‍ ‍ روضه حضرت زهرا(س) تابوته وردیلر حرکت زینب آغلادی                                 گویا ائدیب آناسینا بونوعی کشف راز ظلمت گئجه آنا گئدیسن هانسی منزیله                            ترک ائیلی سن(حسینوی)بو منزیلی ای بانوی حجاز قال بو گئجه بیزیله، گونوز (سحر) باری دوش یولا              شب زنده دارلر گئجه دن ائتمز احتراز صبحه کیمین آنا دی یه رم یاتمارام آنا                               چیخسین گوزوم اگر گوزومه گله خواب ناز سندن صورا مصیبت عالم منیم کیدی                                 ماتم منیم دی ، آه منیم ، غم منیم کی دی تابوتیلن او یدّی نفر غملی آشنا                                         مشغول اولوبلا گئتماغا آرام و بی صدا آهسته یول گئدردیله بیر کس اویانماسین                             ایجاد زحمت ائیلمه سین قوم اشقیاء زهرا نی تا یئتیردیله قبرین کنارینه                                   ایستکلی یاری قبر آچیب ایستکلی یارینه سلمان ایدی اباذر و مقداد بولموره م                                  تشییع ائدن او بانوی والا تباریدن زهرانی تا یئتیر دیله قبرون کنارینه                                  زهرانی بیر محبتیله باسدی باغرینا اسگیلمه دی شرار محبت او قلب پر شراریدن                      سسلندی فاطمه دیدار قالدی محشره بو آیریلیق علی نی سالار اعتباردن                                   ای کاش اجل گلیب منی ده راحت ائیلی یه قویدی زهرانین یوزون توپراقه میر مقتدا                            باخدی بیر سمت بقیعه سسله دی وا ابتا سسله دی ای خاک تیره بو علینین روحودی                        ساخلا راحت ائیله حرمت سینه سی مجروح دی

قرخ قبر قازوب مرقد زهرا طرفنده سالم قالا تا گوهر عصمت صدفنده دشمن اولا سرگشته و حیران هدفنده نه داش قویولوب قبرینه نه آد یازیلوبدی قبری خانمون حیف اولا ساده قازیلوبدی 🌱🍃🌱🍃🌱🍃

زبانحال امیرالمومنین حضرت علی (علیه السلام) بر مزار حضرت زهرا (سلام الله)   آی عمری آز ملالی چوخ باشی بلالی فاطمه پیمبرون خانم قزی  ئورک یارالی فاطمه   عم اوغلووام فراقدن یوخیا گئتمیوب گوزوم بالالارون یاتوب گئجه بقیعه گلموشم ئوزوم بیرین تاپوب دینمدوم ز بس یانقلیدور سوزوم رضای حقدی اول منیم سوزومه حالی فاطمه   حبیب حیّ داورون اگر چه من حبیبیم اسیر جَوّ محنتم مدینه نون غریبیم او منبریکه من اونون سخنور و خطبیم علینون اوردا قطع اولوب گوزل مقالی فاطمه   صحابه لر اسیر اولوب وطنده هیچ کاریه یانولّا خشکه عود تک ئورکده که شراریه نه وقت اولار اوزاق دوشوب چخانمیور مناریه پیمبرون موذِّنی حبَش بلالی فاطمه   اولوبدی باغلی قوللاریم  مشیّتون طنابینه مواظبم پیمبرون شریعت و کتابینه ائویمده گوشه گیر اولوب اوتورموشام صوابینه نه ایستورم خلافتی نه قیل و قالی فاطمه   شباهتیم وار اول کسه چو غنچه باغریقان اولا امرو مسلمیندن همیشه ناگران قالا گوزونده زهرلی تیکان گلوده استخوان قالا کیم عُمر ائدور جهاندا گور علی مثالی فاطمه   چکنده مسجده منی او قوم پست و بد روان حسین دینده آی ننه حسن دینده الامان دوباره قنفذ دنی سنی ووروب یخان زمان عم اوغلووندا بوینونا دولاندی شالی فاطمه   وئرنده غسلوی گئجه آلولانوب آلیشدی دل باخاردی اشکلی گوزوم جنازووه خجل خجل او ساعتی که پیکرون مزاره تاپدی منتقل صفادن اولدی مرتضی اطاقی خالی فاطمه   خلافتون عواملی علیده گوردی نرمشی قاپیمدا قتل محسنه یتیشدی ثانینون ایشی گرک عیالین حفظ ائده خطر زمانی هر کیشی فلک بو یرده وئرمدی منه مجالی فاطمه   دئمم چتیندی مرد ایچون غم زمانه یوز وئره دیمم چتندی دشمنی ووروب عزیزین ئولدوره چتین بو غمدی هر کیشی چخوب اطاقدن گوره یارالی صحن خانیه دوشوب عیالی فاطمه   عبامی چکدیم اوستووه گورنده حالیوی بهم گوز آچ دئدیم که عم قزی باشوون اوسته که منم دور آشیانه شهپر آچ سن ای کبوتر حرم دئدون نجه اوچا قوشون سناندا بالی فاطمه   نه نوعی هجر دفترین آچوب وَرَقلَه سون علی نجه ائوینده اگلشوب  دیزین قوجاقلاسون علی اوزوندن ایلورم سوال ننوعی ساخلاسون علی او دوُرت کیچیک گوزل باخیش مَلَر غزالی فاطمه   نجه بو قبری تک قویوم دوام ائدوم فراقیوه نجه گئدوم انیس اولوم او بش قالان اطاقیوه دانش گوروم سوزون ندور او دوُرت یتیم اوشاقیوه دئمورسن هئچ نه حالدادور حسینون حالی فاطمه   گونوز چوخ آغلادی حسین گئجه دیل اولمادی دینه بنفشه مثلی بوینونی اوتوردی قوید چیگنینه دئدیم که هر گجون کیمی اوغول منه دانش گینه دانیشدیرانمادیم ولی او خوش مقالی فاطمه   سوزی خلاصه ایلیوم عم اوغلوون سنوب بِئلی بهار زندگانیمی  خزان ائدوب ستم یِئلی پوزولدی غملی صورته توکولدی زینبون تِئلی ئولونجه زلفی تک اولار اونون خیالی فاطمه   مرحوم انور اردبیلی ✨ اَللّهُمَّ عَجِّل لِوَلیِّکَ الفَرَج✨💫

❣زبانحال حضرت زینب(س)بامادر❣ آزعمر ائدن جوان ئولن گجیله گئتمه آی ننه نَه تِز گینموسن کفن ،گجیله گئتمه آی ننه گورَنده هَر کبوترین سینوب قَنادی آغلارام اذان سَسینده جَدّیمون گلنده آدی آغلارام بوائوده سَنسیزآی ننه گونوم قرادی آغلارام سولوبدی گلشن وچمن گجیله گئتمه آی ننه یتیم اوشاقلارون ننه نجه بوائوده ساخلاشار باخانداگُل جنازووَه حسن حسین قوجاقلاشار قوجاقلاشار ایکی بالون ائواهلی باهم آغلاشار دیَرحسین دیَرحسن گجیله گئتمه آی ننه جوانلیقوندا قبره سن سفربساطی باغلادون بوگئتمگونله آی ننه یارالی قلبی داغلادون کچَن گجه بو زُلفیمه وراندا شانه آغلادون اولوبدی یولداشیم مِحن گجیله گئتمه آی ننه اوجادان آغلاسام اولار بوآیریلیق جهانه فاش اَلیمی قوینوماقویوب سیزیلدارام یاواش یاواش نَنم گنَه بوزُلفیمه وریدی شانه بیرده کاش شکسته قلبی ائت وطن گجیله گئتمه آی ننه کچَن زمانه بو ائوَه دوباره یوخ گمان گَله پیمبره قوناق گئدن گئدور ولی هاچان گله آماندی گئتمه قورخورام قاپونی یاندیران گله گلر او عامل فِتَن ، گجیله گئتمه آی ننه

زبانحال امام حسین علیه السلام در کنار پیکر بی جان مادر و اشاره با شام غریبان 🌷🌷 با مداحی حاج جواد حسن زاده 🌷🌷 ۱۴۰۳/۸/۲۹ ( آهنگ اوغول علی آغلاما یات) ⚫️🔵 حسینی ترک ایتمه آنا 💎آغلارام یانا یانه یارالیسان گیتمه  آنا 💎آغلارام یانا یانه وای آنام  آنام ایوای 💎💎 آنا اوزون ایله نظر  منده چهره ی زَرده دانیشماسان ئوللم آنا خاطریم گلیب درده آنا منی ساغلیغین کیمی   آل قوجاقیوه بیرده یارالیسان گیتمه  آنا آغلارام یانا یانه 💎💎💎 نیه بو تزلیقدا اُلفَتون   کسمیسن آنا مندن یارالی بلبل کیمی گَل اوچما سن بو گلشندن سنده اگر دویسان آنا دویمیوب حسین سنن یارالیسان گیتمه  آنا آغلارام یانا یانه 💎💎💎💎 بابام رسوله چوخ آغلادون   گلدون آه و افغانه آتام علی قوردی سنه   چولده بیر عزاخانه مدینه اهلی ولی آنا    گتدیلر سنی جانه یارالیسان گیتمه  آنا آغلارام یانا یانه 💎💎💎💎 آنا نچه آیدی اولموسان ائوده غملره هَمدم قانی آخان سینه قویمیوب قول بویون اولاخ باهم بوگئجه گَل گیتمه آنا  یاره وه سالاخ مرهم یارالیسان گیتمه  آنا آغلارام یانا یانه 💎💎💎💎 واریمدی بیرخواهشیم آنا  ایله سن منه احسان اولاندا خولی ائوینده من نصف شب آنا مهمان گوزتلرم من تنوریده  گل سنه ئوزوم قربان یارالیسان گیتمه  آنا آغلارام یانا یانه ⚫️🔵⚫️🔵⚫️🔵⚫️🔵 #حضرت_زهرا_س الاحقر مهدی عبادی ✨

#زبانحال_امیرالمومنین 🎤کربلایی سعید سلطانی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴درد دل امیر المومنین علیه السلام با زهرای مرضیه سلام الله علیها 🏴 🎶سبک(میگذرد کاروان) (به صورت سوال و جواب) ای شَرف اوصیا // سَروَر اهل ولا اَشکیوه زهرا فدا // گیتمه لیم یا علی ع موسم هجران گلور //گوزلریم اشکین اَلور ثانی داخی دینجَلور // گیتمه لیم یا علی ع جامه ی وفانی سویمادیم عم اوغلی سندن من دویمادیم علی علی مظلوم گَلدی خزان گلشنه // آغلاما چوخ سن منه منکی کَنیزم سنه // گیتمه لیم یا علی ع دوزدی منی دویدولر // محسنی ئولدوردولر شأنیوی زهرا بولر // گیتمه لیم یا علی ع فخریمدور یولوندا جان ویرم عشقیمی سنه اعلان ویرم علی علی مظلوم قالدی مَلَر دوت بالام // اولمادی حقّون آلام قویمادی غملر قالام // گیتمه لیم یا علی ع حمله ایدوب یول کَسَن // ظلمی گوروبدی حَسن گورسه ن علی دوزمَه سن// گیتمه لیم یا علی ع فکرین ایتمه یارالاریمون جان سنون جان بالالاریمون علی علی مظلوم قویما حسین آغلیه // یا کی سوسوز یوخلیه نیله میشم خولیه؟ // گیتمه لیم یا علی ع درده اولار مبتلا // واردی حسینه بلا یاده دوشور کربلا // گیتمه لیم یا علی ع ای شاهنشاهِ مُلکِ حَجیز کربلایه قالسین وعده میز علی علی مظلوم ترک ایدورم گلشنی//یوردوم عم اوغلی سنی دفن ایله گیزلین منی// گیتمه لیم یا علی ع آغلاما ای با وفا // گوزده کی گوزیاشوا فاطمه اولسون فدا // گیتمه لیم یا علی س شمع حیاتِ زهرا سونور خسته مریضون آخر ئولور علی علی مظلوم التماس دعای فرج الاحقر مهدی عبادی #فاطمیه_۱۴۰۳ #شهادت_حضرت_زهرا_سلام_الله_علیها

🏴غسل حضرت زهرا سلام الله علیها🏴 🎶(با آهنگی محزون و دلنشین) واویلا اَسما سو توک یووم یاراسین ئولدوردولر حسین آناسین علی نه نوعی آغلاماسین غسلی منه ایله چتیندی بوغمده کاش ئولیدیم ایندی یاراسینا سو وورماق اولمور دوزه لمیوب ایله دَریندی گوزوم یاشی عبث توکولمور درد علینی کیمسه بولمور آیری کفن ایدون تدارک هر نیلیرم قانی کسیلمور یارالیدی یارالی زهرا بلالیدی بلالی زهرا زهراجان عم اواغلوون یاماندی حالی آخور یوزه سرشگ آلی داغیلدی حیدرین جلالی باشین آغاردی درد و غمدن علی خجالت اولدی سندن زهرا او گون دوشدون ایاقدان قاپیمیزا دشمن گلندن یانان قاپیمدا وار نشانی نگاریمین توکولدی قانی عیالیمی کیمه دیوم من دویه دویه ئولدوردی ثانی یارالی سان یارالی زهرا بلالی سان بلالی زهرا زهراجان قولوندا واردی بیر علامت قنفذ ایدوب سنه جسارت آخر کیمه ائدیم شکایت ای یارو یاوریم وطنده یاندیم قولووی من گورنده ای کاش علیده جان ویریدی زهرا سنه قمچی دَیَنده پژمرده یاتموسان یارالی دیل قانین اوتموسان یارالی قنوتیوی بو نچّه آیدا بیر اللی توتموسان یارالی یارالی سان یارالی زهرا بلالی سان بلالی زهرا التماس دعای فرج الاحقر مهدی عبادی #فاطمیه_۱۴۰۳ #شهادت_حضرت_زهرا_سلام_الله_علیها

#زبانحال_امیرالمومنین 🎤کربلایی سعید سلطانی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

(بسم رب الفاطمه) #نوحه_زمزمه_ترکی #فاطمیه🏴 #شهادت_حضرت_مادر🖤 #زبانحال_امیرالمومنین_علیه_السلام #سبک: آزاد ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ الهــی خـــزانه دؤنــؤبدی بهـــاریم نه تئز یارب اَلدن گِئدیر غمگساریم یارالی جوان ، یاس نیلوفریم وای جفانین اودوندا یانان کوثریم وای یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ گئدیر دیزلریم طاقتی یوخ توانیـم یوموب گؤزلرین خسته یار جوانیم چیخورجان ائدیر قلبیمی پاره زهرا گؤزوم هر دؤشنده او مـسماره زهرا یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ منیلن دانیــش یاس پهلـــو شکسته بو دنیادن اولدون جوانلیقدا خسته منیم لشــکریم یاوریم گؤزلرون آچ دعاده قالیــب اللــریم گؤزلرون آچ یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ حلال ائت منی سندن اولدوم خجالت منه خاطر اولدی سنه چوخ جسارت منه خاطر اُول صورتون اولدی نیلی مغیره سنه کوچه ده ووردی سیلی یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ سنـی حیـــدرین غربتـــی درده سالدی بو ساعت باشون اؤسته حیدر قوجالدی علی نی بو تئــزلیــکده ترک ائتمه زهرا منـی بوردا یالقــوز قویوب گئتمه زهرا یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ بو کاشانه نین یار و غمخواری سنسن سینیخ قلبیـمین ده پرستاری سنسن سنون نیسگیلون حیدری تئز قوجالدار اؤلؤنجه ســنه حیـدرون سینه داغلار یا زهرا یا زهرا یا زهرا یا زهرا(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ اویان گؤر نجه زینب آخشامنان اوخشور سنه کربلا ، کوفه و شـــامنان اوخشور مصیبـات اعظـــم یاغیــر گؤز یاشینان دِییر تشـــنه لب بی کفـــن قارداشینان حسین جان حسین جان حسین جان حسین جان(۲) ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) ۱۴۰۳/۸/۲۸

‍ روضه حضرت زینب(س) (او زینبی که بش یاشندا ننه سی زهرانین قراسین سالدی باشنا اوزینبی که آتاسی علینین باشنین یاراسین باغلادی اوزینبی که قارداشی حسن جان ویرنده طشتی ئوزی گتیردی اوزینبی که یاریم گونون عرضینده تمام یارو انصارین الیندن ویردی او زینبی که کوفه ده شامده نه مصیبتلر چکدی اما بیله یانایانا دیور الله ) زمانه گور گتیریب هاردا جان آلور مندن کیمه دیوم غم و اندوه قلب مضطریمی (اله یانایانا دییر حسین) ده حالمی آنام اوغلی جوان ئولن ننمه (آخی قیزین یامان گونی اولاندا ننه گلر هراینه ) ده حالیمی آنام اوغلی جوان ئولن ننمه اورک چوخ ایستر او پهلو شکسته مادریمی آنام گلنده نه خوشدور ربابیده گتیره ربابین اوخشاماسی سوندورر دل آذریمی بو خسته عاشقیون خدمتی باشا یتیروب هایانداسان گل ئوز باغلا عشق دفتریمی گلنمسنده عزیزیم گلایه ایلمرم آدن دیوب یومارام انتظار گوزلریمی دیمم منه گوره یوخ رقیوه گوره گل آی قارداش من زینبم که شیشه عمروم داش آختارور جان اوسته انتظار گوزوم قارداش آختارور بانوای حاج نادر جوادی

‍ روضه حضرت زهرا(س) @okhshama درکوچه ای من بوده ام دستم به دست مادرم دیدم که زد آن بی حیا سیلی به روی مادرم (دییر گوردوم ننم ئوز ئوزونه دانشیر) هیچ من دیمیرم لاله لی داغ داشیم اولیدی یا غصه و غمدن آغاران باشیم اولیدی اسدی اورگیم ثانی منه سیلی وراندا آرزوم بویودی بیردنه قارداشیم اولیدی دیمیرم دردی بونون بیر سند پاره یدی دیمیرم مشکلی بیر گمشده گوشواریدی درد بودی بیر قولی سنمشدی اورک یاره یدی خانمی سالدی ایاقدان ایکی سیلی یاراسی ایندی فکر ایله نیه تئز ئولدی رقیه بالاسی

🏴زبانحال حضرت علی(علیه السّلام)🏴 ✍شاعر : کربلایی علی عبدی زنجانی اجرا : احسن دهقان #اللهم_عجل_لولیک_الفرج 🎼ای صفای قلب زارم.... گیتمه زهرا گیتمه زهرا باغریمی قان ایتمه زهرا ئوز دالونجا دورد بالاوی دیده گریان ایتمه زهرا خانم آچ بوگوزن منه دی هر سوزون بالالار آز قالور که ئولدورسون ئوزون یارالی فاطمه☆یارالی فاطمه 🏴🏴🏴🏴🏴 سن منیم بال و پریمسن غملی گونده یاوریمسن حامیّه دین و ولایت با حیالی همسریمسن اورک غمدن دولورگوزوم افعان اولور آلوبدور ساچلارین اَلَه زینب یولور یارالی فاطمه☆یارالی فاطمه 🏴🏴🏴🏴🏴 پیکرینده وار جراحت ایله زهرا استراحت بر طرف شاید که اولدی دوره ی ضعف و نقاهت نئجه سندن دویوم قارااولسون بویوم یارالی پیکرین نئجه قبره قویوم یارالی فاطمه☆یارالی فاطمه 🏴🏴🏴🏴🏴 بو عم اوغلون گوزدن آتما ناله می عرشه اوجاتما سن جوانسان من جوانم گل منی زهرا قوجاتما گل ای شیرین غزل اَلیمدن اوزمه اَل عم اوغلون تک قالوب خانم امداده گل یارالی فاطمه☆یارالی فاطمه ___فاطمیه_۱۴۰۳شهادت_حضرت_زهرا_سلام_الله_علیها

«گوزلرون قربانی هارداسان» یا مهدی ادرکنی سبک: می گذرد کاروان مصیبی تبریزی 🌷🌷🌾🌾🌷🌷 سرولرین قامتی قامتِ مهدیده دی ماه لرین طلعتی طلعتِ مهدیده دی . اهل کسا ئوزلری پنج تنین سوزلری فاطمه نین گوزلری صورت مهدیده دی . گوزلرون قربانی هارداسان؟ دردیمین درمانی هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . سن علوی زاده سن بیر شه آزاده سن گوزلریمیز یولدادی تا چاتاسان داده سن . حرمت سجاده سن ذائقۀ باده سن شیعه لرین رهبری هرایکی دنیاده سن . هجره وئر خاتمه هارداسان؟ یوسف فاطمه هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . باده وصلون جوشور ساغریمون اوستونه شعله چکور فرقتون مِجمریمون اوستونه . وورما گیلن سن قدم کوه و بیابانیده گل قدمون قوی آقا گوزلریمون اوستونه . وارسنه چوخ سوزوم هارداسان؟ یولدا قالدی گوزوم هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . عالمی محنت دوتوب بسط صفا سنده دی درده«مُصَیّـب» دوشوب بذل دوا سنده دی . کرب و بلا مُلکینه ظاهر اولان دمده گل جدّین حسینون گوزی گل کی آقا سنده دی . دوغراندی پیکرلر هارداسان؟ عطشان یاندی اصغرهارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن استاد مصیب تبریزی ✨اَللّهُمَّ عَجِّل لِوَلیِّکَ الفَرَج✨

احوالات حضرت زهرا س 🌷 باغبانین قاباغیندا گلی سیندیرمازلار بونی کافرده بولور حامله نی ورمازلار 😭😭😭😭😭😭😭😭 کیم بولور قاپوم یاناندا چکمیشم نلر عم اوغلی قویمادیم آچیلسون ایتدیم سینمی سپر عم اوغلون حامله بیر عورت اولسا کیم اونی دوییر عم اوغلی غفلتا گر ضربه دگسه حامله بیر عورته شرحه یوخدی حاجتدی فکر ایت دوشر نه حالته سسلدی گویا خدیجه عالم معناده جان فاطمه ای عمری آز درد و بلاسی بی کران یوخ علینون بیر کسی دربه قیزیم محکم دایان 😭😭😭😭😭 ✨ اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

زبانحال حضرت امیرالمؤمنین علی ع در قبرستان بقیع(کنار قبر حضرت زهرا س) ■■■■■■■■■■■■■■■ آهنگ: (ایران اگر دل تو را شکستند) ■■■■■■■■■■■■■■■ یاتما ... دور ای ائویم صفاسی زهرا بلالر آشناسی زهرا الیم قالوب بئلیمده سنسیز دور ای دلیم قواسی زهرا یارالی سان یارالی زهرا (4) ■■■■■■■■■■■■■■■ سن سیز... سولوب صفالی لاله زاریم خزان اولوبدی نوبهاریم بقیعده سنله دفن اولوبدی گئدوبدی عزت و وقاریم یارالی سان یارالی زهرا (4) ■■■■■■■■■■■■■■■ گئتدون... علی قالوبدی یانه یانه دوتور بالالارون بهانه وفالی زینبه قالوبدی او قانلی کوینگون نشانه یارالی سان یارالی زهرا (4) ■■■■■■■■■■■■■■■ زهرا ... حسن غمونده سینه داغلور آنام آنام دیور قان آغلور حسین سالور دله شراره جماله سیل اشکی باغلور یارالی سان یارالی زهرا (4) ■■■■■■■■■■■■■■■ گئتدون... عجب منی بلایه سالدون قرار و صبریم الدن آلدون قاپون یانان زمانه دن سن جوانلیقیندا تئز قوجالدون یارالی سان یارالی زهرا (4) ■■■■■■■■■■■■■■■ زهرا ... اورکده وار یانان شراره دچارم ایندی آه و زاره عم اوغلوا بو نسگل اولدی سنی قویوب گیجه مزاره یارالی سان یارالی زهرا (4) ■■■■■■■■■■■■■■■ ✍دلجو #فاطمیه_۱۴۰۳ #شهادت_حضرت_زهرا_سلام_الله_علیها

بسم الله الرحمن الرحیم شور یا فاطمه ای گل رضوان خدا فاطمه شمش فروزان هدا فاطمه وی قاپوسی باب رجا فاطمه ایله بیزه لطف و عطا فاطمه دردیمزه ایله دوا فاطمه فاطمه یا فاطمه یا فاطمه فاطمه یا فاطمه یا فاطمه سندن آلوب جلوه سینی آفتاب سنله خانم معنی تاپوبدور حجاب ذکریوی هرکیم دئسه ایلر ثواب هرکیم آدون سسلر اولار کامیاب ای آدی آدلاردان اوجا فاطمه دردیمزه ایله دوا فاطمه فاطمه یا فاطمه یا فاطمه فاطمه یا فاطمه یا فاطمه کیمدی چاتان پایه وه ای محترم آلله ائدوبدور سنه چوخ چوخ کرم آدیوه دنیا بویی فخر ایلرم ئولسم اگر بو قاپیدان گئتمرم ای قاپسی باب رجا فاطمه دردیمزه ایله دوا فاطمه فاطمه یا فاطمه یا فاطمه فاطمه یا فاطمه یا فاطمه عالمه هنگامه سالوبسان خانم ورطه طوفاندا قالوبسان خانم حیدری اللردن آلوبسان خانم یار غمونده قوجالوبسا خانم ای یاور شیر خدا فاطمه دردیمزه ایله دوا فاطمه وار یری عالم بو محندن یانا قاپی دالیندا بویانوبسان قانا کیمدی خانم دردیوی بیر بیر سانا ظلم جفادن نه چگوبسن آنا دردی قالان دیلده خفا فاطمه دردیمزه ایله دوا فاطمه یاندی قاپون نه حاله قالدون خانم حیدرون آرامینی آلدون خانم محس ئولندن قره سالدون خانم فضه دئدی نه تئز قوجالدون خانم گوردی باشون چوخلی بلا فاطمه دردیمزه ایله دوا فاطمه اهل ستم طاقتیوی آلدیلار جفا داشین آئینوه چالدیلار اهل جفا جهل اوستونده قالدیلار ظلم ائلیوب دیلدن سنی سالدیلار چوخ ایلدون آه و نوا فاطمه دردیمزه ایله دوا فاطمه غملر احاطه ایلدی ساق و صولون سیندیردلار قابیرقاوی هم قولون ثانی دون کوچه ده کسدی یولون آی گوزلریم اشک غمیله دولون حسن دئدی ایوای آنا فاطمه دردیمزه ایله دوا فاطمه دگن زمان سیلی یوزوندن خانم غیرت قانی آخدی گوزوندن خانم نچه لحظه گئتدون اوزوندن خانم هوشه گلدون حسن سوزوندن خانم ئوپدی ئوزون ائتدی نوا فاطمه دردیمزه ایله دوا فاطمه دوتدی الین سسلدی جان جان ننه سیلی دگن صورته قربان ننه وار یری اوغلون ئوله الان ننه دشمنون اولسون ائوی ویران ننه ائتدی سنه ظلمی روا فاطمه دردیمزه ایله دوا فاطمه دور آناجان ویر منیلن ال اله دور ایاقا من آپاروم منزله بابامدان ائتمه ابدا سن گیله قورخورام حیدر بابام الان ئوله کوچه سوزون گزلت آنا فاطمه دردیمزه ایله دوا فاطمه گئدک ائوده اوزوم سنه آغلارام قولاقیوین یاره سینی باغلارام نوحه دئیوب سینه لری داغلارام تا زندیم سنه عزا ساخلارام آغلار سنه اهل عزا فاطمه دردیمزه ایله دوا فاطمه یازدی( جواد) گوزل آدون دفتره امیدی وار اجرینی طاها ویره نوکر اولوب هم سنه هم حیدره گلن زمان او بی نوا محشره اوزون ایله لطف و عطا فاطمه دردیمزه ایله دوا فاطمه ✨ اَللّهُمَّ عَجِّل لِوَلیِّکَ الفَرَج✨💫