر بولجاق سن سیز پریشان زینب ئولجاق غصه لر صبریمی الدن آلدی زینبین گوزلری آغلار قالدی زهرایه مهمان گئتدون یارالی نه تز ائلون نن دوشدون آرالی بو درده یوخ منده راهِ چاره آغلورام من سنه قلبی یاره شعله ی عشقه منی آلیشدیر آتاسیزلاری بیرجه دانیشدیر اولدوز تک گوزلریم آخدی بابا آچ گوزون باخ منه سنی زهرا ❤❤❤❤❤❤❤❤❤❤❤❤❤❤ التماس دعا رمضان ۹۷ کربلاییابراهیم تون خوش قلم میاندوآبی 🍂@torkiy🍂

زبانحال حضرت زینب کبری سلام ا... علیها در کنار بستر امیرالمؤمنین علیه السلام (اصغریم ای شیرین زبانیم) 🔵🔵🔵🔵🔵🔵 روزگارین داد اَلیندن ناله و فریاد اَلیندن بِش یاشیمدان غمه اَسیرم اولمادیم آزاد اَلیندن زینبین ناله سَسی عرشه چاتیب وای بابا مَحاسینون قانه باتیب بابام ایوای بابام ایوای 🔵🔵🔵🔵🔵🔵 چوخ اولوب غمون جهاندا یانموسان یاده سالاندا سن او گون دوشدون اَیاقدان آنامی ثانی ووراندا یوردولار سنی بابا قوم دَنی آنامی وورانلار ئولدوردی سنی بابام ایوای بابام ایوای 🔵🔵🔵🔵🔵🔵 بابا دَردون منه گَلیدی زینبون ایکاش ئولیدی تیغ کین سنه دَگینجه قیزیوین قلبین دَلیدی یاراوی، گوروب اورک داغلییَرم آنامین، یاره سی تک باغلییَرم بابام ایوای بابام ایوای 🔵🔵🔵🔵🔵🔵 چوخدی محنتیم بولَرسن گیدوسن سن دینجَلَرسن یخیلان وقتیده حسینیم قتلگاهیده گَلَرسن او چوخور یره اوزون یِتیر بابا آنامی گَلَنده سن گَتیر بابا بابام ایوای بابام ایوای 🔵🔵🔵🔵🔵🔵 #امیرالمومنین_ع #حضرت_علی_علیه_السلام التماس دعای فرج 🍂@torkiy🍂

🍂‍ در ضربت خوردن حضرت امیرالمومنین علیه السلام🍂 #شهادت_مولا_علی حجت مرتضایی سبک : یافاطمه من عقده دل وانکردم ماه ولایت بوگجه دوشدی کسوفه قالدی آتاسیز دیده تر ایتام کوفه محرابه دوشدی/ زینب آتاسی مجروح اولوبدی /شیعه آقاسی مظلوم علی جان۴ قاره گیوبدی مسجد ومحراب ومنبر قانه باتوبدی کوفده مولامیز حیدر ضربتلنوبدی/ یارضعیفان آغلور بوغمده/ جمع یتیمان کوفه اوشهر بی وفا غرق عزادی بیت ولایت بوگجه ماتمسرادی محزون اولوبدی/ عشاق واحباب بو غمده الله /نالاندی محراب بوغمده زینب باشینه سالدی قراسین آغلارگوزیلن باغلیار بابا یاراسین زهرا بالاسی /اولدی پرستار گوزلرحزیندی/ بسترده بیمار بوغمده محزندی حسن حسینده آغلار باشینه قاره زینب غم دیده باغلار قاتل علینی/ محرابه سالدی ایتام کوفه /بیچاره قالدی 🍂@torkiy🍂

🥀نوحه ضربت حضرت امیرالمومنین علیه السلام🥀 🍂ترکی🍂 📝حجت مرتضایی 🎶سبک:یافاطمه من عقده دل وانکردم... 🎙اجراسبک:خادم کانال کربلایی سعیدسلطانی🎙 🍂@torkiy🍂

✔️ مولی الموحدین علی ابن ابیطالب علیه السلام سبک : صحرا صحرا دویده ام باغ عمرون گلی سولوب رنگ خزان گورورم زهرادن واردی دعوتیم زینب جان گل اولورم صبح امیّد اوزاقلاشوب شام هجران گلوری مظلو آتان اورگینی تیر محنت دلوری باشدا یاره گیدورم ، دنیانی ترک ایدورم ، زینب گلمه شیونه باشوندا واردی بلا ، صحرای کرببلا ، زینب گلمه شیونه زینب ، زینب ، زینب ...... جور و جفای دهریدن زینب جان خسته منم زهرا غمینده یانموشام روحی بشکسته منم توکمه عذاره اشگیوی آغلاما اوز اوزیوه یاندیرما چوخ اورگیمی بابا قربان گوزیوه باشدا یاره گیدورم ، دنیانی ترک ایدورم ، زینب گلمه شیونه باشوندا واردی بلا ، صحرای کرببلا ، زینب گلمه شیونه زینب ، زینب ، زینب ...... بو مدّتی قان اوتموشام دوزموشم درد و غمه من تک مظلوم اولان داخی گلمز بیرده بو عالمه هیچ بیر کسین منیم کیمی قلبین غم داغلامادی هیچ امامین رعیّتی قولونی باغلامادی باشدا یاره گیدورم ، دنیانی ترک ایدورم ، زینب گلمه شیونه باشوندا واردی بلا ، صحرای کرببلا ، زینب گلمه شیونه زینب ، زینب ، زینب ...... کلام سیدمرتضوی 🍂@torkiy🍂

🥀شهادت حضرت امیرالمومنین علیه السلام🥀 🍂ترکی🍂 📝کلام سیدمرتضوی 🎶سبک:صحراصحرا دویده ام... 🎙اجراسبک:خادم کانال کربلایی سعیدسلطانی🎙 🍂@torkiy🍂