‍ ‍ ماه رمضان راز ونیاز باخدا سبک: ای گوزلریمون نوری... ➖➖➖➖➖➖➖➖➖➖➖➖ گلدیم قاپوا بیرده (۲) ای بحرکرم الله (۲) لطف ایله گناهیمه (۲) وور خط عدم الله (۲) آچ باشیمون اوستونده (۲) عزتلی علم الله (۲) واردور چوخ گناهیم عفو ایله یارب سن سن تک پناهیم عفو ایله یارب یاالله یاالله یا رحیم الله (۲) گوزیاشیمه باخ یارب آچ باب کرامت سن گورسد بو خطاکاره صراط هدایت سن حاجتلریمی ایله لطفیله اجابت سن بولود تک دولموشام سندورما منی پشیمان اولموشام سندورما منی یاالله یاالله یا رحیم الله (۲) آل مندن اورک آهین ای خالق روز و شب توبه یولون آچ بیرده باغشلا منی یارب گل ائمه منی مایوس ای ذکر لب زینب دوزدی گناهی چوخ بیر بندیم من اورگیم سنوبدی گل عفو ایله سن یاالله یاالله یا رحیم الله (۲) شهرام علیزاده

#مناجات #مناجات_با_خدا 🎤کربلایی سعید سلطانی https://eitaa.com/turki_nohemajma

‍ سرود:میلاد امام حسن مجتبی (ع) ÷÷÷÷÷÷÷÷÷÷÷÷÷ه ای گل باور حسن بالام لایلای غنچه ی نوبر حسن بالام لایلای سینمه گل قلبیمین قراری با لا دلبر مادر حسن بالام لایلای کریم آل الله ... عطیه ی الله حسن بالام لایلای <۲> گول یوزی گولدن گوزل بالام لایلای قاشلاری بیت الغزل با لام لایلای آی گوزومون نوری عشقمین ثمری هدیه ی حی ازل با لام لایلای سن گل طوباسن . فخر مسیحاسن حسن بالام لایلای <۲> شیر خدانون گوزل نگاری حسن کوثر قرآنون افتخاری حسن گوزلریوین جامی کوثریمدی منیم مکتب قرآنین اقتداری حسن آیت سبحانسان . جلوهء جانانسان حسن بالام لایلای <۲> آغلاما یات نازنین نگاریم حسن نازلی بالام مه جبین نگاریم حسن سینه گولوم ، میهمان ماه صیام یاور قرآن و دین نگاریم حسن سن گل باورسن . هدیه ی داورسن حسن بالام لایلای <۲> فلسفه ی عشقمه صفا سنسن جان علی عشق مصطفی سنسن حیف اولا اما جگرلرین یاناجاق دینه غریبانه جان فدا سنسن شهید قرآنسان . غریب دورانسان حسن بالام لایلای <۲>

🍃#میلاد_امام_حسن #سرودترکی 🎤کربلایی سعید سلطانی https://eitaa.com/turki_nohemajma

🕊﷽🕊 🥀#شب_قدر 🥀#ترکی سید بشیر حسینی میانجی 🔹بحق هذاالقرآن الهی بو گئجه احسانیوه باغیشلا منی صفای روضه‌ی رضوانیوه باغیشلا منی اولوب‌دی بو گئجه نازل کتابِ قرآنون بو باشیم اوسته‌کی قرآنیوه باغیشلا منی 🔹بکَ یا اللّه! الهی بو گئجه پنجِ تنه باغیشلا منی تلطّفیله نظر سال منه باغیشلا منی کی اؤن دفعه «بِکَ یَااَللّه» ایلورم تکرار سنی قسم وئرورم من سنه، باغیشلا منی 🔹بمُحمَّدٍ الهی بو گئجه اُول سروره باغیشلا منی کی دوشموش آدی بوتون دیللره، باغیشلا منی پیمبرین اتگین دوتموشام امیدیله کمال حضرت پیغمبره باغیشلا منی 🔹بفاطِمَهَ الهی حوض نبی کوثره باغیشلا منی شفیعه و شرفِ محشره باغیشلا منی خلوصیله دیورم من «بِفاطِمه» یارب! مقام فاطمه‌ی اطهره باغیشلا منی 🔹بعلِیٍّ الهی باخ منِ بی‌چاره‌یه باغیشلا منی اوز عرشیوه چکیله‌ن قاره‌یه باغیشلا منی من اون دفعه «بِعلِیٍِ» دیوب نوا ائدورم علی باشیندا اولان یاره‌یه باغیشلا منی 🔹بالحَسَنِ الهی ایلموشم چوخ خطا باغیشلا منی خطامه خط چک اوزون قیل عطا باغیشلا منی دوتوب حسن اتگین «بِاالحسن» دیوب یانورام به حقّ مرتبتِ مجتبی باغیشلا منی 🔹باالحسَینِ الهی بو گئجه‌نین رازینه باغیشلا منی بهارین عطرِ گلِ رازینه باغیشلا منی اولوب‌دی وِرد لبیم «بِاالحُسَینِ» یااللّه! حسینون عزّتِ ممتازینه باغیشلا منی 🔹یادی از ماه بنی هاشم الهی بو گئجه گؤزیاشیمه باغیشلا منی هوای توبه دوشوب باشیمه، باغیشلا منی یوزوم قرادی الیم بوشدی چوخ‌دی عصیانیم جمال ماه بنی هاشیمه باغیشلا منی 🔹بعَلیّ بنِ الحَسَین الهی لطف ائله چات داده سن باغیشلا منی ترحّم ایله بو مأواده سن باغیشلا منی مریض حکمت کرب‌و‌بلا طبیبیم‌دی دعای حضرت سجّاده سن باغیشلا منی 🔹بمُحَمَّدِبنِ عَلیٍّ الهی بو گئجه بو خاطره باغیشلا منی یاشایشیمدا اولا خاطره، باغیشلا منی کی اؤن دفعه دیورم «بِمَحَمَّدِبنِ عَلی» علوم و مرتبه‌ی باقره باغیشلا منی 🔹بجَعفَرِبنِ محَمَّد الهی صادق اولان عاشقه باغیشلا منی او درگهونده اولان لایقه باغیشلا منی «بِجَفَرِبنِ مُحَمَّد» دیوب صفا ائدورم رئیسِ مذهبیمیز صادقه باغیشلا منی 🔹بمُوسَی بنِ جَعفَرٍ الهی اهل دِلین پیرینه باغیشلا منی قرآنون آیه‌ی تطهیرینه باغیشلا منی قاپوندا من کی «بِمُوسَی بنِ جَعفَرٍ» دیورم او حضرتین غُل زنجیرینه باغیشلا منی 🔹بعَلیّ بنِ مُوسی الهی بو گئجه اوز شأنیوه باغیشلا منی بو آیدا حُرمتِ مهمانیوه باغیشلا منی آقام امام رضانین گؤزل آدین دیورم غریبِ ملک خراسانیوه باغیشلا منی 🔹بمُحَمَّدِبنِ عَلیّ الهی قویما اولام من شقی، باغیشلا منی نشان وئروب منه راهِ حقی، باغیشلا منی دیلیم‌ده ذکر ائدورم، «بِمَحَمَّدِبنِ عَلی» به نام پاکِ محمَّدتقی باغیشلا منی 🔹بعَلِیٍِ بنِ مُحَمَّد الهی وار یئری دنیا، دِیَه باغیشلا منی کلیمِ عشق، گَلَن وادیه باغیشلا منی موفّق ایله علیّ النّقی‌نین عشقینده چراغ راه هُدی هادِیه باغیشلا منی 🔹بالحسَنِ بن عَلِی الهی ایله اوزون داوری، باغیشلا منی کَرَمله عفو ائله بو احقری باغیشلا منی اوچوبدی مرغ دِلیم سامرایه ساری بو دم به احترامِ حسن‌عسکری باغیشلا منی 🔹بالحُجَّهِ الهی پورِ علی مهدی‌یه باغیشلا منی واریم گناه، ولی مهدی‌یه باغیشلا منی گؤزوم یولیندادی «بِالحُجَّهِ» اولوب ذکریم گؤزل‌لرین گؤزلی مهدی‌یه باغیشلا منی 🔹تخلّص الهی محترم انسان‌لارا باغیشلا منی غمیله سینه‌سی سوزان‌لارا باغیشلا منی «بشیر» ایله‌دی عنوان مقدّس آدلاری دیلیمده ذکر اولان عنوان‌لارا باغیشلا منی ┈••✾•🌿🌺🌿•✾••┈ روضه دفتری ▪️▪️▪️▪️▪️▪️ کانال نوحه ومولودی ترکی مجمع الذاکرین ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین https://eitaa.com/turki_nohemajma

ولادت حضرت امام حسن مجتبی علیه السلام (ای ایران ای مرزِ پُر گُهر) ای زهرانین دلبری حسن شیعیانین سَروری حسن اَهلِ عشقه بَسدی بومقام واردی سَن تَک، رهبری حسن ای سَیّد شَبابِ جَنّت ای شَهِ اُمَم ای امامِ رَحمت و سَخاوت و کَرَم ای جلوه ی / صُبحِ اَزَل زیبالیقی / ضرب المثل حُسنون سَنون حاشا گَله وَصفه ای مَه جَبین زیبا یارالدیبدی جان آفرین مولا مولا یا حسن حسن ____ سَنسَن مولا، باشدا تاجیمیز دیلده عشقوندی سِراجیمیز آلِ طاهانین کَریمیسن لطفووه وار احتیاجیمیز سن ای ولایت آسمانینه مَهِ مُنیر ای ایدن اورکلری اوز عشقینه اَسیر ای زاده ی / خَیرُالنّسا ای شیعیه / بابِ رَجا گوز تیکمیشوخ احسانیوه ای شَهِ محتَرَم سائل لره نولور قیلسان کَرَم مولا مولا یا حسن حسن ___ آسِمانِ عشقه ای قَمَر باغِ زهرایه گوزل ثَمَر چوخدی دیلده حاجتیم آقا (بیکَسلره) ایله بیر نَظَر سن کانِ رأفَت و کَرَمسن ای گُلِ بَتول دَرگَهونده هیچ گَدانی ایتمه سَن مَلول ای عاَدتی / جود و سَخا اولسون سنه / جانیم فدا احسان ایله دیلده اولان دردیمه قیل دوا یاز بیر بقیع، بیرده کرب و بلا مولا مولا یا حسن حسن #امام_حسن_علیه_السلام شعر از کربلایی مهدی عبادی #استادپیرزاده 🌾🌾🌾🌾🌾🌾🌾 https://eitaa.com/turki_nohemajma

✔️ حضرت خدیجه سلام الله علیها ✅ گریز به حضرت زهرا (س) تسخیر ایلیوب قلب مسلمانی خدیجه راضی ایلیوب خالق سبحانی خدیجه پیغمبره اوَّلدن علاقه ایدوب اظهار بلدی اونی چون مهر و ادب کانی خدیجه ثروتده نمونه ئیدی خانم مکه ده اما تزویجه بینموردی هر انسانی خدیجه اشراف قریش اولدولا تزویجینه مایل رد ایتدی ولی اولمادی ایقانی خدیجه تا اینکه پیمبر یتشوب حد کماله یرمی یاشینا چاتدی گوروب آنی خدیجه بیر وصلته اقدام ایده دنیا قالا حیران اولموشدی رسولون داخی حیرانی خدیجه هر چند یتیمیدی آقا فاقد ثروت عاشقتر اونا اولدی کماکانی خدیجه تزویجه محمدله اوزون ایلدی مطرح راضی ایلیوب فخر مسیحانی خدیجه تز مال تجارتده اونی ایلدی مسئول جلب ایلدی بو نوعیله طاهانی خدیجه تزویج و تجارت ایکیسی با هم اولوبدی شاد ایلدی دل های پریشانی خدیجه بیر گون گوروب ئوز شوهرینی اولدی پیمبر شکر ایلدی هر لحظه ده رحمانی خدیجه طاهانی گوروب باشدا گلوب تاج نبوت تا زنده ایده مکتب قرآنی خدیجه ئوز ثروتینی دینه گوره ایلدی اهدا راضی ایلیوبدور شه بطحانی خدیجه زهرا کیمی بیر در ثمینه صدف اولدی آغوشه آلوب بیر بیله مرجانی خدیجه بش سنّیینه چاتمشدی خانم فاطمه ناگاه بسترده دوشوب عشق نگهبانی خدیجه پیغمبریله شعب ابوطالبه گتدی محکوم ایلیه مسلک شیطانی خدیجه سالدی گوزونی صاق صولا مخدومه حورا ایستوردی گوره شاه سلیمانی خدیجه زهرا خانمون ناله سینه گلدی پیمبر بیلدی گیدور الدن او وفا کانی خدیجه پیغمبر اَوَل گوردی علی قالدی آتاسیز آرام ایلیردی ولی مولانی خدیجه مشگل چوخالوبدور او زماندان که گوروبلر ترک ایلوری حسرتله بو دنیانی خدیجه آلدی دیزی اوسته باشینی ختم رسولان صبر ایلوری گوردی ره هجرانی خدیجه شبنم کیمی توکدی یوزه گوز یاشینی احمد آغلور دوشونوب مفخر موسانی خدیجه عرض ایلدی قربان گوزون یاشینه جانیم ایلور سنه قربان داخی بو جانی خدیجه گر چه سنه زحمتدی ولی نچّه وصیت اظهار ایدور اولسا سنه امکانی خدیجه مندن صورا اجرا ایله ای مُهر نبوت آسوده ملاقات ایده یزدانی خدیجه اوّل بودی مولا بیلوسن واردی هراسی قبرینده اوخی سوره قرآنی خدیجه بیرده او عبانی که سنه وحی گلنده گیدون ، اونا بوک درک ایده رحمانی خدیجه ((ارباب کمال ایلیون الان سوزه دقت وحشتله سالور یاده او ماوانی خدیجه بیر گونده اولار بیز ئولروخ قبریوه فکر ایت قبری که اولوب دهریده نالانی خدیجه بیرده بودی بول نازلی قیزیمدان نگرانم باخ ویردی امانت سنه زهرانی خدیجه قیزلار آناسیز قالسا اوشاقلیقدا چتیندور وار حقی بتولون اولا گریانی خدیجه بو عقده لی دشمنلر الیندن هرای الله یاد ایلور ئولنده ایله عدوانی خدیجه قالدی آناسیز فاطمه قارداشیدا یوخدی ترک ایلوری بو دختر زیبانی خدیجه مشرک لر الیندن بالامی ساخلاسون الله آینده سینون اولدی هراسانی خدیجه قیزلار آنیا درد دلین فاش ایدر هر دم جان اوسته سالار یاده او معنانی خدیجه زهرا کیمه گزلین سوزونی فاش ایده جکدی آغلور او چتین گونلره طولانی خدیجه اجلالیله آخر خانمی دفن ایلیوبدی آغلاتدی بو رحلتده احبّانی خدیجه قالدی آناسیز مادر سادات مدینه افسرده ایدوب باغ و گلستانی خدیجه هر گون آناسین یاد ایلدی آغلادی زهرا صیاد غمه ویردی او جیرانی خدیجه زهرا نچه دفعه آناسین سسلدی یاران جنتده سالوب محنته وجدانی خدیجه وقتی که گلین گیتدی دیدی وای ننم هاردا باطنده اونا جان دیدی جانانی خدیجه بیرده ملکوتی قاپیا وردیلا آتش بین در و دیوار گوروب جانی خدیجه سسلندی قیزیم وای ننه ئولسون یارالاندون بو یاره لی جانین بالا قرباین خدیجه سسلنمه علینی اوتانار فضه نی سسلن نفرین ایلدی باطنا اعدانی خدیجه #حضرت_خدیجه #حضرت_زهرا ✍️ استاد غلامرضا عینی فرد زنجانی ______________

متن کامل شعرمدح و وفات ام المومنین،حضرت خدیجه(س) 🌴🌴🌴🌴🌴🌴 همسردلسوزوپاک حضرت ختمی مآب اولین بانوی مسلم،گوهرتقواسی ناب افتخاربانوان،عفت شعار،عصمت نقاب نام نیکوسی خدیجه،مصطفانون همسری هرکشاکشده حمایت ایلین پیغمبری 🌴🌴🌴 حامی ختم رسالت،مظهرشوروشعور بانوی بیت نبوت،مهربان قلبی صبور حقی تسبیح ایلینده،مه جمالی غرق نور ساقی وحدت الیندن،بادهٔ عزت ایچن دین اسلامین یولوندا،ملک ومالیندن کئچن 🌴🌴🌴 بیرعقیله عورتیدی ،ذی حشم، ذوالاحترام آسیه،مریم کیمی،نیکوسیَر،والامقام گوندرردی محضرینه،خالق منان سلام دامنی دانشگه حجب وحیاومعرفت حضرت زهرانی ائتدی دامنینده تربیت 🌴🌴🌴 ییرمی دوردایل همسراولدی حضرت پیغمبره هرنئیندن ال چکوبدور،تابع اولدی رهبره آخرین گونلرمریض اولدی، دوشوبدوربستره احمدمرسل گلوب،بالینینه دل داغلادی اولدی هجرانه مهیا،آه چکدی آغلادی 🌴🌴🌴🌴 ناگهان باخدی خدیجه عرض قیلدی آغلاما گل عذاره جان زهرا،سیل اشکین باغلاما چیخمیوب روحیم بدندن،ایندیدن دل داغلاما آیریلاقسمت بئلیمیش گل داخی گلزاریدن فصل هجراندور،گرک،یارآیریلا دلداریدن 🌴🌴🌴 آزبوآغلارحالیله،غرق ملال ایله منی بووصایامی ائشیت،صاحب جلال ایله منی خدمتیم آزاولدی،دلداریم،حلال ایله منی واردی بیرغم سینه ده،غرق فغانم یانبی نیلیوم،زهرابالامدان،ناگرانم یانبی 🌴🌴🌴 یارسول الله،گل رعنانی تاپشوردوم سنه یاخشی ساخلا،گوهراعلانی تاپشوردوم سنه عمرومون سرمایه سی،زهرانی تاپشوردوم سنه قویماغرق اولسون ملاله،سِرِّحقون محرمی هرمصیبتدن چتیندوربوآناسیزلیق غمی 🌴🌴🌴🌴 امته ایله سفارش،قدری مجهول اولماسین گلشن خلقت گلی،غم آفتیندن سولماسین گوزلری آلام ومحنتدن،بلوط تک دولماسین آغلاسازهرا اگر،گویده ملکلر آغلیار گولمسه زهرا،خدا باب بهشتی باغلیار... 🌱🌱🌱🌱🌱