ولادت امام حسن مجتبی علیه السلام 📝 تفاخری اردبیلی ➖➖➖➖➖➖➖➖➖➖ ای منیم غنچه خندانیم حسن آغلاما دسته ی ریحانیم حسن لایلایون چاللام اوغلول دردیوی آللام اوغول گلشنیمده گولومون اوّلی سن گوگرن حاصلیمون اولی سن دورد گوزل سوگولومون اولی سن قربان اولسون جانیوا جانیم حسن سنی الله نئجه زیبا یارادیب سرو تک قامتی رعنا یارادیب جلوه ی حسنیده تنها یارادیب ای دیلیمده آدی عنوانیم حسن حمد اولا خالق یکتایه اوغول لطف ائدیب سن کیمی زهرایه اوغول مریمم، بنذوسن عیسایه اوغول سن سن حشمت ده سلیمانیم حسن بنذوسن تازه آچیلمیش گوله سن اوینا گهواره ده گل بیر دیله سن دوشه جکسن ائله بیر مشگله سن آرتاجاق گون بگون افغانیم حسن توکمه رخساریوه اشک تریوی بوکرم تِرمهییه من پیکریوی ئوپرم گوزلریوی لب لریوی بابامون دینینه قربانیم حسن بیر گونی قانه بو لبلر بویانار جگرون زهر جفائیله یانار داد و فریادیوه زینب اویانار نیلر اُول دیده سی گریانیم حسن سنی اُول حالدا گوروب آغلیاجاق نار غمله جگرین داغلیاجاق جان وئرنده گوزووی باغلیاجاق اودی غمدیدۀ دورانیم حسن ویریلار تختۀ تابوتیوه اوخ او محن یاندیراجاق زینبی چوخ دیه جک غملریوون اولچوسی یوخ وای منیم مهر درخشانیم حسن بیر گونی اول غمی باشدان آتاجاق قوم لارون اوسته حسینی یاتاجاق قتلگاهه گلوب آغلار چاتاجاق دیه جک : غملی پریشانیم حسن غمیوه آغلامارام ، غملره باخ گل اوزن بو یارالی پیکره باخ زخملی سینه یه باخ حنجره باخ گور نئجه جان وئریب عطشانیم حسن #میلاد_حسنیه

مدح و میلادیه حضرت امام حسن مجتبی علیه السلام 📝 هدایتی تبریزی ➖➖➖➖➖➖➖➖➖➖ ماه رحمت نیمه سی اولدون هویدا یا حسن مهر و مه اولدی سنه غرق تماشا یا حسن اهل دل حسن و کمالاتونده نقصان گورمیوب احسن احسن حسنوه ، ماه دل آرا یا حسن دست قدرت نقشوی کامل چکوب ای نازنین مد بسم الله قویوب ابرویه گویا یا حسن صورتون محشر ، قیامت قامتون ، شهلا گورون نقش ایدوبدور سنده بیر سیمای زیبا یا حسن احسن الخالق ئوز حسنوندن ویروبدور پای سنه جلو لنمش سنده حسن رب الاعلا یا حسن سن ملک سن ، یا ملک لر سندن حسنون پای آلوب ملک حسنی فتح ایدوبسن ، ماه سیما یا حسن مرحبا نقاشوه ، حسنونده غوغا ایلیوب صورت پیغمبری ایلوبدی احیا یا حسن سبط اکبرسن ،علینون نور عینی ، مجتبی میوهء طوبای عشق و میر و مولا یا حسن فاطمی سیرت سن ، احسن ای گل باغ جنان سید اهل جنان دلبند زهرا یا حسن گوزلرون لیلاسی مجنون ایلیوبدور عالمی ملک دلده خلق ایدوبسن آیری غوغا یا حسن گوزلرون غارتگر دل دور دلین صهبای عشق لبلرینده مست ایدن جام طهورا یا حسن سنده کی چاه زنخدان چاه عشق اولسون گرک یوسف عشقه او چاه اولسون گوارا یا حسن دللری تیر نگاهون بیر باخشدا صید ایدور حسنون ایلور عاقلی مجنون و شیدا یا حسن تیر مژگانون خوشام کی باغرمی یارسین منیم زخم عشقیم سینه ده تاپسین مداوا یا حسن سن کیمی خوش سیرت و خوش صورته جانلار فدا لطفوله باخ ، قلب مرده اولسون احیا یا حسن معرفت گنجینه سی سینن ، دوداقون در نثار عشقده دارائی کونینه دارا یا حسن پیر عرفان ، مرتضادن درس عشقی مشق آلان سیر ایدن لاهوتیده سیمای تقوا یا حسن کشتی عقل ، حسنوون وصفنده اگلشدی گله نه یازیم وصفنده ای سالار والا یا حسن بذل و بخشش عالمنده باش گلوبسن عالمه گورمیوبدور مثلوی بو چشم دنیا یا حسن حسنی زیبا ، صبری دریا ، قامتی سیمای عشق سلم و حلم و معرفت مصداقی ، آقا یا حسن رنگ رخساری اذان وقتنده گل تگ زرد اولان عبد ممتاز حق حی و توانا یا حسن زهد و تقواده سر آمد عامل احکام دین خاضع و خاشع ، بصیر و سبط طاها یا حسن همتی داغدان اوجا ، شخصیتی داغدان آغیر حشمتی مافوق درک اهل غبرا یا حسن عزت و مجد و جلالی درک اذهاندان اوجا محنت و آلامده فرد شکیبا یا حسن بیر به بیر کرداری تفسیر کتاب زندگی حسن خلق و منطق و برنامه شیوا یا حسن سینه سی گنجینهء مهر و محبت ، معرفت لبلریندن مست اولان اهل تولا یا حسن عالم حسرتدی می صهبای عشقه ، ای عجب سنده کی لعل لبه حسرتدی صهبا یا حسن معرفت جامیله می ویر منده مست مست اولوم وار لبنده مست ایدن جام مصفا یا حسن تار زلفونله منی ایت دام عشقنده اسیر ایسته جان ، باخ بیر ولی ، خوشدور بو سودا یا حسن یوخ ( هدایت) ده نه شخصیت ، نه ارزش ، نه مقام وار یوخوم سندندی ای سردار تنها یا حسن #میلاد_حسنیه

مدح و میلادیه حضرت امام حسن مجتبی علیه السلام 📝▪️مرحوم عبدی قراملکی ➖➖➖➖➖➖➖➖➖➖ گون کیمی طالع اولوب نیّر اعظم بو گئجه اوزگه بیر عالم امکانیدی عالم بو گئجه گورونوب صبحده بیر آیت حیّ ازلی لمعۀ نور هدا شعشعۀ لم یزلی بیر تجلّی ایلیوب شمس شموسین مثلی باش ویروب گون کیمی سبط شه خاتم بو گئجه بیر اوغول حضرت زهرایه ویروب حی قدیر نه اوغول عارض وجه الحسنه ماه منیر سبط طاهادی بو فرزند شه پاک ضمیر شاد اولوب حضرت پیغمبر اکرم بو گئجه نور پاک ازلی طالع و تابنده اولوب نجه تابنده که خورشید سر افکنده اولوب آستاننده بونون مهر و قمر بنده اولوب بودور افلاکه ویرن فیض معظم بو گئجه نور پاک حسنی عالم والایه چخوب فرشدن ساطع اولوب عرش معلایه چخوب شاد و خرم ملکوت اهلی تماشایه چخوب لطفینی شامل ایدوب خالق عالم بو گئجه بو همان نوریدی موسایه تجلا ایلیوب یثربی نور رخی وادی سینا ایلیوب غرق بو ماخلقی نعمت عظما ایلیوب مقدمی ایلدی دنیانی مکرّم بو گئجه ایکی دریادن اولوب درّ مثمّن نه خزف فاطمه لجّۀ عفّتدی علی بحرِ شرف دامن عصمتی بو لوءلوء مرجانه صدف آیریلوب گوهر بَحرِینِ مسلّم بو گئجه حَبَّذا محسنه دی صورت و معناسی گوزل خلقت و خلقی گوزل دیده شهلاسی گوزل آتاسی جدّی گوزل مام دل آراسی گوزل شرط حسنادی فیوضاتیده بو دم بو گئجه عید فرخنده دی بو نیمه شهرالرمضان محترم گوندی مشرف یارادوبدور یارادان آرتروبدور بو ولادت گیجیه عزّت وشان لطف دنیایه ایدوب خالق احکم بو گئجه مجتبا دور لقبی اسمی حسن سبط نبی حال حیرتده چهار اُمی قویوب هفت اَبی باش ویروب گون کیمی روشن ایلیوب تیره شبی ایتدی پیغمبری بو اَمریده خرم بو گئجه تازه مولودیدی اوصاف کمالی حسنه صاحب عزت و احساندی جلالی حسنه اشبه ختم رسالتدی جمالی حسنه اولدی خوبانه وجاهتده مقدّم بو گئجه سپری عمرون اولوب #عبدی نه غفلتدی اُویان یاتما اخلاصیله یاز شعروی اُولما نگران بلی خوشبختدی نوحه اوخویان نوحه یازان یاز ویروب گون کیمی باش نَیّرِ اعظم بو گئجه #میلاد_حسنیه

مدح و میلادیه حضرت امام حسن مجتبی علیه السلام 📝 سید بشیر حسینی میانجی ➖➖➖➖➖➖➖➖➖➖ گل باغ و چمن كيمدور؟ حسندور امام ممتحن کیمدور؟ حسندور بيزه عزت وئرن كيمدور؟ حسندور على اوغلى حسن كيمدور؟ حسندور قدم قويدى يئره دلبند حيدر سووندى قلبيدن زهراى اطهر آلوب آغوشينه جدّى پيمر آدين قويدى، دوداقين ئوپدى پى در جمالى گون، جبينى ماه انور ايشقلانديردى دنيانى سراسر او شمع انجمن كيمدور؟ حسندور گورن سويلردى چوخ گويچكدى گويچك گوزلّيك عالمينده تكدى بو تك داها گلمز یوزی زيبا حسن تك بو مرآت رسول اللّه دى بى شك بودور بو حجّت حىّ تبارك ديون عشقيله ميلادى مبارك ولىّ ذوالمنن كيمدور؟ حسندور گلن صدقيله بزم ياره گتمز بو یئردن محفل اغياره گتمز حسندن آلميوونجاق چاره گتمز قيامتده جحيم و ناره گتمز بونى بولبول گوره گولزاره گتمز گله يوسفده بو بازاره، گتمز شه وجه الحسن كيمدور؟ حسندور دلا! اولدی اروشلوق آیی یاری معطّر اولدی بطحانین دیاری گولومسون قلبیدن یاد ایله یاری او یاری که بیزه گَتدی بهاری ولادت تاپیدی عشّاقین نگاری مبارک ایَلسین خلاّق باری گُلِ گلْ پیرهن کیمدور؟ حسندور حسن تک بُرج حُسنه آی تاپولماز بو ماه دلربایه تای تاپولماز ایه بیر پایدی بیله پای تاپولماز آناسی تک دیین لای لای تاپولماز بئله گول هئچ چمنده دای تاپولماز اروشلوق تک گوزل بیر آی تاپولماز بو آی دهره گلن کیمدور؟ حسندور سپور گول سسلنور حور و فرشته كه احسن دلبر نيكو سرشته دَگَر غنچه دوداقى مين بهشته اولار عمرينده راضى سرنوشته آخار قلبينده كى القانى طشته يانار عالم بئله بير سرگذشته او مظلوم وطن كيمدور؟ حسندور حسندور يثربين ‏رعنا غزالى بونى صيّاد ائده‏ر ديلدن يارالى باشا گلمز غم و درد و ملالى وئرر زهر اوز ائوينده اوز عيالى اولار گول جسمى نيلوفر مثالى حسينى آغلادار، نیسكلّى حالى او زهريلن ئولن كيمدور؟ حسندور حسن جان! درديميز واردور دوا وئر مريض و هم مريضه وار شفا وئر بيزه حال مناجات و دعا وئر ائدوب جلوه٬ قلوبه انجلا وئر عُيونه نور عشقونله ضيا وئر «بشير»ه دعوت كرب و بلا وئر دئسین دعوت ائدن كيمدور؟حسندور #مدح_حسنیه #میلاد_حسنیه