✔️ امام محمّد باقر علیه السّلام ✅ احوالات شهادت امام باقر (ع) گریز به دفن شهدا ائمّه گلشن عالمده تک به تک گُلدور امام باقره فکریم ولی توسّلدور قلمده بیر جَرَیان رموز محنته باخ مَجازیدن گوتور اَل ای گوزوم حقیقته باخ حقیقت اهلی حقیقت امام باقردور حقیقت اوسته اونا یوز ویرن مصیبته باخ گوروبدی محنت زندان، مصیبت غربت او قلب عالم امکاندا صبر و طاقته باخ آپاردی شامیده هشّام ایلدی محبوس نجه گیئوب دیمورم، ماجرای رجعته باخ یتیشدی هر یره گوردی اذیّت و آزار غریبه باخ، غم و اندوه و درد غربته باخ گَلوب مدینه ده بیر مدّت اولدی خانه نشین نه بیر گَلوب نه گیدن ابتلای وحدته باخ مدینه حاکمینه شامیدن یازوب هشّام امامی اُلدوره، ماموره باخ، کتابته باخ ولی اولانمادی نائل بو مقصده او دنی اوزی جحیمه روان اولدی، عکس نیّته باخ اگرچه اول شهی مقتول ایدنمدی هشّام اونون یرینده اولان جانشین نَخوَته باخ امام باقره عبدُالملک معاصر اولوب او بی حیاده اولان بغضه باخ، عداوته باخ امامی قویمادی دور زمانه آسوده اونا عم اوغلیسی زید ایلین اذیّته باخ نه قدر جور و جفا زید ایدوب او مظلومه دینمورم، او دنی طبعیده رذالته باخ امامت اوسته امامیله باغلادی کینه زهی عجب آرالیقدا اولان قرابته باخ امام قتلینه ایتدی خلیفه نی مجبور او بی مروّت ایدن فعله باخ، سِعایته باخ ایدوبدی آیه ی اجر رساتی انکار جفا و جوریده عبدُ الملکده سرعته باخ خیال ایدوب ایده زهرا چراغینی خاموش او کور دلده گوگل خانه سینده ظلمته باخ درست ایلدی برزین اسب او بی ایمان سواریدی زهریله، اول شوم کینه فطرته باخ مدینه حاکمینه یولّادی همان اَیَری غرور سلطنت و نَخوَت ریاسته باخ قویوب همان اَیَری بیر آت اوستینه والی امامه یولّادی، تدبیره باخ، سیاسته باخ امامی مکریله ایتدی همان آت اوسته سوار اوتانمادی او زنازاده بیر جسارته باخ بُلوردی زهریلیدی او ل اَیَر امام علیم ولی مینِیدی گرک، مقتضای حکمته باخ او زهر ایلدی تاثیر حجّتُ اللهه پوزولدی حالتی بیر انکسار حالته باخ وجود اقدس سلطان دین ایدوب آماس تصوّر ایله، او زهر جفاده شدّته باخ همان او حالیله پیغمبر اوغلی جان ویردی شهید ایدن اوز امامین وفاسیز امّته باخ امام جعفر صادق ویروب آتاسینا غسل کفن ایدوبدی، مزاره قویوب، جلالته باخ بودور شریعت پیغمبر اُلسه هر مسلم ایده لّه غسل و کفن، بو گوزل شریعته باخ جوان اوغول نه گوزلدور آتانی قبره قویا نقیض مطلبه باخ، کربلاده محنته باخ حسینون اکبری ئولموشدی، کیم ایدِیدی کفن قوری یر اوسته قالوب جسم پاکی، حسرته باخ بدن یارالی، قوری یر، جنازه سی عریان او پاک جسمیده باشدان باشا جراحته باخ ووروبلا گون کیمی باشین جدایه اهل جفا بلالی زینبه محشردی، بیر قیامته باخ دیمه اولونمادی مظلوم امامه غسل و کفن کُتُب ده معتبر اخباره باخ، روایته باخ ویروبله قانیله غسلین عزیز زهرانون حُنوط جسم شریفینده قانلی تربته باخ اَلنلر ایچره حسینون بیر امتیازیده وار سوالون اولسا جوابینده طرز صحبته باخ بو رسمیدور اُلنه اوچ کفن اولور امّا حسینه بِش کفن اولدی، جلال و عزّته باخ یارالاریندان آخان لخته قاندی بیر کفنی ایکیمجیسی خس و خاشاک اولوبدی، خلعته باخ امان اوچومجی کفندن که ایتدی سُمّ خُیول اوزی دیوب سَحَقونی، همان عبارته باخ مُخدّراتین اولوب زلفی دوردومونجی کفن جنازه اوسته عیال شه ولایته باخ مُحجّبات پریشان ایدوبله زلفلرین ایدولّه جسم حسینه کفن، محبّته باخ ندور بِشیمجی کفن، شرحینه حیا ایدورم گَلوب آتانی اوغول دفن ایده، او ساعته باخ آتا جنازه سینه بیر حصیر چولقالادی وجوده باخ، کفنه باخ، او کانِ رافته باخ ایدوب آتا اَیاقی آتدا دفن قارداشینی یاتوب آتا بالا بیر یرده، خوش فراغته باخ طواف مرقد شش گوشه بیرده اولسا نصیب «حسینی» ایله دعا، صدقیله اجابته باخ ✅ کلام استاد حسینی (سعدی زمان ✨اَللّهُمَّ عَجِّل لِوَلیِّکَ الفَرَج

🏴نوحه شهادت امام محمد باقر علیه السلام 🏴 🎶در آهنگ: رقیه نازلی صورتون.... ای کشته زهر جفا ،، حضرت باقر (۲) آغلار سنه خیرالنساء ،، حضرت باقر (۲) واویلا ،،، یا زهرا یاندی عطشدن لبلرون ، ای گل زهرا گل تک گویردی پیکرون ، ای گل زهرا قانیله دولدی ساغرون ، ای گل زهرا یاسه باتوب ارض و سما ،، حضرت باقر ای والی ملک ولا ، تالی قرآن خورشید اسپهر هدی ، پایه ایمان اولسون جلال و جاهوه ، شیعه لر قربان ای مهبط وحی خدا ،، حضرت باقر شام غریبانون سما ، قاره پوش اولدی اولدوزلار آخدی بیر به بیر ، آی خموش اولدی دوشدی تکاپودن فلک ، بی خروش اولدی یئر گوی دئدی ایوای آقا ،، حضرت باقر جان اوسته سسلندون آقا ، جان حسین جانم جان لبلریمده گل بابا ، جان حسین جانم ای بیکفن دینه فدا ، جان حسین جانم اولدی مدینه کربلا ،، حضرت باقر ای راوی درد وبلا ، مقتلی گوردون گوداله عاشورا گونی ، گئت گلی گوردون شمر و سنان و حرمله ، بجدلی گوردون گوردون اولوب محشر بپا ،، حضرت باقر گوردون بی بون زینب قاچور ، مقتله گریان کرب و بلانی چولقیوب ، قورخولی طوفان گوردون چالوردی ال ایاق ، شاه مظلومان زهرا دیوردی جان بالا ،، حضرت باقر ✍منکلام:کربلایی مهدی باباپور #شهادت_امام_باقر_علیه_السلام

|⇦•.نوحه شهادت امام باقر علیه السلام 🍂 ای کشته زهرجفا😭 •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ ↻

شهادت حضرت امام محمد باقر علیه السلام روح الله رمضانی چاتدی شهادت فیضنه حضرت باقر گوی اهلی ماتم دوتماقااولدولارحاضر گل داده قان آغلا گی قاره یاس ساخلا دنیاده دورت بش سینیده چوخ بلا گوردی هم کوفه و هم شام و هم کربلا گوردی کرب و بلاده ظلم بی انتها گوردی آلاه بیلور نه چکدی اول فخرمفاخر آغاز عمرینده آقا چوخ محن گوردی نعش حسینی بی سروبی کفن گوردی زینب قولونداهم یاراهم رسن گوردی آغلاردی دنیاده مدام زینبه خاطر سجادی گوردی کوفه ده بیریامان حالدا عماسینه گوزدوشوب اودلانان حالدا عریان دوه اوسته قولی باغلانان حالدا قلبین دولاندیردی قانا اول غم نادر #باقریه_شهادت #کانال_ترکی_مجمع_الذاکرین

|⇦•.نوحه شهادت امام باقر علیه السلام 🍂 @turki_nohemajma •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ ↻

در شهادت حضرت امام محمد باقر علیه السلام #سبک_زینبم_جان_اوستیم #سبک_یه_سوال_دارم_مگر_ما_دل_نداریم_ای_خدا حاج روح الله رمضانی میل ایدوب جام شهادت حضرت باقر بوگون اولدی عرش و فرشیده بزم عزا دایر بوگون روز ماتمدی بوگون گوزلر علقمدی بوگون بیزدن اولسون محضر اول شاه والایه سلام اولدی جور و ظلمیدن روشن گونی مانند شام بستر مرگه اونی ییخدی بو گون زهر هشام چاتدی مقصوده هشام بی حیا آخر بوگون گوردی بیر ایش اول پلید و پست و شوم و نابکار اولدی زین زهر داره حضرت باقر سوار ایتدی اول زهر جفا آثار مرگی آشکار زنده قالماقه او مولا اولمادی قادر بوگون اول شهی زهر جفا بی جرم و تقصیر ئولدوروب اوز وطنینده ایدوب محزون و دلگیر ئولدوروب مکریله روباهیلر یثربده بیر شیر ئولدوروب من نجه ای مدعی آیا اولوم صابر بوگون هر نه ایراد ایلسون ایت من دمادم آغلارام یول تاپوبدی بو دل ناشادیمه غم آغلارام چون بو گوندی ماسوایه روز ماتم آغلارام اولدی فرمان تباکا و بکا صادر بوگون ایلیوم آیا نجه من بو مصیبتده دوام آغلیور قان دار دنیادن گئدنلرده تمام ایلیور افغان اوکی ویردی پیمبردن سلام یعنی قبره ایچره ایدور آه و نوا جابر بوگون قانه دونسه گوز یاشی ای شیعه لر واردور یری علتی وار دانه اشکیم اولوب گوزده ایری حضرتین روز عزاسینده بقیعده یوخ بیری مکه ده چون حاجی لار اولسون گرک حاضر بوگون طبق گفتار ائمه ای عزاده آغلیان اهل جنتدی بیلورسوز آغلیان هم آغلادان آغلیانلارداندا چوخ بلکه عزیزدی نوحه خوان اولما ساکت سنده بو ماتمده اول ذاکر بوگون کیمدی بو صاحب قلم مولانی تعریف ایلیور دل آچوبدی عترت زهرانی تعریف ایلیور قطره ده اولماز ولی دریانی تعریف ایلیور لطف اولارداندی اگر ( خاکی ) اولوب شاعر بوگون #باقریه_شهادت #کانال_ترکی_مجمع_الذاکرین

|⇦•.نوحه شهادت امام باقر علیه السلام 🍂 @turki_nohemajma •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ ↻

بانوای عبداللهی ====👆 توسل به حضرت ولیعصر علیه السلام با آهنگ هر کسی کسی دارد شاه اولیا مهدی زینت سما مهدی شهریار ملک عشق در پر بها مهدی صاحب الزمان مولا شاه انس و جان مولا 2بار شأن رتبه ده والا پور مرتضی مولا پادشاه بی همتا یوسف خانم زهرا هاشمیلرین ماهی فضلیده اولان دریا مرتضایه دردانه دردلره دوا مهدی صاحب الزمان مولا شاه انس و جان مولا. 2بار مخزن کرامتدی. حامی عدالتدی منبع سخاوتدی یاور ولایتدی کنز حقیده گوهر. بابی باب جنتدی پور حیدر کرار صاحب عطا مهدی صاحب الزمان مولا شاه انس و جان مولا 2بار نرجسین گل یاسی واردی دیلده احساسی چوخ گوزلدی سیماسی بیرده گلمز همتاسی یوسف حسنونه حیران وار بونون تماشاسی وارث پیمبردی معدن وفا مهدی صاحب الزمان مولا شاه انس و جان مولا 2بار عرش و فرشه زینتدی _ مایه ی شفاعتدی خلقته بو علتدی آدی کان غیرتدی شیعیانه مولادی. مشعل ولایتدی کائناته سروردی فخر انبیا مهدی صاحب الزمان مولا شاه انس و جان مولا 2بار نور چشم زهرادی شآنیده بو والادی بو وصی طاهادی به نجه بو زیبادی حک اولوب اورکلرده شیعه لر بونون آدی جدی احمده بنزر نور کبریا مهدی صاحب الزمان مولا شاه انس و جان مولا 2

شعر نوحه ترکی لای لای حسین قارداشیم : یاندی اورگیم قارداش از قالدی کباب اولسون نفرین ایله بو شهره گوی کوفه خراب اولسون لای لای حسین قارداشیم لای لای بی کفن یاریم لای لای حسین قارداشیم لای لای بی کفن یاریم آغلاتدی بیزی اهل کوفه غم هجران دا یتمیش گئجه اولدوخ مهمان هره بیر یاندا سن منزل خونی ده من گوشه زنداندا الدن گئدییر آرامیم دیلده نئجه تاب اولسون لای لای حسین قارداشیم لای لای بی کفن یاریم @turki_nohemajma  #کانال_ترکی_مجمع_الذاکرین

ویژه ایام شهادت امام باقر علیه السلام #سینه_زنی آذری او آغیر کلمه لری درک ایلدی هند اوغلی اولدی حیرتزده زینبده اولان جرأتدن ایستدی مجلسین احوالینه تغییر ویره حضرت باقره دوتدی یوزونی رأفتدن دیدی کیمسن ندور آدون نه گوزل اوغلانسان چوخ شجاعتله سنی درک ایدورم دقتدن واردی میلون دوتاسان کُشتی منیم اوغلوملا جایزه ویرم اگر کام آلاسان سبقتدن دیدی باقردی آدیم جدیم او طشتونده کی باش جلوه گر دور یوزی انوار الوهیتدن اسرا سلسله سینده دایانوب باشدا آتام سلسله ثقلی یوروب گردنینی شدتدن کُشتی دوتماق بیزه تحقیر لیاقتدی یزید فکر قیلما سوزوی رد ایدورم وحشتدن ایکی شمشیر گتورسونله سوله الساعه بیرین اوغلون بیرینی من گوتوروم قسمتدن فرصت جنگی سنون اوغلوا ویرم اول واردی ارثیم اسدالله دا اولان سیرتدن گورمیوبسن شهدا جنگینی خوشدور الان بیرنمونه گوره سن بیزده اولان صولتدن سنون اوغلون منی ئولدورسه بو دعواده اگر قانیمی یوخدی آلان سن کیمی بدفطرتدن یامن ئولدورسم اگر اوغلوی مردانه یزید عوضین چیخمیاسان طایفه ی عصمتدن اوغلوون خاطرینه عمه می اینجیتمیه سن طشتیده قانلی باشی سالمیاسان حرمتدن هندون اوغلی دیدیگی سوزلری آلدی دالیا هاشمی لر دیدی مشهوردیلر صولتدن حضرت باقره زینب دیدی قربانون اولوم گل قباقه بیر ئوپوم تر بورین صورتدن اوجالاندی باشیمیز قوی دولانوم من باشوا بدنظر چوخدی دگر گوز سنه ضدیتدن آی بالام سید سجادون ایشیقلی چراغی دشمنیم قوزیا بیلمور باشینی خجلتدن #رضاابوالحسنی شاعر:مرحوم انور اردبیلی

روضه حضرت مسلم بن عقیل(ع) هردم دیور ای داد آدامسیزلخ الیندن چوخ سینه سی سوزان دولانور کوفه غریبی ایستور گیده هر سمته گورور باغلیدی قاپلار (الله هیچ کسی غریب المسین مخصوصا جان ویرنده ایستور گیده هر سمته گورور باغلیدی قاپلار بیر صاحب وجدان دولانور کوفه غریبی (دیدی آی منی دوره لینلر منی محاصریه سالانلار ) من غریبم سفیریم آقامون دفترینده دبیریم آقامون نامردیلر قولومی باغلامیون من قاچمارام اسیریم آقامون من غریبم گوزوم ایکی یاردادی بیری حسین بیری علمداردادی کوفه لیلر ایوده راحات یاتوبلار من بولمورم بالالاریم هاردادی آی ابوالفضل گوز تیکمیشم یولوا یغ قهرمان سپاهی صاق صولوا ده زینبه وان یکاد اوخوسون من قورخورام نظر دیه قولوا من قورخورام یل اسه طوفان اولا آقام گله بو شهره مهمان اولا من قورخورام بیر شربه سودان اوتری علی اصغر قاننا غلطان اولا آی حاجیلار سحر قربان گونودی صدقه پایلیون احسان گونودی مناده آغلیون دیون مسلمون جنازه سی یرده قالان گونودی (ایکی نفر سلام دیوبلر بزرگواریلردن اما سلاملارینین جوابی آلنمیوب بیری علیدی امیرالمومنین مدینه ده پیغمبردن صورادیلر سلام ویردی اما جواب ایشیتمدی، بیریده حضرت مسلم آقا کوفه ده بیر گونه قالدی هرکسه سلام ویردی جواب ایشیدمدی ) من غریبم بیر قیدیمه قالان یوخ غربت یرده منی یادا سالان یوخ ایندی بولدوم عموم علی نه چکوب قلبیم سنوب سلامیمی آلان یوخ

عید قربان #گریز به شهادت حضرت علی اکبر(ع) #سبک_زینبم_جان_اوستیم علی مظفری(مظفر) وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا

🌹عید سعید قربان و گریز به عاشورای اباعبدالله الحسین(ع) تهنیت لر لشگر احراره. قربان بایرامی عرض تبریک امت ابراره قربان بایرامی حاجیان حضرت جانان طوافیز نوش اولا بلبل روحوز چاتوب. گلزاره قربان بایرامی چوخ گوزلدور اژدهای نفسی قربان ایله ماق ذبح اولا جانلاردا بو اماره قربان بایرامی نفسی مغلوب ایلماق جهد فراوان ایستیور احسن احسن فاتح پیکاره قربان بایرامی نفسدور منظور قربان کسماقا یوخ آیری شی نفسیوی خوار ایله چات اسراره قربان بایرامی گر باغیشلاندیرمییبسان جانی لیل قدریده بهترین فرصتدی ای بیچاره قربان بایرامی گیت اوتی عرفاتیده ایله قرائت عرفه نی حضرت حق تا قاتا. اخیاره قربان بایرامی ذبح ائده للر مومنین انعام و احشام کثیر گونده ره للر محضر داداره قربان بایرامی توسن طبعیم تلاش ایلیر تاپا. شعره گریز فیض عظمانی تاپا م یکباره قربان بایرامی مدتیدی آختاریردیم کیمدی بو ذبح عظیم شامل اولموش عزت بسیاره قربان بایرامی تاپدیم آرام اولدی روحیم جاری اولدی گوز یاشیم آغلادیم شاهنشه بی یاره قربان بایرامی ذبح عظمی تک حسین بن علی دور و السلام اولموش عاشورا گونی سالاره قربان بایرامی یوللادی قربانگه عشقه بوتون قربانلارین راضی اولدی بیر بئله ایثاره قربان بایرامی ایله دی جانانیلن بیر جاودانی آل وئریش روز عاشورانی ائتدی یاره قربان بایرامی ویردی ئوز قوربانلارین قرآنی ایتدی پایدار بارک الله بو ملک درباره قربان بایرامی ✍بقلم استاد کربلایی رحیم شایان ارومیه

‍ شب شهادت جناب مسلم مصادف باروز عرفه کوفه لبریز بلا گشته میا کوفه حسین قسمتم سنگ جفا گشته میا کوفه حسین اقا گلمه کوفیه آی اربابین عزاسینه اماده اولانلار اول ماه عزا گیدگ غریب کوفه جناب مسلمین قاپیسنا وقتی اقا کوفه لیلری بی وفا گوردی یوزون دولاندریردی مدینه سمتنه دیدی حسین جانم اقاجانم کوفه ای که پدرت حاکم آن بود قدیم عاری از شرم و حیا گشته میا کوفه حسین اقاجانم قربان غربیت غریب و تنها کوفه نین کوچه لرینده دولانیر سرگردان هردم مظلومانه دیور اقا گلمه کوفیه حسین گلمه کوفیه نگران گلوی طفل توام چون اینجا آقای من.. مولای من نگران گلوی طفل توام چون اینجا مملواز حرمله ها گشته میاکوفه حسین اقا منده غربب اولدوم یاالله اقاغریب وتنها گلدی بیر قاپیا تکیه ایلدی بیر خانم قاپینی اچدی دیدی اقا نیه بوردا غریبانه دوروبسوز مگر خبر یوخوزدی کوفه امن دیور اقا اول بویوردی تشنیم جگرلریم یانیر منه سو ویر اخ قربان لبهای تشنه ات اقاجانم پیرزن سو گتوردی اقا سو ایچدی پیرزن دوباره دیدی اقا گیت بیر لحظه اقا بویوردی هارا گیدوم من غریبم ببر ییریم یوخدی گیدم پیرزن حضرت مسلمین او مبارک جمالینه باخدی دیدی اقاجان سیز کیمسوز اقا بویوردی من مسلم ابن عقیلم غریب اولمیشام ای بیله کوفه آدمسیزقالموشم تا خانم ایشیدی بویوردی منم کنیز شما قربان الوم سنه اقاجان بویور منزله دیورم اقاجان ای کاش مردم کوفده بو اندازه معرفت لری اولیدی اما تا بیلدیلر توکولدیلر اقانی محاصره ایله دیلر مسلمی مکرینن دوتدولار کتدیلر دارلاماریه اقانین قولاری باغلی بالای داروالاماره مردم باخیر هره ببر سوز دیور بیری دیور الان ازاد ایللر بیری دیور شهید ایدللر بیر لحظه گودیلر بدن بی سر حضرت مسلمی دارلاماردن اتدیلار یره اقابیله غریبانه جان ویردی در حالی که بالاری دورسینده یوخودی اما جان عالم قربان اولا امام حسین اقایا بالالارینین گوزونون قاباقیندابابا جنازه سینه ات چاپدیلار حسین

﷽ 🏴#عرفه 🏴#روضه السلام عليكم یا اهل بیت النبوه ـــــــــــــــــــــــــــــــــــــــــــــــــــــــــــــــــ ▪️▪️▪️▪️▪️▪️▪️▪️▪️▪️ «مخمس ترکی - بمناسبت ورود ماه ذی الحجه» ماه ذیحجه نزول برکاتین آییدی ماه عرفان الهی عرفاتین آییدی ماه یاران محمدصلواتین آییدی بوآیین اوّلی حق سنّتی ترویج اولدی یعنی مولا علیه فاطمه تزویج اولدی ماه ذیحجه صفاآییدی اهل شرفه کعبه حجّاجی بوآیدایتیشرلرهدفه نغمهٔ عشقیدی بوآیدادعای عرفه مسلمین قانینی بوآیداتوکوب کوفه لیلر بوخبراولدی حسینی لره اعلان خطر ماه ذیحجه ده ترک عرفات ائتدی حسین آیریلوب کعبه دن عالملری مات ائتدی حسین زمزمی تشنهٔ انحارفرات ائتدی حسین دئدی الله وئره جاق نهضت عشقه برکت حرمینون شرفی کعبه دن ائتدی حرکت اوخیانداحرم عاشقلری زمزم شعری شعرا ذهنینه الهام اولی ماتم شعری یازیلارآخر ذیحجده محرم شعری نوحه خوانلارگوزونی نوحه لره ناظرائدر سینه زنلرقره کوینکلرینی حاضرائدر ماه ذیحجده ائدر زمزمه بو شعری بشیر مژده ای اهل ولایت که علی اولدی امیر عهدی سیندیرماکه بوآیدادی رُخدادغدیر نام مولانی ئوپرکیم علوی مسلکدی علی اعلادی غدیرخم اونا مدرکدی ماه ذیحجده ملاله قاریشوبدور شادی نیمهٔ ماهیدی میلادامام هادی نجه هادی که یخوب پرچم استبدادی ماه ذیحجّه ده پیغام غم و شادی وار بیله شادیده بئله غصه ده آزادی وار ماه ذیحجه نی توصیف ائلیوبدورقرآن امتحان وئردی همین آیداخلیل الرحمان ر‌وز اضحاده کسللر اودی هر ایل قربان نفسیوی خوارائلیوب پیرو ابراهیم اول بُتا باش اگمه فقط اللهیوا تسلیم اول ماه ذیحج قمری آیلارین آخرآییدی هم ملال آیی هم آرامش خاطرآییدی آغلاای شیعه بو آی رحلت باقرآییدی عِلم دشمنلری گورعترتیله نیله دیلر حضرت صادقی بو آیدا یتیم ایله دیلر حضرت باقراوهمنام رسول مدنی کُنیه بوجعفروسرمایهٔ حکمتله غنی آتاسجاد،حسینی دی،آناسی حَسنی قبری پوزقوندی بقیعده حرمی گوزدن آتوب فاطمه شمعیدی بو،حیف قرانلوقدا یاتوب کیم بقیعده باخااول قبره دیر یازهرا گوزی آغلاردولانار ابره دیر یازهرا آه شیعه وورار اود صبره دیر یازهرا شیعه نین جان قوشی اطراف بقیعی دولانور دل باقرکیمی گویاقاپی الاندا یانور قبرزهرایه کیم عاشقدی دئسون یازهرا شیعهٔ باقروصادقدی دئسون یازهرا او که مهدیله موافقدی دئسون یازهرا حضرت باقرئوزی عالمی داغلارشیعه یعنی مسمارباتان سینیه آغلارشیعه ای قلم یازگینه تکراراولاجانانین آدی گوروسن روح وئرورمجلسه زهرانین آدی اونی خلق ائتدی خدائولمیه انسانین آدی ولی افسوس اونی اشرارزمان ئولدوردی لعنت اول قومه که زهرانی جوان ئولدوردی ــــــــــــــــــــــــــــــــــــــــــــــــــــــــــــــــــ مأخذ: ارادتنامهٔ کلامی تاریخ انتشار: ۱۳۸۲ ــــــــــــــــــــــــــــــــــــــــــــــــــــــــــــــــــ ✍بقلم استاد کلامی زنجانی

حضرت مسلم ابن عقیل علیه السلام مرحوم حاج جبار مضطر اردبیلی دوره‌می دورد طر‌ف آليب، آتلي پیاده یا حسین اکبری یوللا یالقوزام، کوفییه داده یا حسین ائتمیشم اول قد‌ر بو گون جنگ و جد‌ل یورولموشام جانیمه دویموشام یتیب باشه اجل یورولموشام ائتمیر‌م اول جسار‌تی دادیمه گل یورولموشام خواهشیم اوندادير فقط سال منی ياده یاحسین تیغلرین سوواردیلار کوفه‌نین اهلی زهریلن دسته به دسته قتلیمه ائیلیر هجوم قهریلن بیر نفرم یارالییام، جنگ ائدیرم بو شهریلن قالدیم اوزوک قاشی کیمی گورنه آرادا یا حسین گلمه بو شهرکوفییه، دوشمه بو من دوشن حالا یوللا عم اوغلو‌مین بیرین، بلکه گلیب قصاص آلا یا اول ابالفضل گلیب، منله وئریدی ال اله قویمویا من اسیر اولام ابن زیاده یا حسین کوفه ده من قوناق ایدیم، حرمتیم اولمادی منیم کیسه‌لرینده دُرّیدیم قیمتیم اولمادی منیم وئردیله سو ایچم ولی، قسمتیم اولمادی منیم قانیم ائدیب سو جامی ‌نی رنگ طلاده یا حسین یوخدو بو شهریده یریم کوچه اولوبدو گردشیم ایلیری میزبانلاریم داشلاریلن نوازشیم ووردولا بیر قلیج دوشوب اوست دوداقیم ایکی دیشم قانیمیلن بویاندی بو کوچه بو جاده یا حسین بئیله کی اوستومه منیم، صرصر ظلم‌لر اسر ملتفتم بو باشیمه، نه گلجکدی سر بسر باشیمی بام قصریده، چون بو گروه گور کسر کوچیه نعشیمی آتار قالسین آراده یا حسین باقی حکايتیمی سن سمت هوادن آل خبر قاصد اولان غریب چون باد صباد‌ن آل خبر باشیمین هر بلاسینی نوک جداد‌ن آل خبر گتمه‌لییم سنین کیمی شامه جداده یا حسین مضطر اردبیلیم ائیله توجّه حالیمه شوق زیار‌تون دوشوب مدّتی دور بو قلبیمه من سنی آند وئررم اول، درد ملال مسلمه یئتسه حضورپاکیوه، کرب بلاده یا حسین #مسلمیه_ #اصحاب_الحسین_ مرحوم استاد مضطر اردبیلـے

🏴شعر جدید چاپ نشده شهادت حضرت مسلم علیه السلام 🏴 ✍حسن طیبان 🎶در سبک بزم عزاده گیموشوک قاره یا عباس .. مسلم سنه اولسون فدا یا حسین جانم گلمه بو شهره یوخ صفا یا حسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین گلسون باتارسان قانیوه سرور دنیا اهل و عیالیوه اوزون رحم ائله مولا جلادیلر یولون گودور ای گل زهرا تا جانون السون اشقیا یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین عمواوغلی غریب اولموشام کوفه شهرینده بی صبر و شکیب اولموشام کوفه شهرینده محتاج طبیب اولموشام  کوفه شهرینده دردیمه  تاپمادیم  دوا    یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین اقا گوله یاسه فدا عالم امکان او شرف و ناسه فدا عالم امکان حضرت عباسه فدا عالم امکان جانیم فدا قولارینا یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین واردور جفاسی کوفه نون گلمه یا مولا یوخدور صفاسی کوفه نون گلمه یا مولا غمدور هواسی کوفه نون گلمه یا مولا گلسون سنه اولار جفا یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین گلسون علی اکبر اولار دینه قربانی قاسم مه پیکر اولار دینه قربانی دیلسیز علی اصغر اولار دینه قربانی حرمله آوخ ویرار اونا یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین من دیده گریان اولموشام آلله خاطر قلبی پریشان اولموشام آلله خاطر قانیمه غلطان اولموشام آلله خاطر وار پیکریمده چوخ یارا یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین مرو صفادن ال خبر مسلم احوالین ارض وسمادن ال خبر مسلم احوالین باد صبادن ال خبر مسلم احوالین قانیمه غلطان آقا یاحسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین اولسا اگر ممکن آقا یاس منه ساخلا مدینه ده  ایللریلن  سینوی    داغلا من بی کسین احوالینه سن اوزون اغلا قور منه سن بزم عزا یا حسین جانم کوفه ده        صفا یوخ اهلینده         وفا یوخ یاحسین یاحسین یاحسین یاحسین #شهادت_حضرت_مسلم_علیه_السلام

🏴#زمزمه #نوحه 🎤مداح :کربلایی سعید سلطانی #شهادت_حضرت_مسلم_علیه_السلام نام مداح حذف نشود ❌❌

🏴زبانحال حضرت مسلم بن عقیل علیه السلام 🏴 🎶سبک(ایران اگر دل تو را شکستند) آقا بوشهر کوفه بی صفادی کوفی لرین ایشی جَفادی ‌بوردا غریبی ئولدوره للر بو شَهرین اهلی بی وفادی حسین حسین عزیزِ زهرا آقا بلا و محنته دچارم غربتده من غریب و زارم تَک قالمیشام دشمن ایچینده صیّاد اَلینده کی شکارم آقا قانیم آخور یارالاریمدان ای دردِ عالَمِینه درمان سَرین سو اولمادی نصیبیم عطشان ئولَم گَرک حسین جان آقا گَلمه بو شَهرِ پُربلایه بَلا سالوب بو شَهره سایه ناز اورگَنوب قیزون رقیّه گَتیرمه سن اونی نوایه آقا جوانلاری قانه بویاللار آنالارین مَلَر قویاللار چوخ باجینین قارداشی اوسته قلبین جفائیله اویاللار آقا باخماز بولار شأنِ امامه بالالارون سالالّا دامه دنیا مالیندان اوتری آخر ووراللا اود آقا خیامه #حضرت_مسلم_علیه_السلام #عرفه #نهم_ذی_الحجه التماس دعای فرج الاحقر مهدی عبادی

🍂زبانحال حضرت مسلم بن عقیل علیه السلام🍂 🎶سبک(مدینه نون گیدیب صفاسی)... سالیبلا مسلمی آرایه چاغیرمارام سنی هرایه حسین بو شهر پر بلایه آقا گلمه غریب و بی معین و یارم بلا و محنته دچارم قان ویروری دوداقدا یارم آقا گلمه ازل گونوم خوش اولدی بو کوفیه گلنده ولی بوگون سالیبلار بوشیریوی کمنده ایوای یارالیم من باشی بلالیم من سندن آرالیم من بو شهرین هیچ صفاسی یوخدی به جز غم و جفاسی یوخدی کوفیلرین وفاسی یوخدی آقا گلمه بوردا دیوب نه بیر گولرسن دوزدی بونی اوزون بولرسن گلسن بورا سوسوز ئولرسن آقا گلمه بو بی وفا جماعت عناد اوسته دوراللار خراب اولیدی کوفه قوناقه داش ووراللار ایوای یارالیم من باشی بلالیم من سندن آرالیم من بولود مثالی دولموشام من گُلچین الینده سولموشام من سندن خجالت اولموشام من آقا گلمه بو قان توکن شقی جماعت ازل گون ایلیوبله بیعت بوگون ولی ایدوب خیانت آقا گلمه دارالاماره اوسته آهیم چخار سمایه گلمه بوشهره مولا زینب دوشر بلایه ایوای یارالیم من باشی بلالیم من سندن آرالیم من شهر ایچره(بیکَسم) حسین جان باشدان ایاقه جسمیم القان مسلم گلن یوللاره قربان آقا گلمه گلشن عمر اولوبدی برباد دوروبدی باشیم اوسته جلّاد مسلم نه عجز ایدر نه فریاد آقا گلمه یوخدورسنون یولوندا بو باشیمون بهاسی قیزیم خدیجه اولسون رقیّه وین فداسی ایوای یارالیم من باشی بلالیم من سندن آرالیم من #حضرت_مسلم_علیه_السلام #عرفه #نهم_ذی_الحجه التماس دعای فرج الاحقر مهدی عبادی

زبانحال حضرت مسلم علیه السلام 🍂 حسین بوشهرپربلایه آقا گلمه😭 •✾•🎤کربلایی سعیدسلطانی ●━━━━━━───────