وفات حضرت خدیجه <س> حاج علی پور علی(جاهد) خدیجه همسر پیغبره سلام اولسون وفالی بانوی دین پروره سلام اولسون نهان خزینه ی اسرار و رمز خلقتده بهالی کنزوگران گوهره سلام اولسون خویلدین قیزی بانوی بانوان بهشت عصارء شرف و باوره سلام اولسون حمیده طاهره بانوی اول اسلام ستون خیمهء پیغبره سلام اولسون چتین زمانیده اسلامه ایلدی یاری دئنن بو دلبره،بو یاوره سلام اولسون خطرده چترحمایت آچوب نبی باشینا بزرگ بانوی نام آوره سلام اولسون بو بیرخانمدی کی همسردی اشرف الناسه دئنن بو همسره بو دلبره سلام اولسون بو بیرخانمدیکی زهراکیمین ستاره وار اوشب ستاره روشنگره سلام اولسون خدیجه نین قزی الحق گرگ اولا زهرا دئنن بومادره بو دختره سلام.اولسون هزارحیف اولا، گئتدی خدیجه دنیادن فلک لر آغادی بو مادره سلام اولسون خدیجه ئولدی یتیم اولدی حضرت زهرا اورک قانین قاتیب اشگ تره سلام اولسون آناسی.ئولدی ولی یانمدی کرم قاپوسی دئنن بو بانوی ولافره سلام اولسون آتاسی ئولدی عمر اود ووروبدی درگهنه او نار کینه ده یانمیش دره سلام اولسون یانوب جنان قاپوسی عرشه چیخدی شعله لری او شعله دن قان ایچن خنجراولدی میخ دری اوشعله ده قیزاروب میخ در،ائدیب غوغا یازوبدی سینهء زهراده آه و ، واویلا یاراندا سینه ی زهرانی قان ایچن مسمار یاز یلدی قانیله منشور دشت کرببلا همان دلیله حسین جان ورنده مقتلده باجیسی ناله کنان سسلیوردی یا زهرا

‍ ‍ ‍شب قدز شب بیست و یکم ماه رمضان روضه امیرالمومنین علیه السلام @turki_nohemajma سلام بر حرم پاک وبا صفای علی به قبر وگنبد وایوان دلگشای علی من از دیار نجف بوی یار می شنوم رسد به گوش دلم بانگ ربنای علی بنال ای مسجد ومحراب کوفه که پرپر شد گل شاداب کوفه سحر از چشم کوثراشک خون ریخت علی شد غرق در گرداب کوفه باتدی حیدر قزل قانه الله ضربه دیدی گلستانه الله دیدی ضربه سنب قلب عالم باتدی محرابی القانه الله سسلدی جبرائل ئولدی حیدر مرتضی خانه سی اولدی محشر عرشه ناله صداسی اوجالدی باشه زینب سالوب قاره معجر دیدی فرق علیدن کی خنجر اولدی گویلرده حورا مکدر دوشدی محرابه سجده حالندا راحت اولدی بودنیادن حیدر یاره لندی یتیملر آتاسی عرشه دیلدن اوجالدی صداسی سسلدی رستگار اولدوم الله عدلیوون حیدر اولدی فداسی نیلدیلر سالدیلار بسترینه ایوده اودم مولانی یاره سنگینیدی دورمیدی مقدس قانی (بولوسوز کیمی چاغردی؟) الری یاره نین اوسته چاغرور زهرانی سالدی دیلدن منی یاره اورگیم چوخ سخلب فاطمه هاردا قالوبسان گل عمواوغلون یخلب فاطمه سن منه خاطر اورگین داغلاموسان گئجه لر صبحه کیمین منن اوتور آغلاموسان جنگیلردن گیدنده یارا می باغلامسان دوزموشم ایندیه جک یوخدی داخی منده دوزوم هارداسان فاطمه گلسن سنه چوخ واردی سوزوم (قیزین ده دیه چوخ علاقه سی اولار، زینب باخدی بابانین اویارالی باشنا اله یانایانا ) دیدی زینب باباجان اولمادی درمان یاروا اذن ویر مرهم ایدیم گوز یاشی الان یاروا ننه سیز زینبون اولسون بابا قربان یاروا (یوزون دولاندردی بقیعه طرف آی ننه) گل ننه گل کوفیه غم گوزلریمده سان ویرور گوز داغی غمده منه بوگردش دوران ویرور وار باشندا بیر درین یاره عمواوغلون جان ویرور دردیوه چوخ آغلادی سنده اونا آغلا ننه روبه قبله من ایدیم سن گوزلرین باغلا ننه (گتدیلر اله کی عبانین آراسندا گوردولر منزله یتیشنده عبانین آراسنان سس گلیر اوغول حسن بالا حسین منی قویون یره قویون ئوز ایاقمینان گدیم قیزیم زینب منی بوحالدا گورمسین ) عرض ایدیرم علیجان باشندا بیر یارا واریدی دیدی منی بوحالدا زینب گورمسین ایکاش گلیدین او چوخور یره گلدی تلین برابرینه حسین سنه باجین قربان آی قارداش حسین قارداشمسان نیه بس باجیوی دیندیرمیسن کیم کسوب الریوی هیچ منه بولدور میسن راوی دییر خانمین بیر سوزلر دیدی دیدی حسین من بوچوله گلنده ابوالفضلیم واریدی ،اکبریم واریدی، قاسمیم واریدی، بویره گلمیشیدیم عزتیله یاوریله ایندی شامه گدیرم شمر جفا پروریله دور دعا ایله منی بوکسیلن الریله خانم بیرآز اوزاخلاشدی گوردی دالدان اله حزین حزین سس گلیر الله اکبر الله اکبر خانم اله تعجب اله دی، الله منیم بوچولده بیر آدامیم قالمیوب خدایا کیم اولار بوچولده اذان ویرن خانم کجاوه ده باخدی گوردی الله قارداشنون اوباشسیز جنازه سینون حلقومیدی کسیک بوغازدان سسلنور الله اکبر زینب سنی الله تاپشورورام بوبالالاریمدا سنه تاپشورورام @turki_nohemajma

‍ روضه شب شهادت حضرت امیرالمومنین (ع) @turki_nohemajma بوگئجه شب شهادت امیرالمومنیندی بیر گون علی وارد اولدی منزله گوردی فاطمه چوخ ناراحتدی فاطمه،بویون هانی بالالاریم ایوده یوخدی فاطمه بالالارم هانی؟ دیدی عمواوغلی بالالارم اوچ‌گوندی آج یاتلار فاطمه دیر عمواوغلوم گوردوم باشن سالدی اشاقا الله هیچ کیشینی شرمنده اهل وعیال المسین گلدی بازارا دورت درهم بورج آلدی دیدی گدیم قوی بالالارما آذوقه آلم گلیر گوردی عمار کوچه ده دایانوب الرین قویوب اورگینین باشنا عمار چوخ ناراحت سن دیدی بکارام ایوه گیده بولمورم دیدی گل بو دورت درهمی عماری یولاسالوب ئوزی الرین قویدی اورگینون باشنا هاراگدین؟ دیدی گدیم مسجده آخشام اوستودی گلدی مسجده گوردی محرابیده رسول الله نمازن گلدی قوتارانان صورا گوردی پیغمبر دیدی علی شاما ایستیرم سیزه قوناق گلم دیدی یارسول الله ایو ئوز ایوین منده سنون غلامیوم پیغمبر قاباخدا علی اونون دالسیجا گلدی زهرانین قاپوسن دویدی فاطمه قاپنی آچدی بولمورم علینی نجه گوردی فاطمه بابا ایو ئوز ایوین ایلش پیغمبر ایلشدی علی ایلشدی گوردولر فاطمه دوردی ایکی رکعت نماز گلر اله یانایانا آغلور آغلادی آغلادی نماز قوتولانان صورا سفره نی سالدی گوردولر غذا گلدی پیغمبر دوردی فاطمه نی باسدی باغرناقیزیم بو بهشتین غذاسیدی قیزم فداها ابوها قیزیم بو بهشت غذاسیدی قیزیم نمازدا نیه یانایانا آغلوردون؟ دیدی بابا هسزادمز ایوده یوخودی دیدی قیزیم جبرائیل منه خبر ویردی اودی من گلمیشم اما قیزیم نمازدا نیه آغلردون؟ دیدی بابا اللهه یالوارردم دیردیم الله علینی شرمنده المه بو فاطمه بو علی بو‌گئجه علینون حقی وار او محرابیده بونی دیه گر فاطمه قالسیدی العان سینه داغلاردی باشدان توکولن قانی خشک ایلیوب آغلاردی بازوسی ساغ اولسیدی تئز یاره می باغلاردی من یرمی بش ایل هجرطاهاده غمین اولدوم ئولدوردوله زهرانی محنتله قرین اولدوم دفن اولدی او تپراقدا من خانه نشین اولدوم بیر گون علی ایلشیب دیزلرین قوجاخلیب گوردی زینب گلدی ذوالفقاری الینده بابا ایشیدمیشم مرهبی ئولدوروبسن بابا ایشیدمیشم خیبری سندربسان قیزیم بلی بابا اشیدمیشم پیغمبرین یرینده یاتوبسان دیدی بلی بیر گون پیغمبر مکه دن هجرت اله دی مدینیه پیغام یولادی علی اوچ فاطمه نی گتیر مدینیه بیری فاطمه بنت اسد علینین آناسیدی بیری دختر عم عموی پیغمبرمدینیه بیریده دختر پیغمبر اوچونده علی آپارر مدینیه مشرکین ایستردیلر حمله الیه لر بو گئجه کی علی شمشیرین چخادی مشرکین قاچلار اوندا گوردی خانملارین ایچینده بیر هزین هزین سس گلیر علی الله کمگین اولسون کیم اولا بولر غیر از فاطمه بابا اشیدمیشم مشرکینی فراری ویریبسن تمام شجعان عرب سنون قاباقندا لرزاندلار بلی قیزیم زینبی باسدی باغرنا قیزیم سوزون ندی؟ بابا دور ایاقا ذوالفقارین آل اله آخی ننمی دویولر بیر گون گدیب مسجده ایلشیب نماز گلر گوردی حسین آغلیا آغلیا وارد اولدی حسین نه اولوب نیه بئله آغلورسان؟ دیدی بابا مسجده ایلشمه ایوه دور گل ننم ئولدی @turki_nohemajma

مناجات مخصوص شب قدر 🏴🏴🏴🏴🏴🏴🏴🏴 🌹بحق هذاالقرآن الهی بو گئجه احسانیوه باغیشلا منی صفای روضه‌ی رضوانیوه باغیشلا منی اولوب‌دی بو گئجه نازل کتابِ قرآنون بو باشیم اوسته‌کی قرآنیوه باغیشلا منی 🌹بکَ یا اللّه! الهی بو گئجه پنجِ تنه باغیشلا منی تلطّفیله نظر سال منه باغیشلا منی کی اؤن دفعه «بِکَ یَااَللّه» ایلورم تکرار سنی قسم وئرورم من سنه، باغیشلا منی 🌹بمُحمَّدٍ الهی بو گئجه اُول سروره باغیشلا منی کی دوشموش آدی بوتون دیللره، باغیشلا منی پیمبرین اتگین دوتموشام امیدیله کمال حضرت پیغمبره باغیشلا منی 🌹بفاطِمَهَ الهی حوض نبی کوثره باغیشلا منی شفیعه و شرفِ محشره باغیشلا منی خلوصیله دیورم من «بِفاطِمه» یارب! مقام فاطمه‌ی اطهره باغیشلا منی 🌹بعلِیٍّ الهی باخ منِ بی‌چاره‌یه باغیشلا منی اوز عرشیوه چکیله‌ن قاره‌یه باغیشلا منی من اون دفعه «بِعلِیٍِ» دیوب نوا ائدورم علی باشیندا اولان یاره‌یه باغیشلا منی 🌹بالحَسَنِ الهی ایلموشم چوخ خطا باغیشلا منی خطامه خط چک اوزون قیل عطا باغیشلا منی دوتوب حسن اتگین «بِاالحسن» دیوب یانورام به حقّ مرتبتِ مجتبی باغیشلا منی 🌹باالحسَینِ الهی بو گئجه‌نین رازینه باغیشلا منی بهارین عطرِ گلِ رازینه باغیشلا منی اولوب‌دی وِرد لبیم «بِاالحُسَینِ» یااللّه! حسینون عزّتِ ممتازینه باغیشلا منی 🌹یادی از ماه بنی هاشم الهی بو گئجه گؤزیاشیمه باغیشلا منی هوای توبه دوشوب باشیمه، باغیشلا منی یوزوم قرادی الیم بوشدی چوخ‌دی عصیانیم جمال ماه بنی هاشیمه باغیشلا منی 🌹بعَلیّ بنِ الحَسَین الهی لطف ائله چات داده سن باغیشلا منی ترحّم ایله بو مأواده سن باغیشلا منی مریض حکمت کرب‌و‌بلا طبیبیم‌دی دعای حضرت سجّاده سن باغیشلا منی 🌹بمُحَمَّدِبنِ عَلیٍّ الهی بو گئجه بو خاطره باغیشلا منی یاشایشیمدا اولا خاطره، باغیشلا منی کی اؤن دفعه دیورم «بِمَحَمَّدِبنِ عَلی» علوم و مرتبه‌ی باقره باغیشلا منی 🌹بجَعفَرِبنِ محَمَّد الهی صادق اولان عاشقه باغیشلا منی او درگهونده اولان لایقه باغیشلا منی «بِجَفَرِبنِ مُحَمَّد» دیوب صفا ائدورم رئیسِ مذهبیمیز صادقه باغیشلا منی 🌹بمُوسَی بنِ جَعفَرٍ الهی اهل دِلین پیرینه باغیشلا منی قرآنون آیه‌ی تطهیرینه باغیشلا منی قاپوندا من کی «بِمُوسَی بنِ جَعفَرٍ» دیورم او حضرتین غُل زنجیرینه باغیشلا منی 🌹بعَلیّ بنِ مُوسی الهی بو گئجه اوز شأنیوه باغیشلا منی بو آیدا حُرمتِ مهمانیوه باغیشلا منی آقام امام رضانین گؤزل آدین دیورم غریبِ ملک خراسانیوه باغیشلا منی 🌹بمُحَمَّدِبنِ عَلیّ الهی قویما اولام من شقی، باغیشلا منی نشان وئروب منه راهِ حقی، باغیشلا منی دیلیم‌ده ذکر ائدورم، «بِمَحَمَّدِبنِ عَلی» به نام پاکِ محمَّدتقی باغیشلا منی 🌹بعَلِیٍِ بنِ مُحَمَّد الهی وار یئری دنیا، دِیَه باغیشلا منی کلیمِ عشق، گَلَن وادیه باغیشلا منی موفّق ایله علیّ النّقی‌نین عشقینده چراغ راه هُدی هادِیه باغیشلا منی 🌹بالحسَنِ بن عَلِی الهی ایله اوزون داوری، باغیشلا منی کَرَمله عفو ائله بو احقری باغیشلا منی اوچوبدی مرغ دِلیم سامرایه ساری بو دم به احترامِ حسن‌عسکری باغیشلا منی 🌹بالحُجَّهِ الهی پورِ علی مهدی‌یه باغیشلا منی واریم گناه، ولی مهدی‌یه باغیشلا منی گؤزوم یولیندادی «بِالحُجَّهِ» اولوب ذکریم گؤزل‌لرین گؤزلی مهدی‌یه باغیشلا منی 🏴🏴🏴🏴🏴🏴🏴🏴

‍ زینبه سس ویر ای بابا @turki_nohemajma زیبنبه سس ور آی بابا تازه نفس ور آی بابا غریب بابا غریب بابا روح و روانیم آی بابا راحت جانیم آی بابا غریب بابا غریب بابا من زینبم دل خستیم قلبیم داریخیب آی بابا مظلوم بابا مظلوم بابا سن سیز سینمی داغلاام باشه قرانی باغلارام شیون چکیپ من آغلارام مظلوم اولن بابام علی غریب اولن بابام علی زیبنبی تک گویان بابا باش یارالی اولن بابا مظلوم بابا مظلوم بابا @turki_nohemajma

#روضه #شب_نوزدهم_ماه_رمضان https://eitaa.com/turki_nohemajma

‍ شب نوزدهم رمضان ضربت خوردن حضرت امیرالمومنین(ع) علی ولایتینی حق ایدوب ئوزونه حساب ولایت اهلی مقصر اولسادا گورمز نار خداجهنمی خلق ایلمزدی عالمده یراهلی ده الییدی ولایته اقرار علی آدندا زبس روحومون علاقه سی وار بوآد باشما دولانان نقدر عمروم وار فنا جهاندا علی آتمش اوچ ایل عمر اله دی بوآتمش اوچ ایلی گوردی اذیت وآزار بوسوز کی عرض ایدورم مقتلین عبارتیدی چکوبدی نظمه حسینی منظم الاخبار یازار کی شب نوزدهم رمضان منه قوناقیدی شیر خدا شه ابرار ام کلثوم دییربوگئجه چوخ اسراریلن بابام منه قوناق اولدی آی ایوینده قیز اولوب گلینی اولانلار قیز باباسین ایوینه قوناق چاغراندا اله افتخار الر بوزینبدی عالمه بی معلمه دی ام کلثوم زینب باجسیدی بولار نور واحدیلر دییر بابا گلنن اله دوردی دولاندی هی چخر اشیه گییدیر ایوه متکلم اولور بوذکره انا لله و انا الیه راجعون دیدیم بابا نیه بئله رنگین سارالوب بابا گل ایلش یره افطار وقتیدی درست ایتدیم ایکی قرص جو بیرآزدا نمک علاوه بیر کاسه صود گتدیم ایلسون افطار امام بویوردی قیزیم گوتور بیرین بولارین من ایستدیم دوزی گوتورم امام بویوردی یوخ گوتور کاسه شیری قیزیم علی نه نوعی لذیذ طعامی میل السون حسابنی چکجاخ کردگار یوم حساب قیامت گونی سوال اولاجاخ علی چوخلاری آج یاتدلار من اوندا نیلرم امیرالمومنین دیوب خدانین امرینه لبیک یواش یواش دوروب مسجده اولوبدی شتابیله راه گلیر آقا مسجده اما گله گله قاپیا ایلشدی کمری گوردی مرغابیلر حیطده سس سسه ویرولر یعنی علی بوگئجه گیتمه یتیشدی مسجده مولا یاتانلاری اویادوب گوروب یاتوب اوملعون ایلدی تکرار ابن ملجمه ایاقین وردی ظالم دور ایاقا دور نماز وقتیدی علی نمازه مشغول اولوب دیب تکبیر ویروب سسینه سس ملائک سکان قویاندا سجدیه باشین ملکلر آچدی باشین آنن قویدی سجدیه (سبحان ربي الا علي و بحمده) دین علی دیسز اگر بولموردی بولوردی اما ئوزی بویوردی فُزْتُ وَ رَبِّ الْکَعْبَة آند اولسون اللهین کعبه سینه رستگار اولدوم اوقوزیاندا باشین ابن ملجم اندریب شمشیر علی اجازه ویرمسه کیمده قدرت وار بوگئجه آغلیا هرکس آغلاماسا بوگئجه وای اونون حالینه شیعلر گرک دیه آی مظلوم ئولن علی صحابه لر حاضر ایتدی بیر کلیم اوساعتده علینی قویدولار کلیمه حمل ایدلر منزله طرف امام بویوردی اوغول حسن گیش قاباقا نماز تعطیل اولماسین منیم باشمین یاراسنین فکرین المه نمازی قوتار یاخنلاشاندا ایوه امام بویوری قویون منی یره قویون یره ئوز ایاقیمیله گیدیم منی بو حالتیله گورسه زینبینم قالماز ((گریز)) دییرم یاعلی بیر باشدا یارا،ایستمدون زینب گوره عاشورا گونی هاردیدون خیمه ده گوردوله گون باتدی قرا یلر اسدی ازخیم تا قتلگه زینب صدا میزد حسین دست وپا میزد حسین زینب صدا میزد حسین حسین بوگیرو داریده گلدیم گورم حالین نجه دی بویور گوروم باجین ئولسون یارالارون نجه دی کاش بو اوخ آتانین الی دوشسون بیلگینن هانسی اورگین قانی چخبدی کورگیندن

#روضه_ضربت_خوردن_علی_ع از روضه های حاج جاوید اَلسّلام عَلَیْکَ یا آبَاالحَسَنِ یا اَمیرَالمُؤمِنینَ یا عَلیَّ بنَ اَبی طالِبٍ یا حُجَّةَ اللّهِ عَلی خَلقِهِ یا سَیِدَناوَ مَولانا اِنا تَوَجَّهنا وَستَشفَعنا وَ تَوَسَّلنا بِکَ اِلیَ اللّهِ وَ قَدَّمناکَ بَینَ یَدَی حاجاتِنا یا وَجیهاً عِندَاللّهِ اِشفَع لَنا عِندَاللّه مقدمه نماز اوستنده یارب یاره لندیم رستگار اولدوم حضور پاکووه رخساری قانلی رهسپار اولدوم منی یورموشدی دنیای فنانون حبس تاریکی رضایم یوز گوزوم قانلی بو محبسدن کنار اولدوم 😭 بو گئجه شب قدر ، شب ضربت خوردن آقا امیر المؤمنین علی علیه السلامدی ، همان گئجه کی مولامیز محراب عبادتده ضربتلنوب اورک لری روانه ائلیاخ کنار حرم با صفای مولا یئر لرزه ائدوب تیتره دی گوگ آی پارالاندی سس دوشدی گَلون مسجده حیدر یارالاندی ،،،،،،، قان چشمه لنوب آخدی جمال اللهی دوتدی بیر تیره بلوط سانکی جــــمال مَهی دوتدی بیلمـم نئجه اوُل زهریلی خنجر شهی دوتدی باش سجده ده بیر یول دئدی دینجلدیم الهی قانلی یوزیلن مـــحضروه گـــــلدیم الهی ،،،،،، واضخدی حضورونده سنون دلده کی مطلب گرچه گـــوزومه عالمی خنجر ائلیوب شب ذکر اوسته دی ئوز قانیمه آغشته اولان لب ائیللردی کی غملی ئورگیم عشقووی بسلر القانه ده باتسا گینه حـــــیدر سنی سسلر ،،،،،،، سن دایرهٔ غمده منیم دادرسیم سن بیکس دئمرم من ئوزومه ، یار و کسیم سن یوخ خلقه نیازیم داخی ، ای یار بسیم سن امت منی ، منده بو فنا عالَمی آتدیم ئوز قانیمه باتدیم یوزی قانلی سنه چاتدیم 😭 آقا مسجده یارالانوب بالالار خبر دار اولوب گلدیلر مسجده ، گوردیلر بابا یارالی دوشوب محراب عبادته ، نیلدیر القصه گلیم اوسته گَلوب منزله مولا عرشه اوجالوب ناله دوتوب عالَمی غوغا یثربده بو گون سانکی ئولوب حضرت زهرا ناله اوجالوب بیت علی ماتمه باتدی زینب بابا وای سسلدی ال معجره آتدی 😭 الله هیچ قیزا گورستمسین باباسین یارالی گوره ، تا خانم زبنب بابا سین او وضعیده گوردی 😭 عرض ائتدی بابا سن هامی ایتامه پدرسن مأوای یتیمانی گئـــــــجه یاری گزرسن رخساروی اشکونله قـــرانلوقدا بزرسن علت ندی بیلمـم بئله الــقانه باتوبسان ای یاتمیان آسوده گلیم ایچره یاتوبسان ،،،،،، هاردان باباجان بیر گئجه منزلده قالاردون ویـــــرانه نشینلر باشینا سایه سالاردون قلبی سینیق اطفالی تاپوپ گوگلین آلاردون دور زینبــــووی توسن آمـــــالینه میندیر قلبی سینیقام گوزلرون آچ بیر منی دیندیر 😭 یانورام آی ، یانورام آی ، یانورام بابا ئوز لطفوی بیرده من نالانه نشان وئر ای جان جهان جسم پریشانیمه جان وئر کپیریکلرووه قانلی گوز اوستنده تکان وئر تیغ محنیلن دلِ صد چاکیمی بولّلم قانیله دولان گوزلروی آچماسون ئولّلم بابا دیندیر منی ، آرامشه چاتسون دل و جانیم گوردوم سنی بو حالدا گئدوب تاب و توانیم زمزم دی ، دایانسون باباجان اشک روانیم باش یاروه احوالوه قلبیم گوزوم آغلور ئوز حالیمه غملی ئورگیمده سوزوم آغلور‌ ،،،،،، صرصر یئلی گویا بو گوزل گلشنه دگدی اوُل زهریلی خنجر کی باشوندان سنه دگدی اصلینده او خنجر ئورگیمدن منه دگدی باش یارون آلوب طاقتون الدن چالیشور سان بی شعله شرر وار ئورگونده آلیشورسان ،،،،،، قلبیم آلیشار تنگه دوشن جان سنه آغلار وجدان آتاسیزلار کیمی الان سنه آغلار دین اوخیشار احوالووه قرآن سنه آغلار دلداده لرون دیدهٔ بیــــداروه قـــربان زینب سارالان رنگووه رخساروه قربان 😭 بو بیتی دییم وقتیم تمام التماس دعا ای سینهٔ وجداندا باتان سس ، منه سس وئر بیکسلره بی چاره لره کس ، منه سس وئر یورقون گوزون آچ بو دمِ واپس منه سس وئر قانلی اتگوندن اسن اَل ایستور اوزولسون اللهی گورَن گوزلرون آچ قویما سوزولسون برداشت از :کتاب چهارده معصوم (ع) ج ۵ استاد غلامرضا هادی اردبیلی #روضه_ضربت_خوردن_علی_ع ┄┅═✧❁۞══۞❁✧═┅┄ 📌ناب ترین کانال نوحه ترکی زیر نظر گروه مجمع الذاکرین https://eitaa.com/turki_nohemajma

‍ نوحه امام علی(ع)تورکی ازکربلایی طاهرنوروزی🌴🌴🌴🌴🌴 جان ویروبدور مرتضی طوفاندی یارب شیعه لر بو ماتمده گریاندی یارب واویلاواویلا،،،واویلاواویلا یامولایامولا،،،،،یامویامولا ایوای علی سسلیور چون روح الأمین مظلومانه. اولدی امیرالمؤمنین‌ بومحنده ناله ایدور عرش وزمین واویلاواویلا،،،واویلاواویلا یامولایامولا،،،،،یامویامولا دَیدی فرق مولایه مهلک بیر یاره گَتدی بوغم ملکلری. آه وزاره عرش اهلی ناگه چکدولرعرشه قاره واویلاواویلا،،،واویلاواویلا یامولایامولا،،،،،یامویامولا بیر ظلم ایدوب دنیانون اوباشی منشق اولوب ناگه مرتضانون باشی یوزه آخور هردم مجتبی گوزیاشی واویلاواویلا،،،واویلاواویلا یامولایامولا،،،،،یامویامولا حسین باخوب حسنه سینه داغلاردی باجی قارداشه باخوب هردم آغلاردی زینب کلثوم باشینه قاره باغلاردی واویلاواویلا،،،واویلاواویلا یامولایامولا،،،،،یامویامولا دفن اولدی گجه یتیملرین آتاسی قوزانوب عرشه زینبین صداسی فردوسده برپادی مولانون یاسی واویلاواویلا،،،واویلاواویلا یامولایامولا،،،،،یامویامولا نوروزی ویر خاتمه غملی سوزلری بوشلاما بودهرده راه حیدری بانیِ بونوحه اولدی اسکندری واویلاواویلا،،،واویلاواویلا یامولایامولا،،،،،یامویامولا https://eitaa.com/turki_nohemajma