‍ #حلال_هاکن_مره_رقیه_ی_زار #حضرت_رقیه_دلگویه_مازنی 🏴😭🏴😭🏴😭🏴😭 حلال هاکن مره رقیه ی زار درشومه کـربلا خـدا نگهدار چتی ته قبر جا جدا بَهووم الهـی عمـه تِـه فـدا بَهـووم خله غصه خِردی ته زار بَمیرم غریبی بَمردی ته زار بَمیرم سرخ و کَهو تِه تن ته زار بَمیرم تِـه لباس تِـه کفن ته زار بَمیرم مه یاد در نشونه ته مهربونی ته چوخِردی و کِردی خش زبونی چتی شِه سینه دَکِنم تِه غمّه دعا هاکن که بَمیره ته عمه برار زا جان مه دل تنگه تِوسّه مه چِش بِرمه خونرنگه توسّه سه ساله بُوردی خاک بِن بَمیرم چتی تِـوسّه مـن مـاتم بَهیـرم؟ الهـی کـه پـاره بَهـووه مـه دل سنگ و کلوخ بِن بَیّه ته منزل درشومه کربلا جای ته خالی سـر قبر بـابـا جـای تـه خالی تِه مصیبتِ «مداح» ناله بَزو از داغ تِـه وِه جانکاه ناله بَزو 🏴😭🏴😭🏴😭🏴😭 #علی_اکبر_اسفندیار_مداح