تقدیم به روح مطهر شهدا تا گوروب بزم محبتده فراخوانی شهید باش و جان فیکرین آتیب خوشلادی جانانی شهید دایانیب داغ کیمی اوز باورینین اوستونده چالیشیب حفظ ائله دی قلعه ایمانی شهید شمع تک وارلیقین ایثار ائله دی یاندی تمام بشریت یولونی تا ائده نورانی شهید خوار ائدیب نفسینی گل جیسمی قالیب چوللرده قویمادی خوار اولا شخصیت انسانی شهید باده غیرت ایچیب دیر خُم عاشورادن نخل ایمانه وئریب سو یئرینه قانی شهید باش وئریب وئرمه دی ظالم لره بیعت الینی بیلدی رهبر اوزونه شاه لب عطشانی شهید قانلی میداندا قیلیب رهبری تک قانلی نماز کوی عشق ایچره تاپیب رتبه شایانی شهید نقد جان الده چاتیب حضرت حق محضرینه یئتیریب باشه گوزل وجهیله پیمانی شهید شرف و عزتی اخلاصیله معنا ایلدی اولدی هرانجمنین سرور و سلطانی شهید ✍محمد_هوشمند