💠«مدح حضرت رقیه (س)» ✍️من کلام مؤقر مراغه ای ____ رقیّه دن نه یازیم بابِ التجا قزیدی شفیع روز جزا تربتی شفا قزیدی رقیّه دن نه یازیم آلِ هاشمین گولودی اصالتاً شرفاً ختم الانبیا قزیدی اونون رگینده تاپیب حیدرین قانی جریان عفیفه ی علوی خیره النّسا قزیدی باشیندا گورسون اگر سن حجازی مَقنعَه سین دیرسن الحق اونا شمسُ والضّحی قزیدی بسانِ دایره ی آیدی گول جمالی اونون ربابه اوخشاری وار عشقه مبتلا قزیدی وجاهت عالمینین بیر نجیب زاده سیدور بو نازدانه حسینین کی با حیا قزیدی رقیّه دن نه یازیم واژه واژه دن باج آلور ملاحتینده بو بس میر اوصیا قزیدی آلاندا حضرت عبّاس اونی قوجاقه دییَر حسینیمین بو گوزل قیز نه دلربا قزیدی علیِّ اکبر اوپنده یوزون تبسم ائدر گوزللرین گوزه لی مشعر و منا قزیدی رقیّه دن بونی بیل اوچ یاشیندا پیر طریق تمامِ عالمِ امکانه رهنما قزیدی خرابه لرده خراباتی ایلیَن احیا یمینِ عرشه اولان زینت و ضیا قزیدی شهادت آیه سینی شرح ائدر شهادتیله شهیده ای که ذَبیحَاً مِنَ القَفا قزیدی رقیّه دن نه یازیم جلوه ی شکوه حسین کمالِ مَدحی بودور شاهِ کربلا قزیدی غزل غزل یازاسان مدحتین #موقر اگر دوباره یازگیلا هر دردیوه دوا قزیدی 🔘#اثر_حاج_رضا_مؤقر