زبانحال امام حسن #کانال_ترکی_مجمع_الذاکرین ⬇️

زبانحال امام حسن مجتبی(ع) ***** آنام   باجی  یاتما   اویان   یاندی  لبلریم  زینب شرار   زهریله   یانوب    قلب   مضطریم  زینب فلک  جفا  داشینی  بو  شیشه ی دله   چالدی بو کوزه دن  ایچماق همان تاب و  صبریمی آلدی بو  زهر کین   قارداشیوی  اوزگه  حالته  سالدی دوتوب   شراره  سربسر  یاندی  پیکریم  زینب سو ایچمیشم سونسون عطش عکس اولوبدی بو کاریم همین سو  بیر  آتش  اولوب اود دوتوب  دل زاریم کسیلدی صبر  و طاقتیم  ای انیس  و غمخواریم دایانما  طشت  حاضر ایله نازلی خواهریم زینب بو سو نه سودور ای باجی دل دوداقیم اودلاندی علاوه لندی   عطشیم    تازه دن   اورک   یاندی جگرلریم   آنام   باجی  قطعه  قطعه   دوغراندی بهار عمریم   پوزولوب   صولدی  گللریم   زینب سورونماقا   ساق   و صولا  منده یوخ توان باجی الیم  اورکده   سسلرم  آچ  گوزون  اویان  باجی بو  پوزقون احوالیمه  باخ  سنده  آغلا یان  باجی نشان   ویرور حالیمی   بو  رنگ  اصفریم  زینب آنام باخیشلی گوزون آچ بیرجه گور نولوب رنگیم خزان   یتوب گلشنیمه گل کیمی صولوب  رنگیم بو شدّت   زهریله   گه  سبز رنگ  اولوب  رنگیم گهی    اولور   چو  کهربا   رنگ   احمریم  زینب اویان که   وصل  دامنی   قطع  اولور داخی الدن بو   روزگار   کینه جو   دور     ایدر   منی   ائلدن بالالاریم   خاصّه   یتیم    اولدولار   بو  نسگلدن توکر   عذاره   خون   دل   دیده ی  تریم  زینب دی آل هاشم آغلاسون دشمن آز قالور گولسون حسین  و عبّاسه  خبر ویر  بو  حالیمی  بولسون باجی دی  قارداشلاریما  آز قالور حسن ئُولسون چاغور   گله   نئچّة   نفر   وار    برادریم    زینب یاخوندی  گلسون   آنامیز   یاسیمه   آنام  باجی خبر    ویر   عبداللَّهیمه     قاسمه   آنام    باجی باخوم    ایکی  صولان گل  یاسیمه  آنام   باجی هانی  بالام   فاطمه  اول  نازلی  دختریم   زینب ایاقه   دور  باشیوه   سال   سنده   معجر   قاره عزالی   یاسلی  قالاسان  سن گرکدی  همواره دور ای قولی  باغلی گیدن شام  ایچینده   بازاره ای آسمان   مهریده    شمس    انوریم     زینب گینه دوشور  یاده  حسین قان اولور گوگل یارب او دم که  گلدی  یانینا  خون  جگر  خانم  زینب آچوبدی قانلی گوزلرین  شهریار  عطشان  لب بویوردی گلدون   نیه  ای زار  و مضطریم  زینب قِییت   خیامه   ای   باجی آز   قالور  گله   قاتل کسر  یانوندا   باشیمی  اول   شقیّ   آهن  دل هله   بلاسی  باشیمون  اولمیوب  باجی  کامل گرک  قفادن   کسیله   تشنه   حنجریم    زینب گرک   بو گون   باشه  یته جمله  عهد و  پیمانیم منیله   چون   بیله    قرار      ایلیوبدی   جانانیم جدا   باشیمدن  آخا   سو    کیمی   یره   قانیم گیده    یزیده    ارمغان    نیزه ده   سریم  زینب یازاندا  سوز  ایله   روان  اشکیوی  یوزه ((صابر)) خدا   ترحّم   چون   ایدر  آغلیان  گوزه   ((صابر)) یقین بغیشلر سنی حق تک بو  بیر سوزه ((صابر)) آنام   باجی  یاتما   اویان   یاندی  لبلریم  زینب ********* مداح اهل‌بیت حاج احمدمحمدزاده سبگ عم اوغلی چوخ گول سارالار ✨اَللّهُمَّ عَجِّل لِوَلیِّکَ الفَرَج✨

‍ ‍ زبانحال حضرت امام رضا علیه السلام ابوالفضل عباسی معروفان سبک: گلمیشم فغانه یانه یانه عمه. نوش ایلدیم اوغلوم . من جام جفانی سال طوسه یولون گل . یاد ایله رضانی یاندی جگریم آغلا گل گؤزلریمی باغلا ای جوان جوادیم مهربان جوادیم تیر کین مأمون . دگدی رکن دینه قلب زاریم اولدی . محنته زمینه ماتم و عزاده . غرق اولار مدینه سسلنر رضا ئولدی گلشن ولا سولدی ای جوان جوادیم مهربان جوادیم غربت غمی باشدا . دردیم علن اولدی بو حالی اباصلت . تنها گؤرن اولدی حسرت باخورام من . شاید گلن اولدی گل گؤیلومی شاد ایله بو غریبی یاد ایله ای جوان جوادیم مهربان جوادیم زهرین اثریندن . رنگیم سولوب اوغلوم درد و محنیلن . قلبیم دولوب اوغلوم ذکریم اولوب الله . وردیم اولوب اوغلوم تیر هجره آماجم غسل و دفنه محتاجم ای جوان جوادیم مهربان جوادیم جان اوسته وجودیم . گل تک اسر اوغلوم معصومه باجیمدان . یوخدور خبر اوغلوم بیلمور ئولورم من . بیلسه گلر اوغلوم گلسه منه منتدی بیر گؤروش غنیمتدی ای جوان جوادیم مهربان جوادیم آخر نفسیمدی . جان دوروب دوداقدا عطر ملک الموت . واردور بو اتاقدا کاش باجیم اولیدی . صولدا سنده صاقدا باغبان گولون گؤرسون عزتیله جان وئرسون ای جوان جوادیم مهربان جوادیم من غریب طوسم . صاحب کمالم ثامن الائمه . فخر هر دو عالم دویموشام فراقه . تشنه وصالم سون نفسدی یا الله تاپمیشام لقاء الله ای جوان جوادیم مهربان جوادیم

گلمیشم فغانه یانه یانه عمه با نوای مرحوم منصوری #کانال_ترکی_مجمع_الذاکرین

زبانحال با حضرت امام زمان (عج) در شهادت حضرت امام رضا (علیه السلام) یابن الحسن گل آغلیاق رضایه یرگوی گلوب یا سیدی نوایه دلده دیر شاه وگدا جانم رضا جانم رضا پهلوشکسته فاطمه قان آغلار آهیله قلب نه سمانی داغلار گوزیاشینی دائم عذاره باغلار گل ویر تسلی قلب قان آنایه دلده دیر شاه وگدا جانم رضا جانم رضا باغ صفانین لاله سی صولوبدی قانیله گوزلرکاسه سی دولوبدی یابن الحسن گل گور آقانولوبدی دللرنواسی اوج ایدیر سمایه دلده دیر شاه وگدا جانم رضا جانم رضا یاپراق کیمی تترر دل فلک لر ناله ایدوب وای وای دیر ملک لر لاله کیمی قانه دونر اورک لر گرد محن یردن گیدر فضایه دلده دیر شاه وگدا جانم رضا جانم رضا

✅شهادت امام حسن مجتبی (ع) ⭐️⭐️⭐️ ندور سنده بو حالت                  بیان ائت منه قارداش دوداقوندان آخور قان                  فدا من سنه قارداش 🍃 بیله باخما باخاندا شرر جانه سالورسان توانین گئدوب الدن توان الدن آلورسان سودان آیری دوشن بیر بالیق تک چابالورسان بو حالین اثر ایلر دل آهنه قارداش گلر بلبل شیدا نوایه چمن اوسته گورر قطرۀ شبنم دوروب یاسمن اوسته دوزر قان قطراتین او وجه الحسن اوسته دوروب دانه بدانه دونوب گلشنه قارداش سنین درد ملالین جهاندا بُلن آغلار گلن قبریوه پوزقون مزارین گورن آغلار غریب وطن اولدون دیر وا حسن اغلار یانار اهل دل آغلار گلرشیونه قارداش گوزون یاشینه قارداش بو زینب اولا قربان اؤرک باشینا قویما الین اولما پریشان دونر هجره وصالین عیاندور من نالان گرک سیل سرشکی توکم دامنه قارداش روا گوردی بو ظلمی سنه هانسی ستمگر بیان ائت ندی دردین ایا حجّت داور سزادور آچا باشین آتام ساقی کوثر آناما ایده شِکوه دوتا یاس سنه قارداش اولوب قلب شریفین هامی غملره خازن گهی دل یاراسیله گهی رنج مدائن بو نسگل منه بسدورکه هم بستر خائن سنین قتلیوی وعده ویروب دشمنه قارداش بلا مونسییَم من یوزوم دهریده گلمز حوادث هله چوخدور باجین گورمه سه ئولمز نلر وار گله جاقدا بونی کیمسنه بلمز قالوب ارث آنامدان بو محنت منه قارداش بو غمدن منه واردور منه بیر غم دیگر اولار کرب و بلاده عیان شورش محشر قالار دشمن الینده او گون آل پیمبر تاپولماز چکه کیمسه منی مَأمنه قارداش 🍃 سنه «اشکی» امامِ رضا ائتدی عنایت که پابوسینه گلدون بو ایام زیارت جوارینده ائدوبسن بو اشعاری کتابت ندور سنده بو حالت بیان ائت منه قارداش

🏴شهادت امام رضاعلیه السلام #نوای_ماندگار 🎤#بانوای_حاج_علی_سیفی_افشار 🕌هیئت مسلم بن عقیل(ع) ارومیه 👌پیشنهاد دانلود100% ✍بقلم استاد دهقان(صاحب) گل جوادیم جگریم یاندی اوغول دوداقیم پارچالانوب، قاندی اوغول کر: زهرکین طاقت آلوب گوزلریم یولداقالوب گل گوروم گول ئوزیوی گورنه رنگیم سارالوب ای اوغول جانیم جواد جان وجانانیم جواد _________ یاندی زهرین اثریندن جگریم دیده لردن آخوری اشک تریم گورماقاواردوراوغول چوخ نظریم شیعه لرحالیمه گریاندی اوغول کر: مامون ایلیبدی خطا گل وئروب زهرجفا ای اوغول جانیم جواد جان وجانانیم جواد ________ وئردی انگورجفانی ئولورم یتوشوب لبلره جانی ئولورم درک ائله مظلوم آتانی ئولورم مامون حقی بوگونی داندی اوغول کر: گورماقاوارهوسیم داده گل دادرسیم ال ئورکده ئولورم کسولورگل نفسیم ای اوغول جانیم جواد جان وجانانیم جواد ___ یاندیرارقلبیوی غربتده ئولن گوزلریم یولداقالوبدورگله سن وئرگیلن غسلیمی سن ایله کفن قئل نمازیم سنه پیماندی اوغول کر؛ نوجوانیم گل اوغول مهربانیم گل اوغول زهرکین ائتدی اثر چئخدی جانیم گل اوغول ای اوغول جانیم جواد جان وجانانیم جواد ______ صاحب ایلورمنیلن آه ونوا یادیمه دوشدی اوغول کرببلا جسمی صدپاره عزیز شهدا سویدولارجسمینی عریاندی اوغول کر: یاندیروبدورمحنی بوریادور کفنی گون قباقینداقالوب اولمویوب دفن ائدنی ای اوغول جانیم جواد جان وجانانیم جواد

#نوای_ماندگار 🎤#بانوای_حاج_علی_سیفی_افشار 🕌هیئت مسلم بن عقیل(ع) ارومیه 👌پیشنهاد دانلود 100% بسم الله الرحمن الرحیم 📚شعر عشق و ارادت به حضرت علی ع ✍بقلم ابراهیم تون خوش قلم میاندوآبی بحر غیرتده اولان گوهر یکدانه علی شیعه لر فخر ائلیر سن کیمی سلطانه رضا بَشَرًُ کیفَ بَشَر سن یوخدی دنیاده تایین داخی گلمز سنه تای ، عالم امکانه رضا سنی تشبیه ائلیاخ شمع فروزانه اگر هامی عالم اولاجاق شمعیوه پروانه رضا اولموشام‌ مست می جام کرم ، چاره ندور ؟ ائت کرم لطفیله وئر نوکره پیمانه رضا سنه الله دئمرم اللهیمیز تکدی ، ولی سنه انساندا دئمم آنداولا ایمانه رضا صَدَفِ عشقه سنی دُرِّ زَرَفشان دیرم طلعتون بنزِیوری چون دُرِّ درخشانه رضا نئچه ائللردی سنون عاشقیوم شاهِ کَرم اولموشام عشقیده من گور نئجه دیوانه رضا قاپیوین‌ نوکریم شاهلارا من ناز ائدورم چون قاپون ناز ائلیور روضه ی رضوانه رضا _____________________

🍁بسم الله الرحمن الرحیم 🍁 🏴 السلام یا رضا علیه السلام 🏴 سبک:میگذرد کاروان شـاه خراسان رضا دردلـره درمان رضا ایلـه عنـایت بیـزه ، یـار ضعیـفـان رضا ائتسه توسل اگر دهریده عاشقلـرین خالقین ایـلر سنین مشکلی آسان  رضا السـلام السـلام  یـا رضـا سنسن معدن جودوسخا یا علی ابن موسی الرضا یا علی ابن موسی الرضا عشقیوه اولدی سنون شیعه لـرین مبتلا سنله تاپوب قلبیلر یاعلی جان چوخ جلا هدیه ویریب ذات حق عالمه سن تک آقـا شیعیـیه سلطانی سـن  ای گل بـاغ ولا السـلام السـلام  یـا رضـا سنسن معدن جودوسخا یا علی ابن موسی الرضا یا علی ابن موسی الرضا زهر جفا یاندیریب لبلریوی جـان آقـا آغلئیور اوغلون جواد اولدی غمه مبتلا شیعه باتوب ماتمه گئیدی یاسیندا قارا عرشیده لایلای چالوب آغلادی خیرالنساء السلام السلام یـا رضا سنسن معدن جود و سخا یاعلی ابن موسی الرضـا یاعلی ابن موسی الرضـا ✍علی اصغر عباسعلی نژاد کیوج_سراب التـماس دعا... ✨اَللّهُمَّ عَجِّل لِوَلیِّکَ الفَرَج✨

بانوای حاج رحیم افضلی

شام غریبان امام حسن المجتبی علیه السلام 📝 استادحاج ولی الله کلامی ▪️▪️▪️▪️▪️▪️▪️▪️ سبک میگذرد کاروان آیریلیقون زینبی ائتدی پریشان حسن غصه لیدور دردینون گوزیاشی درمانیدی سینمی غملره داغلارام اوخشارام یانارام آغلارام دیندیرور آل عبا بیر دلیلن قاسمی سسلوری زینب فراق دردی گل یاسمی گلموری الله یوزوم سسلنم عباسمی چون حسینون قبرینون غملی نگهبانیدی قلبی یانان مجتبی عالمی باشدان آتوب زهریله مسموم اولوب وصل نگاره چاتوب نور دل بوالحسن غملی بقیعده یاتوب زینبی آغلار قویوب فاطمه مهمانیدی زینب آچوب باشینی ایوای حسندور سوزی دوشه سالوب قاره شال آغلور حسینون گوزی سویلور حسن قاسمین اولدی گجه گوندوزی اوز بالاوین مونسی دیدهٔ گریانیدی ذکر اولا هریاندا گر شام غریبان سوزی یاده حسینون دوشر غصه لی هجران سوزی نصفی یانان خیمه و قورخولی میدان سوزی عترت او چولده هامی سینه‌سی سوزانیدی بیر بالا قیز خیمه‌دن چخدی گله مقتله دوشدی گوزی ناگهان قانه بویانمش اَله سسلدی ای کاش بابا مقتله عمم گله چون بو قانا غرق اولان پیکر اونون جانیدی ای بابا سندن صورا خیمه نی یاندیردیلار قورخولی اطفالیوه دام بلا قوردیلار گئتدی گویه قمچی لرعمه می چوخ وردیلار اوندا علی قیزلاری جمله هراسانیدی ای اورگی قان بابا حالی پریشان بابا پیکری عریان بابا لبلری عطشان بابا باشیمه دور چک الون یاره‌لیسن جان بابا پیکرون الوان ائدن اوز بوغازون قانیدی @turki_nohemajma #کانال_ترکی_مجمع_الذاکرین

بسم الله الرحمن الرحیم السلام علیک یا اباعبدالله السلام علیک یا صاحب الزمان   یا صاحب الزمان ..الغوث الامان صاحب الزمان نیتیلن دست توسل ووراخ بی بی زینب اتگینه...بی بی زینب دن دردیمیزه درمان آلاق سلام اولسون الینی خنجره آتان خانوما😭   بلا چولونده یامان گونه قالان خانوما سلام.اولسون شجاعتده قارداشی اباالفضله اوخشیان خانوما جان یا زینب به یاد او زمانی کی عقیله العرب بی بی زینب بستره احتضاره وارد اولدی...دیدی صولدی چمنیم قارداش ئولدی ئولنیم قارداش😭😭😭 شامین غربا باغی اولدی وطنیم قارداش الله سنی آندورم زینبین داغلی اورگینه هیچ کس غریب یرده جان ورمسین یدی قارداشی اولان زینب غریب یرده آدامسیز قالوب آمان ...آمان ..امان غریبلیق الیندن امان امان آدامسیزلیق الیندن😭😭 اما آی بی بی زینبه آغلیانلار بورسمیدی بیری کی احتضار حالیندا اولسا اونی دوندره لر قبله سمتینه امام جانلار زینبه قوربان زینبی دوندر دیلر کربلا سمتینه آی کربلانین آرزوسین چکنلر😭😭 زینب آغلار گوزیلن بیر باخدی ساقا   بیرده صولونا..بیر نظر سالدی کربلانین یولونا (آلله هیچ باجی قارداش یولونا ناامید باخماسین😭😭) دیدی بو غربتده الله گوزیم یولدادی کی دردیم دواسی اوزون قولدادی خبر یوخ الیمدن...دوتار کیم الیمدن ئوزوم گولمدی جان یا زینب دیدی باجی جان ورنده باخار قارداشا ولی غملی زینب باخار داغ داشا منه داغلار آغلار...😭منه داشلار آغلار منه کربلاده کسیک باشلار آغلار😭😭😭😭😭😭😭 القصه اجل زینبین طاقت و آرامین آلدی زینبین غملی الی غملی اورگی باشیندا قالدی😭 آلله هیچ کسین اولین عزیز آخرین یامان گونه قویماسین اما آی زینبه دملی سوزی اولانلار باجنین ایکی یرده قارداش دان چوخ انتظاری اولار بیری اودی کی بایرام اولاندا اگر دنیایی ده ثروتی اولسا گوزی قالار یولدا بیرده جان ورنده دیر آلله قارداشیم گلیدی جنازم قارداشیم چیگنینده گیدیدی بیر اوندا گوردیلر زینب حسینین قانلی کوینگین باسوب اورگینین باشینا😭😭😭 دیدی شام اهلی دیور بونا هیچ ال یتورن یوخ ائل صاحبیدور دردینه درمان یتیرن یوخ وار یدی نفر..قارداشی یئردن گوتورن یوخ سسلن دردیوه یاحسییییییین😭😭😭😭😭😭😭😭 التماس دعا ارسالی ذاکره اهل بیت سرکار خانم کریمی از تهران روضه توسط خودشون گفته یا نوشته شده است

حضرت امام حسن مجتبی(ع)-زبانحال حضرت زینب شاعر: اثرطبع،احمدتقوی آلوب صبرو قراروی  بوزهر کین حسن جانم اوجالدوب آه وای وی بوزهرکین حسن جانم حسنجانم ،حسنجانم،حسنجانم،حسنجانم منه دردون بیان ایله یانورقلبون حسن قارداش گورورم کی سولوب رنگون باجوون اولسون حسن قارداش نه گلدی باشیوه بیله گئدوب توان حسن قارداش اولوم بوحالوه قربان حسن جانم حسن جان گوزوی آچ منه دنه سوزوی مهربان قارداش کنارونده اتورموشام سن اولما ناگران قارداش گورنده حالوی قاسیم اولوری باغریقان قارداش   اولوم بوحالوه قربان حسن جانم حسن جانم اماندی قاسیمه قارداش بله حسرتیله باخما بله یانا یاناقارداش عذاره اشکوی یاخما دانش زینب سنه قربان غم اوخون قلبیمه تاخما اولوم بوحالوه قربان حسن جانم حسن جان سولان گلشن حیدرده منیم گوزل گل یاسیم گلوبدی قارداشیم حسین گلر غیرتلی عباسیم الاندی کی یتیم اولار بالان عبدالله هم قاسیم اولوم بوحالوه قربان حسن جانم حسن جانم #حضرت_امام_حسن

‍ نوحه_امام_حسن_مجتبی ایچدی زهری مجتبی گویده ملکلر آغلادی سسلدی ای وای ننه ، معناده مادر آغلادی گل باجی جان ورورم جانی قربان ورورم -------------------------- گوردی قلبی اود دوتوب یوخ حالی صحبت ایلیه گلدی باش اوسته باجی قارداشه خدمت ایلیه قاسمه عرض ائتدی قارداشیم محبت ایلیه درد و دل باشلاندی قارداشیله خواهر آغلادی لبلری بیر پارچاقان اولدوز کیمی اخمیش گوزی عالمین قلبین الولاندیردی ناگه غم کوزی سسلدی حیف اولسون ای باجی ننم یوخدی ئوزی بو سوزی زینب اشیتدی اولدی مضطر آغلادی محرمیم ئوز منزلیمده اولدی نامحرم باجی قارداشیم عباسی گورم دوره ائتمیش غم باجی اولسا ممکن قویمون یاتسین قرا پرچم باجی بو گلستانه اسوبدی باد صرصر آغلادی غیرتیندن گوزلری دوتموشدی قان عباسیمون اللری داغ تک دایاق اولدی هر آن عباسیمون جان سنون قارداش حسینیم بیرده جان عباسیمون بو وصیت داغلیوب دل پور حیدر آغلادی جان دوداقه گلمیشی تا رخصت السین گتمگه وئر خبر اهل صلاته جامه ی غم گیمگه ای "خدایی" قاره گی تا عشقیوی بیلدیرمگه گوزلرین یومدی حسن عشق اهلی یکسر اغلادی

#استودیویی #ترکی 📝 ساسلرم کربلا 🎤 سیدطالح #باکویی 📌سیزده روز مانده تا اربعین حسینی ▪️#امام_حسین ؛#اربعین #کانال_ترکی_مجمع_الذاکرین

شهادت امام حسن علیه السلام . سبک : اویان ای یار وفاداریم اویان ... کربلا کعبه عشقیمدی منیم ... کوفیان گور نجه یاندیریدی منی ... . . یاتما دور قارداشیم ای وای حسنیم من حسینم داغیلوب انجمنیم بس ندندی جگرون پارچالانوب دور ایاقه منیم آرتدی مُحنیم غم هجرونده یانان قارداشوام سسیمه سس ویر امان یولداشوام گل باغ چمنیم منه سس ویر حسنیم . . . سن کیمی اولمادی مظلوم زمان مَکر دُشمندن امان قارداش امان حقون اوسته سنی اولدوردی عدور گیدوسن سن نگران من نگران نجه طاقت ایدرم سَنسیز اخا گیتمه زهرا یانینه منسیز اخا گل باغ چمنیم منه سس ویر حسنیم . . . زهر کین گور نه حالا سالدی سنی جگرون دوغرادی یاندیردی منی سنی کیم سالدی بو حاله حسنیم حالتون آغلادوری هر گَلَنی بالالارون مَلیوللر گوزون آچ یوزه یاشلارون الوللر گوزون آچ گل باغ چمنیم منه سس ویر حسنیم . . . قاسموندن نگران اولما حسن سن بلوط تک ،غَمیلن دولما حسن قویمارام بوش یرون احساس ایلسین ای آنامون گُلی تیز صولما حسن قاسمی اُمَّته قربان ایدرم من اونی عالمه سلطان ایدرم گُل باغ چمنیم منه سس ویر حسنیم . .

#شهادت_امام_حسن #ترکی 🎤کربلایی سعید سلطانی @turki_nohemajma #کانال_ترکی_مجمع_الذاکرین

شهادت امام رضا علیه السلام سبک..ویرانه ده نازلی بالام 🔲🔲🔲🔲🔲🔲🔲🔲 سلطان دین موسی الرضا مهمان جاناندی بو شبده خاک طوسیده شام غریباندی غریب خراسان مظلوم خراسان زهریله مسموم ایلدی مامون او مولانی یخدی بو گونده اول دنی ارکان ایمانی آغلاتدی هجرینده بو گون جمله احبانی یاسه باتوب یر گوی بو گون چون بیت الحزاندی زهر جفا روشن گونون چکدی شب تاره گل تک سارالدی عارضی اولدی جگر یاره ال سینده یرده یوزی باخ اول دل افکاره حشره کیمی بو غصه دن دللر دولی قاندی جنتده بو ظلم ایلدی زهرا گوزون آغلار بو غصده پیغمبروحیدر سینه داغلار غربتده کیم ئولسه غریب کیم گوزلرون باغلار بو غمده نه تحت اسما فوق الثری یاندی سویلردی عرشه اوج ائدر بو قلبیده زاریم زهریله روشن گوندوزوم اولدی شب تاریم الله جوادیم گلمدی کیمسه اولار یاریم عرشه بو ناله اود سالوب اود دوتدی اودلاندی سسلردی جان اوسته اوغول من انتظارم گل زهریله یاندی لبلریم من زخمدارم گل هجرانیوه یوخدور دوزوم من بیقرارم گل گورسم سنی بو صون نفس جان ویرماق آساندی آگاهسن الله منیم قلبیمده رازیمه غربتده یوخدور بیرکسیم باخ بو نیازیمه گوندر جوادی حاضر ائت دورسون نمازیمه ئولسه آتا، اوغلی گلر بو رسم دوراندی التماس دعای فرج

#شهادت_امام_رضا #ترکی 🎤کربلایی سعید سلطانی @turki_nohemajma #کانال_ترکی_مجمع_الذاکرین

حسین سنه دانشیم هانسی داستانلار دان؟ غم فراقی سوروش قامتی کمانلاردان گلوبدی غملی باجون اربعین زیارتینه اورک قانی توکولور چشم خونفشانلاردان مخوف چوللری گزدیم که انقلابیمله آلام قصاصیوی خودکامه حکمرانلاردان نقدر جهر ایده وابستگان خط شُریح پوزانمز آدیوی تاریخ جاودانلاردان یزید بزمینه حتی بو نیّته گیتدیم آلام آنام توخیان کوینگی سویانلاردان اساس غارتی بیر بیر گتورموشم قارداش گلور شهید ایگی بو قانلی ارمغانلاردان قوجالدی زینبون امّا اوجالدی دین علمی که سود حاصل اولار عاشقه زیانلاردان فلک قطاریمی دؤندردی کوفه نین یولونا او کوفه که دوتولوب جَوّی الامانلاردان نقدر او شهری دولاندیم تاپانمادیم بیر کس حجازه اون ایکی مین نامه نی یازانلاردان ویر اذن کوفه سوزین پرده ده دیوم قارداش دولیدی رهگذریم اوردا داش ورانلاردان باشون قالیدی سلامت باشیمی یارمازدیم ثبات عشقیمی گور باشداکی نشانلاردان نه سینه داغلیان اولدی، نه یاره باغلیانیم باخوب اوتانمادیلار قطره قطره قانلاردان یول آلدی قافله میز کوفه دن گیده شامه دوتولدی گوش فلک ضجّه و فغانلاردان امامی ئولدوره کیم اهلبیته گور نیلر شکایتم وار ابوالفضله ساربانلاردان بیر عده قورخودان ئولموشدی وقت غارتده بیر عده ناخوشیدی دامنی یانانلاردان ئولن ئولوب، ایتن ایتدی، گونوم ایله دؤندی خبر دوتانمدیم هیچ قبری بی نشانلاردان او قیز که گوزلری زهرا آناما بنزردی شیرین دلی دل آلاردی شیرین زبانلاردان غروب اولاندا باخاردی گوزی فقط قاپیا گلردی شوره دانشسون گئچن زمانلاردان دیردی گل چخاق عمه خرابه دن ایشیگه سوروشاق اکبری یولدان گئچن جوانلاردان کسیک باشون او گجیکه بیزه قوناق اولدی یارالی قوش تک او قیز دویدی آشیانلاردان دیدی بو قان بوریَن گوزلره گوزوم قوربان یارالی حالدا گلورسن بابا هایانلاردان؟ دولانمشام سنه خاطر پیاده چوللری من سوروش بو سرّی ایاقیمده کی تیکانلاردان رقیه دوشدی نفسدن داغلدی هیئتیمیز بابا دیَه دیَه آیریلدی نوحه خوانلاردان ????: ???? ???? ??? 🖋️استاد حاج ولی الله کلامی زنجانی #اربعین

 زبانحال در اربعین   گلنده کرببلایه او زینب غمگین زبانحالیدی گویا بیله بویوردی حسین   دورآچ گوزون عباس علمین ال اله قارداش پیشوازایلیون  گلدی  گیدن قافله قارداش   دولدور قوریان مشکیوه بو آب فراتی قویما گله لر سوزعطشدن دله قارداش   زینب باجیمین عطری گلور یاتما اویان دور یغ لشکریوی باشیوه یوزقوی چوله قارداش   قیما او جالا ۀتلارزین شیحه صداسی قورخاربالالار ایلمیون هلهله قارداش   بیرسس گلوری الدن آلورصبرو قراری لیلا سسیدوراکبری سسلور گله قارداش   شیون سسی چوخ اوج ایدوری عرش برینه اولما بو سکینمدی سیزیلدیربیله قارداش   دورقاسمه بیردسته قزل قرمزی گل در نصب ایتسون آناسی اوتوران محمله قارداش گهواره چیخاردون قاباقا بلکه ربابین لای لای سسینی  قبریده  اصغربله قارداش   سجادین الیندن یاپوشوب ایله پیاده ناخوشدی بالام  حالتی یوخدور گله قارداش   یوخدور بو گلن قافله ده یوخسا رقیم گلمورسسی مشتاقم او شیرین دله قارداش   واردوریری گر عرض ایلسم زیب کبری سسلندی بیله آغلاماقا بو نسکله قارداش   بیرتک سنی یاندورموری اول نازلی رقیه آغلار قالوب احوالینه بیر سلسله قارداش   نسکلرینی یاده سالان وقتیده زینب رخساره توکراشکینی بی فاصله قارداش   باشون دالیجا کوفه و شاماتی دولاندی وصل رخ یاری سالا بلکه اله قارداش   گه دیره چکوبدوراونی اوزباشداکی شوری گه شامیده ویرانه اولان منزله قارداش   صدحیف اولا مقصوده ولی اولمادی نائل حسرت قالوب آخرده قبیله ایله قارداش   یاتدی سنی رویاده گوروب بیرگیجه دوردی ویرانیه آهیله سالوب ولوله قارداش   هرقدردیدیم آغلاما عمن سنه قربان صبرایلمدی تنگه گلوب حوصله قارداش   دشمن سسین آلدی بالامین ویردی تسلی چوخ جای تعجبدی بو ایش عاقله قارداش   گوندردی بالا دردینه درمان آتا باشین باخدی باشیوا باشلادی عرض گله قارداش   دردین دیدی بیربیرسنه تا دوشدی نفسدن سالدی گیجه وقتینده منی مشکله قارداش   غرق ایتدی منی بحرغمه نازلی رقیه اوززورق جسمین یتوروب ساحله قارداش   دوشدی نظریم غسل ویرن وقتیده گوردوم واردورایاقیندا اثرآبله قارداش   اوزکوینگینی جسمینه منده کفن ایتدیم تاپشوردوم او گل پیکری قبره ایله قارداش   ایتدیم بالاما گوشه ویرانه نی مدفن غم باغریمی دوندردی منیم مشعله قارداش   ویرانه ده بیربزم عزا منعقد اولدی معناده گلوب فاطمه اول محفله قارداش   دعوت ایلدیم عترتیوی بزم عزایه گللر یغوشوب آغلادیلار بلبله قارداش   قبراسته عزا بزمی دوزه لر بودی رسمی من دوزدوم او شمعی شرر آهله قارداش   غم چکمه که ویرانه ده تک قالدی رقیه دشمنلرینه ثابت اولوب مسئله قارداش   شام اهلی گلور قبرینه چون دسته بدسته بلبل کیمی اوخشالا او خندان گله قارداش   آغلا بو غمه توشه ایله قبره (رجائی) لازیمدی سنه زاد ره و راحله قارداش

عرض ارادت به محضرآقااباعبدالله الحسین علیه السلام --------------------------------- یاحسین من گوز آچانان سنه دل داغلامیشام قلبیمون رشته لرین پرچموه باغلامیشام آند ویرم سنی غارتده یانان قیزلاروا قورخوسینان تیکان اوستونده قاچان قیزلاروا آندویرم سنی عاشقلروون سوزلرینه کوفه ده زینبووین قانه باتان گوزلرینه عشق زنجرین ئوزون گردنیمه باغلا آقا درگهونده منی زهرایه گوره ساخلا آقا بیلورم من قاپوون نوکر نالایقیم ولی عباسه قسم کرب وبلا عاشقیم دیمورم حر کیمین درگهوون نوکریم سفره عشقوین ایللردی نمک پروریم سنه جبریل امین نوکر اولا خوشدی آقا منی عفو ایله ئوزوم قاره الیم بشدی آقا

روضه اربعین 🖤🖤🖤😭😭😭 بوردا دیردی بیزلری سالدلار آت قباقینه با نوای حاج ابراهیم رهبر