زبانحال حضرت ام البنین (سلام الله) به حضرت رباب (سلام الله)    (سنی اصغر جانی عباسی حلال ایله رباب)   بیر گون ایلشمیشیدی آل علی بیر یرده سینه لر تنگه دوشوب گلدی اورگلر درده   اوغلی ئولمیش ننه لرقارداشی ئولمیش باجیلار کربلا واقعه سین یاده سالوب آغلادیلار   بیر قوجاعورت اودم عجزیله دوردی ایاقا آل حیدر باشینی سالدی حیادن اشاقا   ایاقا دورماغی گرم ایلدی حضاره یاسی او خانم ام بنینی دی اباالفضل آناسی   سرو تک آچدی او دریای حیا خولارینی زینبین گردنینه سالدی اوزون قولارینی   دئدی قارداشلاریون بوردا یری بوشدی خانم بو سنیق قلبیوی آرام ائلسم خوشدی خانم   ائله قلبیم داریخور آه ونوادن دانیشون بیر نچه جمله منه کرب وبلادن دانیشون   خبریم وار بالامون یاره سی حددن چوخودی اورگین قان ائلین گوزده که اوچ پر اوخودی   بو سوزی فاش ائت ایاق اوسته دایاندیرما منی هرغمیننن چوخ اونون هانکیسی یاندیردی سنی   دئدی زینب اونا ای مادر شجعان عرب نیه خاطر ائدیسن زینبه گوندوزلری شب   پارچالانمیش بدنین فاش ائدیم آیا هاراسین نجه اظهار ائلیوم باشدا عمودین یاراسین   اوچ پراوخ آننینا دگدی اورگی قان اولدی قولارین سالدیلار آواره میدان اولدی   دیه بیللم که بیزیم قلبیمیزی داغلادیلار بدنین باشدان ایاقه بالاوین دوغرادیلار   قطعه قطعه ائلدی پیکرین اشرار زمان او اوجا قامتیلن قبری کیچیکدی هامیدان   دئدی؛زینب بولاری فاش ائلیوبسوز بیلورم بیر سوزوم واردی ولی یاده دوشنده ئولورم   بالامون غیرتی حددن چوخودی سن بیلوسن اونی سقا ائلمیشدی سیزه سلطان زمن   دئ گوروم خیمیه سو گتدی که من راحت اولام یا که شرمنده اولوب سیزدن او غیرتلی بالام   بویوروب حضرت زینب اونا آی غملی آنا یار وانصار حسین هاموسی باتمیشدی قانا   یوخودی داده چاتان خیمه ده غوغائیدی بیر حسینیون کمکی یاوری سقائیدی   هامینون خیمه ده امیدی گلیردی بالووا بالالار منتظریدی گده عباس سووا   تا سومشگین گوتوروب ایلدی میدانه شتاب اللرین قوزادی شکر ایلدی خلاقه رباب   آلدی آغوشه سوسوز طفلین او دریای وقار دئدی صبر ایله بالا پیس گونون عمری آز اولار   گربیر آزصبر ائلسون خانه دردی ییخارام گلسه سو خیمیه شرمنده لیگونن چیخارام   صبحدن گر چه ربابین گونوزی شامیدی تا علم یاتمامیشیدی بیرآز آرامیدی   ولی ناگه بو خبر خیمه ده طوفان سالدی دئدیلرئولدی اباالفضل حسین تک قالدی   ایستمیردوم بو سوزی فاش ائلیم اولده علی اصغر سوسوز اوخلاندی ننه مقتلده   سیخدیلار ام بنینون بو مصائب اورگین دیزی اوسته اوتوروب دوتدی ربابین اتگین   دئدی بیر سوز دیورم سعی ائله سن رد ائلمه اوغلی ئولمیش ننیه چاره یولین سد ائلمه   ائله قلبیم داریخور رفع ملال ایله رباب سنی اصغر جانی عباسی حلال ایله رباب #وفات_حضرت_ام_البنین_سلام_الله_علیها

زبانحال حضرت ام البنین سلام الله علیها من ام بنینم شرف الناسیم ئولوبدی سرویم یخیلوب طیب الانفاسیم ئولوبدی ایراد ائلمون گوزیاشیم آلقانه دولانسا غیرت یلی حیدرصفت عباسیم ئولوبدی ام بنینم ام بنینم غر یب و تنها یم ام بنینم ام بنینم کنیز زهرایم من ام بنینم منی غم سالدی فشاره دورد اوغلوم ئولوب گیمیشم علت اودی قاره دورد اوغلومون هرتک تکی قرآنه فدادی حاشا دییم اولدوم بو سببدن گونی قاره ام بنینم ام بنینم غر یب و تنها یم ام بنینم ام بنینم کنیز ز هرایم من ام بنینم باخارام قانلی لوایه رو حیم پر آچار اشک فشان دشت بلایه عباسیمی گورم سو کنارینده لب عطشان قولسوز یوزی اوسته یخیلوب قانلی منایه ام بنینم ام بنینم غر یب و تنهایم ام بنینم ام بنینم کنیز زهرا یم یانام دییرم جان بالا ئولسون ننون ئولسون باشیندن آخورقان بالا ئولسون ننون ئولسون آتدان یوزی اوسته بالا قولسوز یخیلوبسان باش یاروه قربان بالا ئولسون ننون ئولسون ام بنینم ام بنینم غر یب و تنها یم ام بنینم ام بنینم کنیز زهرا یم ایوای منه باش یاروه فرزانه لرآغلار عالم بویی احوالیوه بیگانه لرآغلار دورد اوغلی ئولن بیر آنیا م بزم عزاده شمع شرف آغلار منه پروانه لرآغلار ام بنینم ام بنینم غر یب و تنها یم ام بنینم ام بنینم کنیز ز هرا یم جاهد سوزی قورتار ائله گوز یاشیوی جاری یاز نوحه ابوفاضله آغلا گئجه یاری سن گرچه گنهکارسن اما کی جزاده آیدین سحر ایلر سنه مولا شب تاری ام بنینم ام بنینم غر یب و تنها یم ام بنینم ام بنینم کنیز ز هر ا یم ✍منکلام:استادحاج علی پورعلی متخلص به جاهد #وفات_حضرت_ام_البنین_سلام_الله_علیها

🍁 بسم الله الرحمن الرحیم 🍁 🏴 احوالات حضرت ام البنین سلام الله علیها 🎼میگذرد کاروان اهل مدینـه گَـلـون جان وئریر ام البنین گوزلویور اوغلانلارین خسته و زار و غمین باشینون اوسته حزین سسلییور عباسینی اوغلوم ابوالفضل گل دوت آناوین یاسینی لای لای عباسیم لایلای بالام سون نفسیمده گل کام آلام ایندیده لایلای چالور مادر بی یاورین جان وئرورم گل بالا باغلا آنان گوزلرین آغلامیشام من سنه سنده گل آغلا منه سویله بوگون گل منه قارداشیوین سوزلرین لایلای عباسیم لایلای بالام سون نفسیمده گل کام آلام کرب و بلاده یاتوب قلبیمی قانه قاتان سولدی منیم گوللریم دشت بلاده امان گوللریمه یانمادیم یاندیم حسین حالینه جان یئتیشوب آخره گل منه روح و روان لایلای عباسیم لایلای بالام سون نفسیمده گل کام آلام ✍علی اصغر عباسعلی نژاد کیوج_سراب التماس دعا... #وفات_حضرت_ام_البنین_سلام_الله_علیها ✨اَللّهُمَّ عَجِّل لِوَلیِّکَ الفَرَج✨

ای عزاداران گلون ام البنینون یاسینه آغلیون ام البنینه هم گؤزل عباسینه . دولدورون گؤز کاسه سین اشکیله سیراب ایلیون قطره تک ملحق اولون آل علی دریاسینه . جان وئرور بیر شیرزن أؤز شیرینون فکرینده دی آغلیور کرب و بلانین مرد با احساسینه . تعزیه قورموشدی از بس گون ائوینده اوغلونا ابر غم سالمیشدی لکه صفحه سیماسینه . دلده یاره بستر محنتده افغان ایلیور عالم آغلور ناله و فریاد واویلاسینه . منتظردور گؤزلری جان اوسته عباس آختارور حقی وار اوغلون چاغورسون لحظه حساسینه . سسلیور عباس من گل قبلیه دؤندر منی دوش یولا کرب و بلادن کفن و دفن اجرا سینه . بیرخانمدوربسلدی أؤز دامنینده شیر نر فاطمه اوغلی حسینون روز عاشوراسینه . گرچه شخصا گؤرمه میشدی کربلا هنگامه سین نوحه خوان اولموشدی دشت نینوا غوغاسینه . گه دییردی یا حسین گاهی ابالفضل آدینی سس قوشاردی آغلیاندا اکبرین لیلاسینه . یادینه دوشسیدی هر دم دلبر بالا قدی گؤزلرین دریا ائدردی کربلا سقاسینه . اوغلونون عطرین آلاردی اوغلی عبداللهیدن انکساریلن باخاردی صورت زیباسینه . قامتی یاده سالاردی سرو قد عباسینی گونده مین قربان دییردی قامت رعناسینه . بیر علم بیر مشک شوقیله سالاردی چیگنینه اوخشاداردی صولتین سردار سر آساسینه . گه دییردی دوش یولا گاهی دییردی دور بالا قوی باخوم قوللاروه قربان گؤزون صهباسینه . الغرض یومدی گؤزون دنیانی ترک ائتدی خانم قالدی حسرت گؤزلری ایستکلی خاطرخواسینه . عفو ائدون بو عاشقی ای کربلا عاشقلری خط شعریمدن چخوم روح عزا معناسینه . با حیا ام البنینون با وفا اوغلون یازوم تا پر آچسون مرغ طبعیم شاخه طوباسینه . اعتراف ایلور گؤزللر بانوی نیکو فرین تک ابالفضلی دیر یوز مریمون عیساسینه . بس کرملیدور آقام باب الحوایج آدلانیب مریمون عیساسی چاتماز قدرت انفاسینه . بیر باخیشلان مین مریضون دردینه درمان ائدر شیعه لر قربان ابالفضلون ید بیضاسینه . گر اینانمورسوز دیون عیساده گلسون ٬ کورده تا شفا وئرسون اونون بالمره نابیناسینه . ائتدی ابراز عشقینی ام البنینون دلبری هم حسینه هم حسینون حضرت زهراسینه . گؤر نئجه وارسته دی وارسته لر وارسته سی سود دنیانی ساتوب عقباسینون سوداسینه . اؤوجونا آلدی سویی اما حسین سیز ایچمدی بیلدی ایچسه خدمتی ناقص اولار مولاسینه . دولدوروب مشکی خیالی اولدی آسوده بیر آز ایستدی آسان یتورسون دست آل یاسینه . دوشدی نخلستان یولوندان افتخاریلن یولا تا وئره روح حقیقت اصغرین رویاسینه . حیف جلاد اجل کسدی خیامین یوللارین گلدی سقایرلب عطشانین او دم دعواسینه . آلنینی تیره هدف باشون عمودیله ووروب صدمه یتدی ابتلادن پیکر و اعضاسینه . قول دوشوبدور بیر یانا مشکیله پرچم بیر یانا مشکینون اوخلانماقی چوخ آرتیروب ایذاسینه . آرخاسی اوسته عقاب اوستن دوشوبدور تپراقا فکر ائدور عطشانلارین احوال جانفرساسینه . سسلدی شرمندیم قارداش أؤزون گل سو آپار خاتمه وئر قیزلارین فریاد واویلاسینه . قسمت ائت معروفه یارب کربلاده آغلاسون آند وئررم هم حسین هم زینب کبراسینه ✔️ رباعی سو اولماسا آغاج بیتوب بار آشماز غریب لرین هر کس حالین سوروشماز داخی منه ام البنین دئمیون اوغلوم ئولوب بو آد منه یاراشماز #وفات_حضرت_ام_البنین_سلام_الله_علیها ✍عباسی_معروفان_اهری لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

. #حضرت_عباس علیه_السلام #حضرت_ام_البنین علیهاالسلام 🩸ای‌کاش می‌دانستم که با دستان ابالفضلم چه کردند ... از جمله مرثیه‌های حضرت ام البنین علیهاالسلام این بود که می‌فرمود: 📋 یا لَیْت شِعْری اَکَما اَخبَروا بِاَنَّ عبَّاسا مَقْطُوعَ الیَدَیْنِ ▪️ای کاش! می‌دانستم آیا این خبر درست است که دست‌های فرزندم عباس علیه‌السلام را از تن جدا کردند یا نه؟! 📚ابصار العین، ص ۶۴ 📚معالی السبطین، ص ۴۳۳ ✍ آه یا امّ البنین... همین را فقط عرض کنم که این «دستانِ‌مبارک» نه فقط اشک تمام عالم را جاری نمود؛ بلکه پُشت اباعبدالله الحسین علیه‌السلام را هم شکست... در همان ساعتی که مقاتل نوشته‌اند: 🥀 سیدالشهداء علیه‌السلام پا در رکاب گذاشت و رو به میدان نمود تا بر بالین برادر حاضر شود؛ که ناگاه ذوالجناح ایستاد و قدم از قدم بر نداشت و سر خود را به جانب حضرت اباعبداللّه علیه‌السلام بلند کرد و شروع نمود به گریه و نوحه و زاری کردن و اشاره به جانب زمین می‌نمود. 🥀 حضرت سیدالشهداء علیه‌السلام فهمیدند مطلبی دارد، فرمودند: چه می‌گویی ای ذوالجناح؟ که ناگاه به قدرت کامله الهی قفل خاموشی از زبان آن حیوان برداشته شد؛ عرض کرد: 📋 یا سَیِّدی اَما تَنْظُرُ اِلَی الأرْضِ؟ ▪️ای آقای‌من! آیا نگاه نمی‌کنید به سوی زمین!؟ 📋 فَلَمّا نَظَرَ الْحُسَیْنُ علیه‌السلام اِلَی الأرْضِ رَأی اَیْدی اَخیهِ الْعَبّاسَ مَقْطُوعَةً وَ فِی التُّرابِ مَوْضُوعَة ▪️همین که حضرت نگاه کرد، دید دستان برادرش عباس قطع شده و بر روی خاک افتاده است. 🥀 حضرت خم شد و آن را برداشت و به سینه خود چسبانید و فرمود: 📋 اَلاْنَ اِنْکَسَرَ ظَهْری وَ قَلَّتْ حیلَتی ▪️الآن دیگر پشتم شکست و بیچاره شدم. 📚 انوار الشهادة،یزدی،ص۱۲۹ 📝 شد وقت آنکه در غمِ شَه نوحه سر کنم از سوزِ آهِ خویش، جهان پُر شرر کنم چون شاه دید پیکر عباس روی خاک گفت: ای خدا! چه چاره از این غم دگر کنم؟ خوش گفت آن که گفت چنین این زبانحال آن را بگویم و غم دل تازه تر کنم: از من دو دست بر كمر و از تو بر زمين دست دگر کجاست که خاکی به سر کنم؟! قامت ز من شكسته و از تو به روی خاك كو قامتی كه خواهر خود را خبر كنم؟! عباس! خوش بخواب شدی‌ راحت از جهان اما بگو چه چاره منِ خون جگر كنم؟! #وفات_حضرت_ام_البنین_سلام_الله_علیها

#روضه_پایانی #حضرت_ام_البنین یانی 📝 الا مادر به قربون جمالت ... 🎤 حاج محمد فراهانی 🕌 مجمع یاس کبود 📆 یکشنبه ۰۲/۱۰/۰۳ ایام #شهادت_حضرت_ام_البنین از دو چشم یاس میخوانم بیا شعری از احساس میخوانم بیا نیستم قابل ولی ارباب من روضه عباس میخوانم بیا ............ الا مادر به قربون جمالت رخ چون بدر و ابروی هلالت شنیدم کام عطشان جان سپردی گل ام البنین شیرم حلالت شنیدم دستهایت را بریدند شنیدم چشم نازت را دریدند چو طفلان این سخنها را شنیدند همه از هم خجالت می کشیدند ............... دامن کشان رفتی دلم زیر و رو شد چشم حرامی با حرم روبرو شد بیا برگرد خیمه ای کس و کارم منو تنها نگذار ای علمدارم آب به خیمه نرسید فدای سرت حسین قامتش خمید فدای سرت ............... سکینه جان گریه کنه تموم این مسیری سکینه جان سراغ سقا رو ازم نگیری سکینه جان من بمیرم ،باید بری اسیری زینب من بگو همه زیوَرا رو درارن زینب من گوشوارو انگشترا رو درارن ایشالله که، کاری دیگه به معجرا ندارن ........ #الا_مادر_بقربون_جمالت

#زبان حال خانم ام البنین(س) غملی قاپیا قاره علم ویرمشام اوغلوم هر هفته سنه بزم عزا قورمشام اوغلوم اولماز بئله هیات ، بئله یاس ،دور زمنده حالیم پوزولوب زینب آچیق روضه دینده گل صورتووه باشدان آخان قانووه قربان اصغر آناسیندان اوتانان جانووه قربان

‍ 🍂زبانحال حضرت ام البنین (سلام الله علیها)🍂 هارداسان با وفا ابالفضل آنووا وئر صدا ابوالفضل          جان وئرور دورد اوغول آناسی          گل باشیم اوسته یا ابوالفضل   گور نجه گوز تیکوب آنون یولاروا گل اوغول گوزلریم فدا قولاریوا     آخان گوزلر یولون گوزلر(2) قلبیمی غم سالوب فشاره اوخشیور گوزلرون آبشاره         گلمسون دفنیمه ابوالفضل         آنووی کیم قویار مزاره       گلمسون آدیمه اوغولسوز دییلر       گلمسون کیم مزاریمون اوسته گلر         گوزوم یاشین سیلن یوخدی         اورک دردین بیلن یوخدی ‍ #وفات_حضرت_ام_البنین_سلام_الله_علیها

شب وفات حضرت ام البنین(س) شهر زنجان 🎤بانوای زنده یاد حاج محمد باقر منصوری #وفات_حضرت_ام_البنین_سلام_الله_علیها

🎤زنده یادحاج محمدباقرمنصوری وفات حضرت ام البنین (س) #وفات_حضرت_ام_البنین_سلام_الله_علیها

نوحه جدید زبانحال #ام_البنین ای منیم آرام جانیم نیّر تابان ابالفضل هارداسان گل باشیم اوسته جان وئریم آسان ابالفضل ای منیم ماه منیریم هارداسان غیرتلی شیریم دورت اوغولدان نئیلیوم بس هیچ بیری یوخ باشیم اوسته گلمیشم نی تک نوایه غربت ائلده دلشکسته آزقالیر عمروم قوتارسین بار غمدن زار و خسته گوزلریم یوللاردا قالدی باغریم اولدی قان ابالفضل من نه مدت دور بیلریسن اولموشام هجرونده دلگیر گوزلدیم یول گلمدین سن روحیمی غم ائتدی تسخیر یوخ امان پیک اجلدن ائتموری بیر لحظه تاخیر آزقالیر چیخسین دوداقدان حسرتیله جان ابالفضل نیسگلیم چوخدور اورکده مونسیم یوخ دور وطنده کیم واریم تا رو به قبله ائیلسین تا جان وئر ده سنده گلسون دردیم آرتار قوللارین یوخدور بدنده اود دوتار یکسر وجودیم ائیلرم افغان ابالفضل سن گئدن گوندن عراقه اولموشام منده زمینگیر هر گئجه گللم فغانه وار اورکده آه شبگیر بسکه نالم ده اثر وار ائیله دی دشمنده تاثیر سس سسه وئردی منیله آغلادی مروان ابالفضل غملی باشدا یدی قاره م وار، حزین ام البنینم اشک حسرت گوزلریمده دلغمین ام البنینم عزتیم گئتدی الیمدن بی بنین ام البنینم گلشن امیدیم اولدی ظلمیله تالان ابالفضل اوز خیالیمده سنیله ای وفالی همدم اوللام طائر روحیم آچار پر کربلاده با هم اوللام سسلرم گلمز جوابیم غرق دریای غم اوللام غم سالار هر لحظه سنسیز روحیمه طوفان ابالفضل یاده ساللام کربلانی حسرتیله یانه یانه ائیله گللم شور و شینه وورام اود قلب جهانه بیر بولوک ایل و تباریم کربلاده باتدی قانه غصه قلبیم دن آزالماز هیچ منیم بیرآن ابالفضل وای منه ، ایوای نه چکدین باشیوه یاره دگنده نیلده دین السیز او چولده مرکبین اوستن دوشنده ای منیم غیرتلی شیریم کیم سنی سالدی کمنده یادیمه دوشدوقجا یانام ای یل دوران ابالفضل داغلی قلبیم تنگه گلدی یانمیشام نار فراقه دفتر عمریم غمیله دولدی جان یئتدی دوداقه تیکمیشم گوز ای عزیزیم شوقیله سمت عراقه هارداسان ای راحت جان دردیمه درمان ابالفضل پرچمه باخدوقجا گوردوم باشیوین درد و بلاسین مشکه باخدیم شرح ائدوردی نهر علقم ماجراسین داغلی قلبیم یاندی بیلدیم اوخ یاراسین داش یاراسین عشقیوه قربان که ائتدین عالمی حیران ابالفضل هارداسان گل داده اوغلوم دیل دولی نیسگیل غریبم باشدا قاره جان دوداقدا ائللریم دن بی نصیبم ای آدی دردلر دواسی منده مشتاق طبیبم کاش اولا حسن جمالون ئولمه میش احسان ابالفضل ای وفالی قهرمانیم غم منی سالدی حصاره گل اوزون عزتله اوغلوم نعشیمی تاپشیر مزاره بیر دویونجا اوخشا آغلا بو غریب و دلفکاره قبریم اوسته خوش سسیله باشلا بیر قران ابالفضل ✍محمد_هوشمند ثواب این شعر را تقدیم میکنم به روح بلند شهدای مقاومت مخصوصا شهید رضی موسوی که در حمله وحشیانه اسراییل به د رجه بلند شهادت رسید #وفات_حضرت_ام_البنین_سلام_الله_علیها