#خدایا_بی_برار_بیین_چه_سخته #حضرت_زینب_دلگویه_مازنی 🌹🏴🌹🏴🌹🏴🌹🏴 خدایا بی برار بَیین چه سخته مه وسّه بی حسین دَیین چه سخته مه دلتنگی دیگه ندارنه چاره از دوریِ حسین دل بَیّـه پاره غریبی ره کِجه کردمه احساس همیشه مه دور وبَر دَیّه عباس یادش بخیرمه قاسم جان واصغر فدای عمه جان بَوُتِـنِ اکبر یتیمونِ پَرستاری چه سخته چنین روزی بِرار ناری چه سخته بداد من بَرس ای جان خدا مه بِرار زاعون باباخوانه مِه جا خدا من بی حسین سفر نَشیمه من بی بِرار شه خِنِه دَر نَشیمه چِتی دلتنگی ره نکنم احساس خدایا چنّه سخته داغ عباس خدا دُونّه چه حالی داشته زینب چه شُکوه وجَلالی داشته زینب اِسا که خوب مِه دِلّه بَزونه داغ تسلیت گِنِنه مِره بـا شـلاق دَم بدَم کِردنه مِه دِلّه کباب مِره بَوردِنه مجلس شراب خدایا از کِجه بنالِ زینب؟ دیگه بشکسّه پَر وبالِ زینب اَمان ازشام اَمان ازاُون خرابه مِه دل از غم رقیه کبابه چی بَوّم از بَمِردن رقیه مه دَسِ جا بَوِردِن رقیه اَنّه بِرمه ی سر هِق هِق هاکرده پِرِه سَر ره بَدیه دِق هاکرده مه تنها دِلخشی عَمّه تِه قِروون شب وروز دَردکَشی عَمّه تِه قِروون برارزا جان باخس خَسّه تَنِ دُور بَمیرم که خرابه بَیّـه تِه گُور تِه گَلی مَشت بُغض وسینه پُرآه مِن و تِه غَمّه بِنالسّه «مداح» 🌹🏴🌹🏴🌹🏴🌹🏴 #علی_اکبر_اسفندیار_مداح

#حضرت_زینب_دلگویه_مازنی برارجان تِه کجه وتَه گودال ‍ #برار_جان_ته_کجه_و_ته_گودال #حضرت_زینب_دلگویه_مازنی 🏴😭🏴😭🏴😭🏴😭 برارجان تِه کجه و تَه گودال بمیرم چنه ته بَزویی بال بال برار من دل ندارمه ته بلاره تـره اینجور بَـوینم پاره پاره بـاور نَیّـه مِـره که روزگـاری تِره درخون بَوینم سر نداری جای سالمی به پیکر ندارنی شیشهٔ عطرِ مونّی سر ندارنی تا گودال میون سر در بیاردی اَنّـه تیر بخردی پَر در بیاردی خواخر بمیره بعی پاره پاره آسمونِ ته سرتن پُر ستاره بـرار ته وِر بمیرم سر نـدارنی ته که انگشت وانگشتر ندارنی چنه سخته تره اینجور بَوینم ته تنِ باغ جا من خِش بَچینم 🏴😭🏴😭🏴😭🏴😭 #علی_اکبر_اسفندیار_مداح

#حضرت_زینب_دلگویه_مازنی کجه دری برار عزیز خواخر ‍ #کجه_دری_برار_عزیز_خواخر #حضرت_زینب_دلگویه_مازنی 🏴😭🏴😭🏴😭🏴😭 کجه دَری برار عزیز خواخر چند ساعته ندارمه از ته خبر چه بلایی بِیه بِموعه ته سر کو تِه انگشت وانگشتر کو تِه سر برار مگه چتی بَورینه ته سر که از هم بپاته ته رگ حنجر بمیرم غریبی دَکِتی برار نا اکبر داشتی نا عباس علمدار چیکار هاکردنه ته جان برارجان ته دسِ چتی بَوریه ساربان برارجان تره کی غارت هاکرده ته کهنه پیرهن ره کی بَورده ته فدا بَوم ای عزیز زهرا تمام ته تن هسه زخم جِرا حسین جان این روزگمون نَیّه مره که تره بَوینم من پاره پاره 🏴😭🏴😭🏴😭🏴😭 #علی_اکبر_اسفندیار_مداح

#حضرت_زینب_دلگویه_مازنی برارته سرگذشت چنه عجیب ‍ #برار_ته_سر_گذشت_چنه_عجیبه #حضرت_زینب_دلگویه_مازنی 🏴😭🏴😭🏴😭🏴😭 برار ته سر گذشت چنه  عجیبه بـدون  تـه  خله  زینب  غـریبه برار ته سرگذشت چه برمه داره ته تن در خون و سر نیزه سواره مـه نـازنین بـرار ای جان زینب پـاره  پـاره  بعـی  قـرآن  زینب تـه جـا کـه کـربلا وفـا  نکـرده حسین  غصه نخـر زینب نمرده چتی  بی  تـه روزگار سر هاکنم روزگـار ره بـی بـرار سـر هاکنم مه دل تنگ هسّه خوامه زار بزنم تـه  غـریبی  ره  کجه جار  بـزنم درشومه اسیری تـا کوفه و شام تـا زنـده بَمـونّـه بـرار تـه قیام الهـی   هیچـکسِ   بـرار   نمیره مِـه واری خواخری  عـزا  نهـیره الهی هیـچ خواخری سـر پیری نَـوینـه   داغ   بـرار  و  اسیـری 🏴😭🏴😭🏴😭🏴😭 #علی_اکبر_اسفندیار_مداح