‍ روضه شب شهادت حضرت امیرالمومنین (ع) مناجات علی امشب ز نخلستان نمی آید مسجد کوفه پر از جمعیت و مولا نیامد دامن مادر گرفته گوشه ویرانه طفلی گوید ای مادر بگو امشب چرا بابا نیامد (همان گجیکی شهادت مقامینه چاتدی خبر ده وار نچه یوز خانواده آج یاتدی) (علی بوگجه بستر رحلتده دی ) یاتوبدی بستر رحلتده رو به قبله علی ایدور دقیقه شماری گوزتلیور اجلی حسن سیلور آتانون گل جمالینون ترینی حسین اوپور بابانون انتظار گوزلرینی (اولاری که آتالارینون جان ویرماقین گوروبلر اولار یاخشی بولور من نه دیرم ؛آتا جان ویرنده کیپریگین چالاندا اوشاقلار سویونلر الله هنوز بابامین روح وار بدنینده ؛ علی کیپریک چالاندا زینب قاناد چالور ؛بوگجه یر گوی علینون حالنا آغلور اما علی هردن گوزونون گوشه سینن حسینه باخور آغلور ؛اله یانایانا دیور حسین سن منه آغلاما من سنه آغلورام ) علی ئولنده بالالارینی وران یوخودی حسین ئولنده ولی زینبی دوین چوخودی علی ئولنده اونون زینب اوپدی گوزلرینی (تئز تئز گوزلرین اوپور آغلور بابا باشوین یاراسینا زینبین قربان ) علی ئولنده اونون زینب اوپدی گوزلرینی حسین ئولنده کسوب ساربانی الرینی سبک بانوای زنده یاد مرحوم حاج محمد باقر منصوری اردبیلی 👆👆

#مناجات_ترکے_ماه_رمضان🌙 ـــــــــــــــــ بــارالهـا  بنــدهٔ   عصیــانگرم جرمیمی عفو ائتمسون من نیلرم؟ آدووه، قرآنووه قربان اولوم سفرهٔ احسانووه قربان اولوم گلمیشم تا منده مهمانون اولام ریزه خوار خوان احسانون اولام گوزلریم یاشی دونوب یارب سئله قورخورام اوتدان الهی، رحم ائله فکر آتش گرچه زار ایلور منی... بخششون امّیدوار ایلور منی روحیمی عصیان قرالدیب تار ائدوب نفس امّاره منی بیمار ائدوب اللریم بوشدور گناهیم چوخدی چوخ نامهٔ اعمالیمین تعریفی یوخ !!! خالقا، چوخ روسیاهم، نیلیوم؟ بینوا و بی‌پناهم، نیلیوم؟ ایلورم توبه گناهیم عفو ائله هرخطا و اشتباهیم عفو ائله ناامید ائتمه آماندور بنده‌وی بندهٔ نالایق و شرمنده‌وی غرق آهم، بیقرارم، رحم ائله محضرونده اشکبارم رحم ائله گلمیشم درگاهووه پاک اولماقا لایق معـراج افلاک اولماقا (فیضیَم) عبد گنهکار و ذلیل من ذلیلم سن ولے، ربِّ جلیل #رحیم‌_فیضی_اردبیلی #اَربـابَـــم حُسِـــین  #اَللّهُمَّ عَجِّل لِوَلیِّکَ الفَرج

‍ ‍ ‍ مناجات ماه رمضان حاج حسین غفاری اردبیلی کسمه یارب الیمی گوشه دامانوندن بی نصیب ایتمه منی سفره احسانوندن باغلیوبدور گوزیمی پرده نامرئی نفس چیخمیشام دایره اقدس فرمانوندن یاجلیلی قاپوا عبد ذلیلوندی گلن گلمیشم قسمت آلام خرمن غفرانوندن اعتراف ایلیورم خبط وخطا ایلمیشم بند تکفیروی آچ بنده نادانوندن سن ئوزون ایله هدایت منی سرمنزلوه یوخسا آتش دو تارام آتش نیرانوندن باده وصلوی ئوز عاشقوه ایله حلال جام صبریم جالانوب سختی هجرانوندن ای کرم صاحبی اکراموه من مستحقم الی بوش قویما اولام معجزدرمانوندن کیمیا ایله مس قلبیمی زنگار دو توب نور توک سینمی روشن ایله قرآنوندن ماه غفرانیدی خاطیلره ماه رمضان رقعه عفوی دریغ ایلمه مهمانوندن میهمانه بویوربسان کی گرک حرمت اولا کسمه الطلافوی مهمان پویشانوندن عمروین قرخ ایلی اولدی سپری «غفاری» چکمه ال دامن رحمانی رحمانوندن بیرخانم فاطمه نون ویرمه الوندن اتگین بیرده غفلت ایلمه دیده گریانوندن

مناجات استاد مرحوم کریمی مراغه ای   ای ماه صیامی بیزه احسان ائدن الله خوان کرمه بنده نی مهمان ائدن الله ای ماه مبارکده آچان سفره ی احسان اوز دعوتین انسانلارا احسان ائدن الله بو آیدا بیزه لطف ائله توفیق عبادت ای یوسفه ماهینی نگهبان ائدن الله بو صوم و صلاتی صلواتی حَسَناتی ردّ ایلمه ای مشکلی آسان ائدن الله   هر یرده مریض اولسا شفا وئر اوز اَلونله ای دردلی لرین دردینه درمان ائدن الله ای یوسفی آزاد ائلین بند بلادن زنجیرین آچوب مصرده سلطان ائدن الله هر حاجتِ شرعیّه لری ایله برآورد سنسن هامی نُقصانلارا جبران ائدن الله ای حضرت یعقوبی ائدن غصّه دن آزاد گمگشته سینی وارد کنعان ائدن الله   اوز رحمت آیوندان بیزی گل ائتمه پشیمان ای آتش نمرودی گلستان ائدن الله یاغدیر بیزه رحمت یاغیشین ابر سخادن ای شبنمیله غنچه نی خندان ائدن الله قاپلار آچیلوب بو گیجه لر نام حسینه مقبول ائلدی گوزلری گریان ائدن الله عفو ایله «کریمی» ده اولان جرم و گناهی ای حُرّی خطاسینده پشیمان ائدن الله

‍ زینبه سس ویر ای بابا زیبنبه سس ور آی بابا تازه نفس ور آی بابا غریب بابا غریب بابا روح و روانیم آی بابا راحت جانیم آی بابا غریب بابا غریب بابا من زینبم دل خستیم قلبیم داریخیب آی بابا مظلوم بابا مظلوم بابا سن سیز سینمی داغلاام باشه قرانی باغلارام شیون چکیپ من آغلارام مظلوم اولن بابام  علی غریب اولن بابام علی زیبنبی تک گویان بابا باش یارالی اولن بابا مظلوم بابا مظلوم بابا @turki_nohemajma #کانال_ترکی_مجمع_الذاکرین

‍ ‍ضربت خوردن حضرت علی علیه السلام با آهنگ ای شمع حرم خانه #شهادت_مولا_علی محراب عبادتده قانه بویانوب حیدر قانه بویانوب حیدر منشق اولونوب فرقی محرابه دوشوب پیکر محرابه دوشوب پیکر کوفه ده بیر تازه خبر عیاندی قانه حسینون آتاسی بویاندی. 2بار محراب عبادتده غم منظری گورسندی غم منظری گورسندی سس دوشدی نماز اوسته ئولدی علی دینجلدی ئولدی علی دینجلدی آچدی باشینی جبریل قتل العلی سسلندی قتل العلی سسلندی مسجده نماز اوسته جان ویردی مه انور جان ویردی مه انور کوفه ده بیر تازه خبر عیاندی قانه حسینون آتاسی بویاندی 2بار گوردیلر آخور قانی باشدان یئره اول شاهین باشدان یئره اول شاهین شیعه اوجادوب اول دم یئردن گویه ئوز آهین یئردن گویه ئوز آهین قانه بلیوب دشمن رخسارینی اول ماهین رخسارینی اول ماهین یومدی گوزون عالمدن آزاده لره رهبر آزاده لره رهبر کوفه ده بیر تازه خبر عیاندی قانه حسینون آتاسی بویاندی 2بار جبریل امین ووردی عرش اوسته بوگون پرچم عرش اوسته بوگون پرچم قاره چکلوب عرشه غرق اولدی غمه عالم غرق اولدی غمه عالم جنناتیده باش آچدی ای شیعه بوگون خاتم ای شیعه بوگون خاتم محرابیده بی طاقت دوشدی او یل خیبر دوشدی اویل خیبر کوفه ده بیر تازه خبر عیاندی قانه حسینون آتاسی بویاندی. 2بار شمشیر عدو یخدی اول دم شه ابراری اول دم شه ابراری سس دوشدی سماواته جمع اولدیلار انصاری جمع اولدیلار انصاری ای وای دیدی معناده زهرا کیمی دلداری زهرا کیمی دلداری بو درد و غم دنیا مولانی یوروب آخر مولانی یوروب آخر کوفه ده بیر تازه خبر عیاندی قانه حسینون آتاسی بویاندی 2بار مسجده نماز اوسته بیر محشر عیان اولدی بیر محشر عیان اولدی محرابه دوشوب حیدر قان گوزلرینه دولدی قان گوزلرینه دولدی غرق اولدی غمه زینب کلثوم سارالوب صولدی کلثوم سارالوب صولدی قانیله اولوب الوان اول یاور پیغمبر اول یاور پیغمبر کوفه ده بیر تازه خبر عیاندی قانه حسینون آتاسی بویاندی 2بار عرض ایلرم ای مولا سن شمع هدایت سن سن شمع هدایت سن هم صهر رسول حق هم نور ولایت سن هم نور ولایت سن «مهدی » دئیر ای مولا سن شافع امت سن سن شافع امت سن باقی اولا گر عمروم شآنینده یازام سوزلر شآنینده یازام سوزلر کوفه ده بیر تازه خبر عیاندی قانه حسینون آتاسی بویاندی 2بار ✍حاج مهدی ملکی زنجانی

#نوحه #امیرالمومنین ع 🎤کربلایی سعید سلطانی https://eitaa.com/turki_nohemajma

دعای اخر .مجلس با زبان تركی بارالها   نظر   رحمتی    بیزدن   کسمه باشمزدان توکولن نعمتی بیزدن  کسمه بار الها   بیزی   تیر   غمه   آماج   ائلمه عشق سائللرینی هئچ کسه محتاج ائلمه ای خدا  مهدی   زهرایه  بیزی  یار  ایله بو عزاداری حسینی  قبرینه   زوّار  ایله ای خدا سینه زن عاشقلری  بیمار  ائلمه هئچ زمان شیعه نی نامرده گرفتار ائلمه ای خدا  قفل غضب وُرما  عنایت درینه ثبت ائله  آدیمیزی فاطمه نین  دفترینه دلده کی حاجتی  حضّاری روا ایله خدا هر کیمین دردی اگر واردی دوا ایله خدا بارالها  گئجه لر  محرم  راز  ایله   بیزی آچ عبادت قاپوسین اهل نماز ایله بیزی ای خدا  حالیمیزی  حالت  عرفانی ائله نور  قرآن یله   بو  دللری  نورانی   ائله نا امید  ایلمه یارب  سنی  زهرای بتول چک قلم معصیته توبه میزی ایله قبول جان چخان وقته خدایا بیزه امداد ایله قبرین اول گجه سی روحمیزی شادایله     (التماس دعا) 🤲🤲🤲🤲

مناجات سبک: شبانگاهان الهی من درگهینده سنین روسیاهم عبد خطا کارم یوزوم قاره اللریم بوشدی خالق منان من گناهکارم منه یوخدی آیری بیر چاره نظر قیل سن بو دل افکار ه یا رحیم الله یا کریم الله 2بار سنی ویرم مصطفایه قسم دوت الیمدن من دیده گریانم بیر عمری من آز مشام یولومی آلده یوخ چاره غرق عصیانم گنهکارین ای پناهگاهی ایله لطف کرم من پشیمانم یوزوم قاره اللریم بوشدی دهریده الله چوخ پریشانم منه یوخدی آیری بیر چاره نظر قیل سن بو دل افکاره یا رحیم الله. یا کریم الله 2بار رحیم الله جان طاها گل ایله لطف کرم حال بو زاره دخیل اولدوم درگهینده سنون روسیاهم من درده قیل چاره سنون عشقونله یانا یانه گلمیشم ایندی من بو درباره بوتون قاپلار باغلانار الله بیله موقعده هر گنهگاره منه یوخدی آیری ببر چاره نظر قیل سن بو دل افکاره یا رحیم الله یا کریم الله 2بار خطا کارم درگهینده سنین بخشش کرمین لطف ائله احسان بیر عمری کج گئتمیشم یولومی گل باغشلا منی درده قیل درمان گناهیمدن من پشیمانم سنده عفو ایله خالق سبحان الیمدن دوت باب رحمتین آچ اولموشام یارب دیده سی گریان منه یوخدی آیر بیر چاره نظر قیل سن بو دل افکاره یا رحیم الله یا کریم الله 2بار آشوب داشدی ایندی درد وغمیم بوشدی گرچه الیم سن یتش داده یوخوم الله آلده خوش عملیم تا چاتا شاید اوردا فریاده چیخوب عرشه آه و فریادیم سسلرم یارب سن گل امداده سنی ویرم مرتضایه قسم جان وئرن وقته سال منی یاده منه یوخدی آیری بیر چاره نظر قیل سن بو دل افکاره یا رحیم الله یا کریم الله 2بار خداوندا قادر و منان خالق سبحان یا رحیم الله الهی دوت عبد زارین آلین اولموشام نگران یا رحیم الله منه رحم ایله سنی تاری ایله لطفین عیان یا رحیم الله قویوب «مهدی» تپراقا یوزونی درگهینده الان یا رحیم الله منه یوخدی آیری بیر چاره نظر قیل سن بو دل افکاره یا رحیم الله یا کریم الله 2بار ملکی زنجانی

#مناجات #ماه_رمضان 🎤کربلایی سعید سلطانی https://eitaa.com/turki_nohemajma

‍ شعر جدید ضربت خوردن حضرت علی علیه السلام 😔😔 سبک👇🙏 شبانگاهان نماز اوسته قانه غرق اولدی حضرت حیدر یا رسول الله غم حیدر داغدار ایتدی شیعه نی یکسر یارسول الله عدو ظلمی آشکار اولدی بوگون شیعه داغلار اولدی 2بار ویروب یاره باشینا آقانین دست کینه ایدوب امتی نالان باتوب قانه مسجد و محراب کوفه ده اولدی غملی بیر بحران دوشوبدی سس کوفه شهرینده قانه غرق اولدی حجت سبحان قرا گیدی گویده حور و ملک آغلوری یرلر یا رسول الله عدو ظلمی آشکار اولدی بوگون شیعه داغلار اولدی 2بار قلجلاندی کوفه شهرینده مظهر عدل و دادئولوب حیدر دیوب یاره فرق حیدردن شیون و داد ایتدی ملائک لر قالوب نالان اهل بیت علی غصه دن آغلور عرشيان یکسر دوشوب لرزه کا ئناته بوگون آغلوری گوزلر یا رسول الله عدو ظلمی آشکار اولدی بوگون شیعه داغلار اولدی 2بار ویروب دالدان ضربت اهل جفا کوفه شهرینده حیدره بیردن اولوب منشق باشی قان آخدی حیدری سالدی بو یارا دلدن عیان اولدی محشر کبرا آغلوری زینب قان آخیر سردن نماز اوسته جان ویرور حیدر واردی بو سوزلر یا رسول الله عدو ظلمی آشکار اولدی بوگون شیعه داغلار اولدی 2بار سمایه لرزه دوشوب گلدی عرشيان داده شیعه گریاندی آچوب باشین حضرت خاتم فاطمه آغلور سینه سوزاندی عزادار اولدی حسین و حسن کوفه شهرینده گور نه طوفاندی شهید اولدی شاه عالمیان گلدیلر ایللر یا رسول الله عدو ظلمی آشکار اولدی بوگون شیعه داغلار اولدی 2بار باشین منشق اولدی ظلمیله حضرت زهرا سینه سین داغلور غمین مولا داغدار ایتدی شیعه نی یکسر عرشيان آغلور گلوب یاسه حضرت خاتم باشینه قاره غصه دن باغلور بنات حیدر بوتون آغلور غرق ایدوب غملر یا رسول الله عدو ظلمی آشکار اولدی بوگون شیعه داغلار اولدی 2بار پناهگاه شیعیان جهان حامی وحدت بانی خلقت نماز اوسته قانه غرق اولدی تا قالا زنده دهریده نهضت شهید اولدی شاه عالمیان آغلوری یکسر غصه دن امت ایدوب آدین شیعه لر ازبر یک صدا سسلر یا رسول الله عدو ظلمی آشکار اولدی بوگون شیعه داغلار اولدی 2بار ✍حاج مهدی ملکی زنجانی

#نوحه #شب_نوزدهم_ماه_رمضان 🎤کربلایی سعید سلطانی https://eitaa.com/turki_nohemajma