‍ 🌹سرود محلی مازندرانی ولادت امام رضا علیه السلام شاعر:حاج_قاسم_جناتیان_قادیکلائی #سبک //آهو آهو لار وعده نده من نمبه ┅═┄⊰🌿༻🌺༺🌿⊱┄═┅ خراسون امشو باصفا بهیعه شوی تولد رضا بهیعه همه جا ریسه بکشینه عاشقون شوی دل خشیعه زهرا بهیعه مشتلق چی امشو خور بیارده عروس فاطمه پسر بیارده 💐باغ موسی امشو ثمر بیارده دسّه دسّه ملک همه غزلخون امشو در زمین بهینه مهمون عرش و فرش ره خدا زینت هاکرده گل نجمه صفا هدا خراسون مشتلق چی امشو خور بیارده عروس فاطمه پسر بیارده 💐باغ موسی امشو ثمر بیارده دل خوانه پر بیره به مثل کوتر سمت خراسون هاکنه وه سفر پنجره فولاد ره دوندم دخیل نعمت هاده خدا امه بوم و بر مشتلق چی امشو خور بیارده عروس فاطمه پسر بیارده 💐باغ موسی امشو ثمر بیارده دل خوانه بواشم آهوی صحرا ضامن من بووه غریبه مولا دست بکشه مه سر از روی رحت شه جان ره هاکنم من ونه فدا مشتلق چی امشو خور بیارده عروس فاطمه پسر بیارده 💐باغ موسی امشو ثمر بیارده (صفا ) ته شعر ساده اما روونه دارنه از بی ریایی هم نشونه اتا آرزو ته دله ارمونه بدیعنه شه صاحب الزمونه مشتلق چی امشو خور بیارده عروس فاطمه پسر بیارده 💐باغ موسی اشو ثمر بیارده شاعر حاج قاسم جناتیان قادیکلائی اجرای سبک: مداح اهل‌بیت علیهم‌السلام #کربلایی_محسن_اخوان 🎤 🌹🍃🌹🍃🌹