#روز_عاسورا #جناب_حر_ابن_ریاحی_رحمة_الله_علیه روزِ عاشُورا گُونُون نُوری اوُلاندا آشِکَار باشلادُون اِتمامِ حُجَت، لَشگرَه اِی شَهریار حُر اوُلوب نادِم، گَلُوب دَرگاهیوا اُمّیدوار سُویلدی گَلدیم اوُرکدَه وار نِدامَت یاحُسین گَلمِیشَم دَرگاهیوَه اِی مُلکِ دِینَه پادشاه اوُز گُناهِیمدَن یانُوندا شَرمِسارَم، رُوسیاه لُطف اِیلَه اَحوالِیمَه شامِل اوُلا لُطفِ اِلاه تا اوُلام مُستَغرقِ دَریای رَحمَت یاحُسین رَحمَتُون چُوخ دیور سَنُون، اِی مَعدَنِ جُود و کَرم دُوتمُوشام مَن دامنوندَن، اِی شَهِ حَل و حَرَم گَر ئولَمدَه مَن سَنُون دامانُون اَلدَن وِیرمَرم تا نَوِیدِ عَفویلَه اوُلسُون بِشارَت یاحُسین سَن بُویُوردُون حُرّه، اِی آزاد مَردِ رُوزگار شُکر اوُلا اللّهه خِیرَه خَتم اوُلوب اَنجامِ کَار غَم یِمَه، تُوبَن قَبُول اِیتدِی سَنُون پَروَردِگار حُرّه وِیردُون مُژدِهء فُوز و سَعادَت یاحُسین #شادروان_ذهنی_زاده_رحمة_الله_علیه