ضربت خوردن حضرت علی (ع) . . #سبک_بیا_یابن_الحسن_آرام_جانم ... ۳ سبک ... کجائید ای شهیدان خدایی ... شور جوشی زنجیر . مرحوم شعاع تبریزی . دیار کوفه ده بیر مرد جانی ایدیبدور قانه غلطان مرتضانی . جفاده ایتدی طغیان ابن ملجم پوزوب ظلمی نظام ماسوانی . ساتوب دنیایه دینین بی مروت قویوب آغلار حریم کبریانی . وروب اود خرمن دینه او بی دین شراری یاندروب کون ومکانی . تاپوب ال بزم قرب کبریاده ولیّ داوره صبحون زمانی . نماز اوسته کمین ایلوب امامی گتوردی نالیه کرّوبیانی . شه دین سجده دن باش قوزیاندا او کافر یخدی ارکان هدانی . وروب بیر تیغ کین فرق امامه او ضربت تیتردوب عرش خدانی . عمامه رد اولوب باش پارچاندی ترابه بوترابون آخدى قانی . اولوب قانیله الوان آغ محاسن کسیلدی طاقت و تاب و توانی . ... #دیار_کوفه_ده_بیر_مرد_جانی #زبدةالاشعار #سبک_بیا_یابن_الحسن_آرام_جانم #شعاع_تبریزی

خرابه - حضرت رقیه س مرحوم #شعاع_تبریزی فدا اولوم سنه ای وارث ِبشیر و نذیر نه وار سنون کیمی مظلوم ئولن نه من تک اسیر دیردیم اوز اوزیمه باشه چاتدی عمر ، ولی گورنمدیم بابامی دردیمی دیم بیر بیر خدایه شکر اولا یار اولدی بخت بو دلِ شب سنی یتوردی منه خالقِ علیم و خبیر اگر چه چوخدی غمون دلده ای شه ِعادل اجازه ویر ایدیم اوز سرگذشتیمی تقریر رضایم ئولمگیمه دویموشام حیاتیمدن رقیّه قالماقی سنسیز بو دهریده نیلر؟ جهاندا چوخلار اولوب ظلمیله اسیر امّا منه تاپولماز اسیران عالم ایچره نظیر اوزون قضاوت ایله من هارا دوشاخه هارا؟ صغیره بیر قیزا جایزدی گور بو ظلم کبیر؟ هاچان که قولّاریما ایسترم ویرم حرکت سیخور دوشاخه سالور زحمته طناب کسیر منیم نه وقتیمیدی بیر بیله بلایه دوشم نجه بلا که اگر داغلارا توخونسا اریر جلالمیز داغلاندان اولوم سنه قربان اولوب انیس منه آه و نالهء شبگیر نجه گور اولدی بو آهوی وادی ایمن ستمله سنگدل اوچی کمندینه نخجیر بابا او نازیله سیننده بسلین قیزیوی نه حاله گور سالوب آخر او شمر ِشوم و شریر من آغلیاندا سنه ، ساربان دویردی منی دیمزدی یاسلیدی یوخ بو یتیمه ده تقصیر خدا بلور نجه تترردی قورخودان بدنیم گورن دیردی سنان شاخه اوسته برگ اسیر وُراندا شمر منه تازیانه سسلردیم هرایه گَل عمو ای بیشهء شجاعته شیر گَل آل رقیّه نی شمرین الیندن ایله خلاص وگرنه ئولدورر اولسا بو بارده تأخیر یتیملق اودی یاندیردی قلبیمی یاخدی زمانه نین ستمی ویردی رنگیمه تغییر عجب چتیندی بو عالمده ای اوغول سوز آتا نجیب زاده اولا نانجیب الینده اسیر اوزون بابا بولسن گوردقون رقیّه دگل قالور او نازلی قیزوندان فقط قوری تصویر ملکر آغلار اگر آغلاسا یتیم امّا بو شامون اهلینه هیچ نالم ایتمدی تأثیر ایله سالوبدی ایاقدان منی غمِ ایّام دوروب دولانماقا ویرانه نی دیزیم گلمیر بیر اوزگه حاله سالوب داش سنی ، منی سیلی آتا بالا یوزموز منخسف آیا بنزیر سنی جِداده منی ناقه اوسته هر یرده گورن دیردی محاقه دوشوبدی ماه ِمنیر دیارِ کرب و بلادن بو شامه دین هر آن دگوب قدم به قدم قلبیمه بلادن تیر چکوبله قلبیمه داغ اوسته داغ اهل ِعناد جدا باشندا ایدن وقته آیه سن تفسیر منیم دولوب اورگیم قانه ای شهِ عطشان زیادین اوغلی ویراندا بو لبلره شمشیر آپاردیلار بیزی قول باغلی مجلسِ شُربه اولار کی ایلدیلر حقّی برملا تکفیر دیَن بیر اولمادی شأننده بو اسیرلرین اهانت ایتمه ، اولوب نازل آیهء تطهیر باخوب گهی سنه یاندی گهی منه عمّم چکیلدی قلبینه بو آز زمان دا داغِ کثیر آناسی فاطمه تک عمّمون بِلی بوکولوب ایدوبدی گور نجه جورِ زمانه عمّمی پیر دوشوب ایاقدان اولوب گور ایشی هارا منجر قیلانموری ایاق اوسته نماز او پاک ضمیر (شعاع) قوجالدی بابا گورمدی گوزل قبرون عنایت ایله گوره قبریوی او نوکرِ پیر. التماس دعای فرج