کوچ از کربلا {جوشی سینه زنی}. 🖤آواز دشتی🖤 🎤با صدای محمد حسینی

کوچ از قتلگاه کربلا -----------☆☆☆--------- من علینون قیزیام درد وغم آغلاتدی منی کسیلن قولاری صاحب علم آغلاتدی منی بار الاها نجه گور غم منی ویران الیوب یدی قارداشی اولان زینبی ویلان الیوب دشمنین قوردوغو تور قزلاری نالان الیوب اوت دوشنده بابامین همسری آغلاتدی منی یادیمه دوشدی بقیعنون دری آغلاتدی منی اول ابالفضلی کی هر ان دولاناردی باشیما راضی اولمازدی بو احوالیمه یا گوزیاشیما کوفیان ظلم الیوبلر اوجا بوی قارداشیما اول علمدارین اوجا قامتی آغلاتدی منی یوزو اوسته یخلوب محنتی آغلاتدی منی نیلیوم چاره سیزم یوخدی بیر امداد ائلین یاخامی شمرین الیندن گلیب ازاد ائلین نیه یوخدور بو رقیه بالامی شاد ائلین بو رقیه قیزیمون سوزلری آغلاتدی منی ظلمیلن اوتدا یانان معجری آغلاتدی منی اکبرو اصغر و قاسم هامیسی قانه باتوب اولدروب اونلاری لشکر بوگون اهدافه چاتوب نهر علقم ده ابالفضل دلاراده یاتوب اکبرین پاره لنن پیکری آغلاتدی منی التی ایلیق بالامین حنجری آغلاتدی منی ای منه یاور و یولداش سسیمه سس ورحسین یاتما گودالیده قارداش سسیمه سس ورحسین توکورم چهریه قان یاش سسیمه سس ورحسین قلبیوون یاره سی قارداش بودم آغلاتدی منی اتدیگون قاتله لطف و کرم آغلاتدی منی ای فراتین سویی لب تشنه لرین قاتلسن چونکه یوخ سنده وفا قاتل و هم باطلسن اخموسان چوللره از بس کی بیزه غافلسن سنه یالواردی علی لبلری آغلاتدی منی ورمدون اصغره سو حنجری آغلاتدی منی زینبین اغلاماقی قلبیمی ویران ادجک بو گجه بو قلمیم عشقیله طوفان ادجک سوزی (فیروزی) یازبدور سنی نالان ادجک بوحسینون شرف و منصبی آغلاتدی منی اول خانم فاطمه نون زینبی آغلاتدی منی 😭😭😭🖤🖤

سینه زنی ،،،تنور خولی زبانحال حضرت زهرا سلام الله علیها حاج حسین غفاری اردبیلی آی تشنه قربانیم لایلای اوغلوم شاه شهیدانیم لایلای اوغلوم یاتما کول اوستونده باغریم قاندی قربان سنه جانیم لایلای اوغلوم روح روانیم سن آرام جانیم سن اولدوز کیمی گویدن آخدیم گلدیم ساچلاریما قانون یاخدیم گلدیم سینووه مقتلده باخدیم گلدیم اولمادی درمانیم لایلای اوغلوم کیم باشووی کسدی اوغلوم عطشان قزلارون چوللرده قالدی ویلان آتلار قباقینده گریان نالان بیر سوری جیرانیم لایلای اوغلوم بو یارالی باشه من قربانم اوچ گوندی چوللرده سرگردانم سندن ساری نامرده مهمانم آی غملی سلطانیم لایلای اوغلوم زهرانی بیر تازه درده سالما سس وئر آنون قربان ساکت قالما بو فرصتی مندن اوغلوم آلما آی قانلی قرآنیم لایلای اوغلوم زهرا پریشاندی دیداروندن یاندی یانان قلبیم گفتاروندن قوی بیر ئوپوم قانلی رخساروندن شمع شبستانیم لایلای اوغلوم چوللرده اوغلوم بی کسدی گوردوم گودالیده طوفان اسدی گوردوم قاتل باشون تشنه کسدی گوردوم باشلاندی طوفانیم لایلای اوغلوم ✍غفاری اردبیلی

سینه زنی ،،،تنور خولی زبانحال حضرت زهرا سلام الله علیها با نوای حاج نادر جوادی اردبیلی 🖤🖤🖤😭😭😭

دفن شهدا . رحیم شایان . سبک : یخلدی سقا یره باش یارالی قان گلور... . قبیله اهلی گلون دفن ایداخ ئولن لری کمک لشون تا تاپاخ بی کفن بدن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ . گلین تاپاخ سینه سی اودلانان حسینی بیز کسیک باشی ظلمولن ذبح اولان حسینی بیز بو داشلار آلتیندا کی اوخلانان حسینی بیز شهادتین آختاراق شربتین ایچن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ . گورون هایاندا دوشوب اکبرین جنازه سی هایاندا دی قاسم دلبرین جنازه سی اورک لری داغلیار اصغرین جنازه سی فلک گورنمز داخی بیله جان ویرن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ . گلون گیداخ منله بیر علقمین کنارینه بیر آغلیاق ساقی و مشگ اشگبارینه بیچیلمیش اعضاسینی دفن ایداخ مزارینه فلک گورنمز داخی بیله جان ویرن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ . بوچولده دی آختا رون عون و فضل و جعفری بویرده عبداللهین دوشدی خیردا پیکری هایاندا دی عمه مون نوگلان پرپری فلک گورنمز داخی بیله جان ویرن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ .

«دفن شهدا» #سبک_منیم_ای_تشنه_قربانیم #سبک_علی_اصغر_مه_انور محمد علی مصیبی تبریزی گلوب دستورسجّاده ؛ گرک عزّت مکان تاپسون حسینون پیکرین دفن ائت حرارتدن امان تاپسون یدالله اوغلی نوک نی ده کی باشلاردان آیریلدی اسیران بلادن غملی یولداشلاردان آیریلدی الهی حکمیلن باشسیز قالان باشلاردان آیریلدی امامین دفنینه غیر از امام اولماز گمان تاپسون دیلینده ذکر یا زهرا ئورکده شورش محشر اراده ائتدی صحرای بلانی اول ملک منظر یتیشدی طی الارضیلَن او دشته نائب حیدر صولان گلزاری آختارسون گولون تاباغبان تاپسون نه گولشن ؛ گوللرین خار مغیلان پایمال ائتمیش هجوم صرصر کین قامتین طوق زوال ائتمیش یانان بیر اوتدا گولزارین اسیر اشتعال ائتمیش او خاکستر نشان چولدن گرک بیر پرنیان تاپسون بیلوردی آختاران گولده نه بیر گلبرگ حَمرا وار پوزولموش ساقه قدّی،نه وار شاخه نه اعضا وار و لیکن بو گل زهراده بیر عطر دل آرا وار کی رشک ایلراگر اوُل عطریدن بیرآن جنان تاپسون همان بیر یئر کی آل حیدرین صبری تالانمیشدی همان یئر کی او یئرده جام اجلالی جالانمیشدی چاتوب بیرمقتله گوردی داش اوسته داش قالانمیشدی کناره داشلاری چکدی کی کامین کامران تاپسون چکوب شیرازه سیز قرآنی آغوشه ولیّ دین همان صدچاک اولان اعضایه آچدی بیر گوگل سرّین دیوب؛دور،گلمیشم باشسیز بو جسمی ایلیم تدفین روا دور جسم بیماریم بو نوعی امتحان تاپسون؟ اولوب یاور قبیله اهلی بیمار دل افکاره نهایت بیر حصیر آماده اولدی شاه خونباره ییغیلدی اول حصیرایچره همان اعضای صدپاره کسیلمیش اللرینده قویدی جسمین شکلی جان تاپسون مطهّر جسمی تا یتدی آقا بیر قبر معلومه گوزی یاشلی باخوب بیر سینۀ سلطان مظلومه گوروبدور بهترین یئردور او یئر بیر طفل معصومه اوحسرت سینیه،بیرسینه اوستونده مکان تاپسون صورا آختاردی جسم اکبریندن تاپدی بیر آیت دئدی آلدیم ربابین گویلونی اولدیم بیر آز راحت نئدوم تا لیلی زاره آز اولسون شدت محنت قازوب پایین پاده قبرینی تا آستان تاپسون بنای قبری تاقویدی گوروب قبراولدی شش گوشه بلشمیش قانه گوزیاش کاسۀ گوزدن گلوب جوشه ئورکلندی چکوبدور توزلی قبر شاهی آغوشه دئدی ششگوشه مرقددن صفا هفت آسمان تاپسون صورا توپراقلار اوسته بیله یازدی سیّد سجاد بو ششگوشه بنا کی دشت ماتمده تاپوب بنیاد حسینون قبریدور ایلر بو ویران ئولکه نی آباد نه تنها کربلا بلکه صفا کلّ جهان تاپسون باخوبدور صونرابیله گوردی اول درگاه بس فاخر گرکدور مدخلینده بیر نفر دربان اولا طاهر حبیبی دفن ائدوب سرْ درده تا هرآن گلور زائر بو دربانین صفاسیندن صفا اول میهمان تاپسون اولوب فارغ بو ایشلردن امام و سرور اوتاد روا بیلموب قالا باشسیز او باشسیز مابقی اجساد قازوب بیرقبرآتمیش نئچه گوهر دفن ائدوب سجاد نشاط معنوی شه دن بوتون باشسیزقالان تاپسون امام واجب الطّاعه ائدوبدور علقم آهنگین دوتوب یوز یار و همراهه آچوب سرِّ دل ِتنگین دِیوب هرکیمسه آختارسون حسینون تشنه سرهنگین اوجسمی آختاران اوّل کسیک قولدان نشان تاپسون اولوبلارپیکرین جویا همان حکم و خطاب اوسته کسیک بیر قوللاری آختاردیلار قانلی تراب اوسته کیچیلمیش نعش عباسی تاپوبلار نهر آب اوسته توکوب گوزیاشی سجادآزقالوب روحی تکان تاپسون دییوب؛ دار جهاندا بیر بئله تاج ِسر اولمازدی عَموم تک کشتی قرآن و دینه لنگر اولمازدی علی المرتضایه بیله ، بیرکس بنزر اولمازدی فتوّت درسینی عبّاسیدن هر پهلوان تاپسون کیچیک بیر قبر قازدی دوغرانان بیر قدّ رعنایه بیچیلمیش نعشی قویدی قبره اولسون دشته پیرایه کسیلمیش اللرین همراه ائدوبدور نعش سقایه محال امریدور بیر ایله ال کون ومکان تاپسون یازوب اول قبرین اوسته بوردا بیر درد آشنا یاتمیش همان بی بال و پر شهباز مُلک کربلا یاتمیش شهنشاه ولانین هنگینه صاحب لوا یاتمیش عمومدان غیرتین معناسینی پیر و جوان تاپسون درود ایله امامه قان دولان نعشه کفن ووردی الیلن قازدی اول توپراقی بیربیت الحزن ووردی ولی افسوس شمر ایله اله بند رسن ووردی او اللردن شفاعت حشریده هرنوحه خوان تاپسون #مصیب باب دفنه سۆز یازانمازدی قالوب یازدی قدیمی نوحه لردن شعرلردن درس آلوب یازدی بوشعره #ذهنی و #صافی سوزوندن دوز سالوب یازدی الیندن بو گلور بلکه جهنّمدن امان تاپسون

#مداح_اهلبیت_احسن_حبیبی_عاشورای_حسینی۱۴۰۳ #جوشی_زنجیر_زنی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#مداح_اهلبیت_احسن_حبیبی_عاشورای_حسینی۱۴۰۳ ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

کوچ از کربلا وداع زینب (س) با نعش برادر 🎼 سبک: ویرانه ده نازلی بالام... 📝◾️مرحوم غمکش گل پیکری عریان قالان قارداش خداحافظ نعشی قالان بی سایبان قارداش خداحافظ دشت بلانون محنتین بیز وئردوق اتمامه قانه بویاندون، کوفیان یئتدی اخا کامه عریان دوه اوسته باجون راهی اولور شامه دور سال یولا وئر بیر اذان قارداش خداحافظ آتما بیزی گؤزدن حسین ای خسرو خوبان باخ عترتین احوالینه جانیم سنه قربان منزل اوزاق عریان دوه قولدا رسن، نالان دللرده یوخ تاب و توان قارداش خداحافظ السیز ایاقسیز قیزلارون هر چند ائدر فریاد رحم ایلمز گؤزیاشلارا بو قوم بد بنیاد بیر کیمسه یوخ امداد ائده لطف ایله قیل امداد غمدن اولوبلار باغریقان قارداش خداحافظ اوّلده قارداش اولموشام من سنله هم پیمان صبر ایلرم هر محنته ای شاه مظلومان سن نیزه ده من ناقه ده شامه گئدک مهمان سن ناگران من نوحه خوان قارداش خداحافظ نیلوم برادر وئرموری مهلت منه عدوان نعشون آلام آغوشیمه افغان ائدم بیر آن جسمون کیمین گیسولریم قاندان اولا الوان فریاد ائدم وای خسته جان قارداش خداحافظ هر دم آخار رخساریمه بو غصّه دن قانیاش وئرمز اجازه زینبه بو لشکر اوباش گل جسموی کفن ایلیم دفن ایلیم قارداش بی رحمیدی بو کوفیان قارداش خداحافظ ایله نظر احوالیمه زار و گرفتارم یوخ اکبر و قاسم داخی محزون و بی یارم عفو ایله قارداش زینبی گئتماقه ناچارم شامه روانم بی امان قارداش خداحافظ «غمکش» روادی آغلاسون بو غمده روز و شب آغلاتدی یکسر عالم بالانی بو مطلب عریان دوه اوستن دؤنوب باخدی خانیم زینب گئتدیم دئدی بی پاسبان قارداش خداحافظ #محرم_۱۴۰۳ #یازدهم_محرم #کوچ_از_کربلا ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

کوچ از قتلگاه زبانحال حضرت سکینه (س) به ساربانان #سبک_ای_شاه_مظلومان_حسین ( سبک متفاوت سینه و زنجیر و ... ) #سبک_آی_قارداشیم و ... مرحوم سعدی زمان ای ساربانلار وورمیون عمّم حیالی زینبی رحم ائیلیون،اینجیتمیون یاسلی عزالی زینبی فریاد و دادین ائتمیون،الده بهانه ویرمیون دؤندرمیون گؤز یاشینی،ظلمیله قانه ویرمیون بسدور اسیر ائتدوز داخی،چوخ تازیانه ویرمیون معصومه‌دور فرض ائتمیون ،سیز لاابالی زینبی زلفین آنام زهرا کیمی،آلسا اله چکسه فغان تشکیل دنیانی پوزار،شور و نشور ائیلر عیان امّا اؤزی عهد ائلیوب،وئرسین بابام تک امتحان اؤز عهدی وادار ایلیوب،صبره وفالی زینبی بدر و احد قیدینده ای،آل امیّه قالمیون شیرخدا هر قان تکوب،دادین بی بیمد‌ن آلمیون انصاف ائدون ای کوفیان،جبراً ایاقدان سالمیون باغ ولایتده اولان عصمت نهالی زینبی الد‌ن گئدوب قارداشلاری،یوخ چاره‌سی بیچاره‌دور از بس ووروبسوز کوینگی،اگنینده پاره پاره‌دور قوللار زبس قمچی ییوب،نیلی اولوبدور یاره ‌دور قانیله قمچی ائیلیوب،باشی حنالی زینبی مهلت وئرون بوبینوا،ائتسون دؤیونجا آه و وا قارداش دیینده وورمیون،آز ائیلیون جورو جفا قارداش یانندا باجینی،وورماق دگول شرعا روا یوخسا مسلمان بولموسوز،باشی بلالی زینبی اخطار ائدوب بوامتّه،جدّیم رسول کردگار وار حرمتی هرکیم حر‌م،آهوسینی ائتسه شکار جدّیمد‌ن اصلا ائتمه‌دوز،ای بیحیا‌لر ننگ و عار سالدوز بودام ذلّته،کعبه غزالی زینبی قارداش غمینه هر باجی،لازمدی سینه داغلاسین سیز وئرمیسوز بیرآن امان،عمّم دویونجا آغلاسین یا وَیحَ قَلبی ، عمّه مون،کیم بس یاراسین باغلاسین ای کاش آنام زهرا گلوب،گؤرسون یارالی زینبی تاراج ائدوبسوز معجرین،قانیله گؤز یاشین قاتوب قمچی یریند‌ن قان آخوب،زلفی یوزی قانه باتوب از بس گوروب غم غصّه لر،اؤز فکرینی باشدان آتوب فکر و خیال اهل بیت،ائیلوب خیالی زینبی ایستر بو زینب خاطرین خلّاق حیّ و لامکان مشکلده قویماز دردینی هر کیم بونا ائتسه بیان باخما فشاره دوشموسن رمزیله سعدیّ زمان اوز شرح حالوندن ایله بیر شمّه حالی زینبی #سعدی_زمان ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

دفن شهدا مرحوم سعدی زمان بودور شریعت پیغمبر اُلسه هر مسلم ایده لّه غسل و کفن، بو گوزل شریعته باخ جوان اوغول نه گوزلدور آتانی قبره قویا نقیض مطلبه باخ، کربلاده محنته باخ حسینون اکبری ئولموشدی، کیم ایدِیدی کفن قوری یر اوسته قالوب جسم پاکی، حسرته باخ بدن یارالی، قوری یر، جنازه سی عریان او پاک جسمیده باشدان باشا جراحته باخ ووروبلا گون کیمی باشین جدایه اهل جفا بلالی زینبه محشردی، بیر قیامته باخ دیمه اولونمادی مظلوم امامه غسل و کفن کُتُب ده معتبر اخباره باخ، روایته باخ ویروبله قانیله غسلین عزیز زهرانون حُنوط جسم شریفینده قانلی تربته باخ اَلنلر ایچره حسینون بیر امتیازیده وار سوالون اولسا جوابینده طرز صحبته باخ بو رسمیدور اُلنه اوچ کفن اولور امّا حسینه بِش کفن اولدی، جلال و عزّته باخ یارالاریندان آخان لخته قاندی بیر کفنی ایکیمجیسی خس و خاشاک اولوبدی، خلعته باخ امان اوچومجی کفندن که ایتدی سُمّ خُیول اوزی دیوب سَحَقونی، همان عبارته باخ مُخدّراتین اولوب زلفی دوردومونجی کفن جنازه اوسته عیال شه ولایته باخ مُحجّبات پریشان ایدوبله زلفلرین ایدولّه جسم حسینه کفن، محبّته باخ ندور بِشیمجی کفن، شرحینه حیا ایدورم گَلوب آتانی اوغول دفن ایده، او ساعته باخ آتا جنازه سینه بیر حصیر چولقالادی وجوده باخ، کفنه باخ، او کانِ رافته باخ ایدوب آتا اَیاقی آتدا دفن قارداشینی یاتوب آتا بالا بیر یرده، خوش فراغته باخ طواف مرقد شش گوشه بیرده اولسا نصیب «حسینی» ایله دعا، صدقیله اجابته باخ #دفن_شهدا #سعدی_زمان ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب(س)در قتلگاه مرحوم میرزا عبدالوهاب حقیرخویی #سبک_آنام_آغلاما_باجیم_آغلاما #سبک_بالام_آغلاما_گلوم_آغلاما #سبک_باجی_دورگئداخ_باجی_دورگئداخ #دولانور علی قیزی مقتلی بو نفاق چرخ سپهردن بوکولوبدی قامتی زینبون اورگینده دمبدم آرتوری اَلَم و مصیبتی زینبون بیر اوتان بو قدر جفا ندور فلک آل پاک پیمبره بو نه جور و ظلم و نه کینه دور بو حریم عترت حیدره نه روا سکینه اسیر اولا بو سَنان و شمر ستمگره حذر ایله شرط وفا دگل اولا هتک حرمتی زینبون قولی باغلی خیل اسیرلر چکیلوبدی قید سلاسله حرم اهلی دستهٔ گل کیمی دوزولوب نظامیله سلسله سفر ایلر ایمدی بو کاروان خبر اولدی کوچ ائده قافله اولا شهر شامه طرف روان بو قطار محنتی زینبون چوورنده قتلگهه اوگون چو مهار ناقه نی ساربان یتیشن زماندا نه گوردولر توکولوب جنازهٔ بیکران دوزولوبدی پیکر چاک چاک هامی زخم تیغیدی هم سنان بو بساطی گوردی فزون اولوب الم کدورتی زینبون نه گوروب که گلشن فاطمه پوزولوب هجوم سمومیدن یخلوبدی قامت سرولر یره زخم تیشهٔ قومدن یوزی اوسته بیرجه بدن دوشوب که فزوندی زخمی نجومدن نظری دوشنده نه حاله گور دوشر اوندا حالتی زینبون چکوب آه و ناله فغانیله بئله عرض قیلدی که یا اخا سنه کیم بو ظلمی روا گوروب منی ائتدی هجریده مبتلا نجه قان ایچینده گوروم سنی بو یارالی جسموه من فدا نظر ایله قان کیمی دیده دن آخار اشگ حسرتی زینبون باخورام که پیکر نازنین داغیلوبدی کثرت یاره دن بولورم زیاده ویروبدیلار یارا اوسته یاره دوباره دن بو قدر جراحت کارگر که بدنده چوخدی ستاره دن نجه صبر و تاب و توان قالور توکنوبدی طاقتی زینبون دئدی شرح حالینی بیر زمان توکوب اشک دیده نی دمبدم چاغیروب فغانیله یاعلی بو بلا دیارینه قوی قدم پوزولوب اساس جلالیمیز قریلوب سپاه یاتوب علم یتیشوب زمان اسیرلیق داغیلوبدی شوکتی زینبون بو همان حسینیدی فاطمه بویودوبدی نازیله سینه ده هم آلاردی دوشینه مصطفی بو همان حسیندی مدینه ده گور آلوبلا نیزه ده چیگنینه باشین ایمدی لشگر کینه ده بو بلا چولونده قیام ائدوب بابا گور قیامتی زینبون بولوسن که اوّل امریدن سنه امر ائدوبله بو خدمتی نقدر که الده دی اختیار هدر ائتمه الده کی فرصتی اؤز ایشوندی ایله«حقیر» جهد گئدر عمر بیر قالی حسرتی وار امید روز جزا سنه یتیشه شفاعتی زینبون #کوچ_کربلا #حقیر_خویی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨