عرض ارادتی خدمت سلطان سریر ارتضا حضرت علی بن موسی الرضا علیه آلاف التحیّةِ و الثَّنا ایشیتمیشم امام رضا ، اورکلره صفا ویر ایشیتمیشم امام رضا ، مریضلره شِفا ویر مولا علی موسی الرضا آقا علی موسی الرضا زیارت ایستیرسن اگر ، یاپیش رضا دامنینی ایشیتمیشم امام رضا ، برات کربلا ویرر معصومیه قَسم ویریب ، حاجتیوی آل آقادان چون اونی چوخ سووَر رضا ، حاجتی برمَلا ویرر من بولورم امام رضا ، هیچ کیمی مأیوس ایلمز چاره سی اولمییَن گَلر، چاره سینی رضا ویرر اوزولسه هر یردن اَلون ، یتیر اوزون مشهدینه ایشیتمیشم امام رضا ، چاره سیزه دوا ویرر ایشیتمیشم هر کیم اونی آند ویره جوانینا ایسته دیقین تِز ایسته سین ،چون آقا جابَجا ویرر کیم اولا عاشقِ رضا ، غم گونی افسوس ایلمز ضامن آهودی آقام ، یأسی آلار رَجا ویرر نیازی یوخ یالواراسان ، تا سنه ده رضا باخا اَز بَس آقادی بولورم ، دردی آلار شِفا ویرر رئوفِ آلِ فاطمه گَدانی قووماز قاپیدان سَسله آدین امام رضا ، سائلینه جَزا ویرر دوزدی جهاندا هر غمه ، چاره خدا اَلینده دی خدا نه ایسته سه ویره ، بخاطر رضا ویرر (بیکَس) و دَرمانده لرین ، دردینه درماندی رضا نوکر دوشَنده مُشکله ، حاجتینی آقا ویرر #ایشیتمیشم_امام_رضا #امام_رضا_علیه_السلام #ثامن_الحجج التماس دعای فرج الاحقر مهدی عبادی

عرض ادب خدمت حضرت ثامن الائمه علیه السلام ( ای صفای قلب زارم) ای سینیق دیللر صفاسی ای آدی دردیم دواسی دَهریده پشت و پناهیم سن سن ای زهرا بالاسی اَیا شاهِ ولا سنه جانیم فدا اولوب ذکریم منیم علی موسی الرضا علی موسی الرضا عشقیوه من مبتلایم آستانونده گدایم افتخاریمدور جهاندا سائل کوی رضایم منیم تاجِ سَریم امام و رهبریم بَسیمدی وار آقا سنه تای دلبَریم علی موسی الرضا ای رئوفِ آل طاها اِیله احسان جانِ زهرا حالیمی یاخجی بولورسن لطفووه محتاجم آقا آدون هِی سَسلَرَم قاپوندا نوکرَم سنی اوغلون جَواد منه اِیله کَرَم علی موسی الرضا لطف ایدوبسن غم سیخاندا صبر ایوین غُصّه یخاندا نه اولار گَل باشیم اوسته جان دوداقیمدن چیخاندا حَبیبی یا رضا ویرنده جان، گَدا نَکیر و مُنکَره منی تاپشیر آقا علی موسی الرضا #امام_رضا_علیه_السلام #ثامن_الحجج التماس دعای فرج الاحقر مهدی عبادی

عرض ارادت خدمت امام رضا علیه السلام با آهنگی شور انگیز السلام ای شَهِ، کوْن و امکان ای ولی نعمتِ ، اهل ایران دیلده ذکریم هو ای لاله ی خوشبو یا ضامن آهو مولا رضا جان عالَمه سَروَر ای شافعِ مَحشر اهل ولا سَسلر مولا رضا جان ای سینیق دیللرین لطف و صفاسی شیعیانین آقا سنسن آقاسی یا رضا یا رضا مولا رضا جان آل زهرانین ای، مهربانی بوش یولا سالماسان، هیچ گَدانی ای مَهِ رَخشان شاهِ مَلَک دربان گول آدیوا قربان مولا رضا جان ای کَرَم کانی معصومه وین جانی حفظ اِیله ایرانی مولا رضا جان سایه ی لطفووه دالدالانوخ دردلرین چاره سین، سندن آللوخ یا رضا یا رضا مولا رضا جان رَشکِ جَنَّت اولوب، خِطّه ی طوس کاش اولا قسمتیم، بیرده پابوس ای بیزه غمخوار ایکاش اولاخ زَوّار شوق زیارت وار مولا رضا جان ای گُلِ جَنّت ای معدن رَحمت بو جَمعه یاز دعوت مولا رضا جان (بیکَسوخ) لطف ایله، اهل ولایه یوللا بیرده بیزی، کرب و بلایه یا رضا یا رضا مولا رضا جان #امام_رضا_علیه_السلام #ثامن_الحجج التماس دعای فرج مهدی عبادی

عرض ادب خدمت حضرت امام رضا علیه السلام با آهنگی حماسی و دلنشین به نام و یاد کِردگارِ سُبحان گینه ملائک اولدولار غزل خوان خیاله دوشدی بیر صفالی مَرقَد گویول قوشی پر، ووردی تا خراسان (سنه فدای ای پورِ مرتضا آدون فداسی، اَیُهاَالرضا) 2 شفیع محشر/ عزیز حیدر / بَتوله بَنذَر/یا مولا مولا یا اباالحسن ٣ غلام کوی آل حیدرم من حدیث عشقی دیلده اَزبَرم من نه دردیم اولسا، عشقیله اورکدن غریبِ طوسی داده سسلرم من (آدین یازیلدی دیلده رَج به رَج دَخیلیوَم یا، ثامن الحُجَج) 2 شَهِ دو عالم / دَوای دردَم / سنه غلامم/یامولا مولا یا اباالحسن ٣ گوزوم اَلونده ای شَهِ ولایت گدایه سلطان، ایلییَر عنایت گوزل مزارون گویلومه دوشوبدی باشیمدا واردی حَسرَتِ زیارت (من عاشقانه سَسلَرَم سنی چاغیر دوباره قبریوه منی) 2 عزیزِ دوران / گَل اِیله مهمان/ او قبره قربان/ یا مولا مولا یا اباالحسن ٣ حَرَمده زائر باشلاسا نوایه سینیق دیلیله اَل آچار دعایه اَلی اورکده عرض ایدر رضاجان بو(بیکَسی) سن یوللا کربلایه (خیاله دوشدی ساقی حَرَم او خیردا قبری منده ایستَرَم) 2 به یادِ عبّاس / خدای اِحساس/او اَشجَعِ ناس / یا مولا مولا یا اباالحسن ٣ #امام_رضا_علیه_السلام #ثامن_الحجج التماس دعای فرج الاحقر مهدی عبادی

آغلا امام حسنه ✍کربلایی قدرت چوپانی (مشعل) ای گوزیم قانیله دول آغلا امام حسنه اله گوزیاشی جگر داغلا امام حسنه آغلا مظلوم آقاما زار و مغموم آقاما آغلا بو سروره که یوخدی ئورک داغلیانی قبرینون اوسته شهادت گئجه سی آغلیانی باش آچوب شام غریباندا عزا ساخلیانی یاس دوتان یوخدی بقیعده او غریب وطنه ای گوزیم قانیله دول آغلا امام حسنه آغلا بو شاهه که دوران اونی مظلوم ائلدی سیندیروب قلبینی دشمنلری مغموم ائلدی ئوز اوینده ئوز عیالی اونی مسموم ائلدی جعده نین ظلمی سالوب رعشه زمین و زمنه ای گوزیم قانیله دول آغلا امام حسنه بئله بیر جور و جفا هاردا گورر چشم زمان ئوز ائوینده بیرینه اولمیا امنیت جان بو نه عادتدی خدایا فلک هرزه روان توش ائدور فاطمه اولادینی تیر محنه ای گوزیم قانیله دول آغلا امام حسنه بیرینه سو وئروری قلبینی قان ایلیوری بیرینه گوشه زندانی مکان ایلیوری سو کنارینده بیرین تیره نشان ایلیوری دائما باد جنایت اسیلور بو چمنه ای گوزیم قانیله دول آغلا امام حسنه #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج

بنام خدا رحلت_پیامبر_اعظم زبانحال خانم فاطمهٔ زهرا س بر بالین پدر •┈┈••✾••✾••┈┈• بند1️⃣ روح الامین غمینده عالم بوتون قان آغلور زهرا اولوب مکدر بو غمده سینه داغلور عرض ائیلیور خدایا اولدی خزان بهاریم صبریم تالاندی یارب تار اولدی روزگاریم گئتدی آتام الهی اوتلاندی قلب زاریم گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند2️⃣ ای شهریار عالم دای سوندی شمع راهیم سندن سورا یوخوم دی والاهی سر پناهیم ای وای آتا عم اوغلوم دلخون و دل غمین دی اشکین توکور عذاره چوخ زار و چوخ حزین دی سندن سورا پدرجان گونلر منه چتین دی گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند3️⃣ من زینبی نه نوعی آرام ائدیم آتا جان سسلورسنی او دختر آغلارگوزیله هرآن سسلور حسن حسینی آغلور اونیلا با هم زینب باخیرحسینه گوزیاشلاری اولور یَم بابا اولور منیم ده قلبیم او لحظه پر غم گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند4️⃣ اولدوم آتا یتیمه یاندی منیم وجودیم خاکستر اولدی بابا بو غمده تارو پودیم سندن سورا یقیناً دشمن تاپار جسارت ایلر بو قوم جاهل زهرایه چوخ اهانت مظلوم اولار باباجان بی شبهه آل عصمت گئتدی الیمدن ای وای تاب و توانیم آلاه عزتلی شهریاریم روح و روانیم آلاه •┈┈••✾••✾••┈┈• بند5️⃣ فاخر بو محنت و غم قلب جهانی داغلور احباب اولوبدی دلخون اشکین عذاره باغلور عالم اولوب سیه پوش گویا اوچوب فلک لر محزون ودل غمیندی هریئرده پاک اورک لر بزم عزا قوروب دی گویده بوتون ملک لر گئتدی الیمدن ای وای تاب وتوانیم آلاه عزتلی شهریاریم روح و روانیم آلاه "" "" "" "" "" "" "" "" " ✍شاعر : مسلم فرتوت #شهادت_حضرت_رسول_اکرم #بیست_هشتم_صفر #کانال_باب_الحوائج

❁﷽❁ #شعر_روضه_ترکی #پایان_ماه_صفر🏴 #سروده_رقیه_سعیدی_کیمیا ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ گؤیلره قاره چکدیلر ماه صفر عزاسینه فاطمه بزم غم قوروب سوز وئروب صداسینه عرشیده سسلنیر مَلَک رخت عزا گِییر فلک نوحـه دیینده فاطمه مظلوم اؤلن آتاسینه یاندیریر عالمی بو گؤن خاتم الانبیا داغی یئر آغلیور گؤی آغلیور حضرت مصطفاسینه یتیم اولوبدی فاطمه غریب اولوبدی مرتضا هم آغلیور بو داغه هم غربت مرتضاسینه قلبی یانیر بو ماتمه ، گاه ، رسول خاتمه اوخشیور آیری زمزمه ،غریب اؤلن بالاسینه روضهٔ کوچه دن دییر ناله چکیر وای حسن شاهد اولان بالاسیدی کوچه ده ماجراسینه دؤشَر نه حاله بیر اوغول ،جفالی یول کَسَن گؤرَه شرم و حیانی بیلمِیَه سیلی وورا آناسینه همان زمان که فاطمه ییخیلدی اؤلدی مجتبی بیر عمری زخم ووردیلار ئؤرگینین یاراسینه شفیـــعهٔ روز جــزا دِییب شفاعت ایلییر او شیعه نی که گؤزلری آغلیا مجتباسینه خانم ، مدینه دن صُورا مشهده رهسپار اولور آیری عزاسی باشلانور یاس دوتور رضاسینه باشه عبا چَکَن آقا حجره ده تشنه جان وئریر مادری سسلیور گَلَه حجرهٔ غم فزاسینه بیر گؤن اولار کی فاطمه ناله سی، داغ داش آغلادار مقتل ایچینده باش چکر شهید کربلاسینه گؤرمیه مقتلینده کاش شمرین الینده خنجری آنا مگــر باخا بیلر ، قانه باتان محاسینه بیر گؤن اولار که مهدی فاطمه انتقام آلار جانلاریمیز فدا اونون لشکرینه قُوا سینه اللریمیز دعاده دی تئز گَلَه صاحب الزمان یارب اؤزون عنایت ائت اللریمیز دعاسینه ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) ۱۴۰۳/۶/۱۱ #اللهم_عجل_لولیک_الفرج

اسلام علیک یا علی ابن موسی الرضا (ع) ای رضا   ای  ضامن  آهو   سلام  اولسون  سنه قبری جنّتدن اولان  خوشبو سلام اولسون سنه با همخوانی استاد حاج محمد عاملی و زنده یاد فخرالدین حاج محمد باقر منصوری 🖤🖤

در احوالات حضرت امام رضا (ع) قویمیوب   بو   زهر   کینه   قلبده   دؤزوم  الهی اوغلومی  یتور   اماندور  یولدادور  گوزوم   الهی بیر نفر یانمدا یوخدور من غریبی یاده   سالسون باشیمی کناره  آلسون  درد  و محنتیم  آزالسون قویما بیله وقتده سن حسرتیم اؤرکده  قالسون اوغلوما دیماقه  دلده  واردی چوخ سوزوم الهی نه یانیمدا واردی  باجیم  بیر نفر نه  محرمیم وار غربت ایچره باغری قانم دلده درد  مُدغمیم  وار یوخدی بیر نفرکه بولسون ای خدا نه عالمیم وار ظلمدن   دونوبدی آخر   شامه   گوندوزوم   الهی خوشدی باشیم  اوسته ایندی مهربان باجیم  اولیدی حالیمه  باخوب   یانیدی   ابر تک   پوزی دولیدی گوزلریمی  باغلییدی  باش اچیدی ساچ  یولیدی قالمییدی    حسرتیله   یرده     تا   یوزوم   الهی دوشموشم  بیر عمردور من   ائل  قبیله دن کناره عاقبت   ووروبدی مأمون   اودلی  قلبیمه   شراره صون  نفسده  اولما راضی گوز یاشیم  آخا عذاره بو  قدر   ملاله   هانسی   محنته    دؤزوم    الهی بس که چوخ  اثر ائدوبدور زهرکین یانور   بو جانیم نه   بو حاله   واردی طاقت   درد  هجره نه توانیم گوزلریم   قالوبدی   یولدا   گلمدی   خدا   جوانیم قان   اولان   گوئلده  آخر  قالمیوب  دؤزوم  الهی ای خدا   آدیم   رضادور   راضیم   هامی    قضایه من بیر عمریدور  بولورسن دؤزموشم غم و بلایه هر   قدر   جفا   یتشسه   ائتمرم    سنه    گلایه مین   بئله    بلایه   دلدن   راضیم   اؤزوم   الهی اللریم  اؤرک   باشندا گوزلریمده  اشک حسرت قویمیوب بو زهر کینه منده صبر و تاب و طاقت بو   منیم غم  و  ملالیم  ای خدا   بو درد  غربت نه روا  بو  حسرتیله  جاندان   ال   اوزوم  الهی (( عاصیا  )) زیارت  ایسته یالوار عجزیله   خدایه یا   ائده   بو شاهه   زائر   یا   شهید    کربلایه اوردا  بو سوزی مکرّر  ذکر  ائداخ  گلاخ   نوایه قویمیوب   بو  زهر  کینه   قلبده   دؤزوم   الهی ** ✍  مرحوم عاصی #شهادت_امام_رضا_علیه_السلام

حضرت امام رضا(ع) -(ای حرمی باصفا)ای حرمی باصفا با نوای_علی حیدرزاده اللری مشکل گشا مشهدی دارالشفا جان سنه قوربان رضا درگهی باب سخا مرقدینه جان فدا ای آدی شمس الشموس ضامن آهو رضا ایرانه سلطان سان یا رضا دینینه قوربانسان یا رضا گون حرمینن ئوپور آی علمینن ئوپور گویده ملک لر بوتون هی قدمینن ئوپور ای گوزل آدی رضا زائری حاجت روا چوخلی مریض وار آقا ایله کرامت شفا ایرانه سلطان سان یا رضا دینینه قوربانسان یا رضا ذکر ائده کیم آدیوی یاد ائده اجدادیوی کامه چاتار ئوپسه گر پنجره فولادیوی شافع روز جزا حافظ اولان ایرانا فاطمه دردانه سی جان سنه قوربان رضا ایرانه سلطان سان یا رضا دینینه قوربانسان یا رضا. سبک میگذرد کاروان

در مدح و توسل بر حضرت امام رضا علیه السلام 📝 محمدرضارمضانی 🎵سبک: چو گیسوی تو من... آدون درده دوادی یابن زهرا ای رضاجان قاپون باب شفادی یابن زهرا ای رضاجان دئمه بیگانه ام من یانان پروانه ام من سنون عشقونده مولا بئله دیوانه ام من گدایم سنه نظرقیل منه قاپونداسائلم من سن ای مه لقا آقا سن آقا ولی ناقابلم من رضاجان رضا رضاجان رضا رضاجانم رضاجان ویرار طعنه بهشت جاودانه بارگاهون ائدر حیران سلیمان نبی نی عزّ و جاهون گوزل صحن و رواقون واروندی چوخ قوناقون روادور اوپسه حاتم رضاجان ال ایاقون صفالی آقام وفالی آقام بو درگاهه دخیلم بجان جواد منی ایله شاد الیمدن دوت ذلیلم رضاجان رضا رضاجان رضا رضاجانم رضاجان #رضویه_مدح #کانال_ترکی_مجمع_الذاکرین

#زمزمه #شهادت_امام_رضا 🎤کربلایی صادق گل محمدی #کانال_ترکی_مجمع_الذاکرین

./: زبانحال امام رضا (ع) سبک : منم باید برم غریبم ای خدا، دونوبدی قانه گوزیاشیم بو غربت اولکده ، بلایه توش اولوب باشیم یتوب دوداقه جان ، یوزوم سولوب اجل چاتوب گوزومی باغلیا، نه وار باجیم نه قارداشیم غریبم ای خدا ، حالیما آغلیان هانی گوزومی باغلیان ، گوزومی باغلیان هانی(2) گوزومی تیکمیشم، بو غربت اولکده یولا کی بلکه یانیمه ، مدینه دن گلن اولا گوزوم یولیندادی ، یوباندی گلمدی بالام نقدری من باخیم، الی اورکده ساق صولا غریبم ای خدا ، حالیما آغلا هانی گوزومی باغلیان ، گوزومی باغلیان هانی (2) ویریبدی زهر کین، شرر منیم فواد یمه وئریلمدی خبر ، گونی قرا جوادیمه گلوب یتیشمدی ، بو غربت ائلده دادیمه جوادی گورمسم ، یتشمرم مرادیمه غریبم ای خدا، حالیما آغلیان هانی گوزومی باغلیان ، گوزومی باغلیان هانی (2) چتیندی هر ندن ، اورکده آرزو قالا یارالی قلبیمه، شراره هجر اوتی سالا نولار مدینه دن، گله او مهربان باجیم بوسون نفسده بیر، دیزاوسته باشیمی آلا غریبم ای خدا ، حالیما آغلیان هانی گوزومی باغلیان ، گوزومی باغلیان هانی (2) غریب ئولن زمان، حالینا داغ داش آغلیار غریبه لر توکر، غمینده گوزیاش آغلیار ملال و محنتی، اورکلری کباب ائدر گلن زمان آدی، هامی آچار باش آغلیار غریبم ای خدا ، حالیما آغلیان هانی گوزومی باغلیان ، گوزومی باغلیان هانی (2) خاکی زبانحال امام حسن (ع) سبک : منم باید برم آماندی یاتما ای، بلالره سپر باجی شرار زهریدن، پارچالانوب جگر باجی ایاقه دور یانان، سنوی داغلا آی باجی سولان جماله باخ، حالیما آغلا آی باجی (2) کیمه منیم کیمی، ائوینده ظلم اولوب مگر جمالی زهریدن، منیم کیمین سولوب مگر کیمون اورگینه، بوقدری غم دولوب مگر کیمین باشینا غم، اوز همسری الر باجی ایاقه دور یانان، سنوی داغلا آی باجی سولان جماله باخ، حالیما آغلا آی باجی (2) ایاقه دور یانان، سنوی داغلا آی باجی سولان جماله، حالیما آغلا آی باجی (2) دوگور ائدور نجه، الی اورکده پیچ و تاب ائدوبدی زهریلی ، سو قلب زاریمی کباب عطشدن ائتمدی، رها منی باجی بو آب یارالی قلبیمه، سالیبدی سو شرر باجی ایاقه دور یانان، سنوی داغلا آی باجی سولان جماله باخ، حالیما آغلا آی باجی (2) دور ایله بیر نظر، بو سارالان یایاقیمه جگر قانی آخیر، بو گویرن دوداقیمه دئنن حسین گله، قاره چکه اتاقیمه بودارفانیدن ، ائدور حسن سفر باجی اورکده وار باجی، منیم بیر عمده نسگیلیم اونیسکیله گوره ، آلیشدی زغم زده دیلیم وفاسیز همسریم، ائویمده اولدی قاتلیم یارالی قلبیمی ، بو غصه قان ائدر باجی ایاقه دور یانان، سنوی داغلا آی باجی سولان جماله باخ، حالیما آغلا آی باجی (2) خاکی

#نوحه #امام_رضا 🎤کربلایی سعید سلطانی نام مداح حذف نشود ❌ @turki_nohemajma #کانال_ترکی_مجمع_الذاکرین

شعر از استاد جعفری (عاجز تبریزی مداح(مطلبی) ۞﷽۞ ۞﷽ زبانحال خضرت زینب س به امام حسن(ع) 🎵درسبک : قاره پرچملر اسنده 📝شعر شماره ۳۷ آچ گوزون یاتما حسن جان آی کیمـی باتمـا حسن جان زیـنـبـون آتـمـا بـیـلـه ایوای حسن ایوای ایوای حسن ایوای صبریمی قارداش غم آلدی قـلـبـیـمـی آلامـه سـالـدی حـالـیـوه یـانّنـام ایلـه ایوای حسن ایوای ایوای حسن ایوای سـاغـر صبریـم جـالانـدی قلبیمین دور باشی یاندی گوزیاشیم دوندی سیله ایوای حسن ایوای ایوای حسن ایوای چالما قـارداش ال ایـاقـون چوخ گراندور بـو فـراقـون آغـلارام بـو نـسـگـلـه ایوای حسن ایوای ایوای حسن ایوای کیم سنی بـوحالـه سالدی طاقــت و آرامـیـن آلـدی بنزوسن سولموش گُله ایوای حسن ایوای ایوای حسن ایوای یوخ آنان یـاره ن بیتورسون دردیـوه درمـان گـتـورسـون قوی دیوم عباس گَله ایوای حسن ایوای ایوای حسن ایوی ای گُـلِ یـاسـیـم حسـن جان آغـلـوری قاسیـم حسن جان گویلونی دور آل الَـه ایوای حسن ایوای ایوای حسن ایوای غـمـلـرون یـادایلـر عـاجـز دیـلـدن آدون سسلرعاجـز قبریوی ویـرسن صلـه ایوای حسن ایوای ایوای حسن ایوای این شعر به درخواست مداح گرانقدربرادرعزیزم جناب کربلایی حسین صمدی نوشته شده درتاریخ ۱۴۰۳/۶/۱۹ مطابقه با۲۶صفرالمظفر ❇️التماس دعا 📝علی جعفری(عاجز تبریزی) #شهادت_امام_حسن_مجتبی #۲۸_صفر #صفر ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣