#زمزمه 📝. بازم چایی روضه دم کردی حسینیه ها رو حرم کردی بساط غمت رو عَلَم کردی 🎤امین_قدیم ▪️#امام_حسین #ورود_محرم #محرم1402🏴🏴🏴🏴🏴🖤🖤🖤🖤🖤خادم اهلبیت کمالی

ورود ماه محرم ➖➖➖➖➖➖➖➖➖➖ یاخونلاشوبدی محرم عزا هواسی گلور باخاندا هرطرفه وا حسین صداسی گلور سزادی شوره گله بلبلان بزم حسین مشام جانه گینه عطر کربلاسی گلور منانی ترک ائلیوب مکه و منا اوغلی منای عشقه یانیندا نچه فداسی گلور صفا و زمزمی آغلار قویوب دالیجا حسین دیار یاره طرف قلبیده صفاسی گلور اورک گوزیله باخاندا معایناً گورورم نئجه جلالیله پیغمبرین بالاسی گلور قاباقدا ماه بنی هاشم الده پرچم نصر وفالی قارداشی، عباس با وفاسی گلور علیّ اکبر او ماه مدینه صاق طرفینده شبیه احمد مرسل، او مه لقاسی گلور حسن نشانه‌سی،اول ماه بی قرینه صولوندا یوزینده نور حسندن وار انجلاسی گلور او ماهلر دالیسیجان دوشوب ستاره مثالی او صود امر بالاسی، ماه دلرباسی گلور اودا گلور آلا کامین کمان حرمله دن خیاله حرمله نون ائتدیگی جفاسی گلور گوزومده جلوه لنور اوخلانوب علی اصغر اودور قولاقه ربابینده آه و واسی گلور ائله سیزیلدوری سویلور علی آنان ئولسون نه قاندی بو بوغازوندان آخور بقاسی گلور شل اولسون اللری بو یاره نی سنه ویرانون نه یاره دور اثریندن اجل بناسی گلور نجه بو حالوه تاب ایلیوم من آغلامیوم ندیم؟ یانور اورگیم،گوگلومون نواسی گلور علی بو حالتله هانسی آنا دوزر دایانار گوره که قانه باتوب صود امر بالاسی گلور دئدیم بالام سو ایچوب دینجلوب گنه گله جاق یرین سالوم بالامون یوخلاماق هواسی گلور ولیک فکر ائلموردوم نه ظلم ائدر دشمن الینده حرمله نون تیر پر خطاسی گلور بونی خیال ائلموردوم بالام باتار قانه الینده قرمزی گل تک دوتار آتاسی گلور شدید ایله الهی اوزون عذابلرین مگر نه وقته کیمی صبرون انتهاسی گلور قالوبدی یرده او حق قان که توکدولر ناحق او وقت عوض اولاجاق عصر پیشواسی گلور قالوبدی گوزلری یولدا فغان ائدور شب وروز نه وقت اولار که گوره « زاهد » اوز آقاسی 📝 رجبعلی محمدی (زاهد زنجانی) #ورود_محرم

گلور بوی محرم یا ابوالفضل یتشدی ماه ماتم یا ابوالفضل گنه عاشقلرون جولان وئروللر سنه خاطر آقا احسان وئروللر آچیب سفره سنه احسان وئروللر قالیب حیرتده حاتم یا ابوالفضل گئیب قاره هامی ایرانین اهلی سنه عاشقدی بو دنیانین اهلی دوشرپیچ وخمه شیطانین اهلی اسنده قاره پرچم یا ابوالفضل اولوب بازار عشقون گورنه رایج آلور دردی اولان سندن نتایج تانور دنیا سنی باب الحوائج سنی سسلر بو عالم یا ابوالفضل آدون عاشقلره عزتدی والله مدال عزت و شوکتدی والله بو سرمایه بیزه نعمتدی والله اولوب عشقون مکرم یا ابوالفضل سنی بزم عزاده هامی سسلر سنه خاطر قره کوینک گئیه لر بو آدی بیز لره اورگتدی مادر دئدی سسله دمادم یا ابوالفضل سنون وار حرمتون زهرا یانندا عزیز ائتدون اوزون مولا یانندا سودان میل ائتمدون دریا یانندا اولوب شرمنده علقم یا ابوالفضل #ورود_محرم

‍ ورود ماه عزا 📝استاد شهاب ➖➖➖➖➖➖➖➖➖➖ داغلار آغلار داشلار آغلار (۲) ( ماتمونده یا حسین نیزه لرده باشلار آغلار )(۲) وای حسین وای - وای حسین وای (۲) ماه ماتم باشلانوبدی (۲) غملی گوزلر یاشلانوبدی ( اهل عالم گیدی قاره سرور دین حیدر آغلار )(۲) وای حسین وای - وای حسین وای (۲) قادر پرچم لر اسللر (۲) ریشه‌ی کفری کسللر ( باطناً اسدوقجا هردم بو قرار پرچملر آغلار )(۲) ماتمونده یاحسین نیزه لرده باشلار آغلار (۲) شاه دینون یاسی گلدی (۲) روز عاشوراسی گلدی (۲) ( آتش غمده یانانلار گل آدیوی سسلر آغلار )(۲) ماتمونده یاحسین نیزه لرده باشلار آغلار (۲) دل غمونده داغلاروخ بیز (۲) عاشقانه آغلاروخ بیز ( عاشق مولا اولانلار آه و افغان ایلر آغلار ) (۲) ماتمونده یاحسین نیزه لرده باشلار آغلار (۲) قورموشوخ ماتم اساسی (۲) شیعه گیدی غم لباسی ( گوز یاشی توکدی عذاره قطب دین پیغمبر آغلار )(۲) ماتمونده یاحسین نیزه لرده باشلار آغلار (۲) ماتمونده عالم آغلار (۲) آدم آغلار خاتم آغلار ( غم ائله غمدور بو غمده مؤمن آغلار کافر آغلار )(۲) ماتمونده یاحسین نیزه لرده باشلار آغلار (۲) آغلوری گوگده ملک لر (۲) اوخشوری محراب و منبر ( بیر قولاق وئرسن گوررسن مسجد اوخشار منبر آغلار )(۲) ماتمونده یاحسین نیزه لرده باشلار آغلار (۲) غصه دن طاها سیزیلدار (۲) حضرت زهرا سیزیلدار ( سسلوری ای وای اوغول وای مادر غم پرور آغلار )(۲) ماتمونده یاحسین نیزه لرده باشلار آغلار (۲) عاقل و دیوانه آغلار (۲) کعبه و بت خانه آغلار ( بو غمِ عظماده شیعه آچ گوزون گور کیملر آغلار )(۲) ماتمونده یاحسین نیزه لرده باشلار آغلار (۲) آت اورک بیر کربلایه (۲) اوردا باخ شور و نوایه ( بیر نظر سال قتلگاهه حنجر اوخشار خنجر آغلار )(۲) ماتمونده یاحسین نیزه لرده باشلار آغلار (۲) حرمله اوچ پر اوخ آتدی (۲) عالمی یاندیردی یاخدی ( اللری اوسته حسینون شیر خواره اصغر آغلار )(۲) ماتمونده یاحسین نیزه لرده باشلار آغلار (۲) محنت مولا قوتولماز (۲) سوز یازاندا پرده لی یاز ( ساخلا ال یازما «شهابی» خامه اوخشار دفتر آغلار )(۲) ماتمونده یاحسین نیزه لرده باشلار آغلار (۲) #ورود_محرم

دیون بو مصرعی دنیا ایشتسون عزای شاه دین تعطیل اولان دییر وعده ی رضوان فیها خالدونش اظهر است میدهد پاداش بر هرکس که با تقواتر است یوخ رجوعیم کیم کیمین نوکرلیقین تمجید ایدوب بیزلرین نوکرلیقین زهرا ئوزی تایید ایدوب با لیاقت نوکرین الله اوجالدار باشینی عاقبت منصوری تک بیر گون ویرر پاداشینی بیله فکر ایتمه ئولنلر عالمی باشدان آتار عالم برزخده انسانلار کمالاته چاتار گرچه گوزلرده ئولوب اسراری محکم پرده دی هر حسینچی ئولسه اما روحی مجلسلرده دی گرچه هر شیعه اولانماز حضرت عباس تک بعضی اما سسلنر یا لَیتَنا کنا مَعَک هامنون فریادینه حتما یتر اول نور عین بوردا سن قبر ایچره منصوری چاغرسا یاحسین قبر ایوینده یا که مجلسده کیم اولسا با حسین تک نه منصوری مؤذن زاده سسلر یاحسین رهروان شاهین عشقی محکم و پیوسته دی پیرو شاه شهیدان هرزمان شایسته دی هانسی دوراندا گینه سسلنسه شه هل من معین شیعه فورا سسلنر لبیک مولا یاحسین هر زماندا شیعه لر اربابه یار اولسون گرک هر یزید و شمره مختار وار اولسون گرک یاز قلم دشمنلره هر لحظه وار اخطاریمیز شکر لله چوخدور ایراندا بیزیم مختاریمیز حاج قاسم که آلاردی انتقام اشراریدن کم دگولدی انتقام آلماخلقی مختاریدن حاج قاسم دی تمام ملت ایران بوگون قویماروخ اشراری سالسون رشته دینه دوگون قویماروخ دین دوره سینده فتنه و نیرنگ اولا نهضت پر رنگ شاه کربلا کم رنگ اولا تا ئولونجه عشقیمیزده سک و تردید ایتمروخ درگه پر فیض مولادن کناره گتمروخ رهبر آزاده نون نوکرلری آزاده دی عزت دنیا و عقبا درگه مولاده دی حضرت معبود در این راه احسان میکند بر حسینی مسلکان لطف فراوان میکند بوگون دنیایه اعلان ویرمشوک بیز وجودی یاره قربان ویرمشوک بیز حسینیت داغلماز هر سوزیلن قرا پرچملره قان ویرمشوک بیز حسین بدخواهینه هشداریمیز وار دل سرگشته چ بیداریمیز وار ورار سیلی دهان فتنه کاره آقام عباس تک سرداریمیز وار شاعر✍لاادری #ورود_محرم #محرم1402 #طشت_گذاری ✨اَللّهُمَّ عَجِّل لِوَلیِّکَ الفَرَج✨

ورود به محرم سبک : شبانگاهان گئدور ناله عرش رحمانه، اود سالور جانه شیعه لر آغلور دونوب گوزده گوزیاشی قانه، شاه خوبانه شیعه لر آغلور گنه ایام عزا گلدی صدای حزن و بکا گلدی ای حسین جانم (2) حسینه اون گون محرمده، بزم ماتمده گوزلریم آغلار یانار قلبیم آتش غمده شعله آهیم سینمی داغلار گوزوم یاشین شدت غمدن، صورته نم نم گوزلریم باغلار اولونجه منده یانا یانه گلم افغانه شیعه لر آغلور آچوب باشین حضرت زهرا عصمت کبری گلدی افغانه دوتوب ماتم حضرت خاتم گوزده گوزیاشین دوندروب قانه حسینون یاسی بپا اولدی چکدیلر قاره باغ رضوانه بهشت اولموش چون عزاخانه حورغلمانه شیعه لر آغلور ادامه افلاکیان خاکی ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #ورود_محرم

🏴ورود_محرم نوحه ماتم امام حسین(علیه السّلام)🏴 . .. 🎶سبک_می_گذرد_کاروان 🎶سبک_ای_بوغازین_اوچ_پر_اوخ .. 🎶سبک_ای_دل_اگر_عاشقی … 🎶سبک_ای_شه_لب_تشنگان .. ✍سید بشیر حسینی میانجی .. ای گلِ طاها حسین زادۀ زهرا حسین گلدی محرّم گئنه سسلییروک «یاحسین» .. قاره وی، باشه بیز، باغلاروق ذکر ائدوب، آدیوی، آغلاروق حسین حسین(3) .. .. .. .. .. چیخدی گئنه دسته لر عشقیوه دلبسته لر مسجده چکدوق قرا آغلادی گلدسته لر .. محراب و، منبری، غم دوتوب حضرتِ، زهرا ما تم دوتوب حسین حسین(3) .. .. .. .. .. اولدی مریض لر دخیل درگهِ احسانیوه آند وئرولّر سنی زینب نالانیوه .. ای شهِ کربلا، یاحسین بیماره، وئر شفا، یاحسین حسین حسین(3) .. .. .. .. .. کیم قئره کؤینک گییر آه چکوب غم ییر باشه وورار دم به دم ای وای آقام وای دییر .. ماتم قوران لارا، قیل نظر سینه ووران لارا، قیل نظر حسین حسین(3) .. .. .. .. .. بلبل عشق اولموشوق عطر گلِ یاسه بیز آذری یوق عاشقوق قارداشون عباسه بیز .. هم سنه، هم اونا، نوکروق آدوزی، سؤز باشی، سسلروق حسین حسین(3) .. .. .. .. .. قاره وی باغلار هامی قلبینی داغلار هامی سرّی ندور بیلمورم قاسمه آغلار هامی .. تازه جوان غمی یاندورار اؤد وورار عالَمی یاندورار حسین حسین(3) .. .. .. .. .. خنجریلن دوغرانان اکبریوه آغلاروق اوچ پریلن اوخلانان اصغریوه آغلاروق .. عاشورا، گونی دیل، داغلادون بو ایکی، اوغلووا، آغلادون حسین حسین(3) .. .. .. .. .. گلدی هامی ماتمه یاسه باتوب فاطمه محشره جک ماتمون هاردا تاپار خاتمه .. صاحبِ، پرچم او لوب «بشیر» چاووشِ، ماتم او لوب «بشیر» حسین حسین(3) #محرم_۱۴۰۴ #ورود_محرم