#بنال_ای_دل_بنالم_با_ته_زارزار #امام_حسن_عسکری_مازنی 🏴😭🏴😭🏴😭🏴😭 بنال ای دل بنالم بـا تـه زار زار که صاحب الزمان بَیّه عزادار بنال ای دل از این ظلم زمونه وقـت یتیـمیِ صـاحب زمونه دیگه غم ونِه جا بَیّـه صمیمی هِنیشته وِنـه سر خـاک یتیمی امـام عسـکری بَهییه پـرپـر آقاصاحب زمان زَنّه شه سرسر بنـال ای دل بنـال تـا دم بَهـیرم من شِه صاحب زمانِ غم بَمیرم امام عسکری تا بَیّه خاموش مهدی فاطمه بَیّه سیاه پوش آقـا جـان تسلیت آجَـرَک الله از این غم تعزیت آجرک الله تـه گـردنِ شال عـزای قـروون تِه ناله زَنّی تِه صدای قروون جان آقا تِـره چـه سر نوشته دست قضا تِه وِر غم بَنوشته پنج سالگی داغ بابا ره بَدی بـی وفـاییِ ایـن دنیا ره بدی یتیمی درد بی درمون تِه ناله تِه غریبی هزار و اَندی ساله اَجل تا تِه جان پِر ره بَورده تِه زخم غریبی سر باز هاکرده هزار و اَندی سال پُر دردی آقا بَمیرم کـه بیـابون گـردی آقا کِجه بـابـای وِر عـزا بَهیتی؟ کجـه نـاله ی واویـلا بَهیتی؟ تِه چِش پَلی بابا دس پا زو یقین دارمه که هی تِره صدا زو تِـه زِنّـی سر ته بابا جان هداعه آقا «مداح» ته وِسّه جان فداعه 🏴😭🏴😭🏴😭🏴😭 #علی_اکبر_اسفندیار_مداح