🙏🏼السلام علیک یا علی بن موسی الرضا(ع) ای رضا ای ضامن آهو سلام اولسون سنه قبری جنّتدن اولان خوشبو سلام اولسون سنه السّلام ای شهر طوسی نور باران ایلین خاک ایرانی بسان لعل و مرجان ایلین ای خراسانی صفاده باغ رضوان ایلین غبطه ایلر قبریوه مینو سلام اولسون سنه قویموش حیرتده عقولی بو جلال و افتخار شه لر ایستر آستانونده اولار خدمتگذار دفعتاً زرّین ضریحون اوستونه قونسا غبار زلف حورا دور اونا جارو سلام اولسون سنه عزّت و شوکت ده چاتماز طور سینا قبریوه دیلده ارنی یوز قویوب بیر فوج موسی قبریوه هر شب جمعه گلر حسرتله زهرا قبریوه قبرون اوستونده یولار گیسو سلام اولسون سنه صوفیان صاف طینت عارفان پاکباز صحن پاکونده آلالار دسته دسته دستماز کعبه دن افضل رواقونده ایکی رکعت نماز جمله طاعتدن اولان نیکو سلام اولسون سنه صحن اقدسده اولان رونقلی سقا خانه دن هر کیم ایچسه فیض آلوبدور خضر ایچن پیمانه دن زنده دور روحی همیشه عشق جاویدانه دن بیدوا درده اودور دارو سلام اولسون سنه وار رضا جان صحن پاکونده سنون بیر منظره پیر و برنا دیلده واویلا قارشمیش بیر بیره گنبدون اطرفینه قوشلار چکوبلر دایره خوش کبوتر لر دیر کوکو سلام اولسون سنه با صفا ایوانلارون وار جلوگاه عشقدور مدفنون آئینۀ حسن الاه عشقدور اهل عرفانه جوارون خانقاه عشقدور اوج ایدر اوردا گویه یاهور سلام اولسون سنه ایلدی مأمون بی ایمان بیوک بیر اشتباه نوریوی ایستردی خاموش ایلسون نسلون تباه بولمدی قالماز بولود آلتندا دائم مهر و ماه بولدی قتلون جایز اول بدخو سلام اولسون سنه قویمادی دنیا یتیشسون دلده کی آمالینه آه مظلومانه دن اود دوشدی استقلالینه ایمدیده تاریخ ایدر نفرین اونون اعمالینه ظلم تالارین یخان سلام اولسون سنه آه او ساعتدن آلوب آرامیوی زهر جفا گه دونردون ساق صولا دیلدن چکردون آه وا سسلدی زهرا صولان رنگه آنان قربان رضا باشون اوسته یوخدی بیر دلجو سلام اولسون سنه ای «کریمی» عبرت ایله عالم عبرت خانه دی کاخ مأموندان خبر یوخدی ایله ویرانه دی عالمون اما یوزی اول زرنگار ایوانه دی سسلنور ترک و عرب هندو سلام اولسون سنه ✍️ بقلم زنده یاد استاد کریمی مراغه‌ای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🎼سبک سرود فوق👆👆 🎼دستگاه: مثنوی افشاری ✍بقلم زنده یاد استاد کریمی مراغه ای 🎤#بانوای_حاج_علی_سیفی_افشار

 شرف عالم امکان کیم دئسه من دئمرم شاه خراسان دی رضا آزدی شأنینده دئسم رهبر ایران دی رضا خبر آلسان دییرم شأنیده اجدادی کیمی افتخار و شرف عالم امکان دی رضا **** آستانینده نه شاهلار کی اونا نوکریدی کؤلگه سی جمله سلاطین باشینا افسریدی شیعه لر ئولکه سینین شاهلارینا سروریدی فخر ائدر شیعه کی سلطانلارا سلطان دی رضا دئمیرم تکجه آقا شیعه لرین سروری دیر بلکه دنیا بویی آزاده لرین رهبری دیر آدی گوی لرده ملائک دیلینین ازبری دیر یئرده گویده هامیا حجّت یزدان دی رضا دئمیرم گویده کی اولدوزلارا بنزردی آقا یا گوزل لیکده فقط ماه منوّردی آقا گون کیمی سانما ایشیق لیقلارا مظهردی آقا حُسن سیماده اولارداندا درخشان دی رضا او زماندان کی قدم قویدی خراسانه آقا شرف آرتیردی بوتون کشور ایرانه آقا آمّا افسوس عومور سؤردی غریبانه آقا بو سببدندی کی غمخوار غریبان دی رضا یئر اوزونده ائوی جنّت ، قاپوسی باب نجات صحن پاکیندا آخار چشمه لری آب حیات حرم اطهری سر منشأء خیر و برکات اوزوده صاحب الطاف فراوان دی رضا هر سحر صحن و سرای حرمه ایله رجوع شاهد اول گور نئجه هر گون گونش از باب خضوع گنبدیندن اوپر ایستر آقادان اذن طلوع شمس آفاق ولا آیت قرآن دی رضا من خراسان دا ئولندن صورا دفن اولسام اگر نیلیرم جنّتی ای واعظ فرخنده سیَر آقامین تربتی مین روضه ی رضوانه دَیَر بو قوجا نوکر نا لایقه جانان دی رضا ثامن الحجّة حق شافع یوم عرصات بِیتَهُ جَنَتهُ فِی الارض و یُجیب الحاجات؟ اُذکُرو اِسمَهُ فی المَجلسهُ بِالصَلوات حاجتین ایله بیان صاحب احسان دی رضا شهر یثربدن ائدن گون حرکت طوسه طرف واقف ایدی کی سرانجام شهادت دی هدف وصل جانان ئوره گینده یارادیب شوق و شعف دئمک اولمازدی کی باطنده پریشان دی رضا گر چه آسان دگیل انسانه بو نوعیله سفر سفری کی اولا او شخصه یقین جانی خطر او خطر اولمادی باعث کی ائده صرف نظر اهل یثرب گوروب عزمینده شتابان دی رضا وقت او وقت اولدی کی دوشسون یولا غم کاروانی آلدیلار دوره سین اهل حرم ربّانی بدرقه ائتدیلر آغلار گوزوله مولانی آیریلان لحظه ده نار غمیله یاندی رضا اهل بیته بویوروب شال عزا باغلیالار آلالار دوره سینی اوخشیالار آغلیالار باجیلار داغ فراقیله ئوره ک داغلیالار اؤز عزاسین سووب اوندان صورا یوللاندی رضا چون خراسانی توطّن ائدیب او نیک سیَر کل ایران ائلییب بیعت اونا سرتاسر حاکم وقت او سبب دن ائدیب احساس خطر ظنّ ائدیب سلطنته موجب خسران دی رضا عاقبت نقشۀ شومین ائدیب اجرا او پلید حجّة اللّهی ائدیب زهر جفائیله شهید ابدی لعنت اولا مأمونا مین باره ((سدید)) وار امیدیم کی عذابی اولا عقباده شدید ** سید جواد حسینی (سدید هریسی) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ مدح و میلادیه حضرت امام رضا(ع) (سبک : گلمیشم فغانه یانه یانه عمه) ای   گوزل مزاری  زینت  خراسان آستان  قدسی  افتخار  ایران قبرون حجّ   اکبردی  کعبه  تک      معطّردی ای حبیب یزدان (2) شکر    اولا    خدایه   یتمیشوخ   مرامه قبرون  اوسته  یکسر گَلمیشوخ  سلامه جان   فدا  سنون تک   بیر رئوف  امامه بو مزاره زوّاروق جدّیوه عزاداروق ای حبیب یزدان (2) قبریوین    وصالی    سالدی     اشتیاقه اشکیله   سَپاق   سو   بو  گوزل   رواقه شهلر   هر   زماندا  لطف   ایدر   قوناقه گَلمیشوخ سنه مهمان  بو  مزاریوه قربان ای حبیب یزدان (2) ای    ویرن   مزاری    عالمه     فزایش چوخلاری   بو  قبره  یولّیوب   سفارش باشیوه    دولانّوق     ایلیوبله    خواهش التماس ایدوب چوخلار  یاریارینی  یوخلار ای حبیب یزدان (2) کوچ  ایدنده  قوردوخ   بزم  غم  وطنده گَلدی داده چوخلار طوسه  عزم  ایدنده ایتدی  یار و   یولداش   ناله  بیز  گَلنده گَلمدی  اولار  افسوس               قبریوه    اولا  پا بوس ای حبیب یزدان (2) روز   و   شبده   گَلّوخ   نی کیمی   نوایه آغلاروخ    حسینه    گاهی    کربلایه وار  بو   یئرده   ماتم  گَلمیشوخ   عزایه فاطمه   گَلوب     داده               آغلوری     بو    اَثناده ای حبیب یزدان (2) عالمه    سالوب   غم  جدّیوین  عزاسی کربلادی    خلقین     دیلده     مدّعاسی هر   ئورکده   واردور     کربلا    یاراسی ((اعظمی ))   یانوب   آغلار   گوز  یاشین   یوزه   باغلار ای حبیب یزدان (2) ** مرحوم اعظمی تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#آتا ائویمون صفاسی گوزل آتا دیزیمون قواسی گوزل آتا بورویوبدی غملی اطاقیوی بالوون نواسی گوزل آتا #سیفی_افشار #اجرا_احسن_حبیبی #لینک_کانال ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

┅═❁•○◉🔘◉○•❁═┅ ┅═❁•○◉🔘◉○•❁═┅ ﷽ #در_سوگ_برادر_جوان #پند_یات #ترکی #اجرا_احسن_حبیبی 🌺 جوان قارداش جوان قارداش منی تنها قویان قارداش غم هجرینده قان آغلور ئورگیم مهربان قارداش 😭 اجل آلدی سنی مندن منی بی کسلره قوشدی بدندن آیریلوب روحیم منه سن سیز ئولوم خوشدی گلور عطرین ئوزون یوخسان اتاقوندا یئرون بوشدی بو ائو غمخانیه بنذر پوزولوب آشیان قارداش 😭 وقاریم سن ، نگاریم سن منه روح و روانیدون بهشتِ جاودانیدون سن ئوزون بیر جهانیدون سوزوم یوخدور ئولوم حقدی ولی سن چوخ جوانیدون وصالین نو بهارینده جوان عمری خزانیدون 😭 ندن آتدون منی گوزدن سنه قربان گوزوم قارداش گئدوب ترک ایلدون قالدی ئورگیمده سوزوم قارداش نجه تاب ایلیوم درده نجه سنسیز دوزوم قارداش بو عالمدن غم هجرون منه قالدی نشان قارداش 😭 یامان گونده قالا قارداش یتر امداده قارداشی غم دنیاده تک قویماز اوجالار قارداشون باشی نه علت شیشه قلبه بو فلک ووردی غم داشی فنایه گئتدی آمالیم اولوب آرزیم تالان قارداش 😭 #ابوالفضل_عباسی_معروفان_اهری #پندیات_معروفان ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

داغلاری گزدیم گلدیم .... داش لاری دوز دوم گلدیم ... آتا جان گلدیم قبروون اوسته حالوی سورو شام ... نه قاپی تاپدیم نه باجا.... سنن اَلیمی ئوزدوم گلدیم ..... 🌺 #اجرا_احسن_حبیبی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

گونش باتار کجه لر،،،،،،ای دردیم ارتار کجه لر،،،،،،ای اوغلی اولن ننه لر نجه یاتار کجه لر،،،،،،ای #اجرا_احسن_حبیبی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سو گلر آخار گئدر... باغ جانی ییخار گئدر.... بو دنیا بیر فانی دنیادی... هر گلن باخار گئدر .... #اجرا_احسن_حبیبی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#آتا_هجرونده #اجرا_احسن_حبیبی 🌺 هر جمعه آخشامی سنی یاده سالیب آغلارام بابا غم هجرونده سنون سینمی من داغلارام بابا سپرم قبریوه سو ،تا سرین اولسون اورگین نقدر عمریم اولا، سنه یاس ساخلارام بابا ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#اوخشاما #آنا #اجرا_احسن_حبیبی 🌺 ننه نه اولار بیرده منه دردیوی های های دییسن منی آغوشه آلوب لطفیله لایلای دییسن چکسن باشیمه بیر یولدا نوازش الیوی گولشنوندن آنا جان بیرده منه پای دییسن لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مدح و میلاد حضرت امام رضا(ع) قویدی  دنیایه    قدم   شاه   خراسان   به به صحنۀ   عالم   اولوب  صحن  گلستان   به به جلوۀ     لم  یزلى    عالم    امکانی      دوتوب زحمت    ذات    احد   گنبد   مینانی    دوتوب نور  یزدان  نئجه  گور ملک  خراسانی دوتوب ایدوب    آفاقی   خدا    روضۀ  رضوان   به به بودی  سلطان   سلاطین    بودی  دریای  وفا گلشن    دین    خداونده    صفا    آدی   رضا لیک    مشهوریدی    دللرده    غریب   الغربا غربایه    ایدر    اؤز    لطفی    احسان   به به حجت   ذات     الهیدی    بو    سلطان    انام بونون   آدیله    تاپوب   رونق    کامل   اسلام آپار ای    باد   صبا   بیزدن    او  مولایه سلام که  او دور   امّت   پیغمبره      سلطان    به به هر کیمون اولسا مهم امرى  او  سلطانه   دییَر قالسا مشگلده   بیری  اول  شه  دورانه  دییَر شیعه لر    درد   دلین    شاه   خراسانه  دییَر لطفیله   ایلر   هامو    درده   او  درمان   به به ناامید    ایلمیوب    بیر کسی   عالمده  بو شاه ایدر     او     زائرینه    لطف  و   محبّتله   نگاه سویله    لا حَولَ   وَ     لا    قُوَّةَ       اِلّا    بِالله بوندا   اوز   قدرتین حق  ایتدی  نمایان به به بیله فرمایش ایدوب بو سوزی بیر گون طاها یعنی   پیغمبر   اکرم    او    شه  ارض و سما دفن  اولار   ملک  خراساندا  بالام  آدی  رضا جگریم    پاره سیدی   او   شه  دوران   به به یرده  هر   کیمسه   زیارت   ایلیه  اول شاهی گویده  گویا    که    زیارت     ایلیوب    اللهی هر   کسین    اولسا   طوافینده    دل   آگاهی گورر  اول  بُقعَه ده  وار  رحمت  یزدان  به به گرچه ایام  خزاندی  هره   بیر دیل  چاغورور گلشن   عشقدی   اوز   بلبلنی  گل   چاغورور مجلسه    ایله   نظر   بلبلی    بلبل    چاغورور دوتوب هر  بیر طرفی مادح  خوشخوان به به سسلری  هر کس   او سلطان  ولانین  آدینی مشق  ایدوبدور   اوزینه خلق  رضانین  آدینی بیزده    بوردان   او   غریب  الغربانین  آدینی دییروخ   خوشی دلیله   هر دم  و هر آن به به ایّها  الناس   بیلون   خسرو   امجد دی   رضا اؤزی  دریای   کرم   سرور   سرمد دی   رضا جان    زهرا   و   علی   روح   محمّد دی  رضا سبب    دین    خدا   رونق       قرآن     به به مشکله  دوشسه بو دنیاده  بیری خوار   اولسا چاره سیز    قالسا   بیوک  درده  گرفتار اولسا یتر     آماله    بونون    قبرینه    زوّار     اولسا ایلمز    بیر کسی   مأیوس   بو  سلطان  به به آچیلوب   ملّت   اسلامه   بو  رحمت   قاپوسی باغلیوب    باب   خرافاتی   حقیقت   قاپوسی قسم  اللهه   بودی   خلقه  شفاعت   قاپوسی حشرده   قویماز    اولا   خلق  پریشان  به به غم   دوتاندا   هامونین   قلبنی   روز  عرصات ویره جاق شیعه لره  غصّه و غمدن  بو نجات بیله   بیر  سروره  هر  یرده   دیولسه  صلوات اوزی  حاضردی   ایدر   لطف  نمایان    به به بودور   عالمده   وئرن مکتب   اسلامه   شرف بودی    دریای   محبّتده   دُرِ      دینه    صدف بیزه  عالمده   بودی مقصد و   منظور  و  هدف تاپوب   عزّت    بونیله    ملّت    ایران   به به  ( شالچیانین) ائوی بو شعری«علومی»اوخودی مجلس جشندی سوز مشتریسی چوخ   چوخودی لیک صد حیف اولا فرسادی بو پرده  یوخودی او    دیردی   بیله    اشعاره    فراوان     به به **   محمدحسین کتابچی (علومی تبریزی) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨