#قره_قول زبانحال غلام سیاه بخش ۱ آسمانِ عشقه سن سن مِهرِ عزّت یا حسین سنله مستحکمدی ارکانِ امامت یا حسین یر یوزونده ای ظَلالِ لطفی رحمت سایه سی پایگاهِ عشقیدن برتر مقام و پایه سی ای وجودی عرش و فرشین زینت و پیرایه سی سن سن آیاتِ خدای عشقه آیت یا حسین آستانوندا سنون بیر بنده دور روحُ الامین بارگاهوندا مَلک دور جمله خاکستر نشین جایگاهون دور مقامِ عرشه ی عرشِ برین کوی عشقون باغِ جنّتدور حقیقت یا حسین سنده وار دنیا بویی عزّ و جلال و منزلت انبیاده یوخدی بیله احتشام و مرتبت تا جهان وار صاحبِ تاج و نگین و سلطنت افتخار ایلر سنه اولسون رعیّت یا حسین مشرقِ فیض و سعادت سن سن ای مِهرِ کمال جمله درویش و فقیره ، خسروِ بختِ جلال حُسن یوسفدن گوزلدور سنده کی حُسن و کمال هاردا وار یوسفده بو حُسن و وجاهت یا حسین سن کیمی کیم نامِ عشقی دلده عنوان ایلیوب عالَم قالوا بلیٰ ده عهد و پیمان ایلیوب مین سلیمانی جهاندا مات و حیران ایلیوب کربلاده سن آچان خوانِ کرامت یا حسین ای ریاضِ ارضِ بطحا ، باغِ طاهایه بهار ای نهالِ باغ زهرا ، گُلبُنِ گلزارِ یار جنّتین عطر و صفاسی تا جهان وار سنده وار کربلانی نکهتون ایلوب احاطت یا حسین مِهر رویوندن منوّر آفتاب اولماز؟ اولار فرقتونده عاشقِ بی صبر و تاب اولماز؟ اولار گورمسه بیر گون سنی خجلتدن آب اولماز؟ اولار مِهره سن سن مایه ی انوارِ رحمت یا حسین ماسوا حیرتده دور عزّ و جلالوندان سنون ساکنانِ عرش والِهدور جمالوندان سنون لاجَرم عاجزدی دل وصفِ کمالوندان سنون آزدی شأنوندن دیولسه تا قیامت یا حسین کیم سنون عشقونده سالسا باشینه سودای عشق سرگران ایلر اونی صهبای روح افزای عشق موجِ اشگوندن سنون موّاجدور دریای عشق ایلیوب بیر عمر نوحی غرقِ حیرت یا حسین اولدی تیرِ عشقیوه هر کس بو صحراده نشان دستِ مَبسوطوندان آلدی طُرفه بیر عالی نشان بی نشان ایستر کیم اولسون آختارار سندن نشان سعی ایدر تاپسون ایکی دنیا سعادت یا حسین بحرِ عشقونده فراواندور سنون دُرّ و گُهر کشتیِ جانِ خلایقدور او یَمده غوطه ور گوشه ی چشمیله ذرّه ایلسن عطفِ نظر منده اولّام غرقِ دریای محبّت یا حسین تا ائدر دَوْر آسمان وار دورِ دَوْرانون سنون سجده گاهِ عاشقاندور خاکِ ایوانون سنون گردشِ چرخ فلکدور تحتِ فرمانون سنون ماخَلق هر اَمروه ایلر اطاعت یا حسین نکهتِ افزا زلف مشکینون ایدوبدور عالَمی حُسنِ خویون بَدْویده ایلوب مسخّر آدمی بو مریضِ عشقون ایستر سن کیمی عیسی دَمی لطف قیل دل دردینه ایله طبابت یا حسین اولمین عاشق بولنمز شیوه و آدابِ عشق گورمیوب گورمز صدفده گوهرِ نایابِ عشق سن کیمی اربابِ عشقه فتح اولوبدور بابِ عشق عشق ئوزی سیزدن تاپوب عالمده شهرت یا حسین یاندیران جان و دلی سوز و گدازوندور سنون آرتوران دلده نیازی حُسن نازوندور سنون دلنشین آواز رازِ دلنوازوندور سنون صحبتونده واردی جان و روحه لذّت یا حسین سن بولورسن من کمندِ عشقیوه پابَستیم بسته لیقدان دهریده آزاده و وارَستیم چشمِ مستون مستیَم ، شاها نه صهبا مستیم بیرده مستِ باده ی جامِ ولایت یا حسین ئوز خیالیمده دیردیم بیر غلامم روسیاه کاش اولام منده قرینِ التفاتِ پادشاه سن نظر ائتسن تاپار چهره سیَهلر عزّ و جاه دیده دن توکمز یوزه اشگ ندامت یا حسین کانال رسمی مداح کربلایی برات سماواتی اردبیلی