شرار غمده منیم یاندی جسم و جانیم ای عمه خرابه یرده داخی قالمیوب توانیم  ای عمه ترحم ایتمدیلر عمه جان بو گوز یاشیما من آغلیاندا او دم که وفالی قارداشیما وراردی شمر لعین قمچیله هی باشیما مثال گل کیمی سولدوم یتوب خزانیم ای عمه؟ مدینه قزلاری غبطه ایدردی حالیمه یکسر نچون که دهریده اولدوم وفالی اکبره خواهر اولوب قاره گونوم ایندی ئولوبدی قارداشیم اکبر داغیلدی عزت وجاهیم گدوبدی شانیم ای عمه سزادی گوزلریم اولسون همیشه لیق گریان بو غصه ایلدی عمه  گویول ایوین   ویران بو یولدا چوخ منه سیلی ویروبدی زجر و سنان یوزومده سیلی یریندن قالور نشانیم ای عمه خیامی میز او زمان که جفا الیله تالاندی تیکان لار اوسته قاچاندا ایاقلاریم یارالاندی اولاندا غارت گوشوار غمیم غم اوسته قالاندی اولوبدی یاره قولاقیم آخوبدی قانیم ای عمه طریق شامده قالدیم  او دم که من تک و تنها دوشوب مخوفه قاچاردیم او چولده صاقه صولا تاپانمادیم سنی من،زجری گوندوبدی قضا ویروبدی سیلی که لکنت دوتوب زبانیم ای عمه یارالی بیر  قوشام آخر خرابه کنجی قفس بابام دوشوبدی یانان گویلومه هایاندادی بس یاخیندی آیریلا روحیم باتا بو یورقون سس بابامه بسته دی چون روحیله روانیم ای عمه بو یولدا چوخ زحماته تحمل ایتدون سن منه گوره سنی عمه دویوبدی چوخ دشمن اجازه ویر الیوی عمه بیر دوینجا اوپوم من دیوم جانیم سنه قرباندی مهربانیم ای عمه توسل ایله بو خاتونه (جنگی )سینه وی داغلا رقیه آدی گلنده عذاره اشگیوی باغلا مزاری گر اولا قسمت دینن بونوحه نی آغلا خرابه یرده داخی قالمیوب توانیم  ای عمه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#کوچ_از_شام بو خرابه نی ائلمه وطن باجی دور گئدک باجی دور گئدگ آتا باشی سینه ده جان وئرن باجی دور گئدک باجی دور گئدگ . . اُسَرا قطاری دمشقیدن دوشوری حجازه طرف یولا بابامین زیارتی وار گمان بیزه اربعین ده نصیب اولا بیلورم مزاریده یاتموسان باخوری گوزوم گنه صاق صولا گوزومه گورونموسن حیف سن باجی دور گئدک باجی دور گئدگ . . گولِ عمر کلِّ خلایقی بیلورم خزانه اجل چکر هامی آرزولرینی قویار اؤرگینده کلک خلل چکر سنی مندن ائتدی اجل جدا باجیدان مگر باجی اَل چکر باجیسین همیشه چوخ ایستیَن باجی دور گئدک باجی دور گئدگ . . سنی قویدی قاره گونه فلک گینوب قرا قره باغلادون بو خرابه شامه کیمی باجی مَلَه دون اؤرکلری داغلادون دَوَه اوسته یولداشیدون منه گجه آغلادون گونوز آغلادون گوزوون یاشین منیدوم سیلن باجی دور گئدک باجی دور گئدگ . . نقدر کتابِ عزا و غم یازیلا باجی سوزی بوردادی آتاما عزیزه اولان قزون بیله جک هامی ئوزی بوردادی وطنه گئدور قیدوب گلر خانم عمه مون گوزی بوردادور قالا چوخ چتین نگران گئدن باجی دور گئدک باجی دور گئدگ . . ساغالان دَگُل قویالار دوا نَقَدَر بو یاره نون اوستونه قفسینده یِل دَگه توز قونا نه روا قناره نون اوستونه باشینی یاتاندا عزیزه قز قویا خشت پاره نون اوستونه قوری یرده ای اَریَن بدن باجی دور گئدک باجی دور گئدگ . . باجینون سوزون خوش اولار باجی ائشیدوب اگر یره سالماسا قره کوینگ عمّه لرون باجون گینوب قرا گئدوروک یاسا سنی اکبرون جانی آی باجی ایاقوندا کی یارا توخداسا آرالانما باجیدان عمّه دن باجی دور گئدک باجی دور گئدگ . . نقدر ساغام نفسیم گلور پوزاجاق منی محنون سنون وئریلنده غسل جنازووه سویولاندا پیرهنون سنون قویولاندا مغسلون اوستونه گورونن زمان بدنون سنون باشا ووردی آغلادی غسل ائدن باجی دور گئدک باجی دور گئدگ . . دیورم اؤرک لره نقش اولا اثری قالا بو سوزون باجی گوروننده قمچیلرون یری هامی فوری یومدی گوزون باجی بی بیم اولماسیدی ، رباب آنام او گون ئولدورردی ئوزون باجی دئدی بس هانی بالاما کفن باجی دور گئدک باجی دور گئدگ . . باشوون بلاسینی گور فلک باجی جان یتوردی هارا سنون بدنونده قمچیلرون یری ایاقوندا قالدی یارا سنون هامی قبره آغ گینوب گئدر کفنونده اولدی قرا سنون قره بخت اولور قره پیرهن باجی دور گئدک باجی دور گئدگ . . بو اوچوق حصاریده ائتمه سون غم و غصّه دن ئوزووی رها کمک ائتسه حق بو خرابه یر اولاجاق عمارتِ پر بها هامینون عزیز لیگی بسته دور بو جهاندا بیر اولان الّلها هامونی عزیز اودی ایلیَن باجی دور گئدک باجی دور گئدگ . . دیریلیکده هی بشیک ایستدون یتشنده فکریوه صود امر سنه بیز بشیک تاپا بُلمدوک یوزه توکدی گوزلرون اشک تر او قدر مریدون اولار سنون بو یره زیارتیوه گلر گتورر بشیک سنه هر گلن باجی دور گئدک باجی دور گئدگ #کوچ_از_شام ✍بقلم زنده یاد استاد حاج انور اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت رقیه (ع) ________________________ من فاطمه ثانییم ای قاره گیینللر مظلومه ئولن حالیمه ای نوحـه دینللر بیرسوزدییم ای دوز سوزی هرلحظه بیلنللر محنت قَلمی سینمـه غم غصه نی یازدی آلدی جانیمی غصه ؛بیبیم قبریمی قازدی من فاطمه ثانییـم ایدیـده گلنللر اُمیـدیلـه الان درِ اُمیـده گلنللر ای غمزدهلر ؛ سینه سی رنجیده گلنللر زهرا نوه سیدیم منـه ده وئردیلا سیلی زهرا کیمی من قبریده یاتدیم یوزی نیلی من فاطمـه ثانییـم ای شام خرابه علت نَدی رحم ایلمـدون چشم پر آبه خوش باخمـادون عالمده نَدن آل ترابه تپراقیوون هش اولمادی ایمانی نَـدَنـدی زهرا قیزینـون زلفونـه تپراقونَ النـدی من فاطمـه ثانییـم ای نـارس آغاشلار آغلار منیم احوالیمه صحراده کی داشلار هاردا گورونوبدي اوشاقی دشمنی داشلار داش وئردی بیزه کوفه و شام اهلی اللهی عورت ؛اوشاقین جنگیده واردور نه گناهی من فاطمـه ثانییم ای اهـل زمانه آز سینیله غمللر گتیریبدور منی جانه زهرا کیمی غمللر منی اتمیشله نشانه اللهـدان ئولوم ایستیورم هَمَشه منده چون غمللر الینن ئولـوم ایستردی ننمده قلبیم قوشی چونکی بابامی هَمَّشه ایستر بو پیکـریمون بندی بوتون آدینی سسلر چون عشقینی دائم بویانان سینه هوسللر علت اودی اونسوز منه زنداندی زمانه ویرانیه گلسه دونجاخ باغ جنانه #پریشان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ✏️زبانحال حضرت زینب (س) در بالین حضرت رقیه(س) آنا جان یازهرا 🌷 بو شهر غربتده منی قویدی تنها رقیم ئولدی قره گوز جیرانیم 🌷 ال اوزدی زینبدن کول اولدوم واویلا رقیم ئولدی 🌺🌺🌺🌺🌺🌺🌺🌺 سارالوب سولموشدی بو بزم ماتمده نه نوعی صحراده چمن اولسیدی بالامون اندامین بوکردیم گوز یاشلی الیمده غربتده کفن اولسیدی کفنون اوستونده یازاردیم بو آهو قالوبدی چوللرده ئولوبدی اللرده گتیرردیم نعشین کناره قبرونده قویاردیم تپراقه وطن اولسیدی 🍁🍁🍁🍁🍁🍁🍁🍁🍁 گئجه لر آغلاردی دئیردی آی عمه کوسر اکبر گورسه منی معجرسیز اونا یاز بیر نامه دئین گلمه شامه باجون تپراقلاردا یاتوب بسترسیز سایارام گویلرده گوزل اولدوزلاری چیخار گون اما من گوزوم باغلانماز ندور آیا چاره م هر آخشام بیدارم یوخوم گلمور قارداش علی اصغرسیز 🍁🍁🍁🍁🍁🍁🍁🍁 دوداقینان ئوپدوم دئدیم یات یورقونسان بیبون اولسون قربان غزالیم لایلای سوروسوندن آیری دوشن جیرانیم وای خداحافظ یورقون مارالیم لایلای بو اوزون یوللاردا سینق محمللرده قرانلوق چوللرده ایاقدان دوشدون اوخیاردوق نوحه دئینده من قارداش دئیردون سن بیکس یارالیم لایلای 🍁🍁🍁🍁🍁🍁🍁 ائله کی طشت ایچره یارالی باش گلدی بالام دوردی یردن دئدی جان بابا نئچه لحظه باخدی یارالی مهمانه دوداقلارین گورجک دئدی یا زهرا ائله بیل پروانه ئوزون ووردی شمعه یتیشدی مقصوده کول اولدی یاندی دوداقیندان ئوپدی یخیلدی جان وئردی توکولدی گوز یاشیم مثال دریا 🍁🍁🍁🍁🍁🍁🍁 قره معجر باشدا آخاندا گوز یاشی دیردیم زهرادی گوزل سیمادن دیه بیللم اما چیخاندان یثربدن بالام چوخ غم چکدی ننم زهرادن او قدر آج قالدی ئوزین درده سالدی سارالدی رخساری نگاریم ئولدی ائله بیل بیر ماهی آناسیندان آیری دوشوبدی طوفانه چیخوب دریادن ✍حاج حسین غفاری 🍁🍁🍁🍁🍁🍁🍁 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سبک باصدای مداح اهل بیت #زنده_یاد حاج محمد باقر منصوری اردبیل

‍ بسم الله الرحمن الرحیم شعر زبانحال حضرت زینب س بعد از شهادت حضرت رقیه س و دفن آن حضرت به سبک دلنشین و زیبا بقلم کربلایی ابراهیم تون خوش قلم میاندوآب 🌙🌙🌙🌙🌙🌙🌙🌙🌙 خرابه لرده سولان گل چمن گوزون آچ سنه فدا اولا جان غریب ئولن گوزون آچ زمانه دن نه دیوم؟ فغانه گتدی منی ئورگینی محن و الم بولن گوزون آچ هجرونده ملر عمون گوزیاشین الر عمون کوسمه ای گول نازیم کوسسون گر ئولر عمون بالام لایلای گولوم لایلای نئجه بو گوزلریوی الیمله باغلیارام رقیه جان دیرم غمونده آغلیارام دانیش منیله یانان ئورگیمی بالا آل دانیشماسون گوزلیم سینه می داغلیارام دخت بی کفنیم وای اللرده ئولنیم وای قارداشین فراقیندا قارداش وای دینیم وای بالام لایلای گولوم لایلای قرا لباسیوی من سویوم نئجه گوزلیم مزاره پیکریوی قویوم نئجه گوزلیم او عمه عمه دین دئلیوه قوربان اولوم سنین کیمی بالادان دویوم نئجه گوزلیم دردانه بالام ایوای نازدانه بالام ایوای زینبون دوزومی یوخ هجرانه بالام ایوای بالام لایلای گولوم لایلای گل اکبریم دادیما ئولوبدی غملی باجون ئورگیمی یاریدان بولوبدی غملی باجون کفن گتور باجووا کفن یوخومدی بالا اسیر درد و محن اولوبدی غملی باجون تئز گل ای مه انور زینب یولووی گوزلر گوز یولدا باجون ئولدی گوشواره گتور اکبر بالام لایلای گولوم لایلای 🌙🌙🌙🌙🌙🌙🌙🌙🌙 التماس دعا شاعر اهل بیت ابراهیم تون (خوش قلم میاندوآب) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سبک شعر😭😭 با نوای برادر عزیزم کربلایی پدرام حسن زاده

شهادت حضرت رقیه سلام الله علیها فرهادفکری اردبیلی سبک: یارب کبوتریم... ئولدی خرابه ده یورقون کبوتریم دفن اولدی نیمه شب زهرایه بنذریم دفنین سالیم گجه/نیلی یوزون نجه قبره قویوم گجه/لایلای رقیه جان یوخدور دیَن بیری قارداشی اکبره گلسون کفن گتیرایستکلی خواهره محتاج اولوب باجون بیرقاره معجره دفنه یتورئوزون ای ماه منظریم باشی بلالیدی/قلبی یارالیدی اکبرمارالیدی/لایلای رقیه جان ویرانه نی ائدوب باغ ارم کیمین زیباجمالیدی قاشلارقلم کیمین سیلی دگوب اونا زهراننم کیمین جان اوسته سسلدی گل قارداش اکبریم قان اولدی گوزیاشیم/چکدی بلاباشیم گلمدی قارداشیم/لایلای رقیه جان کرب وبلاباغی یوزدن سیلنمدی اوچ گون خرابه ده آج یاتدی دینمدی ئولدی بالام ولی دردی بیلینمدی چوخ باحیائیدی بونازلی دلبریم محتاج نازیدی/دردی درازیدی حیف عمری آزیدی/لایلای رقیه جان جان وئردی بوبالامن باخدیم آغلادیم قمچی یرین گوروب دنیانی داغلادیم بیلمم نجه گوزون جان اوسته باغلادیم ئولسون دئدیم بیبون سست اولدی اللریم اولدی گونون قرا/من ساخلارام عزا عمون سنه فدا/لایلای رقیه جان اود وئردی ئولمگی قارداش نهادیمه ئولدی بالام گلون غربتده دادیمه دردی سالورننم زهرانی یادیمه ایله خبرگله فریاده ائللریم زهرایه نسبتی/چوخدی شباهتی نیلیدی صورتی/لایلای رقیه جان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ویرانه کیمین عمه صفالی چمن اولماز ویرانه ده ئولم منه قسمت وطن اولماز شاهباز اوج عشقم من بو باغلی شهپریلن سایمارام گلسه یزیدین دختری زیب و زریلن گلسین و زیب وزریلن منده کهنه معجریلن ایلیوم مغلوب ورسوا ملک خلق سلطانیم من (راوی دییر بیر گون تن تراقیلان کنیزلریلن یزیدین قیزی لباسلارین عوض اله دی طلاو جواهرات گلدی برای اینکه بو بالاجا بالانون اورگین یاندرسون اورگون سیندرسون زینب کبری دییر من باخردم ایکی دنه قیز اوشاقدی باهم روبرو اولدولار او هرنه دیدی بو بالاجا بالا جوابن ویردی دیدی نه آتان آتامنان قابل مقایسه دی نه خانوادن نه وارون یوخون هرنه دیدی بالا جواب ویردی بیردن دیدی بولار منیم کنیزلریمدی بولار منیم دوره مده امریمه اطاعت اللر هرنه دیسم بولار انجام ویره لر بورا یتیشنده بالا باشین سالدی اشاقا زینب کبری دییر گوردوم جواب ورنمیر یریدیم بیرآز یاخنا دیدیم قیزیم قوخما جوابن ویر ) دیمه کی عمه لریمدی بولار عزیزیمدی دینن علی قیزی زینب منیم کنیزیمدی عمه جان صبحلر آلام الیمه بو پریشان زفلریم ایلرم دیواره تکیه گوزلرم ئوز اکبریم من دعا ایتدوخجا اشکیم ایسلادار ئوز معجریم گوشه ویران سراده عشق سرگردانیم من شام قیزلاری دیلر بو قیزین یوخدور آتاسی حالینی ایلور حکایت گوز یاشی قاره لباسی باشیمه سن ال چکنده قلبیمین آرتار صفاسی باشیمه تئز تئز الین چک الرین قربانیم من لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت رقیه سلام الله علیها ✍جابر ولدپور ( مژده اردبیلی ) سبک : چو گیسوی تومن...گینه بیر هفته سایدیم‌....عجب محشر یاراتدون پریشانم پریشان آی رقیه آی رقیه نواخوانم نواخوان آی رقیه آی رقیه دیار کربلادن درد و محنت آشنا سی خرابه یرده مهمان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ بهارستان عشقین آی سولان یاس کبودی خلایق کشور عشقین دییللر یوخ حدودی سنه قربان پریشان رینبین بود و نبودی منیم تک سینه سوزان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ گلستان کمالین آی پری چهره هزاری شهید راه عشق و انفلابین یادگاری بساط درد و محنتده غم و محنت دچاری اسیر و دیده گریان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ قیزیم کابینۀ عشق و شرف اعضاسیز اولماز جهاد و انقلاب معرفت معناسیز اولماز حقیقتدیر بوسوزکی مردحق اعداسیز اولماز اولار مظلوم دوران آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ سنه ویران سرای شام ویران مسکن اولدی آنام زهرا مثالی بیت درد و احزن اولدی بیلورسن کی بوامرین باعثی اهریمن اولدی من اولدوم زار و نالان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ قیزیم بار بلایه توش اولاندان آغلارعمّون سرشک درد و اندوهی عذاره باغلارعمّون ئولونجه محنتوندن قلب زاری داغلارعمّون اولار گوزیاشیم آل قان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ پریشان زلفووه گردست غم شانه ویروبدی اوشانه تیر محنت پیکر و جانه ویروبدی ائله پیکان دردی قلب نالانه ویروبدی اولوب عمه ون یاریم جان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ قیزیم یوللاردا کاش ظلمین اشدّین گورمییدیم قیزیم کاش بحر دردین جزر و مدیّن گورمییدیم قیزیم کاش قوللاروندا قمچی ردّین گورمییدیم قرا گوز نازلی جیران آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ یزیدی تخت زرین خلافتدن کی سالدین او بد فرجام و بدذاتین الیندن قدرت آلدین گوزل بیر همّت ائتدین عرش اعلایه اوجاددین به حکم ذات منّان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ یزید بی حیا کی اعتبا رین وئردی الدن کذائی اعتبار و اقتدارین وئردی الدن دیانتدن اوبی بهره وقارین وئردی الدن دانیشدی چونکه هذیان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ غرض هنگامه سالدین مجلس عام یزیده ائله درس ادب وئردین پلید ابن پلیده اونی اوخشادین آخر بیر غلام زر خریده اولا دیللرده عنوان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ نئجه زینب بو همّت صاحبیندن ایندی دویسین نئجه پیراهن عشق و نشان دردی سویسین نئجه زینب حسینین یادگاری قبره قویسین اوجاتسین آه و افغان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه __ سعادت تاپدی (مژده)درگۀ آل عباده دئدی چون ریزه خوارم خوان احسان و صفاده اوبابتدن گوزوم وار شافع یوم جزاده ائدر احبابه احسان آی رقیه آی رقیه اورک داغلارام سنه آغلارام پریشان آی رقیه سرشک غمی یوزه باغلارام پریشان آی رقیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در مدح حضرت رقیه (سلام الله) اولسون سلام دختر زیبا رقیه یه گوزلر شبیه حضرت زهرا رقیه یه اولسون سلام باب الحوائج رقیه یه عشیاقین ایچره سکّه سی رایج رقیه یه اولسون سلام شامیده غوغا ائدن قیزیا بابا دییه دییه ئولوب عرشه گئدن قیزا اولسون سلام زینبی درده سالان قیزا غساله نی ، گؤوَرمیش اوزی، آغلادان قیزا اولسون سلام فاطمه شیرین زبانینه او اوچ یاشیندا عالِمه نین آستانینه اولسون سلام شان و شکوه و جلالیوه نور الهی دن یارانان پاک آلیوه اولسون سلام مکتب و پیمانیوه خانیم قول باغی شامه جک، یورولان جانیوه خانیم ایله دعا کیچیک اَلیلن، ای حسینه جان اولسون همیشه سائل درگاهین « آرباطان» شاعر : ابراهیم قبله آرباطان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت رقیه سلام الله علیها ✅ ترکی کربلایی حجت مرتضایی ( کیان ) سبک : ای آسمان غمون... ای عمه نین گوزلی رقیه بنت الحسین عزیزچشم علی رقیه بنت الحسین باغیمون گولی لای لای شامین بلبلی لای لای اکبرسوگولی لای لای رقیم لای کبود اولان بدنی رقیه بنت الحسین قرا اولان کفنی رقیه بنت الحسین کفنی قارا لای لای بدنی یارا لای لای تکلی گوشوارالای لای رقیم لای ای اوچ یاشیندا آنام حسینیمون بالاسی یارالی قبره گدن ساغالمیان یاراسی ای دین بابا لای لای مظلومه بالا لای لای زینبه آنا لای لای رقیم لای ویروبدی سیلی سنه سنان وشمرلعین نجه گدوم وطنه خجالت اولدی امین فلک درده سالوبدی سنی مندن آلوبدی عمه ن چوخ قوجالوبدی رقیم لای آناما اوخشیوسان سنه چوخ آغلیارام دگوبدی سیلی سنه سینمی داغلیارام جسمون گول کیمی نازدی بیلمزدیم عمرون آزدی عمن قبریوی قازدی رقیم وای گلنمدی داداشون گورنمدب یاروای وطنه گتمدون حیف آلاردی گوشواراوی اکبرین مارالیدون قارداشدان آرالیدون آنام تک یارالیدون رقیم وای سپهر معرفتون ایشیقلی اولدوزوسان عزیز فاطمه سن حسینیمون قیزیسان شامین اولدوزی لای لای گوورن یوزی لای لای قارداشیم قیزی لای لای رقیم لای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨