فراق رمضان یارب نظر ائت فصل کرامت گئدیر الدن افسوس اولا که ماه عبادت گئدیر الدن مین آیدان اولان قدریده افضل شب قدری الله آیی ایام هدایت گئدیر الدن سیراب ائله دی قلبلری چشمه ی قران قرانیله چون جهل و جهالت گئدیر الدن شهر رمضان آچدی گوزل سفره سین اما قویدی بیزی بیر ایل یئنه حسرت گئدیر الدن به به واریدی ذکر و مناجات و دعاسی صبحونده اولان عطر و طراوت گئدیر الدن باشدان باشا عاصی لره اومّید آییدی نومید ائلمه نعمت و قسمت گئدیر الدن عزت واریدی وقت اذان سفره باشیندا ائولرده اولان شور و حلاوت گئدیر الدن یارب کرم ائیله نظر لطفیوی کسمه چون عشقیویله کبر و منیت گئدیر الدن درگاهیوه مین دفعه ده شکر ائیلسم آزدی توفیقین اگر اولماسا عزت گئدیر الدن عفو ائیله بیزی پنج تن آلعبایه تا واردی بو آی رحم ائله فرصت‌ گئدیر الدن بایرام گلیری ائیلمه هیچ بیر کسی نومید لطفونله اورکدن غم و حسرت گئدیر الدن یارب بیزه دنیا بویی وئر صبر و بصیرت صبر اولماسا هر قلبیده طاقت گئدیر الدن هر شام و سحر روحیمی مدهوش ائله یارب غفلت ده عجب عمر موقت گئدیر الدن #هوشمند #مدهوش

🌙 اِستعاذه فِطر بایرامینان 🌙 اَعیادیدَه قویدوم گِنه دَه فِطرَه قَدَم من بو بایرامی  بیلَّم  حَقِ  والایه  حَرَم  من بیرآی گجه گوندوز سنه مهمانیدیم الله قورتاردی قوناقلیق گَزورم باب کَرم من من سَن دِیَنَه چاتمادیم  امّا بیلورم سَن اونناندا بویوکسَن که دیلیمدَه دِیَرَم من چارَم  نَدی یارَب  قَرَه  تُپراقلارین  آلتدا اَعمالیده گَر گورسَم اوگون مُهرِ عَدَم من من  عَبدِ ذَلیلَم ، ولی   سن خالق  سَتّار کِئچمیشلَره گَل پَرده چَکک هَم سن وهَم من پَس سال یولا ئوز شَاَنووَه لایق بو قوناقی قویما اَلی بوش بیردَه یازام اَلده قَلَم من ای مین بیرآدین صاحبی سن بیرکَرم اِئتسون بیر قَطرِیَم  امّا  اولارام  داخلِ یَم  من دنیاده صَفا هاردا ، حُسینون یاسی اوردا آختارمارام هِچ سِیر لواسان و فَشَم من دنیا  گُلونَه  ناز  اِئدوری  تُربت  پاکی اولماز غَمیم اولسام بِله سلطانه خَدَم من تاپشیر منی ئوز حُجَّت بَر حَقّووَه یارب تا سائل اولوم دَرگَه مولایه  بو دَم  من بیر لحظه منه اِئتسَه نظر  یوسف زهرا حَتماً او باخیشدان تاپارام جامیلَه جَم من عَرض ایلیورم (نادرم) ای فاطمه اوغلی فِطریَّه  منه وئرسون آقا مُستَحقَم من 🌸🍀🌸🍀🌸🍀🌸

عید سعید فطر قورتاریبدی رمضان اول شواّل گلوب یتیشوب عید سعید احسن الاحوال گلوب تازا ایل باشلانوب عالمده اودور کی چمنه غیبیدن شور و نشاط و طرب و حال گلوب رخ رحمانیت و فضل خدادور رمضان فطر بایرامی رخ حقه گوزل خال گلوب کیم وریب چنگ طلب درگه ذات احده ور خبر معتصمه بهره اعمال گلوب دیده ی زاریله هرکس گیدوب حق سفره سینه رجعتینده گوروشور با لب خوشحال گلوب "آن شب قدر کزین تازه براتم دادند" حضرت حافظی آچدیم بئله خوش فال گلوب قورتاریب گرچه مه بخشش و غفران یمه غم طائرا فطر گونی طائر اقبال گلوب تقریر ۲۹ رمضان ۱۴۰۱ #طائراورنگی

#عید_فطر 🎤کربلایی سعید سلطانی

 بقیع حَبّذا روضه ی رضواندی بقیع بیت الاحزاندی پریشاندی بقیع نسگل اولسون بو مُحَن شیعه لره گوز گوتورمور ائله ویراندی بقیع گئجه ظلمتدی قرانلقدی مدام همه شب شام غریباندی بقیع سنده دی تربت زهرای بتول قدری تک قبری ده پنهاندی بقیع سنده دی حضرت عبّاس آناسی گوزی یاشلی اورگی قاندی بقیع ایمدی ده گوزلور ابوالفضل یولون ناگران گوزلری گریاندی بقیع دورد امامین او گوزل قبرلری نیه بس خاکیله یکساندی بقیع سنده قویمولا جگر داغلاماقا شمرلر سنده نگهباندی بقیع عمو قارداش بالاس سنده یاتوب بیر آتایه بالا مهماندی بقیع مجتبا زین العبا بستریدی صادق باقره اسکاندی بقیع چوخ اورکلر چکوری حسرتوی شوق وصلونده نواخواندی بقیع بو «کریمی» یخیلوب توپراقووا کرم ائت لایق احساندی بقیع ائله که دوشدی بقیعه نظریم اشک حسرتله دولوب دیده لریم غصّه بوغدی منی گلدیم جانا من یوزومی دوتدوم او قبرستانا من گئدیرم صاق صولا یار آختاریرام بیر مصیبتلی مزار آختاریرام هارداسان ای گل گلزار رسول ای حسینه آنا زهرای بتول آغلادیم یاندیم همان نسگله من طوطی طبعی گتوردوم دیله من  شاعر : استاد کریمی مراغه ای

تخریب بقبع😭 مداح پیرزاده🎤

🏴به مناسبت تخریب بقیع🏴 حماسی ✍شاعر : علی عبدی سلام اولا دلبند مصطفایه عزیز زهرا ، پور مرتضایه جوانلارین بهشتیده آقاسی برادر سلطانِ کربلایه کریم اَهلبیت امام حسن سنه اولا بیزدن سلام حسن مه هدایت شه کرامت یا امام حسن مولا یا امام حسن☆مولا یا امام حسن 🏴🏴🏴🏴🏴 اورکلری آرام اِئدن حسندی گلِ خوش و زیبای پنج تندی وجودِ مِرآتِ خدای رحمان سالار کمندِ عشقه دردمندی اورکلری جذب اِیلییر آقا نه دردین اولسا اِیلییر دوا طبیب عشقیم حبیب عشقیم یا امام حسن مولا یا امام حسن☆مولا یا امام حسن 🏴🏴🏴🏴🏴 وفای عهده پایبند قاللوق سعودیلردن بیزبقیعنی آللوق گوزل حرم با گنبد طلا دورد امام و زهرا آنامیزا ساللوق ولی اَمرین جان نثاری یوک ولی عصرین ذوالفقاری یوک بیزه شهادت یارادار عزت یا امام حسن مولا یا امام حسن☆مولا یا امام حسن 🏴🏴🏴🏴🏴 اگر اِئده دشمن زیاده خواهی بقیعه بیرگون چپ اِئده نگاهی دولو یاغیش تک باشینه پیاپی یاغار یقینا موشک سپاهی دولاشمیون بیهوده سیز بیزه که سیلیِّ محکم دَیَر سیزه اولا تَن و جان بو دینه قربان یا امام حسن مولا یا امام حسن☆مولا یا امام حسن ✍بقلم کربلایی علی عبدی

یا مهدی بمناسبت روز 8 شوال ( تخریب قبور ائمه #بقیع . محمدرضامحمدی(ناعم) . . سنی سسلورامداده یابن الحسن هامی خلق اُفتاده یابن الحسن . اولورچوخ جنایت ئولوبدورعدالت آقاهارداسان . یورولدوق ستمدن بودردواِلمدن آقاهارداسان . . اوره کلرفراقونده مغموم اولوب علی شیعه سی گورنه مظلوم اولوب ئوز حقیندن عالمده محروم اولوب . گل ای شهریاریم شه تاجداریم آقاهارداسان . منیم گلعذاریم وفالی نگاریم آقاهارداسان . . گل ای دللری قان ائدن غیبتی ووران هر دله اوخ،غم غربتی اوره کلرده قالدی بقیع حسرتی . نه واردی چراغی نه صحن ورواقی آقاهارداسان . نه بیرآغلیان وار سینه داغلیان وار آقاهارداسان . . نئجه شیعه دوزسون بو درد و غمه بقیعون غمی اود سالورعالمه یاتوب اوردا غملی،خانیم فاطمه . سولوبدی عذاری بیلینمور مزاری آقا هارداسان . گل آل انتقامین قیل احیا مرامین . #سنی_سسلور_امداده_یابن_الحسن #محمدی_ناعم

#سالروز_تخریب_قبور_ائمه_ی_بقیع #لعنت_الله_علی_القوم_الظالمین **** او گون کی خانه ی صبری خراب ائدوب اشرار بقیع   نی   ایلدی  تخریب   قوم  کینه  شعار دوباره جهل و عناد اوسته اهل کین دوردی دل    پیمبری    نار    جفایه    یاندوردی * دوباره  اهل  سقیفه  قوروبلا  بیر  شورا بیر  آیری  باب  جفا  آچدی فرقه ی اعدا خدنگ   محنته   توش   ائتدیلر  احبانی ملول   ائدوبله    دل   اهل  بیت  زهرانی ** ایا     بقیة     الاخيار     گوزلرونن   ایراق نه صحن قالدی نه گنبدنه مضجع ونه رواق وهابی لر گینه بیر باب جور و ظلم آچدی لوای   فتنه نی  شهر  مدینه  ده   ساچدی **** امام   اربعه  نین  قبرینی  خراب  ایلدی تمام  شیعه  لرین  قلبینی   کباب  ایلدی وطن  غریبی امام حسن بولر بو سوزی سنون ظهوریوه الان دا منتظردی گوزی * گلوب  شرر  چمن  اهل  فتنیه سالاسان آناسی فاطمه نین قانینی اوزون آلاسان و  بیرده  ام  بنین   زوجه ی  امیر عرب بلا  و  محنت اسیری، غریق  درد و  تعب ** ادب خزینه سی،بحرعطوفت و احساس مقام  و  رتبه سی  والا   و  مادر  عباس  دیلینده وای بالاوای اصغرین آناسی رباب جفای حرمله دن یاندی  قلبی  اولدی کباب **** نقدری  عمری  واریدی  یاناردی  آغلاردی عذاره  خون  دلی  گوزیاشیله  باغلاردی «دییردی ای آناسین چوللره سالان بالا وای» سویون یانینداسوسوز،تشنه اوخلانان بالاوای **** آنان ئولیدی علی اوچ گون اوچ گیجه یاندون عطش شرارینه یاندون اوغول الولاندون بو نسگلون منی عمرومجه دیده تر قویدی بالاسی  اوخلانان  آهو  کیمی  ملر قویدی **** دئمه کی سن گیده لی قلب زاری داغلامادیم الیوی   باغلادیم   اما  یاراوی  باغلامادیم  بو شرح حالی یازوب مین امیدیله«دلجو» بو   آستانه  ده    نوکرلیقا   تاپوبدور   خو ***- #تخریب_قبرستان_بقیع #دلجو #بداهه کانال اشعار اصغر گلمحمدی متخلص به (دلجو )

بقیع . مرحوم حاج حسین علیزادگان (شاکر تبریزی) . ای چکن آغوشه نچّه پیکر زیبا بقیع تپراقوندور مشک بیز ای جنت الماوی بقیع یوخدی یرلرده سنون تک بیر یری اوردا یاتا دورت وجود نازنین ذرّیۀ طاها بقیع . حضرت صادق دی باقر ساجدیله مجتبی بیر سنه مخصوص یدی بو باب استثناء بقیع واردی چوخ ظنّ قوی سنده یاتوب دور فاطمه شیعه سرگردان گزر دللرده یا زهرا بقیع . بیر طرفده وار مزار فاطمه امّ البنین ایمدیده ویرسن قولاق وار ناله و ابکا بقیع اوخشیار گاهی حسینی گاه یورقون قیزلارین گاه عباسین دیر ای تشنه لب سقّا بقیع . منظرون پژمرده دور گویا اولوب گللر خزان درب و دیوار روندن آه و ناله دور پیدا بقیع هر کسی گورسه سنی مبهوت اولار بو علّته ظاهرین خشک و ولی باطن غمین دریا بقیع . گون دوزونده یل اسر بعضنده طوفان گورسنر خار و خس جولان ایدر وا مُحنتا دردا بقیع وقت شب بیر آیدی بیر سن بیرده که امواج نور آی دیر الدوزلار آغلار ایلر آه و وا بقیع . سنده یوخ گلدسته لر صحن و رواقیله ضریح برخلاف کربلا مشهد و سامرّا بقیع اوندا که سایر مزار استه یانالار چلچراغ سن باتارسان ظلمته همچون شب یلدا بقیع . اوندا که سایر حرملرده اولار بی حد نفوس سن قالارسان اوز محیط ونده ایله تنها بقیع اوندا که سایر حرملرده دیوب آغلالا خلق سنده بیر سس یوخ خموشان لیقدی سر تا پا بقیع . غیر از اوقات معیّن زائرون اولماز سنون عالمه نسگلدی بو ای تربت اعلا بقیع گر چه سنده چوخ مصیبت وار گیچوب اندازه دن سندن آرتوخدی ظلوم کربلا امّا بقیع . سنده شمشیریله آل اللهی دن یوخ دو غرانان کربلا دردی بیر آیری غمدی واویلا بقیع اوندا که دوشدی شه لب تشنه آتیندان یره گوئیا باشدان باشیدی لالۀ حمرا بقیع

🍁 خاموشی در بقیع‌ 🍁 خلوت شبها مثال نی ،نوا دارد بقیع اُلفت دیرینه ای بانینوا دارد بقیع گوئیا روحُ الاَمین میخواند آنجا نوحه را گلشنی پَرپَر زسوز مَن بَکادارد بقیع بی نیاز ازچلچراغ روزگاران گشته است طَعنه برخورشید رَخشان سَما دارد بقیع چون چراغ خانهء حیدر درآنجاخفته است زُهره ای روشنگَر از نور خدا دارد بقیع گُنبدوگُلدسته راآنجاچه حاجت،عاشقان گنبد هفت آسمان را زیر پا دارد بقیع گرچه درغُربت اَسیردست نامَحرم شده صد هزاران زائر اهل وِلا دارد بقیع یوسف زهرای اَطهر میشود زائر بدو با هزاران غُربتش یک آشنا دارد بقیع کی شود نومید سائل در حَریم کِبریا کانِ احسان و کرامت مجتبا دارد بقیع سیّد سجّاد را با کوله باری از مِحن یادگاری از شَمیم کربلا دارد بقیع باقر آن فَتّاح عِلم و صادق آل نَبی در کنار هم وفا را با صفا دارد بقیع پشت این درتاسحر وِرد زبان(نادر) است قِصّه ای از بیکرانِ غُصّه ها دارد بقیع 🏵🏵🏵🏵🏵🏵🏵