شام غریبان حضرت امیر المؤمنین علیه السلام دور یاتما ایتگین قبرده                     باغری دؤنن قانه آنا ئولدی آتام گل کوفیه                    شام غریبانه آنا شوره گلن بلبل نجه گلشن سرانی آختارار ماتم زده انسان نجه شور و نوانی آختارار غم یوز وئرنده رسمیدور هرقیز آنانی آختارار گل گور نه نوعی زینبون غمدن گلوب جانه آنا ای ماه یثرب کوفه ده شاه ولایت یاسیدور امت امامین ئولدوروب تئز گل امامت یاسیدور ظالملره اولسون خبر حق و عدالت یاسیدور مظلوملر گلسون گرک بو غمده افغانه آنا نور هدانی کوفه ده قوم ضلال ئولدوردولر جهل اهلی شوری قوردولار فضل و کمال ئولدوردولر مفهوم انسانیتی شبه الرجال ئولدوردولر دنیا بویی نسگل اولا آزاده انسانه آنا کاشانه میز باشدان باشا باخدوقجا غم آثاریدی گرچه آتام هر محنته بیر نقطهٔ پرگاریدی اما بیزه سندن صورا بیر مهربان غمخواریدی غمخواریمیز الدن گئدوب پوزقوندی کاشانه آنا گرچه مصیبتدن آخار رخساره اشگ حسرتیم شرح ملالیمدن سنه زحمت دگولدی نیتیم گل گور آناسیزلار نجه اولدی آتاداندا یتیم آخماز نجه گوزیاشلاری حسرتله دامانه آنا گرچه خلاص اولدی آتام رنج و مصیبتدن بوگون قورتولدی شاه اولیا آزار امتدن بوگون اما گرک ماتم دوتا عالم بو محنتدن بوگون گلمز بابام مثلی داهی بو کون و امکانه آنا ایرمی بش ایل دؤزدی آتام جور و جفای امته بو مدتی حسرت قالوب بیر اهل دل هم صحبته درد دلین چاهه دئدی باخ نسگله باخ حسرته وورماز بو نسگللر مگر اود قلب سوزانه آنا حیرتده دی فکر ایلین چرخین روال و گردشین باطل لره دوران وئروب حق اهلینون اگدی ایشین اولدی علی تک ایش بیلن ایللر بویی خانه نشین دنیا یوزون تنگ ائتدیلر اول شاه مردانه آنا دنیای خلقتده نجه ممتازیدی شخصیتی شخصیت ممتازی تک،تک اولدی مظلومیتی اولماز او مظلومیتین تقریر اولا کیفیتی بیر خالق یکتا بولر بیرده او فرزانه آنا ایرمی بش ایل سندن صورا شاه ولایت اوتدی قان قالدی الی باغلی دیلی باغلی امیر مؤمنان باطل لره دوران وئرن دور فلکدن الامان مظلوم دهر اولدی بابام نفرین بو دورانه آنا من زینبم گویا اولوب آب و گلیم غمله عجین گاهی سنون داغون گهی داغ امیرالمؤمنین بیر گون ایچینده مجتبی دست جفادن زهر کین اوندا منیم وای حالیمه قالام یانا یانه آنا فریاد او ساعتدن اولار دشت بلا مسکن منه نه ماجرا نه کشمکش وار اوردا واضحدور سنه مخیم یانار مقهور اولار آل پیمبر دشمنه گل اوندا همدم اولماقا جمع پریشانه آنا الله یولوندا هر بلا باشه گله یوخدور سوزوم چون اولموشام دلدن رضا هربیر بلیاته اوزوم اما اوزون آگاهسن ایستر نه اندازه دوزوم یانمیش چادردا ناله و آه یتیمانه آنا بانی سی اصغر مونسی اولدی ازل بو نوحه نین بیزدن عنایت اولدی تا بو طرزله یازدی«حزین» اللهدان ایسته اونلارا قسمت اولا بیر اربعین اولسونلا زوار حرم شاه شهیدانه آنا شعراز: مرحوم حزین

‍ ‍ ‍ قتل عدالت کوفه دن عرشه ناله اوجالدی قدسیان گویده حیرتده قالدی کیمدی بو عرض ائدوبلر الهی قانلی سجاده محرابه سالدی جبرئیل امین ائتدی اعلان قانه غلطان اولوب شاه مردان باش آچوب ماسوا اهلی یکسر قاره پوش اولدیلار دیده لر تر قان ایچینده یاتوب شیر یزدان طاقتین سلب ائدوب زهر خنجر عرشیله فرش اولوب بیت الاحزان قانه غلطان اولوب شاه مردان مرتضی سسلنور ای حسن گل قیل تدارک حنوط و کفن گل وئر تسلّی بنات رسوله گلشنه اسدی باد محن گل آز زماندا سولار باغ و بستان قانه غلطان اولوب شاه مردان بوینی چگنینده دورما حسینیم رستگارم،ادا اولدی دینیم قول بویون اول حسنله باخوم بیر آخر عمریمده،ای نور عینیم فاطمه دشمنی اولدی خندان قانه غلطان اولوب شاه مردان گویده حورا بو احواله مضطر یرده غوغا اولوب همچو محشر زینبین گوزیاشی قانه دوندی وای بابا سسلور عباس و جعفر اسدی صرصر سولوبدی گلستان قانه غلطان اولوب شاه مردان امّ کلثوم گلور دیده گریان گوزیاشی جاری رخساره هر آن هر قدمده دیور یاندیم الله بحر آلام ائدوب گور نه طوفان کاش اولا بو فنا دهری ویران قانه غلطان اولوب شاه مردان زحمت یاره چوخ تاپدی شدّت ایتدی حاذق اطبّا طبابت اولمادی راه چاره او زخمه چون ائدوب زهرلی تیغ اصابت عافیت رختینه یوخدی امکان قانه غلطان اولوب شاه مردان کوفه ایتامی ناله اوجاتدی وا علی صوتی افلاکه چاتدی انس و جنّ اولدیلار غرق محنت مرتضی عالمین داشین آتدی وار یری آغلیا شیعه لر قان قانه غلطان اولوب شاه مردان فُزتُ ربّی دئدی شیر داور خامه گریان اولوب یاندی دفتر «زعفرا» گوزیاشون قانه دوندر پاک ائله قلبوی ای محقّر گی قرا باشه وور ایله افغان قانه غلطان اولوب شاه مردان شاعرکربلایی ذعفرآزادمهر مداح استادطالبی #ماه_مبارک_رمضان

احوالات حضرت علی(ع) شب نوزدهم و گریز به قتلگاه🏴😢 عالم    باشنا  صبح    زمانی   غم اَلندی محرابیده حیدر کی او وقت قانه بَلندی ایراد    ائلمه    آغلادی   جنّاتیده    زهرا عمّامه باشیندان گوتوروب حضرت طاها قتلاً   علی  قتلاً   سوزی  جبریل  دیلینده سسلور   بلشوب   قانینه   نامردین  الینده گلدی   حَسَنین  مسجده  احوالی  پریشان محرابه باخوب گوردیله هریئر اولوب اَلقان بیر  منظره وار  قلب  محبّانی  سخوبدی خنجر اثری  سجدَه دَه  مولانی  یخوبدی یوخ تاب و توانی سارالوب رنگی سولوبدی باش  پارچالانوب  گوزلرینه  قانی دولوبدی یئردن   گوتوروبلر   دورابیلمیب    شه مردان سسلوبله    باباجان   سارالان  رنگیوه   قربان بیر گون   قاپومیز  اوتلادیلار   چکدی زبانه بیرگون    آنامیزی    وروب    اشرار    زمانه اَلآندا  ائدوب  فتنه  عناد  اوسته  دوروبلار جورمون نَدی ظلمیله نماز اوسته  ووروبلار آهسته گئدک  دور  بابا  یول گوزلینون وار کلثومیله  زینب کیمی  لایلای   دییَنون وار وای  زینبیوین حالینه   غمدن  سولاجاقدی گورسه  باشیوین قانینی  زلفین  یولاجاقدی بوندان بئله زینب گه آچوب گه یارا باغلار بوندان  بئله زینب قارا  اوستن قارا  باغلا زینب غمینی یازسا قلم داغ داشا ، دوزمز هر درده دؤزر  باجی  ولی قارداشا  دوزمز ای اهل عزا  واردی  سوزه  ایندی  سؤالیم زینب  غمی  آرتیردی  منیم  درد  و ملالیم قارداش غم و اندوهه بورونسه باجی نیلر؟ قارداش یارالی یئرده سورونسه باجی نیلر؟ او حالیده  دشمن  وورا  بیردن باجی نیلر؟ قارداش یخیلوب گه دورا  یئردن باجی نیلر؟ گلدی  نئجه  زینب  آلیشوب   غمدن  الهی بیر منظره گورسندی  چخوب گوگلره آهی گوردی  یارالاردان  سوزولور تپراقا  قانی چخدی گوگه  ناگه   خانمین   آه و  فغانی گلدیم   آنام اوغلی  دئدی  اندوهه  بورونمه زینب باجون أولسون بو قَدَر یئرده سورونمه اوخ نیزه سالیبدی آنام اوغلی سنی حالدان تپراقلارین  اوسته  سورونن  جانیوه قربان اخیامه  دوروب گه باخیسان گه آلیشیرسان تپراقه  قویوب  آنّیوی  کیملن دانیشیرسان؟ گودالیوه قارداش دِه  گوروم کیم گله جکدی مندن  سورا  کیملر  سنه لایلای دیٖیَه جکدی گودال سوزین  یازما(#سیامک  نَلر اولدی جنّاته  خبر  وئردیله   زهرا   بالون  أولدی

شهادت امام علی (ع) سبک: کربلا ای کوی جانان... بو گئجه کوفه غم فضادی غرق درد وغمو بلادی قبره حیدر گدور یارالی بو گئجه کوفه کربلادی مست جام وصال جاناندی علی بوگئجه فاطمیه مهماندی علی بو گئجه آل حیدر آغلار گویلر آغلار ملکلر آغلار آج یاتانلار خرابه لرده بیوه زنلر یتیملر آغلار بیر گئجه یاتمیان علی یاتدی بوگئجه چوخلاری ویرانه ده آج یاتدی بو گئجه بو اورک داغلیان علیدی اشک یوزه باغلیان علیدی صبح اولونجا بقیعده دائم یارینه آغلیان علیدی بیرده دل تیر غمیلن دلمیه جاق فاطمه قبری اوستونه گلمیه جاق فاطمه گل بو غمده آغلا سینوی نار غمله داغلا وار بوگون یاره لی قوناقون لطف ایله یاره سینی باغلا زینب هر قدری باغلادی باغلیانمادی دیمه بیر کیمسه یاره سین #کانال_ترکی_مجمع_الذاکرین

#نوحه #شهادت_امیرالمومنین_علی_ع @turki_nohemajma #کانال_ترکی_مجمع_الذاکرین

🏴نوحه ی مدح حضرت علی(ع)🏴 ✍شاعر : علی عبدی شاه دین اَبر مرد جهاندی حیدر قهرمان بدر و نهرواندی حیدر اگرچه اوج اقتداری واردی ولی جهاندابی نشاندی حیدری یا علی مدد☆یا علی مدد 🏴🏴🏴🏴🏴 جانشین ختم الانبیادی حیدر شیر حق ، امیر لافتادی حیدر امام حلم و مشعل عدالت تمام خلقه پیشوادی حیدر یا علی مدد☆یا علی مدد 🏴🏴🏴🏴🏴 آدی بانمکدی قلبیلرده حکدی صدقیله چاغیرساکیم اوناکمکدی نظیری یوخدی بوگوزل آقانین خلایق ایچره واللهی بو تکدی یا علی مدد☆یا علی مدد 🏴🏴🏴🏴🏴 وار علی آدیندا معنوی حلاوت یا علی دیینده دل تاپار جلاوت بهشتیدن محرومیدی همیشه اوکس که حضرتله اِئدر شقاوت یا علی مدد☆یا علی مدد 🏴🏴🏴🏴🏴 لنگر زمین و آسماندی حیدر کعبه ی قلوب عاشقاندی حیدر فنا اولار بیر بیر هامی خلایق ولیکن ئولمز جاوداندی حیدر یا علی مدد☆یا علی مدد 🏴🏴🏴🏴🏴 گویلراَهلی یردن چوخ تانور بوآدی مرتضی گووه ییردن چوخ آشنادی گوروبدی معراجه نبی گئدنده علینون آدی زینت سمادی یا علی مدد☆یا علی مدد 🏴🏴🏴🏴🏴 شهر علمی طاها ، مرتضی اونا دَر علم کیمیاسی هر مسی زر اِیلر نه تک ئوزی بلکه حسن،حسینده بیلر بوعلمی ایت سوزومی باور یا علی مدد☆یا علی مدد

‍ ‍ نوحه شب نوزده ماه مبارک رمضان     الله    الله    شاه   خیبر کوفه ده   قانه  بویاندی سجده.دن.باش.قوزیاندا فرق  حیدر   پارچالاندی دین یتیم اولدی باور یخیلدی قانلی محرابه  حیدر  یخیلدی _ ئو لد ی  ایمانین    پناهی سیندی دینین تکیه گاهی هیکل    قرآن     یخیلدی تیتردی     عرش     الهی گلدی    فر یاده     پیمبر ئولدی دینین سر سپاهی دین یتیم اولدی باور  یخیلدی قانلی  محرابه  حیدر  یخیلدی تیغ   کین   ابن    ملجم بو لدی   فرق  مرتضانی پارچالاندی   فرق   مولا سجده گاهه  آخدی قانی اولدی   محراب   عبادت باش  قانیندان  ارغوانی دین یتیم اولدی  باور یخیلدی قانلی  محرابه حیدر  یخیلدی _ ئولدی  قرآن  جانفداسی آیت   سبحان    یخیلدی باشه قاره  سالدی  زینب نا طق    قرآن    یخیلدی حیدرین باشلاندی یاسی خانه ی   ایمان   یخیلدی دین یتیم اولدی  باور  یخیلدی قانلی  محرابه  حیدر  یخیلدی _ قانینه غرق  اولدی حیدر غم  عدالتدن   باج  آلدی راحت اولدی شاه مردان باشینه  قاندان تاج آلدی کوفه ده    ویرانه   لردن نا له   افلاکه    اوجالدی دین یتیم  اولدی باور  یخیلدی قانلی  محرابه  حیدر   یخیلدی سینه لرده   قانه  دوندی داغ  حیدردن  اوءرک لر فا طمه    قاره   گییندی باشه  سالدی قاره معجر بی  غذا  قا لدی   یتیملر ئولدی.حیدر.ئولدی.حیدر دین  یتیم اولدی باور  یخیلدی قا نلی محرابه  حیدر   یخیلدی حاج علی پور علی (جاهد) #کانال_ترکی_مجمع_الذاکرین

‍ #شب_قدر #شب_بیست_و_یکم_ماه_رمضان #روضه_امیرالمومنین_علیه_السلام نتیجه ی عدالت زاده ی ملجم ووروب بیر باشه ضربت کوفه ده سیندی ارکان شرف ئولدی شرافت کوفه ده جبرئیل ائتدی ندا قُتل الا امیرالمؤمنین‌ یعنی باتدی قانینه شاه ولایت کوفه ده مسجد و محراب و منبر ئوز دیلینده سسلدی ئولدی شاه لافَتی ئولدی عدالت کوفه ده ضربت شمشیرلن قوزاندی بو سس گویلره سمع آفاقه یتشدی بو عبارت کوفه ده رستگار اولدوم خدای کعبیه اولسون قسم عدلین اوسته قالمادی باشیم سلامت کوفه ده (قتل علی لشدّت عدالته=علی از شدّت عدالتش کشته شد) حق دانیشدیم حقّه خاطر حقّی احیا ایلدیم یاردی خنجر باشیمی ائتدی عداوت کوفه ده صورتیم قاندور محاسن قانلی دور سجاده قان قانیلن دولدی بوتون محراب طاعت کوفه ده بارالها شاهد اول مظلومی مظلوم ایتدیلر قانلی باشیم سجده ده ائتدیم شکایت کوفه ده ابن ملجم آیه ی منشقّی تفسیر ایلدی گوستروب تفسیر ده چوخ چوخ مهارت کوفه ده قوزانوردوم سجده دن سسلندی محکم یا علی گویدن اندیردی قلنجین وار نه قدرت کوفه ده جنگ خندق ده دگن ضربت یرین ضربتله دی ائتدی منشق باشیمی اول پست فطرت کوفه ده عَمردن چوخ کینه سین بیلدیردی بو ظالم منه بو عملده گورسدوب دلدن قساوت کوفه ده روبرودن جنگده وورمشدی عمرِ عبدود ووردی دالدان خنجرین بو نامروّت کوفه ده تیغی زهرآلودیمش باشدان ووروب اولماز دوا وار یقینیم قسمتیم اولدی شهادت کوفه ده زینبه هجران پیامین من ننوعی بیلدوروم طاقتین طاق ائتمسون تیر مصیبت کوفه ده قورخورام نار فراقه قلب زاری دوزمسون ائتمسون هجران غمینده استقامت کوفه ده زینبه بو محنت عظماده وئر صبر ای خدا یوخ آناسی ایلسون اوندان صیانت کوفه ده وار یری عرض ایلیم قالمشدون هاردا یا علی زینبین قدّین اگن وقته اسارت کوفه ده کربلادن باشدا قاره گلدی بو شهره خانم اولمادی بیر کس اونا ائتسون محبت کوفه ده گزدیروبلر شهرده قولباغلی زهرانین قیزین کوفه نین عورتلری ایلوب شماتت کوفه ده نه اولوب عباسون اوردا نه حسینون نه حسن زینبه ائتسون حمایت تا او ساعت کوفه ده غرفه لردن باشینه کول توکدی کول باش کوفی لر هتک حرمت قیلدیلار ارذل جماعت کوفه ده «زعفرا» بو غمده توک رخساروه گوزیاشیوی نشر ائله نه ظلم ائدوب اهل ضلالت کوفه ده فُزتُ ربُّ الکعبه نی یاز کربلا تفسیر ائدوب آشکار ایلوب اولا هر نه جنابت کوفه ده کوفیان تاریخده لا یوفیه مشهور اولوب بیعت ائتسه هر کسه ایلوب خیانت کوفه ده "زعفر آزادمهر شیخ درآبادی" #کانال_ترکی_مجمع_الذاکرین